كرهت الحياه ....وداخلي مجروح

[الغروب الهادي]

اخواتي انا انسانه مااحب المشاكل :icon30: واتعب منها تعب ماالله به عليم والمشكله تزوج من زوجه اكبر مني بسنه ونصف مدرسه ومن ايام الملكه وانا اعاني من تصرفاتها معاه واشعر بانها ماهي سهله وتضع علامات على جسمه والله احترمت مشاعرها كثير وهي مازالت تسويها وبعد فتره سويتها عليها عشان اقهرها وبالفعل انقهرت وارسلت رساله على جوالي زي المداس اعزكم الله طنشتها لان زوجي قال لا تردين عليها وما راح تخلصون . انا بصراحه شعرت باني لازم اخذ حقي منها ارسلتلها رساله بعد اسبوعين . وهي في ينبع عشان اقهرها وهي بعيد وعاى طول ردت برساله بس ما قريتها ومسحتها عشان مااتعب نفسي وبالفعل اخذت يومين وجات :busted_red:وغير كذا اشوف يرسلها ويروح بعيد يكلمها انا تعبت والله اني اشعر بالظلم لان فوق هذا كله مصروف بس اذا طلبنا اكل واي شيء زايد ما عندي فلوس بعد كذا جا يومي واشوف علامه على جسمه اتنرفزت لانه وعدني انه ماعاد يخلي وحده فينا تسويها..وبصراحه احس اني كرهته وماعاد قادره اتحمل لانه والله مايراعي شعوري ابد وبصراحه فوق هذا كله اخذت ادعي عليه وعليها بان الله يحرقه زي ما حرقني دحين خرج من البيت والى الان مارجع انا عارفه انه راح عندها والله حتى بناتي كرهو ابوهم من افعاله لان يحرق اعصابي من زمان اكتب ودموعي على خدي تخيلو انه كل شهر يجيني مصروف من عند اهلي واذا قلتله هات راتب الشغاله يقول ماني دافع قومي انت واشتغلي في البيت علما باني مصابه بشلل اطفال في رجلي اليسرا ويدفع ايجار للبيت الثاني وانا مايدفع ايجار فوق هذا كله بناتي اربع في مدارس تحفيظ قران وتجيهم مكافات والله يخذها ويقول للبنات لاتقولون لامكم عليها وقال ايه ملتزم حسبي الله ونعم الوكيل

 

[كشمشه]

الله يعينك وياجرك طولي بالك ولا تخليها تنجح انها تحرق اعصابك، امرك لله دايما ادعي انه الله يسخره لك ولبناتك وحاولي تدخلي احد عاقل من الاهل اهو يحترمه ويسمعله علشان يذكره انه لازم يعدل بيناتكم وما يقصر على بناته، واصبري واحتسبي الاجر وامرك الى الله وعليكي بسورة البقره

 

[قطـــــريه]

اختي صراحه تصرفاتكم انتي والثانيه زي اليهال .. اختي بدال ما تفكرين تقهرينها مثل الغبيه الي تسويه فيج .. حاولي تطنشين عشان مايروح لها وينساج .. ويهملج انتي وبناتج .. اجذبيه للبيت مو تطفرينه .. شنو اتفقنا ماتسوي ومادري ايش ؟؟؟ الله يهديج الحين هاي الي قاهرج وحارق دمج ..! شوفي وطنشي واضحكي وانسي الهم واهتمي بنفسج ان شاء الله يجيج كله علامات فكري بنفسج وبناتج .. واهمليه ولا تطرشين لها ولا تعبرينها .. انتي معطيتها حجم اكبر مما تستاهل .. اهدي واعقلي واحقريها واهتمي بنفسج واذا يومها شوفي نفسج وبناتج ودلعي عمرج واذا يومج تفرغي له ودلعيه واضحكي له لو ايش ما شفتي طنشي وبتشوفين النتيجه ..

 

[بنت شماليه]

طنشيه اختي وهو بيرجع لك هو الحين مستانس انكن تتنافسن عليه ومرضي غروره حيييل هالشي بس الرجال مثل الظل اذا ركضتي وراه هرب منك واذا عطيته ظهرك ركض وراك طنشيه ومشي امورك عادي ومرده لك يالغاليه اللهم رده لها ردا جميلا

 

[طيبتي غلطة]

مثل ماقالوا طنشيها وخليها تسوي الحركات التافهة ولا تحققي لها هدفها بأنها تقهرك وانت لما ترسلين لها رسالة فيها زعل تفرح انها غلبتك خليها تلف وتدور ولا تلقى منك غير الطناش صدقيني هي اللي بتنقهر وتاكل في نفسها
دلعي نفسك ...وزوجك لابد يرجع لك ان شاء الله .

 

[بحر الجواهر]

الردود كلها يقولون طنشي وخليها تسوي الي تبي حتى زوجك قال لاتردين عليها تعرفين ليش لانك ضعيفه وعارف انك ماراح تسوين شي ومايبغى انها تزعل
اما الردود الى متى التطنيش لين اموت لحد ماجن ومتى يرجع لي لين شبع وشبعت وانا مت بحرقتي
شوفي حبيبتي انا اقولك لاتنقصين في حقوقه الشرعيه شي لانك محاسبه عليه اما بقع ومادري ليش ترفعي عنها ليس تطنيش لكن قولي انا اكبر من هالامور ومنزل مستواي لتفكيرها
وحسسيه بخضوعه لطلباتها وقولي له مابيك بالغصب ولا ابيك بطيب ابيك من وسط حنينك تجيني
الشي ماهو بالغصب والله مارمي عليه نفسي ولا بعد بدون صرف
خليك قويه وقولي مكافئات بناتي من حقهم خليها توفي طلباتهم ولا تتنازلين عن حق صغير من حقوقك ولاتبينين خوفك ودائما امدحي بنفسك واهتمي بها واي فلوس او مصروف يجيك لاتخبرينه به ولو كان يعرف قولي له خلاص انا قلت لاهلي لايرسلون شي لاني قلت ازوجي وحبيبي قال خلاص انا لي القدره اني اصرف على البيتين ومن باب العدل لانه يخاف الله
وهم قالوا الله يجزاه خير وكل شي بيبان عليكم من لبس وزين وصحه احرجيه وخليه يموت قهر
اما هي ان كتبت دافعي عن نفسك وحاولي تزعزعين ثقتها بنفسها لاني من وصفك لشي من طبعها انها متسرعه وليس لديها ثقه
وهنا بالمنتدى كثير من المواضيع لتطوير الذات والثقه
وفقك الله والدعاء والاستغفار لاتغفلين عنهم

 

[قلب ادمته الجرح]

:fish:حبيبتي عيشي حياتك وطنشيها ولا كن صار شي كدا بتقهريها اكثر​

 

[2010 lulu]

في حاجه كنا دائما نقولها واحنا صغار طنش تعش تنتعش والله يامحلا الطنااااااااااااااااااااااااااااااااش والله يكافي كل واحد يحرق قلب اخوة المسلم يحرق له قلبه مضبووووووووووووووووووووط

 

[حرم سوووسووو]

حسبي الله ونعم الوكيل ربي يفرج همك ان شا الله وكثري من الاستغفار بنية اصلاح زوجك والله يعين