كثر كلام الدكاتره اقلقني يادكتوره

[الكويتيه]

:sadwalk:انا حامل والحين باول الثامن والبارح كان عندي موعد كشف وفحوصات وماطمنوني على الجنين

يقولون ان حجمه صغير؟؟؟

وبالاصح ان حجم راسه تمام بس حجم جسمه اصغر من الراس بفرق اسبوعين الى ثلاث اسابيع

ومره يقولولي عادي ومره يقولولي مو عادي فحيروني

وقلت مافي علاج يساعد على تنشيط نمو الجنين وماعطوني كلام مبين يعني مخليني كذا على عماي

وسالت عن اجهزة الطفل واعضائه وقالولي كل شي طبيعي

اللهم حجم الجسم والراس هي المشكله

علما يادكتوره بان هذا حملي الثاني وطفلي الاول يوم ولدته كان حيل صغير بس عادي ونموه الحين طبيعي والحين عمره سنه وثمان اشهر

ابي مشورتك ورايك دكتوره والحاله هذي قد مرت عليك

مع الشكر,,,,,,,,,,,,,,,,,,,

 

[الكويتيه]

14 اللي مرو ولا وحتى رد واحد

 

[الفنوديه]

ان شاء الله البيبي يكون بخير ...
اختي احسن شي تسيرين لاحسن دكتوره عندكم وشاطره

 

[الأسطـــــورة]

يمكن التغذية عندك سيئة يعني ماتاكلين زين

اهم شي التغذية مع الفيتامينات اللي تكتبها الدكتورة

وكثري الرقيه والادعيه على البيبي والله يقومك بالسلامة

 

[الكويتيه]

مشكورات حبايبي عالرد

وانشالله تصير الامور بخير

 

[ام القمره]

ياقلبي هالدكاتره كذااااابين وخراطين ومايعرفون شي انسي كلامهم وحطيه ورى ظهرك وادعي ربك سبحانه يحسن خلقه واخلاقه انا بنتي كذا قالولي رجولها اكبر من عمرها باسبوعين والحمدلله جات بنت قمر ماشاءالله تبارك الرحمن بس اتوكلي على ربك واحسني الظن فيه

 

[الكويتيه]

مشكوره ياقلبي كلامك طمني

وانشالله ربي يجيبه بصحه وعافيه