كبروه بعيني بليز ..

[فديت انفاسه]

هذا نصيب

 

[غيورته]

الله يهديك ماشفت ولا عيب بدينه او اخلاقه
تعوذي من ابليس وارضي بزوجك حرام الي قاعده تسويه
يكفي انه رجال واعتمد على نفسه وتوظف مامد يده للناس
يمكن الله يبلاك بسفير ولا وزير على قولتك ويوريك جهنم
من المعامله السيئه خلك قنوعه وربي بيرضيك
لاتظلمي الرجال الطيب على اشياء تافهه اشياء دنيويه
تصدقي انا جامعيه وزوجي شهادته اقل من شهادتي
ولا عمري حسيت انه نقص اهم شي عندي انه يصلي
ويخاف ربه ويصرف علي من عرق جبينه
الله يهديك حاولي لاتوضحي انك مستعره منه ترى الرجال اذا
انجرح ماينسى

 

[نتوس]

حبيبتي اسفة حزعلك شوي بس جد لمن كان معه دبلوم رضيتي فيه والحين بعد خمس سنوات بدات تحتقريه معنتاه لو كمل بكالوريس يجي يوم وتقولي له خد ماجستير



انصحك اختي بالتواضع .. والقناعه لانك انتي اللي تتعبي وراح تخربي حياتك بتفكيرك ...

 

[نور البدر]

ملاحظة بسيطة: بالنسبة لصديقتك التي تركتيها لأنك شاهدتي جوربها متسخ!!! افترض أنك كنت صغيرة وقتها أليس كذلك؟؟ المهم: ماأدراكي ماظروف صديقتك ؟؟ قد تكون أمها مريضة لاتستطيع الاهتمام بهذه التفاصيل المهمة ... قد تكون الأم غير مهتمة بمتابعة نظافة ثياب بناتها وجواربهم!! قد تكون وقتها أمها مسافرة وليست في البيت..!! هناك العشرات من المبررات التي قد تكون وراء ماشاهدتيه....!!! كلنا نحب النظافة والاناقة ولكن الأهم أن نعطي للناس مبررات فلا نتسرع في الحكم عليهم وعلى مايصدر عنهم!!!! لاتنسي كما أن لك عيون تلاحظ وتدقق ولسان ينتقد للناس أيضا عيون وألسن ... ربي يختار لك الخير ..

أنا مع الأخت دانة الشام ما شاء الله وصلت لعند كتابتها ووقفت القراية .. ولي عودة بعد الإنتهاء من كامل المشاركات

 

[نور البدر]

يا أخوات يا حبيبات
أختنا السائلة قالت في العنوان : كبروه بعيني ..
يعني تبيكم تساعدونها
هي قالت انها متضايقة من نفسها
وتبيكم توجهونها مو تزيدونها هم وغم
مثل الطفل اللي طاح وتخرع وانكسرت رجله بدال ما يسمون عليه ويطمنونه صاروا يهاوشونه ويصرخون عليه يقولون له ليش تصير مشاغب !
--------
المهم
تدرين يا أختي اني لما قريت مشكلتك تألمت تألمت بشدة
تألمت على نفسي
لكن عرفت أن لله في خلقه شؤون
وسبحانه اللطيف الخبير يعلم ما يناسب خلقه " كل يوم هو في شأن "
تدرين انتي حسب كلامك تشبهين أختي
وانا اتوقع اني مثل زوجك من ناحية اني ما ادري عن الدنيا ولا عندي خبرة بشي مع اني عندي شهادتين علميتين وكنت موظفة بظيفة كل من يتمناها .. لكن سبحان الله حياتي الاجتماعية بسيطة جدا مقارنة باللي مثلي ..
المهم ، اختي اللي أقول لك انها تشبه لك ،، زوجها كانت فيه مواصفات الظاهرية كل بنت تتمناها
لكن اختي مع الاسف كانت تبي ( نفس اللي قلتي عليه ) فكانت في خلاف دائم مع زوجها حتى ... طلقها .. بعد سنين من العشرة ومع وجود الاطفال مع انه يموت فيها وتموت فيه ...والحين هي تعض أصابع الندم وتتمنى لو ظله ..

وأنا عكسك كانت أمنيتي زوج دّين غاااافل عن امور الدنيا مايعرف غير الشغل والمسجد والبيت .. لكن الحمد لله على قسمة ربي ..
جاني نفس اللي انتي تبينه ( وانا ما أبيه ) استغفر الله والله مو اعتراض على قسمة ربي .. لكن ابي أقول لك ان الحياة صعبة مع رجل يعرف كل شي .. صعبة صعبة ... لانه راح يحطك تحت المجهر حتى أنفاسك أمامه بمقدار .. عرفتي كيف ..

المهم يا أختي اني حبيتك لانك عرفتي مشكلتك وتبين تحلينها قبل فوات الاوان .. لاني شفت اختي كيف ذاقت مرارة الندم على فراق زوجا .

أسأل الله من كل قلبي لك التوفيق. الهداية وانشراح الصدر والرضا والسعادة في الدنيا والآخرة ..

**

من أجمل الردود التي رأيتها .. يعطيج العافية زهرو الريف .. وكملج بعقلج

 

[يالبى راشد وبس]

الله المستعان احمدي ربك يا بنت الحلال على زوجك
كيف تبيننا نكبره لك مثلا نجيب لك مكبر قراءه عشان يكبر او نلبسك نظارات وانتي في داخلك مستصغرته
لاتزعلي من كلامي بس مقهورة عليك لان عندك نعمه وترفسيها برجلك
وانتي من الاساس ما عرفتي تقنعيه بالدراسه من باب الطموح وانك تفرحين لما يترقى ويصير فوق انتي جالسه تقارنيه باللي حولك
الله يهديك بس
انتبهي لزوجك ولاتخليه يطفش منك والدراسه جيبيها له باسلوب مقنع واتركي المظاهر
ياما حريم متزوجات سفراء ووزراء ورؤساء وذوو شأن عالي ولكنهم اتعس النساء
وكرري قول اللهم لاتجعل الدنيا اكبر همنا ولا مبلغ علمنا ولا الى النار مصيرنا
وغيري نظرتك للحياة

تمنياتي لك بالتوفيق

 

[نور البدر]

اختي ذكرتيني بعضوه كانت كاتبه قصتها في قسم اليوميات
نفس مشكلتج ولما وقفت معاه وساعدته ودرس ووقف على رسولة وصار شخصيه قوية تفتخر فيها جدام الناس وترفع راسها رماها رميه الكلاب وحب وحده ما تسوى فلس ..
حلو الواحد يحلم ويطمح بس المثل يقول مد رسولك على قد لحافك
الحل الوحيد ان ما تقارنين حياتج بالغير وتقتنعين ترى هذا الي ما عاجبج لو تتركينة مليون وحده تبيه

كالعادة .. سلة فواكه رد رائع


هذا اللي كنت أبا أقوله


من أول ما دخلت وقريت الموضوع

لو تسمحين لي أختي كليوباترا إني أقتبس جزئيات استوقفتني في طرحج للمشكلة .. علشان تقدرين تعالجينها لزم تواجهين نفسج في بعض الأمور اللي ذكرتيها

حكايتي حبيباتي .. انه لي 5 سنوات متزوجه ..زوجي شهادته الثانويه واخذ بعدها دبلوم وتوظف عليه..وظيفته وسط

ممتاز ..
يعني على الأقل مش أمي ولا ما يعرف يفك الخط على قولتهم وهذي بادرة طيبة، إنه يطلع منه شي في المستقبل بإذن الله

بدايه انا عشقي الرجل - الرجل - يعني رجااال يكون اعللى مني بكل شي اكون تحت ظله بحق وحقيق ..رجال اقتدي فيه واقتبس منه يعني

كلنا كانت لنا أحلامنا قبل الزواج ولنا مقاييس ومواصفات في فارس الأحلام المنتظر .. ولكنها تظل أحلام في المقام الأول والأخير.. ممكن نحققها إذا لقينا الأرض الخصبة في واقعنا

كيف لاو عاد لو صار زوجك ؟ ابغاه اككشخ شي بالحياه ..ابغاه اححسن الرجال ويهمني الشي هذا بعلاقتي فيه ؟؟
تزوجنا ..في ليله الزواج تصرفاته كان باين عليها الربكه وكذا فـ أثر علي ..ويين قوة الشخصيه وكذا

ممممممممممممم ..
يعني انتي ما دريتي إلا وانتي في الكوشة مثلا ؟؟
والا ما قالوا لج عنه غير إنه معرس وخلاص وانتي قبلتي به على عماج ؟؟
أكيد كنتي تعرفين ظروفه أو تعرفين عنه رؤوس الأقلام اللي قلتي عنها الحين،، مثلا وظيفته .. راتبه .. دوامه .. طبيعة شغله .. مسماه الوظيفي .. ليش قبلتي وهذي الشخصية على قولتج (ما ترضي طموحج كزوج)؟؟

من بكرا في المطار يقولي ..تدرين أول مره ادخل مطار في حياتي ؟ اوف اوف ..بغض النظر انه اول مره يدخل المفروووض مايقولللي :38:ليه يسوي نفسه المتفشل القروي وكذا ..

أولا: لأنه صريح ..
ثانيا: يكفيج فخر إنه بيشوف الدنيا على إيديج .. ووايد مننا علمت زوجها على أشياء لين الحين يتذكرها بذكرى طيبة .. لأن اللحظة الأولى دائما تكون هي المترسخة في الذهن أكثر .. يعني أول قبلة .. أول ضمة .. أول كلمة أحبج .. أول طلعة .. فإنتي رسختي في ذهنه أول سفرة له كانت معاج .. ولو في المستقبل فكر يسافر بروحه لأي ظرف كان بس بمجرد إنه يركب طيارة أو يدخل مطار انتي بتكونين أول شي يجي في باله .. وكل تفاصيل رحلتكم بتمر عليه كشريط سينمائي سريع جدا
هالشي في صالحج وصالحه ما تنحسب ضده أبدا

اشيااء صارت كثيره بس بقولكم الي اثرت فيني مثلا طريقة اكله كانت زي المشفوح ..الفرشه والمعجون كان حاطهم بشنطة السفر بكيس كيس هذا حق بقاله يعني ..يوم طلعه قدامي بغييت انصرع .. بالفندق ماهو عاارف عن اي شي عن انظمتهم وكذا ..

كل الرياييل جذيه،، والدليل على كلامي .. شوفي نفسج وأخواتج .. وشوفي أخوانج .. هل لكم نفس الحركات والا إيتيكيت وحركات دلع عندهم .. ؟؟

لما يكلمونه اهلي يباركونله كان اسلوبه مضحك من جد كانه اول مره يكلم احد ولا زال هذا الشي مع الاغراب

ممتاز .. نقطة في صالحه ..
يعني إنتي يوم تزوجتي ويكلمونج أمه والا أبوه .. ما كنتي تخجلين ؟؟
والا كنتي تحطين عينج بعينهم وتكلمينهم بكل جراءة مثلا ؟؟
هالشي طبيعي يا عزيزتي .. لإنه ماخذ بنتهم .. وإنه هو مش متعود على هالأشياء أبدا

استنيت لمااااا -حبيته- وظليت عالزواج .. سكرة الحب اعمتني توي باديه اصحصح لي سنه تقريبا ..

إن شاء الله دوووووم سكرة حبج له تزيد و تنعمين أكثر وأكثر عن عيوبه ..

اللي صحصحج هو الشيطان يا عزيزتي ..
وينج خلال هالخمس سنوات؟؟
ليش ما علمتيه شوية شوية .. تاتا تاتا خط العتبة .. وكأنه طفل عندج .. تراوينه الدنيا على إيديج .. كم من وحدة في المنتدى وخارج المنتدى .. تتمنى إنها تعلم ريلها أي شي جديد عليه .. وكل شي جربه ما بقى غير الاستقرار والعيال وبس .. بعض الرياييل يكونون فاهمين كل شي من بنات وسفرات وعايشين بالحرام قبل الزواج .. ما أقول الكل .. أقول بعض الرياييل !!

طيب ولو عرفتي في يوم من الأيام إنه عرف شي من برا البيت قبل الزواج .. ممكن وحدة علمته اياها أو أي شي .. ما بتزعلين بينج وبين نفسج ؟؟

كذا مسمى وظيفته مرررره يفشل يفشل من جد لكن اذا فهمتي الوظيفه تكون وظيفه عاديه ..وعلى حسب الدبلوم الي معه هذي احسن وظيفه يعني

وانتي عايشة مع مسماه الوظيفي والا مع عقليته وقلبه ونفسيته بما يرضي الله ؟؟؟
منو اللي بيسأل عن مسمى الوظيفة الله يهداج ؟؟

زوجي حتى شخصيته ماتواجه

انتي طوريه ..
سوي له مفاجأة مثلا وشركيه في وحدة من هالدورات اللي يسمونها (تطوير الذات) ..
اشتري بعض الكتب كهدية ..
أو تنقشوا في كتاب معين ..
والمكتبات زاخرة بكتب تطوير الذات لأي كاتب تشوفينه أسلوبه مقنع ..
وأهم شي ما تكون هداياج على شكل أوامر ونهي وبالغصب لأنه ما في شي بالغصب ..

رحت كلمته يقول افكر قلت مايصلح تفكر بسرعه مايمدي -طبعا لنا تقريبا 3 اسابيع عالموضوعو هذا ..لما تكلمت معه وقلت انه انت الحين صحيح احسن الي حواليك لكن بعد 5 سنين كل الناس اخذوا شهادات وارتفعوا وانت بتظل مكانك

وانتي يالسة تفكرين لشي عقب 5 سنين ويالسة تفكرين كيف هو بيكون والناس وين بتكون ؟؟؟
انزين فكري في مشاعره هالمسكين ..!!

قال : اييييييه انتي تستعيرين مني وتبغين تكشخين فيني قدام الناس بس هذا همك!!

قلت لج إنسان صريح .. !!
والله لو غيره كان أقل شي بيسويه إنه بيكتم في قلبه .. وممكن يسمع كلامج للأخير وبيكمل دراسته .. وأول ما يوصل لمكان حلو يرضي طموحج .. انتي ما بتكونين تناسبينه في المستوى العلمي ولا الفكري ولا الاجتماعي .. وبيدور غيرج تناسبه من كل النواحي .. وإنتي اللي بتكونين جنيتي على نفسج ..!!!

نفس وحدة تقرب لنا .. كانت نفس حالتج .. تبغيه يكون في أفضل مركز وأفضل شهادة وأقوى شي وأكشخ شي .. مع إنه كان عنده الإعدادي يا دوب حصلها .. قامت تطور فيه وتنفخ فيه لين ما طار عنها .. وخلاها هي وعيالها تحت .. وراح يدور اللي تناسبه .. ما قامت تملي عينه ..!!

لكن الحين هو الي رفض يصير رجال افتخر فيه ..ورفض يرضي شخصيتي ..واثر فيني هذا صايره ما اتقبله وطاايح من عيني بشكل ..واقول لو تطلقت واخذت وزير او سفير حتى لو شايب بس يرضي عقدتي ..اخذ واحد عالاقل له شخصيه عند الناس يكفيني انه شخصيه مهمه

الحين ما تعرفنا عليج أختي الغالية ؟؟؟
إنتي منو تكونين علشان يرضي شخصيتج ؟؟
شو قدمتي للخارطة العربية ؟؟
شو الإنجازات اللي سويتيها لدحض الظلم عن الأمة الإسلامية والعربية ؟؟
شو شهاداتج ؟؟
وين موقعج الإستراتيجي السايكوباتي المتقوقع في زاوية الأحلام ؟؟

يا أختي .. الله عرفناه بالعقل ما شفناه .. !!

أنا مب قصدي إني أتمصخر عليج أبداً .. ولكن إنتي ترى في الأول والأخير إنسانة مثله مثلج .. يعني إذا كان عنده أكبر شهادة في العالم بعده ما توصل لها أي إنسان .. والا إذا كان رئيس وزراء .. أو نائب عام في الأمم المتحدة .. وهو لا سمح الله فيه عيب خُلقي .. أو مريض بمرض ما يخليج تستمعين بحياتج معاه .. أو كان مريض يضربج كل يوم .. يصبحج بطراق ويمسيج بطراق .ز أو كان راعي خمور .. أو كان راعي مخدرات .. أو معتدي على أطفال .. أو .. أو .. شو بتفيدج شهادته ذيك الساعة ؟؟
هل بتمين على ذمته وبتقولين نفس الكلام اللي قلتيه الحين ؟؟
هل يتدورين الشهادة والوجاهة الإجتماعية والوظيفة المرموقة من بعده ؟؟

بنات اتخيل ان زوجي شخصيه مهمه ادوووخ اهيم بهالشخصيه الي ببالي قسم بالله من دون ما اتخيل شكل ولا مواصفات ولا شي بس احس انه هو فارس احلامي خلااص

أوكي حلو !!!!!!!!!
بما إنج شخصية حالمة .. عيشي بالحلم الجميل .. بس بواقعج اللي قدام عيونج .. وصلنا لمربط الفرس ..!
هذا هو ريلج .. تخيليه جيه .. زوجج شخصية تموتين فيها وتدوخين عليها .. شخصية الفارس المغوار اللي أنقذج من تاجر المخدرات أو من اللي يضربج أو من الدنيا اللي عايشين فيها ..!

انظري له بنظرة جديدة .. إنج بنت السلطان اللي خذت حسن الصياد الفقير .. اللي كل يوم تنتظره على شاطء البحر مجهزة له أكله وفرشته .. وكل شي في الكوخ المتواضع ..!


همسة أخيرة عزيزتي ...
ليش ما تفكرين إنتي تدرسين وتكملين جامعة .. ولو كنتي مكملة جامعة ردي لها وكملي ماجستير .. وبعد ما تخلصين كملي الدكتوراه .. وبعد ما تخلصين خذي البورد ولين تخلصين خذي الماستر .. وجيه .. لين توصلين لأكبر درجة في العلم .. ولين تصبحين بروفيسورة .. وذيك الساعة إنتي ارضي طموحاتج في نفسج مب في هالفقير المسكين ..!!

كم من امرأة سمعنا بها وعرفناها .. ماسكة أقوى المناصب .. من وزارة لرئاسة وزراء .. لقيادة دولة


وتقبلي مروري والسموحة منج الغالية إذا كنت قاسية في بعض الفقرات .. بس لأني أحبج والمحبة في الله

 

[احلى سمايل]

الله يهديك ويعافيك
ماعليش ممكن أكون قاسية عليك شوي المشكلة فيك مو في زوجك طول كلامك مالاحظت عيب يذكر في زوجك العيب فيك فهوس المظاهر مرض يجب أن تتعالجي منه وذلك بالرضا بما قسم الله لك وأنت تصلحي من طبعك واعرفي إن الإهتمام بالمظاهر هي سبب التعاسة والشقاء
أنا تزوجت زوجي أقل مني إجتماعيا وماديا فأبوي وأعمامي مسكوا مناصب رفيعة ومفنيهم الله وعلى قولتك شخصيات والحمدلله انخطبت من ناس كثير كويسين وتزوجت زوجي وهو أقل منهم مع إن وضعه المادي كويس بس مايقارن بأهلي بوضعهم المادي وسمعتهم وماناقصني شي جميلة وجامعية لدرجة إنه دايم يقول أنا محظوظ فيك خاصة إنه كل ما مرينا بالشارع تمرسيارات تابعة لوكالة أهلي فيقول ماحد قدي أخذ بنت الفلان وأحس إنه معتز فيني بقوة ومع ذلك أنا ماحبيته كثير زي مايحبني وصعب شوي بالتعامل ومشاكلنا كثيرة وعمري ماقلت له أنا بنت ؟ وأنت أقل مني أو عمري ما حسسته إنه أقل مني وهذا من فضل الله علي توي أحس في هذه النعمة بعد ماقريت كلامك
يا أختي لاتغرك المظاهر وأهتمي بزوجك وعيشي حياتك كما أرادها الله لك ولاتنكدي عليك وعلى زوجك عشان المظاهر والله يعينك على تغيير ذاتك يارب للأحسن

 

[براءه طفوله]

نــور البــدر إنتي روووعــه ماشاالله عليك

أتمنى صاحبة الموضوع تستفيد منك​

 

[رند22]

تعالي شوفي المشكله اللي عندي واحمدي ربك

لو اجا لك زيي زوجي واحد دارس بامريكا وطول عمره في امريكا وواخد ماجستير اداره اموال
ومدير عام لاحدي اهم الشركات في البلد
وعنده سياره وبيته كانها تحفه فنيه والخ

واخلاقه زيي الزفت
اذا عطستي قام اتريق عليكي وقال اوه بامريكا البنات متطورات امريكا وامريكا
وكله انتقاد
علي كله
حتي علي طريقه تنظيفك للصحون
واحد مزاجي ونكدي وطبعه عكر
شايف نفسه فوق البشر وكله ما يعجبه واي كلمه يقوم يضربك

ساعتها بتكوني سعيده لانه برستيج صح


احمدي ربك وانصحك تدخلي هذا القسم باستمرار علشان تعرفي قيمه زوجك

انا والله لو زوجي بس يكون طيوب وحنون والله لاقاتل من اجله قتال


شكلي راح ابكي ههههههه

 

[أم ميسوـوـو]

السـلام عليكم /

اولاً يقولك الشاعر البرستيج<<عشان خاطرك خخخخ

الجسم يتعفن اذا راحت الروح يعني بدون اخلاق [طز بجمالك]

الله يهديك ياعزيزتي هذا طموح ... !!
برستيج وكشخه ومنصب ؟؟

ع العموم تكلموا الاخوات وقالوا كل شي كنت بقوله ولاقصروا
الخلل منك مو بزوجك ولما قالك عشان فلان وفلان وقالك ان السالفه تخصه ماتخصك
هذا دليل انو حس باللي فيك بس انا مابقولك راعي هذا الشعور فيه لكن بقول قدري له انه صابر وساكت
وهذا لأنه حبك ولعاد تبينين له اي شي اللي يحب يتقبل حبيبه بكل اشكاله لاتخلين مسئلة انه يهمك شكله ومظهره وبرستيجه قدام الناس امور تهمك حاولي مايحس فيها ابداً
لأنو لو تيقن لهالامر راح يستوعب انك الانسانه الغلط بحياته وبيجي في باله لو جارت الدنياء عليه وصار ولا صار
راح طبعاً انتي بدورك بتتخلين عنه بكذا هو بيتركك قبل لاتخلينه انتي

انا اقول عيشي له لأنه عايش لك وقولي له اللي تبيه انا راضيه فيه لكني اتمنى لنا الافصل وحسسيه انك بحاجته
مهما كنتي مستغنيه عنه او..او..او..ألخ

وانتبهي يشوف هالموضوع اللي انتي منزلته ................................ لأنه لو قراه بيموت

 

[قاروره مكسوره2]

صدق النصيب والارزاق بيد الله بس تفكري لوتطلقتي من هالضعيف بتاخدي وزير او او حبيبتي ربي اعطاك رجال طيب قلبه واخد منك مثلا منصب عالي بكره لو تطلقتي بيعطيك رجال بنمصب وشايب وعايف الحياه وربما يكون قاسي وشديد انصحك نصيحه ولو بتعتبريني متطفله اقنعي بما قسم الله لك تري البيوت مليانه بنات والناس بس تدور رجال صاحب سمعه طيبه وانتي بكره بتعضي على اصابع الندم

 

[مفهيه بتركيز]

لاحول ولا قوة الا بالله
برأيي مافيه مشكله فيه هو!!
المشكله للأسف فيك أنتي وهو حاس بهالشي
اذا أنتي طموحك عالي حققي طموحك بنفسك ولا تربطيه فيك
وكمان تنقصك القناعه للأسف الاغلب ينظر لـ فوق ولا ينظر لـ تحت !!
(أحمد الله على الموجود ولا تبحث عن المفقود)
أنتي يوم تتكلمين ماشفت أي مشكله من نآحية دينه وتعامله معك وحسيت انه تعامله جدا حلو
وصدقيني هالشي مو في جميع الرجال ..واذا جاك نصيبك مع شخص زي هذا تمسكي فيه
ماتدرين لو ربي رزقك فـ ماليونير ومركز وسمعه بس اخلاقه بالحضيض !!
وأتمنى ماتقاريين نفسك بغيرك لأنك راح تتعبي وخلي واثقه في نفسك

 

[انثى تعشق رجل]

للاسف وصلت متاخر على الموضوع
كان ودي لو وصلت من اول علشان اطلع اللي بخاطري مع البنات
الله يهديك بس

ياعمري 5 سنوات زواج وماقدرتي تطردي وساوس الشيطان من عقلك
المهم بما اني وصلت متاخر انا بعطيك الزبدة والخلاصة
انت قلت زوجك تغير وصار احسن من اول
واللي حسيته من كلام زوجك انو انت تبي تكشخي فيه قدام الناس زوجك حاسس بنفسيتك
وبنظرتك له والانسان مهما حاول يخفي طريقة تفكيرة الا ان العشرة والحب بيكشفها
واكيد زوجك الان كاشفك وكاشف تفكيرك
علشان كذا ينسحب دائما ويخليك انت احسن منه لان نظرتك وتفكيرك تحسسه دائما بالخوف من الفشل
بينما لو زوجك حاسس انك تبي له التقدم والنجاح من باب حبك الشديد له
من باب انك ودك بمستقبل افضل لك وله ولعيالكم ومن باب انك ودك يكون احسن الناس
مو من باب فشخرة لا من باب حبك الشديد له
صدقيني كان استجاب لك بكل بساطة وسهوله في موضوع الدراسة
علشان كذا اقولك ماتيأسي منه وحاولي معه بشكل ثاني يحس بحبك تجاهه والغي فكرة الناس
والمقارنات وعمرك ماتقارنيه باحد نهائيا لان المقارنة راح تهدم اي تقدم انت بتوصلي له مع زوجك
اقنعي بالعقل والمنطق قوليله ودنا ببيت كبير ونامن مستقبل عيالنا
ويصير لنا مشروع صغير بيوم من الايام ونسافر انا وانت كل سنة شهر عسل جديد
وهذا كله لازم له فلوس
والفلوس تجي بالوظيفة الزينة والوظيفة الزينة تجي بالدراسة وبذل الجهد
هذا غير ان ثقتك بنفسك بتزيد وبتكون قدوه لعيالك لان دراسة الانسان وهو كبير اكثر تعب وجهد من دراسته بوقتها
بتعلم اولادك مايستسلموا ومن هالكلام الطيب اللي يكون حافز لزوجك
وعلى فكرة
هذا كان اسلوبي وكلامي مع زوجي الجنوبي الكسلان علشان يكمل دراسته
والحمد لله كملها من زمان
واول ماتزوجت كنت متقدمة على زوجي ببعض النقاط هذا من وجهة نظري
لكن لما عاشرته وعرفته لقيت اني متقدمه عليه من وجهة نظري انا فقط
وانه كل انسان فيه جانب يبدع فيه اكثر من الثانيين وعرفت ان زوجي مبدع جدا
في جوانب انا فاشلة فيها ​

 

[انا رائعه]

الله يهنيك بزوجك ويجمله في نظرك و يجملك في نظره


قولي لزوجك حبيبي بكيفك وبراحتك و القرار لك لكن ودي تجرب اذا ماعجبك عادي انسحب ولا من شاف ولا من درى ..اتمنى لك الافضل وراح اظل احبك مثل ما انت سواء كملت او لا .. وتاكد هالموضوع ماراح افتحه معاك مره ثانيه ابدا ابدا .. وضميه ................... وبس


جربي وادعي لي

 

[نور البدر]

براءة طفولة


انتي الأروع ..


أشكرج