كارهة نفسي و حياتي ... ساعدوني

[أم كادي]

السلام عليكم و رحمة الله و بركاته


أكتب لكن هذا الموضوع و دموعي تحجب عني الشاشة ...

أخواتي

أحب أبنائي أكثر من روحي ... أقضي يومي بس لخاطر عيونهم ...أخاف عليهم ... أحاول أحميهم ... يعني مشاعر كل أم تجاه عيالها ... لكن !!!

ما يحزنني شعوري بأني أم قاسية !!! فاشلة في التعبير عن مشاعرها لأبنائها ...
أكتب لكم الآن و أنا أتفحص وجوهم البرينة وهم نايمين و أحس بسكين تقطع قلبي و أنا أتذكر كيف كنت عنيفة وياهم اليوم بسبب شقاوتهم البريئة ....

يمكن لأني في طفولتي تعرضت لقسوة من والدتي فهمتها ألحين يوم كبرت و بررت لها هالقسوة بالخوف علي !!!
أنا ما أريد عيالي يعانون من اللي عانيته !! لكن أنا يمكن استخدم نفس الأسلوب اللي عاملوني به في صغري و اللي كنت كارهته ...

يومي يبدأ من الصبح وياهم قبل لا يروحون مدارسهم ..أحاول أصحيهم و يوم يرفضون القومة و انا أشوف الوقت يمر بسرعة و عندي دوام وما أقدر أتأخر !!!

عنادهم يخليني أهيج و أصارخ لضيق الوقت وساعات أضرب !! بس أول ما يطلعون أدرك الخطأ اللي سويته و أتم أدعي لهم و قلبي يتقطع !!

يردون من المدرسة , نبدأ الروتين اليومي !!! \حل واجبات و مذاكرة و غيره و طبعاً أكيد يتخلله
ضرابة بينهم ... عناد و تمرد على حل الواجبات و المذاكرة ...وطبعأ أعصابي تتعب و أنا أحاول أضبط الأمور بطريقة سلمية بس ما كو فايدة !!! أنفعل و أبدأ أصرخ و أضرب !!!! ما أدري شو أسوي !!

دايما الوقت سارقني وياهم وأخاف ما يفلحون في دراستهم إذا تراخيت شوي !!

على فكرة أنا زوجي طبيعة شغله تحتم عليه السفر و الغياب عن البيت و أنا اللي صايرة الأم و الأب وكل شئ على راسي ...ولما يرد يخرب كل نظام ماشي في البيت و يحسسني أني قاسية عليهم و هو القلب الحنون !!! بس هو مش مستعد يمسك كتاب يدرسهم فيه كلمتين على بعض !!!!

أنا تعبانة و كارهة كل شئ !!! وما أريد أفقد عيالي و أحولهم لضحايا قسوة مش من قلبي يعلم الله !! بس هي ضغوطات الحياة اللي خلتني أقسو عليهم من ورا قلبي ....
والغريب أني أعطي صديقاتي نصايح كيف يتعاملون مع عيالهم بحب و مودة و أنا فاشلة بلا فخر في ذلك !!!!

أرجوكم أبي حلول جذرية مفيدة
و سامحوني ​

 

[مهاري*]

هونيها وتهون يا ام كادي
كلنا انعصب على عيالنا و لما ينامون انشوف البراءه على وجوههم و نتحسف
كل صبح اذكري الله و ادعيلهم ان الله يوفقهم و يطول بالج عليهم والله كريم
والله يا حبيبتي ما فيه سلاح اقوى من الدعاء فأكثري منه

 

[مشاعل666]

حبيبتي طولي بالك عليهم اذا حصلوا القسوة

منك ... من مين يحصلون الحنان ....

جميعنا نمر بضغوط العمل والحياة ....

ولكن ابنائنا امانة في اعناقنا ... وكما اعطيتهم القسوة سيبادلونك

نفس الشعور ....عزيزتي اذا بدأت بالعنف معهم اذهبي وتوضأي وصلي ركعتين

حتما ان شاء الله ستهدأين

حاوريهم وناقشيهم عن يومهم الدراسي ..

ماذا حصل في المدرسة اليوم ؟

مااسم اصدقائك ؟؟ وهكذا

الحوار سيمتص غضبك ... وسيجعل ابنائك اكثر قربا منك....

بالتوفيق ان شاء الله

وربي يهديك ان شاء الله ويصلح اولادك يارب ​

 

[كلمة حلوة]

أم كادي حبيبتي ..أنتِ لستِ قاسية ولكن تعبرين عن حبك بهذي الطريقة الخاطئة ..

أول شي ابدئي بنفسك دايم إدعِ إن ربي يصبرك واقرئي اللهم اشرح لي صدري...
وممكن لما تحسي نفسك معصبة لا تجلسين معهم روحي سوي شي ثاني ..
ابدأي معاهم بالتشجيع يعني اللي يخلص الواجبات أول له هدية .. اللي ينام بدري يقوم بكراا يلقى هدية تحت المخدة أو الوسادة ..
صدقيني والله أهم شي بالتربية الصـــــــبر .
تمر علي لحظات أكره نفسي من كثر ما أعصب عليهم بسبب الضغط النفسي اللي أمر فيه أحيانًا .. لكن أقول ايش ذنبهم !!.. وطبيعي الأطفال يخطؤون ويتشاقوون ..لكن المشكلة فينا احنا شلووون نعالج خطأهم .

 

[أم كادي]

هونيها وتهون يا ام كادي
كلنا انعصب على عيالنا و لما ينامون انشوف البراءه على وجوههم و نتحسف
كل صبح اذكري الله و ادعيلهم ان الله يوفقهم و يطول بالج عليهم والله كريم
والله يا حبيبتي ما فيه سلاح اقوى من الدعاء فأكثري منه

الله يهون عليج هموم الدنيا ومصاعبها يارب

والله أني ادعي لهم كل وقت و كل ساعة

​

 

[أم كادي]

حبيبتي طولي بالك عليهم اذا حصلوا القسوة ​

منك ... من مين يحصلون الحنان ....​

جميعنا نمر بضغوط العمل والحياة ....​

ولكن ابنائنا امانة في اعناقنا ... وكما اعطيتهم القسوة سيبادلونك ​

نفس الشعور ....عزيزتي اذا بدأت بالعنف معهم اذهبي وتوضأي وصلي ركعتين​

حتما ان شاء الله ستهدأين​

حاوريهم وناقشيهم عن يومهم الدراسي .. ​

ماذا حصل في المدرسة اليوم ؟​

مااسم اصدقائك ؟؟ وهكذا ​

الحوار سيمتص غضبك ... وسيجعل ابنائك اكثر قربا منك....​

بالتوفيق ان شاء الله​

وربي يهديك ان شاء الله ويصلح اولادك يارب ​

كلامك صح 100% و أنا عارفتنه

بس لحظة العصبية تتلاشى كل الحكمة و الصبر

و أعرف مش حجة لي بس حسبي الله على الشيطان اللي يحرق قلوبنا و أعصابنا

جزاج ربي الجنة حبيبتي ​

 

[أم كادي]

أم كادي حبيبتي ..أنتِ لستِ قاسية ولكن تعبرين عن حبك بهذي الطريقة الخاطئة ..

أول شي ابدئي بنفسك دايم إدعِ إن ربي يصبرك واقرئي اللهم اشرح لي صدري...
وممكن لما تحسي نفسك معصبة لا تجلسين معهم روحي سوي شي ثاني ..
ابدأي معاهم بالتشجيع يعني اللي يخلص الواجبات أول له هدية .. اللي ينام بدري يقوم بكراا يلقى هدية تحت المخدة أو الوسادة ..
صدقيني والله أهم شي بالتربية الصـــــــبر .
تمر علي لحظات أكره نفسي من كثر ما أعصب عليهم بسبب الضغط النفسي اللي أمر فيه أحيانًا .. لكن أقول ايش ذنبهم !!.. وطبيعي الأطفال يخطؤون ويتشاقوون ..لكن المشكلة فينا احنا شلووون نعالج خطأهم .

الله يجبر بخاطرك مثل ما جبرتي خاطري

ان شاء الله يا حبيبتي ​

 

[تــ زرقاءـــوته]

الله يعينك
والله كلنا معذبيننا عيالنا
الله يعيننا عليهم

 

[مهاجرةبإحساس]

عزيزتي انا بصراحه لسى ماجربت الامومه بجد.. لكني احيانا امارس دور الام مع اولاد اخواتي الله يحفظهم.. وصراحه كنت دايم اتفلسف عن معاملة الاطفال والقسوه.. ومره كانت اختي بدوامها .. وانا عندهم بالبيت وكنت تعبانه واختي الثانيه جابت بناتها.المهم طفشووووني وانا مانمت زييين المهم ماادري اش سوى وصرخت عليه وضربته.... قعدت ندمانه ومحروووقه اكثر من سنه كل مااتذكر شكله ابكي حتى زوجي احيان لما اجيب طاري الولد وابكي يستغرب.. مع انو لما شفته جبت له هدايا ويموووووووووووت فيني..
انتي حاولي تضبطيين اعصابك ... يعني انتي بمعدل كم مره تضربينهم.. فيه ناس يوميا
بعدين ترى الضرب يهوون اذا ما صرختي وناظرتيهم بعصبيه..
فلنقتدي بسنة حبيبنا صلى الله عليه وسلم .. فقد اوصانا .. بحسن معاملة الاطفال
وان كان لابد من العقاب .. قرصه بالأذن..
الله يهدي بالك..انتي ادعي ان الله يعطيك سعة الباااااال
وحاولي تعوضينهم بالدلاااال والقبلات والاحضان بس مو بنفس الوقت...
آسفه ع الإطااااله
الله يعطيك سعة البااااال ويصلح لك اولادك يارب

 

[أم الحسام@نت]

ليش تقسين على نفسك كذا .
كل أم تحب تشوف أولادها أحسن ناس ومتفوقين في دراستهم .حاولي لاتتعصبين لأن العصبيه على الأطفال ماتسبب غير العناد . دردشي معاهم قولي لهم مواقف مضحكه عن أيام طفولتك أو أي موقف مضحك عن أي شي . خليهم يساعدونك في أشياء تخصك . خرجيهم برا البيت ومشيهم وخليهم يمرحون .
ولاتنسي تدعين لهم في آخر الليل الله يهديم ويكونوا بارين فيك.

 

[am yazed]

دائما تذكري انهم اهم شي لك في الحياه
واللى تزعينه فيهم الآن بتحصدينه لما يكبرون
وان الله ممكن يرحمك بدعائهم لك ​

 

[كتكوتة 2009]

لامو قاسيه انتي مو ام قاسيه انتي حنونه انتي طيبه تحبيهم وانا زيك اكتبلك وانا ابكي ليش لاني احس بيك
انتي الام والاب في غياب الاب انا نفس الشي كنت اضرب عيالي وهم صغار اعصب عليهم وهم مايعرفون وكنت من فتره حامل واصغرهم كنت اعصب واضربه مو صاحيه وادخل اضرب نفسي تصدقين وابكي اكره نفسي كل ماتذكر الموقف هذا الين اليوم كم سنه
احاول اضبط اعصابي بنتي الصغيره عضتني وهي ترضع ضربتها الين بكت وكل مافتكر ابكي قعدت ادعي ربي وابكي انه يخفف غضبي اترجيته لانه موانا
احنا تربينا على القسوه الضرب الله لايوريك كيف تربينا الحمدلله بس كانو من خوفهم زي ما قولتي
الدوام صرت اصحيهم من 4ونصف افطرهم ويكونن لابسين الملابس الداخليه من الليل ياذن يروحو يصلو وهم لابسين الملابس جاهزين والله الطريقه هذي خلتني اروح دوامي بدري وانا مكاني في سفر ماشاءالله اوصل اول وحده والحمدلله وممنوع السهر الواجبات خليهم يحلوها في المدرسه عاى قد مايقدرو سوي اسلوب المكافات لاتضربي وقفيهم عقاب
زي سوبر ناني
ابعدي عنهم عند الغضب خلي احد منهم يساعدك لاينامو العصر خليهم يحلو الواجبات علشان ينامو بدري الساعه 8 الا وانتي مجهزتهم للنوم
وصدقيني شوي شوي تمسكي زمام الامور سوي معاكي قائد في البيت المتعاون حتى لو اصغر واحد تحسي انه متعاون والله انتي موقاسيه ابعدي عنهم وروحي للكمبيوتر اعطيهم استراحه
شوي العبي معاهم امزحي طول الوقت اتخايلي اول يوم جبتيهم ولحظة الفرحه
الله معاكي واي شي انا معاكي ​