كرهت كل الرجال آآآآآآآآآآآآآآه

[ألم وجراح]

بصراحه تعبت من زوجي اناني مسيطر ممل مايوديني لاهلي الا بالاسبوع مره وحت روحت اهله يتمنن به علي تخيلو يقولي ماتشرفينن :schmoll:
واذا صارت ببننا مشكلة يعاقبن ومايوديني لاهلي ويسكر النت عني زميلاتي مانعن منهن حتى دوامي لو احتاج احد يجيبن او تأخر علي سواق اهلي يرفض يجيبن وياليته عشان دوامه لا بالعكس دوامه على كيفه يقدر يستأذن باي وقت ،،عياله حاشرهم والله اني ارحمهم مافي امل نطلع بر او حديقة نتمشى ،،واذا قلتله ودنا عشان العيال يقول انتي ماتستاهلين مليته والله وكرهته مرررره واتمنى له الموت،،الفاظه بذيئة ويده طويله وكل صفة شينة به آآآآآآآآآآه بس وش اقول وش اخلي اول ماتزوجنى انصدمت من تصرفاته بشهر العسل ماستانست مثل الناس كنت كل شي يبيه اسويه وبدون مبالغة ادور رضاه كنت حنونه معه واحبه اكثر من نفسي واذا كان غلطان علي اراضية كنت اتمنى يصير زي ابوي الله يرحمه ويعوضن عنه بس كل هذا مانفع ساعدوني ماعمري كرهت احد مثل مااكرهه الحين ساعدوني تكفون .....وش الحل دايم بيننا مشاكل وحتى اهله كرهتهم من كثر مايقولهم مشاكلنا تخيلو مره كلمت امه اشكي له تقول خلاص تطلقوا :icon28:
ابي حل تعبت نفسيتي مرررررررررره وينك يااستاذة ناعمة ساعديني

 

[الهنا كله]

شوفي
حاولي انج تتغيرين
يعني طنشيه... لا تسألينه ولا تقوليله يطلعكم... ولا تشتكيله
وعيشي حياتك...
يمكن لما يشوفك متغيره عليه راح يستغرب
وانشالله يتغير للأحسن
:c011::c011::c011::c011::c011:

 

[ألم وجراح]

مشكوره اختي الهناء كله
سويته بس استانس وتريه هو مايهمه طبعه كذا

 

[ألم وجراح]

اعوذبالله 60 وحدةقارين الموضوع بس وحدة ردت

 

[نافله]

دخلي أهلج او حد صالح من أهله ... تركية ايولي عندج دوام وصرف بروحج ما تحتاجينه وعن الطلعه خاي بيتكم ايودونج او همشيه .... ولا تنسين رب العالمين بيكون معاج اذا كنتي معاه

 

[الـ عَ ـنا]

الله يعينك ويفرج همك ياااارب

 

[ريد روز]

الله يفرج كربتك ويسخر لك زوجك ، عيشي لنفسك مو له وإذا أنت تشتغلين يسلام أجل عندك راتب خذي لك لموزين واطلعي أنت وعيالك وانبسطوا واستانسوا ولاتسألين فيه ، بتقولين بيتعود بكيفه يتعود ولا أنت تعيشين بنكد أنت وعيالك وخليلك على طول بشوشه وكاشخه وطنشيه لاتعطينه وجه بس لاتقصرين بواجباته وإذا أهانك بسلاطة لسانه وقفيه عند حده بأنك توقفين كذا وتناظرين له بعين قويه وقولي عيب عليك إللي قاعد تقوله استح على وجهك وخليه وروحي إذا ماتأدب بعدها اطلعي من عنده وسكري الباب بأقوى قوه وقبل ماتطلعين قولي ماعاش ولاكان إللي يذلني وكل مره وقفيه عند حده علشان مايتطاول عليك بعدين.

 

[أم برهووم]

لاحول ولا قوة الا بالله

مومعقوله اكيد في شي غلط تكلمي معااه شووفي شقصته وكلن عنده مشاكل بس مركب ونحاول نوصله لبر الأمان مره تتنازلين ومره يتنازل ويااقلبي محد مرتاح حطي هالشي في بالج

الله يهديه ويسخره لج حبيبتي

 

[كلاسيكـ]

الله يهديه انتي من حقك اتطالبين بانك تتمشين وتطلعين هذي من ابسط حقوقك ياااقلبي لا تسكتين عن حقك لا تصيرين سلبيه خليكي واثقه خاصة انك صح واذماتبين تعتمدين عليه لا تعتمدين روحي واطلعي واتمشي واستانسي انتي وعيالك اوويااهلك لاتضيعين ايامك بالنكدبس اهم شي خبريه انك طالعه واستاذني لانه من حقه انك تستاذنين منه بس اذارفض تناقشي معاااه بهدؤالين توصلين للي تبينه الله يوفقك اختي

 

[lonlyreem]

شوفي دامك في اول الطريق فكري واستخيري اذا ودك تطلقين او تستمرين اما بالنسبه لتصرفاته لها حلول استعملي اسلحتك الانثويه في الوقت الصح وثمني كلامك قدامه قبل لتقولين لانه منصت جيد

 

[السمره]

والله يا عمري اصعب شي على الزوجة ان تكره زوجها وتبقى عايشة معاه انا من رايي اذا تاكدتي من مشاعرك وان الحياة اصبحت مستحيله فالطلاق احسن واحنا بنعيش الحياة مره مو مئة مره
والله يفرج همك

 

[أسيرة الذكريات]

يا اختي ................. الله يهدسج يضربج و تسكتين انتي وييييين عايشة هذا لاعصر يداتنا الله يهديكم يا بنات الريل مب كل شي و الله الكرامة اهم................. يا غناتي ان ضربج اشتكي لاهلج ولاهله و لا تسكتيييييييييييين ابد و اذا كان ضرب مبرح ما لج غير الشرطة................. حبيبتي طوري من نفس و ذاتج و احقريه هالفترة دخلي نادي و اتعلمي تهتمي بجمالج و ثقفي نفسج..............

حبي زوجك بس لا تبديه ع نفسك تراج بتخسري نفسج و بتخسريه معاج و اذا غلط في حقج ليش انتي اللي تعتذري هالشكل علمتيه يتمادى........ فكري زين للمرحلة الياية و انصحج لا تتطلقين ابد ترا كل الريايييل سوا

 

[أسيرة الذكريات]

لا تتطلقي أبد بل كوني ايجابية اكسبيه و اكسبي نفسج

 

[احاسيس*]

الله يعينك ياقلبي...غريبه تجيبين منه عيال وانتي كارهته؟؟
..اهم شي انك تمشين بطريق صحيح ومااغضبتي رب العالمين وهو ربي يهديه ويسامحه..حاولي تكتشفين وشفيه يمكن متزوج عليك او يعيش علاقة حب مع وحده او مايحبك .لازم تعرفين هومعك كذا بس والامع الجميع...

 

[نبع الطيبه]

الله يعينك حبيبتي

يمكن يحب وحده غيرك او متزوج عليك ههههههههه امزح عاد لا تصدقين

تذكري سهام الليل لاتخيب

ولك حبي

 

[المنقبة]

اعتمدي على نفسج ما تعطينه ويه اطلعي انتي مع عيالج وخلي هو بالطقاق عنه ما طلع ولا تخلي يمد ايده عليج الله يعيينج حبيبتي

 

[يـــارا]

الله يعينكـ حبيبتي

للأسف انا ماعندي خبره باالحياة

ما اقدر اعطيكـِ حل بس لا تنسين رب العباد

والله يريح قلبك ويفرج كربك آميـــن يارب العالمين

 

[بحار الاحلام]

هذا مايتادب الي لوريته انجوم القايله
اختي كوني قوية ولاتخلينه يمد ايده عليك واحقريه

 

[ساكن بقلبي]

غلطتك حبيته اكثر من نفسج

حبي نفسج

واهتمي بنفسج لاااا تركضين وراه خليه شوي يحس بفرقاج

 

[دوشه بلقيس]

لمتى هذا الانكسار والضعف انتي استسلمتي من البدايه ..وتنازلتي اكثر وانتي مررررره مكسوره...انا دائما احزن على الاطفال اللي امهم تفضضل الاستسلام على المقاومه...ايش ذنبهم يشوفوا امهم مذلوله
ايش ذنبهم يشوفو الاطفال يطلعوا ويستانسو وهم محبوسين؟؟؟؟؟؟
انا متأكده انك مافضفضتي بعد كل هذا الصبر الا لأنك اكتشفتي ان زوجك يخونك او بيتزوج عليك؟؟
سامحيني بس دايما الزوجه تصبر على الاذيه والاهانه وتحرم اطفالها الحياة بسبب صبرها ...ولما يدخل الشك الى بالها من امرأه ثانيه ....تبدأ في التذمر والشكوى...كثر نساء في المنتدى كذا الله يهديهم