كرهت زوجي ابي حل

[رائحة البنفسج]

السلام عليكم


بعرض عليكم مشككلتي واتمنى ان اجد حل

انا متزوجه من 5سنوات وعندي طفل واحب زوجي وهو طيب

بس من فتره وحده من قريباتي تزوج عليها زوجها فجاه وهي كانت قمة الاحترام والطاعه له فنصدمت من بعدها في الرجا كلهم ومن ضمنهم زوجي

ماتتخيلون وصلت لدرجه ان اكرهه احيانا واحسه اناني وان كل الرجال مايهمهم الا انفسهم

يعني اول كنت احب المواضيع الي فيها تدليع الزوج واللبس له وووو

والان ما افكر ادخلها ولا بعد احس الحريم الي يطقونه مسكينات ومخدوعات

والله ماعاد صرت اهتم بنفسي اول دايم اتمكيج الان لا اهم شي اكون نظيفه


حتى هو ملاحظ وقالي من بعد زواج فلان وانت متغيره

والله مو بيدي بس غصب عني صرت اعامله رسمي وماحب الدلع والنعومه معه

وصايره دايم ازعل وبسرعه على اتفه سبب

تكفون ابي حل:tears:

 

[عنقود عنب]

اجل اختي دام ان هذه تصرفاتك





ابشري بتصرف زوجك مثل زوج صديقتك

استغرب من اللي تصير عندهم ردة فعل عكسية

بدل ما تهتمين زيادة فيه و تاكلين قلبة و عقله تصيرين العكس ؟؟؟؟؟؟

عريبة والله

زوج صديقتك تزوج ....زوجك وش ذنبه ؟؟؟

تلاقين صديقتك الحين هي اللي زاد اهتمامها بزوجها وانت اللي صرتي عكسها


ما بقى عندي شي اقول لك غير الله يهديك بس يا اختي

 

[رائحة البنفسج]

تصدقين ماعاد يهمني يتزوج عادي

مدري جاني برود

بس صرت احسه خاين ومايحب الا نفسه عشان كذا ماعاد اتعب نفسي الا في الواجبات طبخ تنظيف

 

[ميوسه]

رد فعل طبيعي

بس لايزيد عن حده ولاتحسسينه

بعدين اصابع اليد مو وحده

حافظي عليه مازال بين يدينك

موفقه

 

[الساجدة لله]

الصراحه خليني اكون معاج واقعيه..​

بالعربي مالج حق..ايش ذنبه الرجال اصابعج ما هي سواء​

بالعكس المفروض هذا الموقف يزيدك صلابه وقوة​

ليش تفتحين على نفسج باب للعاصفه..انتي تقولين زوجك​

طيب..انتي سري اطيب منه..وهتمي بنفسج وبيتج..​

الريايل..عزيزتي اذا بغوا يتزوجون..صدقني مافي قوه بتمنعهم​

الاحبهم لعائلتهم..وخوفهم من الله ..​

المصريين يقولون داري على شمعتك تئيد....​

 

[قصة قصيرة]

تصدقين ماعاد يهمني يتزوج عادي

مستحيييل يكون عادي

ليش كذا اختي الله يهديك المفروض ردة الفعل ماتكون بهالطريقة ​

صح أحياناً تكون ردة الفعل غصب عنّا بس شوي ونرجع زي أول.​

وأنتي المفروض تكونين زوجته الأوليه اللي متعود عليها بدلعها و غنجها ليش تتغيرين عليه ؟
هو وش ذنبه بزواج صاحبه مدري قريبة ؟!! كأنك تعاقبينه على شي ماسواه
ترضين لو تغيّر عليك بسبب وحده من الحريم لو مثلاُ هالحرمه لقاها زوجها تخون أو ............ أو................ وبسبب هالموقف تتغير نظرة زوجك لك ؟؟!! طبعاً ما ترضين

حبيبتي الرجل بطبعه أناني و كذلك المرأة وأي واحد المفروض يحب نفسه أكثر من أي شي ثاني بس مو الأنانية اللي يكون فيها تعدي على حقوق غيرنا .​

صدقيني أننا هنا منصحات لكِ
عودي كما كنتِ
فأنتِ بدلعك و غنجك ترضين غرورك و أنوثتك قبل ان يكون من اجل زوجك
الرجل لا يحب المرأة التي لم تحب نفسها أصلاً ، وانتِ بإهمالك لنفسك عن السابق
تعاقبين نفسك و زوجك وتوصلين مسج لزوجك لا تعرفين كيف يفسره ؟؟
فأنتِ في كلا الحالات أول الخاسرين​

تخيلي أن بيدك ممحاة وحاولي مسح هالفترة اللي مريتي بها من مخيلتك وارجعي كما كنتِ
حبيبتي اتمنى أن لا تأمني ردة الفعل العكسية لزوجك لما يحدث حوله الآن​

اتمنى ان تتقبلي كلامي بصدر رحب ، وان تطبقيه ليس فقط ان نقرأ لكِ و نرد عليك
اردتي النصيحة أذن عليك تطبيق ما نجمع عليه هنا .​

اسأل الله ان يوفقكِ ويردكم الى بعض رداً جميلاً
وان شاء الله تظلين طوووووول العمر الزوجة الوحيدة لزوجك .​

 

[رائحة البنفسج]

جزاكم الله خير جميعا والله يعيني ويرجعني زي اول

مادري صار كل كلامي معاه طلبات واوامر فقط ماعاد يهمني كلام الحب ولا العلاقه الخاصه

يعني اليوم من المغرب وهو برا وانا ما الومه ادري طفشته بس مو بيدي

الله يعيني والله خانقتني العبره

 

[عنقود عنب]

جزاكم الله خير جميعا والله يعيني ويرجعني زي اول

مادري صار كل كلامي معاه طلبات واوامر فقط ماعاد يهمني كلام الحب ولا العلاقه الخاصه

يعني اليوم من المغرب وهو برا وانا ما الومه ادري طفشته بس مو بيدي

الله يعيني والله خانقتني العبره

اختي ...نصيحة لوجه الله ...والله اني خايفة عليك

واتمنى انك ما تزعلي من كلامي

شنو يعني مو بيدي ؟؟؟ اجل بيد من .... انت اللي جالسة تسوين هذه التصرفات بملئ ارداتك

انت مو مسحورة والا لا سمح الله مريضة والواحد يعذرك

انت جالسة تلومين الرجال على شي هو ما سواه

لا احد يلومك على ان تكون لك ردة فعل ...لكن هذه مبالغة جدا و تطرف منك

خلي حزنك و زعلك في قلبك لا تظهرية لزوجك ...قومي غيري ملابس و تعطري و تبخري و ارسمي ابتسامة على وجهك ...ولا تخلين يدخل عليك زوجك الا انك مثل العروس

لنفترض مثلا لا سمح الله ان واحده من زوجات اصدقاء زوجك خانت زوجها ... هل تقبلين ان ينقلب عليك زوجك و يبدا بالشك بك ؟؟؟فكري جيدا اختي ...هل تقبلين ردة فعل زوجك السلبية ؟؟؟

والله يهديك

 

[همس الداخل]

حبيبتي ،،،
أنا مع الاخوات ،،المفروض الموقف يزيدك ارتباط بزوجك
فكما ان النساء ليسو مثل بعضهم كذلك الرجال،،
وهذه ترى مداخل الشيطان،،مايصدق يلقى طريق،،تراهـاليوم مبسوط قدر يفرق بينكم،،واذا طاوعتيه،يمكن يفوز بالتاج ،،والسبب مساعدتك ودعمك،،اتعوذي باللله منه
وحافظي على بيتك..وبالتوفيق