كثيره صدمات هالدنيا وآخرها خيبتي بأول حب حسيته ...تكفووون ابي مساعدتكم لا حرمتم الاجر

[الروح الولهانه]

انا مو عارفه كيف ابداء قاعده اكتب ودمعي ع خدي
مالي الا الله ثم انتو اخواتي
انا توني متزوجه صارلي 4 شهور عشت اول شهرين منها براحه الحمدلله وبيوم كان زوجي بالعمل ودخلت مسن مع اختي من محمول زوجي بعد ماخلصت دخلت سجل المحادثات ابي امسح محادثتي لان فيها سوالف خاصه ولما دخلت ومسحتها وصرت بطلع لقيت محادثات زوجي محفوظه واقول بنفسي لا ماراح افتحها الا لمحت ايميل بنت ومن الفضول فتحته
وكانت صدمتي لقيته كاتبلها والله احبك ياحبيتي ومحادثه ثانيه والله ااحبك موت بس وينك مختفييييييه مشتاااااقلك مره انا انصدمت لان تاريخ المحادثه كان بايام الملكه وقبل الزواج بشهر اوو اقل المهم قلت لنفسي هذا شيء ماضي واخذت المحمول برجعه بشنطته ومن الرجفه والصدمه طاحت الشنطه من يدي وطاح منها اشياء كثييير من ضمنها ذاكرات جوال طبعا الشيطان حريص مسكت ذاكره منها وفتحتها بجوالي الا والاقي حافظه كامله لوحده ومسميها اعز النااااس وانا حتى مستخسر يدلعني بجواله بعذر مايبي احد يلقط اسمي وهو بالعمل لانه عسكري المهم فتحت الحافظه وبكيت لين بكت فيني شراييني لدرجه ابكي واقول الله يسامحك يبه ليش زوجتني وابكي بشكل جنوني
اكتشفت من المسجات انه كان يعشقها حييييييييييل وانو قابلها ببيتها وانو مرسلتله صورها بس ماشفتها بالاخير افتقروا وهو يترجاها وماادري ايش السبب بس هي تزوجت صديقه وغنننني وهي بنت فقيره وتطلقت بعدها بشهر
المهم تعوذت من الشيطان وقمت صليت ركعتين وقلت يارب تنزل السكينه ع قلبي واستقبلته من العمل ولا كأن فيه شيء
بس ماقدرت حسيت اني مخنوقه وبيجيني شيء لدرجه حسيت راسي بينفجر وتنمل بيدي وكان مستلم بالليل لانه عسكري
وحكيت اقرب وحده من صاحباتي وقالتلي خلاص هذا ماضي ومامسكتي عليه شيء وانتي معاه وهدتني المهم كنت اسولف مع بنت خالتي وزل منها حكي بدون ماتقصد وجريتها بالحكي وحكت اللي عندها اللي عن جد موتني قالتلي انو زوجك كان يعشق وحده بس مااكتشفت الا بيوم زواجك لانها جت تسالني كيف علاقتك بزوجك تحبون بعض تقول وشكت فيها وقعدت وراها لين عرفت انو كان يموت فيها وانو امه رفضت تخليه يتزوجها وانو هو اللي عزمها ع الزواج ووصلها الكرت بنفسه بس انو بعد زواجنا بشهر تخاصموا وهو مسجلها اطلعي من حياتي زوجتي معوضتني وغيرت فيني اشياء كثيره وانا احبها وحكي زي كذا وتقول انو هي بتنساه طبعا هي ماحكت بنت خالتي بنت خالتي عرفت من صاحبتها طبعا حبيبة القلب حضرت زواجي وتقول بنت خالتي طوال التصوير الفيديو لما انزفيت بس تبي تطلع بالتصوير باي طريقه بس سبحان الله صاحبتي لما وصلت الكوشه قالت سامحيني ترى ماضغطت الزر وماصور شيء اول انقهرت حيل بس اللحين عرفت انو خيره
هذي البنت دلعها نفس دلعي وافتكرت لما كان يقابلني ماسنجر ويكتب بالبرسونال احبك .... ويكتب نكها وانقهررررر ع نفسي انو كان يكذب علي طول الملكه وبيوم زواجي وحتى بشهر العسل ..
كان بشهر العسل وحده تتصل ع جواله تقلد صوت شغاله واتصلت مرتين وانا متاكده انها هيه وانا كنت زي البقره مو عارفه شيء كان دااااايم يقول احبك اعشقك ومن هالحكي بس ورب الكعبه ولا عمره قلبي صدقه حتى من ايام الملكه وكنت اقول طيب ليش يكذب اجلس جنبه واشوف في عيونه حبه لها دايم مسرح ومايحب يفتح جواله جنبي
واللي ذبحني زياده انو عرفت البنت وطلعت انسانه قمه بالجماااااااااااال انا حلوه صح والكل يمدحني بس مااوصل نص جمالها
بعد هذا كله الشك بيذبحني لدرجه بس اربط احداث قديمه واكتشف انو كذاب
واكتشفت ايميل ثاني عنده ولما شافني شفته وانا جالسه جنبه قال ايميل اخويه ويبرر وانا اصلا ماسالته وهو بالعمل جربت لين عرفت الباسوورد وفتحت ايميله لقيته مضيف ايميلاتها الاثنين
احس بجمره بداخل صدري ماتطفيها دموع العمر اذا ايام الملكه وشهر العسل اجمل ايام اي بنت اكتشف انو عايش معي جسد بس روحه عندها
احيان يضمني ويقول والله احبك تنزل دموعي واقول بنفسي كذااااااااااااااااب انا قريت نفس الكلمه لغيري
كمان لقيت بشنطة سيارته دببه واكيد من عندها اللي قاهرني ليش باقي محتفظ بذكرياتها طيب دامه يحبها كل هالحب ليش يظلمني معه
مشكلتي انسانه عاطفيييييه جدا ومصدومه ان زوجي قلبه مو لي لغيري وربي لو يحلف لي كل يوم قلبي عمره مايصدقه
انا تعباااانه وماقدرت احكي احد من اخواتي لكن انتوا اكيد بتكونون زي اخواتي وراح تشورون علي ايش اسوي ابينله اني كشفته بس اخاف بهالطريقه اوديه لها ع صحن من ذهب ولا اسكت واقعد احترق
والله انا مو مقصره معه بشيء مهتمه بكل شيء وماقصرت عليه بشيء بالفراش باللبس بالبيت بالحكي بالمسجات بكل شيءوالله صار يسكني خيبة امل وعشعش بداخلي الالم قلبي ماصار يؤمن بالوفاء مليت من كل شيء بهالارض احس قلبي مطعون من حكي العذال بزواجي
​

 

[الروح الولهانه]

تكفوووووووون شوروا علي

 

[الروح الولهانه]

لا اله الا انت سبحاك اني كنت من الظالمين

 

[ذهبيةة]

الغالية طولي بالك و اللي فات مات ما في رجل بالدنيا ما عنده ماضي ما فيك تحاسبيه على ماضي و انت ما كنت موجودة فيه،، الحين هو زوجك انت اختارك انت و لو كان فعلا يعشقها مثل ما تقولين كان ما تزوجك و كان خذاها حتى من وراء أهله
الغالية زوجك اختارك و تزوجك انت
الغالية زوجك مو كذاب زوجك يبغى ينساها و يعيش معاك انت و الدليل انه ما ذكرها يعني ما تستحق الذكر صدقيني الكرة بملعبك انت الحين تصرفي عادي و حاولي تكسبي زوجك اكثر و ما تخليه لغيرك
وسعي صدرك و استغفري ربك و تذكري انه اختارك انت و انت بإيدك تخليه ينساها و ما تسمعي لكلام احد و استمعي بأيامك و الله يسعدك و يهنيك

 

[شموخي عز ذاتي]

هاذا ماضي وانتهى انتبهي تخليه يآثر على حياتك لانه شي راح ولاتفاتحيه ابدا في الموضوع لان اكيد بيقول ماضي صدقيني زوجك يحبك ودلليل الكلام الي قالو ادعي في بسجودك ربي يسخره لك وهديه ويبعد عنه بنات الحرام

 

[الروح الولهانه]

فديتكم
ذهبيه .. شموخي عز ذاتي
ماتتخيلون حكيكم كيف ريحني حكيكم ينحط ع الجرح يبرى
اسال الله رب العرش العظيم ان يسعدكم ويحقق امانيكم ..

 

[حلا الكوون]

يارووووحي علييييييك وربي حاسيه فيك بقوووه

نفس الافكار اللي تجيك طوول الوقت تجيني

حتى انا زيك بس زوجي ماشاء الله عليه حرييييييييص بشكل فضيع يعني حتى لو كان ورااه البلاوي خلاص ماراح اعرف

وانا خليته يحرص زياده,,لانو بعد شهر العسل ع طوول بعد مارجعنا بيومين يمكن قلت وانا ماسكه اللاب حقه مريت ع سجل المحادثات قلت خليني اقرا محادثاته وعاد ما اخفيك انو

كان عندي شوية شك,,لاني ما سمعت منه لاغزل ولاهم يحزنون طوول شهر العسل قال ايش قال ماتعودت ع الكلام الحوو,,انا اصلا جدااا تحطمت نفسيا بهالزواااج

اللي اعرفه ان الوحده بشهر العسل بالذااات تذووب من كثر الغزل والكلام الحلووو,,اقسم لك بالله اني من يوم عرفته فقدت ثقتي بنفسي,,كان يجيني المدح من الناس وماشفت منه ربع اللي من الناس

اعذريني ع الحوسه بس تراي زيك تووي مخلصه باكيه~_~

اي اقولك والاقيه مسولف مع وحده بالمسن سعوديهلا وهي كانت بتطلع ويقولها استني لييه مستعجله شووفي القهر وانا اذا صرت بمنطقة اهلي وهو بمنطقه ثانيه انا اللي اتشحذه يدخل المسن

واتشحذه يرسل لي مسج حلو ولا كلمه حلوه اجلس عند اهلي اقل شي اسبوعين والله وانواع التطنيش

و ع فكره هالبنت هذي قلت له عنها بعد كم يوم وقالي قصتها بكل وقاحه طبعا وقالي انها تحبه وكان يكلمها ومسوي لي فيها اخلاق يقول بس سواليف عاديه

لا هذا غير ال 2 اللي حبهم وحده ايام الثانوي قريبته ووحده ايام الجامعه يعني قبل زواجه مني بشوي

ويقصلي قصص حبه من الوقاحه,, وانا اقوول يارب لييييييه مو قادر يقول لي كلام حلو ولاحتى عمره اشتاق لي ولا نووع من انواع الشوق لا يحب جلس معي ولا حتى يتحمس ينام معي

ولا يضم ولا يبووس ولا شي,,بس يعرف ياخذ ولا يعطي..قسم بالله شي يقهرر

واحنا البنات ياعمري ع طوول نحب اي جدار نتزوجه..!!!

اعذريني ع الاطاله بس من حرر مافيني وحتى من امس العصر صاحيه من الطفش والهم,,حتى ماخلصت قرق بس مو وقته

بس حبيت اقولك ياقلبي حاولي تتناسين انه يحب وهالخرابيط هذي

تدرين ليه لانه سبحان الله ممكن يتغير ع يدينك

عادي حتى لو عجزتي تكتمين الموضوع قولي له بس قوليه بالبدايه ابكي وبيني له انك مصدومه وقولي له ليه تاخذني اذا صار قلبك مع غيري بس بدلع احسن

ولاتخافين ياحياتي ترا الرجال مايعرفون يحبون وحتى زوجي قالها اخر شي قال مادري شلون كنت احب

طبعا قالها بدون شعور قال ما اتخيل نفسي احب الحين بغيييييت اصفقه كففف قهرني بقووه

وانتي لاتطرين عنده اي كلمه تذكره بهالوصخه هذي

وحتى دلعك استغني عنه وغيريه لثاني بعيييد عنه

وعاد ودي اتكلم اكثر بس ادري طولتها مررره,,ولو تبغين تاخذين رقمي وتفضفضين لي واتكلم عليك عاادي ترا لايردك الا لسانك

وربي ع قد ما عجبني هالمنتدى وكذا مره نفسي اسجل واتكاسل انو موضوعك خلاني اسجل بدوون شعوور..

طمنينا عنك ونا ان شاء الله لي رجعه...

 

[الروح الولهانه]

ياجعلني فداك
والله حاسه فيك ياعمري انا وصلت لمرحلتك انو احس كل الرجال كذابين صرت محطمه مره
مهما قال من حكي قلبي يكذبه لان اصلا حتى لو يبي ينساها احسها مو مخليته بحاله
والله انا بس ادعي واستغفر ربي كريم راح يرحم ضعفي وقلة حيلي
وانتي بعد لازم تتفألي وفيه دعاء حلو بكتبه لك دوم ادعيه وكلك ثقه في الله
انا عند حسن ظن عبدي بي احسن الظن بالله وربي ماراح يخيبني انا وانتي
تدرين تجيني لحظة ضعف واقعد ابكي ع خيبة حظي واحزن واكره الدنيا وماابي الا اموت ولحظات ربي ينزل ع قلبي سكينه واقول لازم احافظ ع بيتي وزوجي
ومامعي الا اصبر وكثيييير اردد ربي كريم


وهذا هو الدعاء ((اللهم يا مالك الملك ملكني قلب من ملكته أمري,اللهم أصلحه لي وأجعله قرة عيني,ولا يرى أحد غيري,اللهم أصلح بيننا ولا تجعل بأسنا فيما بيننا,وأجعل بأسك على عدوك وعدونا,اللهم استر عنه عيوبي واستر عني عيوبه,واظهر له محاسني واظهر لي محاسنه,وأرضني بما قسمت لي فيه وباركه لي,اللهم ارزقني حبة ورضاه وصدق حديثه,وان غضب الجم فاه بكلمة لا اله اللا الله,واسكن غضبه بلا حول ولا قوة اللا بالله,اللهم ارزقني حنان الزوج والولد ومالا حلالا بلا عدد,وقراءة القرآن إلى الأبد

 

[مابقى لي اسم]

مثل ما قالو لك لاخوات هذا ماضي ونتهي وحاولي انتي تساعديه حتى ينساه ويعرف ان الحب الحقيقي بالحلال مو حب مكالامات ومسجات ..وربنا يساعدك ان شاء الله ولتزمي الصلاة والدعاء آخر الليل و بالسجود..وربنا يصرف قلبه عنها ويشغلها بنفسها عنكم يارب

 

[يارا الغامدي1]

الله يعينك ياقلبي ويجعل حبك في قلب زوجك للابد ويعمي عيونه وقلبه عن غيرك يارب

وانا اشوف كمان حاولي تنسي الموضوع وتعيشي حياتك واكسبيه لصفك وغيريه لان احسه بدا ينساها من بعد زواجكم وانتي تقدري تخليه ينساها على طول لاتخليه يشوف غيرك دلعيه واهتمي فيه ولاتخلي الماضي يأثر عليكي اعرف صعبه خاصه انك عاطفيه وحاسه فيكي بس بإرداتك تقدري تخليه مايشوف غيرك ومايحب غيرك وتعيشوا مرتاحين لكن اذا الموضوع مأثر فيكي وتفكري فيه وخليتيه شغلك الشاغل راح تعامليه بجفا وتتغيري عليه والرجال يدور الحب والحنان والاهتمام وانتي لانك مشغوله بالماضي راح تقصري في هذي الشغلات ووقتها بيرجع لها او لغيرها يدور الحب والحنان لاتسمحي لاحد يشاركك فيه هذا لك بروحك لاتخلي الماضي يجعل لك شريكه فيه

وربي يسعدك يارب ويفرج همك وهم كل مهمومه

 

[يارب أرحمني]

الله يريح قلبك ويبعد عنك أولاد وبنات الحرام
لاتفاتحيه بالموضوع ولاتقصري معاها وإن شاءالله تكوني أجمل إنسانة
في نظرة طووول العمر

 

[اللهم ازل همي]

القلوب بيد الله اساليه وادعيه ان يجعل محبتك في قلب زوجك و محبته في قلبك

المثل يقول احبب حبيبك هونا ما عسى يكون بغيظك يوما ما
وابغظ بغيظك هونا ما عسى يكون حبيبك يوما ما

 

[الروح الولهانه]

الله يكتب اجر كل وحده واستني ودعتلي
ويسعدها بحياتها