هههههههههههههههه والله موب عارفة وش أقولانا الحمدالله متزوجة وعندي بنت وولد وزوجي انسان طيب وطبعا حياتنا ما تخلى من المشاكل ككل بيت,,,
أنا طبعي متفاااااااائلة ....مرحة,,,أربع وعشرين ساعة فاردة الخشة وكله أضحك وزوجي حاب هالطبع فيني....حتى لما يهزأني أقعد أضحك وأركض عليه وألمه وأقول انت هيه شعندك ؟؟ليش تهاوشني,,باعضك ترا ..يعني مطنشة للدنيا ...
زوجي يسهر برع للفجر ما أفتكر ..الا بالعكس من يطلع أطق اصبع واستاااااااانس واقعد أسوي شغلات أحبها ...ولا أتصل عليه ,,حتى هو يهاوشني يقول ليش ما تتصلين تسألين عني؟؟؟
تقدرون تقولون اني أحب نفسي..أي مشكلة تصادفني أستصغرها ((دامها مب في ديني ليش أكدر روحي)) ,,أنا بالأصح مابي أحب زوجي واااااااااايد عشان ما أتعب بحياتي ..أحب زوجي بعقل مب بخبال جني مب شايفة ريال:santa_1: ....وبنفس الوقت مدلعة زوجي واااااااااايد وهو بعد ((قولوا ما شاء الله )) بس هالشي تغير:sadwalk(باذن الله فترة وتعدي))
من صرت اتصفح هالقسم بدا الخوف يدخل لقلبي ,,صرت أقرا مشاكل يشيب لها الراس ,,,
ماعرف شصار بالدنيا؟؟؟ كل المواضيع عن الخيانة والضرب واستغلال الزوجة والطلاق و و و الخ,,,,
معقولة مافي رجال صاحي؟؟؟ حتى بعض الخوات اللي ازواجهم مطاوعة وائمة مساجد يخوننهم ؟؟؟؟
احترت ..يا اما الريياجيل كلهم مخهم مقلوب أو الحريم هم اللي ما يتصرفون صح...
فالبداية كنت أرد بحلول للمشاكل وكنت أحصل قبول لردودي لدرجة انه تجيني رسايل عالخاص من عضوات يطلبون مشورتي ((عبالهم الدكتور فيل خخخ)) ما دروا اني انسانة على قدي وعندي مشاكلي...
صار لي فترة مبوزة على زوجي ,,,كله أطالع فيه وأقول معقولة بيكون خاين في يوم ؟؟؟ بيروح لوحدة ثانية,,بيتعاطى ..؟؟؟ بيضرب ؟؟ بيفعل وبيفعل وبيفعل ؟؟؟؟؟
أأأأأأأأأأأأأأأأأأأأأه تعبت ,,,مجرد ما تصير مشكلة عادية وأقل من عادية أقول له بدون تفكير ان فكرت تضربني مب قاعدة على ذمتك دقيقة,,,,ان فكرت تخوني بطلب الطلاق واتركلك العيال ...ان سويت كذا والله لا أشيل شلايلي واروح بيت هلي,,,
وزوجي يقول شفيج ؟؟؟ ليش تتكلمين بهالأسلوب ؟؟ شفيج صايرة عصبية ؟؟؟كل كلمه والثانية تهددين بأشيا غريبة...؟؟؟ ليش تتوقعين الأسوأ دايما؟؟؟ ليش حاطة في بالج اني بكون واحد شين,,,؟؟؟؟
واخرتها اليوم فالسيارة ...كنا طالعين وقلت له قصة وحدة فالمنتدى وان زوجها يشرب ..وقلت مادري شمصبرها على هالعيشة الزفت ..والله رغم اني أحبك بس ((لو )) فكرت بس تسوي هالشي ما يردني الا بيت أهلي...:sad_1:
عصب علي زوجي وقال تغيرتي يافلانة ,,..تراج مصختيها,,,ترضين أقول لو شفتج مع واحد غريب تخونيني والله بكسر راسج واطلقج وافضحج عند العالم؟؟؟ ردي علي شفيج ساكتة,,,تغيرتي صرتي نكدية ,,,متى دورتج ,,ترا لوعتي جبدي من هالاتهامات,,أنا ولد ناس وأخاف الله فيج...
ما مسكت نفسي وقعدت أصيييييييييييييييح ,,,,حسيت اني غبية ,,,معقولة أنا أصير جي,,,؟؟؟
قال والله العظيم ان شفتج قاعدة عالمنتدى وتقرين مشاكل العالم وتجيبينها لبيتنا بفصل النت ...أقريلج شي ينفع حياتنا ,,,لا تشيلين مشاكل العالم على راسج ....مب ناقصين مشاكل,,((هو يشوفني دايما أتصفح المنتدى وهو بنفسه يوديني لدورات ناعمة ))
بنات لا يكون صج احنا كفارات للعشير؟؟ يعني أقل مشكلة نسوي الرجال وحش ونتذكر بس البلاوي؟؟؟
معققولة مافي وحدة مرتاحة بزواجها ؟؟؟؟
خواتي أنا مب كاتبة الموضوع عشان أحصل منكم ردود بس أحس بضيقة (( الله يبعد عنكم كل ضيق))...انا الانسانة المتفائلة اللي كله مفرفشة ولامة الكل حولي الصغير قبل الكبير يصير فيني جي؟؟؟؟
صايرة حساسة وايد مالت علي...زوجي ألحين لو تأخر أقول في نفسي لا يكون قاعد ألحين يغازل فالمجمعات ؟؟؟ وهو المسكين قاعد فالحلاق يرتبون له خشته ولا فالكراج يضبط سيارته...؟؟؟
خلاااااااااااااااااااااااااااااص مب داشة هالقسم كلش ....الله يفرج هم كل مكروبة ويصلح حال الجميع والحمدالله اللي عافانا مما ابتلاهم به وفضلنا على كثير من خلقه تفضيلا بس من جد مب داشة هالقسم ((محد طقج على يدج وقال دشي)) ,,,
أنا بطبعي اذا صارت مشكلة عابرة ما اهتم((دايما أستصغر المشاكل وهالشي مريحني في حياتي))...أعطيكم مثال ,,مرة خدامتي باقت من شنطتي مبلغ كبير وشردت وزوجي قال لبسي عباتج خل نروح نبلغ عليها ,,, قلت له صبر ,,,وأروح اتسبح واقعد أتمكيج واتكشخ ساعة وهو لاعت جبده وهو ينطرني وأنا مغير أضبط في سحنتي ..ولما ركبنا السيارة قلت لزوجي أول شي لازم ما نتهور ...خل نطلع نتغدا برع في مطعم راقي:essen: عشان نقدر نخطط شلون نرجع هالسبالة الشاردة خخخخ.من زينها ولا من زين شغلها ...زوجي فطس من الضحك على العبط اللي أنا فيه..قال صج مينونة وهالشي اللي معلقني فيج ..وصج رحنا تغدينا وبعدين رحنا سينما وبعدددددددددددددين قلت لزوجي ياله خل نروح نبلغ ...هاي مثال من أمثلة كثيرة لحياتي قبل وشلون كنت ضاربة الدنيا بالزنوبة وأحين شلون صرت:tears:...
بنات أرجوكم اعذروني ,,,مادري شصاير فيني ,,كلامي احسه ملخبط ....اصلا موضوعي بكبره مال أمه داعي ...بس احس بحزن وحزن كبييييييير:tears: ...أبي أفضفض...
خاطري اتصل في زوجي ألحين أطلع معاه نتمشى بس احس من اول ما أركب معاه السيارة ببكي,,,
ماحب أشوف انسانة حزينة ...قلبي يعورني عليها ..فما بالكم بكم المشاكل اللي بهالقسم ؟؟؟ تكفوووون لا تتذمرون...اذكرو محاسن ازواجكم لو نص حسنة,,,ترا الدنيا بخيييييييير ...
ملغت عليكم على اخر الليل بس الي تقرا موضوعي تدعيلي يبعد الضيقة عن قلبي فهاللحظة ....
أحبكم فالله ,,,,
