قويت نفسي وقلتها لك ياعبدالله خلاص انساااااني..انسااااني(لك الحمد يالله)

[*غاليه*]

تجربه مفيده وعضه وضعتها اختكمـ للفائده
نشكر صراحتها ونتمنى لها الثبات دوماً
تحياتي / هناء​

أخواتي اول مرة اكتب موضوع في هذا المنتدى الرائع..

بختصار سوف اقولكم نبذة بسيطه عني..انا جامعيه متخرجه منذ سنوات..لكني عاطله لا اعمل حالياً
وعمري تقريبا 27 ونص..وغير متزوجه والحمدالله على كل حال..

كغيري وغير الكثيرات كنت انتظر كل صيفيه لعل وعسى انخطب واتزوج ولم يكن ما اردت

في اخر سنه جامعيه لي..كان يتصل بي رقم غريب ويرسل رسايل هزت وجداني..وكأنها لي من شخص غالي..وبعدها تأكدت ان اللي يرسل رجل..رديت عليه برساله انك غلطان ولاعاد ترسل على جوالي..وخليت طريقتي كأني رجل..تأسف لكنه رجع يتصل ويرسل بعدها عرفت انه متأكد اني بنت ولست رجل..

مرت الايام...ودق علي...رديت وبختصار عرفني بنفسه وكان الشيطان ثالثنا...

كان يكلمني يوميا...ويرسلي...تعودت عليه..وعلى صوته...اعترفلكم اني بلحظة ضعف عطيته مجال..لأني وقتها كنت اخر سنه جامعيه وودي استانس وانسى الهم..غير كذا كنت متهاوشه ذك الفترة مع اختي ولا نكلم بعض ابداً وكان عبدالله يونسني بكلامه..

اي اسمه عبدالله..

استمرت علاقتنا سنتين بالتمام والكمال...مجرد مكالمات ورسايل على الجوال..وحاول طول هالسنتين يشوفني ولاعطيته مجال..كنت اقوله اخاف من الله لالا ما اقدر..قالي خلاص عطيني عنوان الوالد وبخطبك
ورفضت قال ليش..قلت الحب بهالطريقه ماينفع..اخاف ربي ما يوفقني لأني عرفتك وكلمتك من قبل..

كنت طول ماني مستانسه معه اخااااف ربي وهاجسي اني ما اتوفق بشي لأني تعرفت عليه وطبعا حرام اللي سويته بحقي وحق اهلي..بس الشيطان غلبني يا بنااااااات كل ما اقول خلاص بقوله كل شيء ينتهي ارجع اتولع فيه اكثر..

كان يكلمني كل صبح وهو رايح العمل ويجلس ساعه وبعدها ينقطع شحنه ويرجع يكلمني اليوم الثاني الصبح وهكذا..تعودت عليه...ورفضت يشوفني لأني اخااااااااف ورفضت يخطبني لأني كنت اقول ممكن ما يبيني او ممكن ما اقدر ابعد عن هلي وممكن بعد مايوفقني الله معه لأني عرفته قبل الزواج..

كان يحاول احيانا يتكلم معي عن امور الجنس وانا ما اخلي له فرصه واغير الموضوع..
كان يقولي يلا غني لي..وانا صراحه مو ذااااك الزود بس كنت اغنيله بعض اغاني نوال والأماكن

كنت انتظر مكالمته كل صبح لأني اتلهف على صوته..

كنت ادري اني غلطانه واني خنت ربي حبيبي وخنت اهلي بحبي لشخص مجهول ماعرف الا اسمه ووظيفته ودولته وبس..

واذكر يوم انه كان يلح علي يشوفني لو من بعيد وانا ارفض كتبت هالأبيات البسيطه جدا



وارسلت له الأبيات عشان ماعاد يزن علي ولاعاد يقولي بشوفك لأني مستحيل اخون اهلي
بس فوق كل هذا ماقدرت اطلب منه انهي علاقتنا...لأني كنت احبه ولا ودي افقده..

تخيلو كنت احبه مع اني ماشفته ولا شافني


كان يقولي يا غاليه اذا تزوجتك بسفرك برا ووريك الدنيا..لأنه يحب السفر..وبالنسبه لي ما احب اسافر برا ديرتي لأني مو متعوده..عيشني بأحلام وكان الشيطان يوسوس لي اني اذا قبلت فيه راح اعيش حياة حلوة ماصارت..بنيت معه احلام واوهام...وقالي ترى اذا تزوجتك تلبسين حجاب من غير غطى...قلت لا اخلاقي ما تسمح لي وحرام كشف الوجه..قال اهلي كلهم كذا..واقنعته انت تحب حلالك يشوفونه الناس؟؟سكت وحسيت انه اقتنع..قبل ماتنتهي علاقتنا بشهر جى للرياض وقالي وصفيني بيتكم ابي اوصل هديه لك بس انتي اللي تفتحين الباب رفضتتتتتتتتتت قالي خلاص عطيني عنوان بيتكم بحطها لك وانتي خذيها بعدين قلت وشوله...قالي اول مرة ابي اهديك..قلت اوكي...وجى اليوم الثاني وكلمت على جواله ولارد..وانقههههرت منه

وطبعا كان في باله ان خلاص قريب راح يخطبني وانا لأني عشت بالأحلام قلت اكيد ماغيره اللي بيسعدني..مع ان اهلي مايزوجون من بعيد وخاصه لا صار واحد من دوله ثانيه..

بس الظاهر عقلي وقتها قفل يفكر صحح..

بعدها مكالمته الأخيرة بيوم حسيت قلبي انقبض حسيت اني غلطانه مع الله ومع نفسي ومع اهلي بعد...حسيت نفسي خاينه لربي ثم لأهلي

قويت نفسي وقلت اذا اتصل ماراح ارد علييييييه ابد
واذا صمم يكلمني راح اقوله برساله انسااااااااااااااني

وينتهي مسلسل الضياع اللي بيدته بيدي

وفعلا اتصل ولاردييييييييييييت
وارسل يبي يعرف وشفيني
وارسلت له انساااااااااااااني خلاص خلاص ياعبدالله ماعدت اقوى ماعدت اقوى..اخاااااف ربي والله اخاف ربي..


والأن مررررررررر سنه و3 شهور من يوم تركته...جلست فترة ادعي ربي يثبتني ويغفرلي..وينسيني عبدالله
والحمدالله نسيته....صحيح تمر علي ايام اشتاقله..لكن الملم نفسي وتعوذ من ابليس الرجيم..

وكاني نسيت عبدالله وحبه وكلامه وضحكاته...



وكل وحدة تقرا قصتي تحاول تاخذ منها العظة والعبرة..والله اني ندمت على اللي سويته..بنات يكفي انكم تدعولي..وارجوكم مابي رد يجرحني..كفايه اللي صار لي
فجراحي تزيد ولا تحتمل المزيييييد..

ياربي رحمتك وغفراااااااااااااااااااانك..



اللهم اغفرلي ولوالدي وللمؤمنين والمؤمنات الأحياء منهم والأموات..​

 

[كل الظروف ضدي]

الله يسعدك ويوفقج يالغاليه

وان شاء الله ربي بيعوضج

وعقبال رفيجتي اهي ع وشك انها تتركه دعواتكم لها

راح اقولها عن قصتج وان شاءالله تتعظ منها مافي احلى من الحلال وربي


عجبتني ابياتك حبوبه

يعطيج العافيه

 

[دوومي عالية]

يا حبيبة قلبي والله...

الله يثبتج وينور لج دربج دووووم

ويرزقج من يستاهلج ويسعدج..

بس سؤااال يعني..واسمحي لي على اللقافه..ليش كنتي ما تبينه يخطبج؟؟؟؟

ما فيها شي لو ياااج من درب الحلال!!!!

حتى لو ان هلج ما بيوافقون..بس يعني ..على الأقل محاوله...ومن يطرق باب الحلال ربي ييسر له اموره..
حتى لو كان غلطان قبلها! وجهة نظري هاي..

حبيبتي ربي يوفقج دنيا وآخرة

 

[*غاليه*]

الله يجزاك الجنه حبيبتي عاليه ويوفقك ويرزقك باحسن منه الي يسعدك ويوفقك ..
حبيبتي جد فرحانه لك والي يترك شي لله عوضه الله خيرا منه..
دعواااااتي لك ياغاليه..
وصدقيني الدنيا ماوقفت عنده ويليت الكل يستفيد....

اشكرك كثييييييييير على دعوتك لي..الله يجزاك خير

وصحيح الدنيا ماوقفت عنده

الله يصبرني والله يثبتني
ياااااااارب

 

[*غاليه*]

الله يسعدك ويوفقج يالغاليه

وان شاء الله ربي بيعوضج

وعقبال رفيجتي اهي ع وشك انها تتركه دعواتكم لها

راح اقولها عن قصتج وان شاءالله تتعظ منها مافي احلى من الحلال وربي


عجبتني ابياتك حبوبه

يعطيج العافيه

اشكرك على دعوتك..الله يسعدك ويخليك

وشكرا على المجامله حبيبتي
مجرد كلمات بسيطه جداً
لاني شاعرة ولا شيء
مجرد حرقه بقلبي وكتبتها على الورق

واتمنى فعلا صديقتك تقرأ اللي كتبته وتتعض
واذا تقدرين اطبعي لها القصه

الله يبعد الكل عن الحرام

 

[*غاليه*]

يا حبيبة قلبي والله...

الله يثبتج وينور لج دربج دووووم

ويرزقج من يستاهلج ويسعدج..

بس سؤااال يعني..واسمحي لي على اللقافه..ليش كنتي ما تبينه يخطبج؟؟؟؟

ما فيها شي لو ياااج من درب الحلال!!!!

حتى لو ان هلج ما بيوافقون..بس يعني ..على الأقل محاوله...ومن يطرق باب الحلال ربي ييسر له اموره..
حتى لو كان غلطان قبلها! وجهة نظري هاي..

حبيبتي ربي يوفقج دنيا وآخرة

الله يعطيك العافيه على دعوتك لي

وبالنسبه لسؤالك..؟؟
انا كنت صحيح احبه بقلبي

بس عقلي يقولي لالاتاخذينه
على ماكنت في غفله كان ضميري صااااحي وعقلي يقولي لا

كنت دايم احس بتأنيب الضمير..بعد كل مكالمه
كنت اقرا احيان عن قصص الحب اللي بمجرد الزواج ينتهي كل شيء
واقول بنفسي لا انا ابي حبي يستمررر بعد الزواج
كانت الافكار تدور فيني..واقول دامني خنت عهد ربي اكيد ماراح يوفقني الله

آآآآآه..كنت في صراااع داخلي

ولحد ماقواني الله وقلتله انسااااااني يا عبدالله لأني اخاف ربي انساااااني للأبد

 

[ملاك الورد]

الحمدلله رب العالمين .. الله يعاوضك خير والحمدلله انك رجعتي للصح ويارب يوفقك ويسدد خطاك .. : )

 

[واحات]

الحمد لله الذي هدانا ... وما كنا لنهتدي لولا أن هدانا الله ...


مبارك عليك هذه القفزة ( ولا أقول خطوة ) إلى الأمام ...

واتمنى من الله أن يستر عليك في الدنيا والآخرة ... وأن يتم عليك نعمه ... ويرزقك بالزوج الصالح الذي يعينك على طاعته ...


نفع الله بقصتك .. كل امرأة تعتبر

 

[قرمش قراميش]

مرحبا الغاليه

احيييج على قوتج وارادتج واستمري ابها اعرف انه النسيان والفراق كان صعب وهب سهل بس ربي العالمين ما يرد تايب ومن في قلبه نيه صادقه الله يعوضج خير والي يحب وفعلا يبغي انسان لو هالدنيا تنقلب علشان تبعده وهو ما يبغي تراه صدقيني ما راح يبعد الا اذا ربج راااااااااد بس الله يعطيج ع قد نيتج ولا تعيشي الحزن والهم وعسى ان تكرهوا شياء وهو خيرا لكم وقدر الله وماشاء فعل
تحياتي لج​

 

[ليل الشتا]

الله يثبتك يارب يارب
تستاهلي يالغاليه ربي يحبــــــــــــــــــــك أنتي قوية عزيمة

 

[تاج العذارى]

الله يفقج يثبتج يا الغاليه ***
( ومن ترك شيء لله ابدله بخيراً منه )​

 

[Rooma1]

غلا

غالية
الغالي ما يليق له إلا غالي....
وعند الله ما يضيع شي....:icon26:

 

[بطبعي حيرتهم]

السلام عليكم جميعا ..

اولا حبيبتي غاليه :icon26:اهنيك من اعمااااااااق قلبي على عزيمتك وصدق توبتك ولا تنسي ان الله اشد فرحا بتوبة عبده

واسال الله العظيم ان يثبتك على الحق ولا يجعل للشيطان اليكي طريقا ....

وطبيعي انك بتشتاقين وتحنين لايامه لكن احذري الرجوع اليه

وغيري رقمك حتى لا يعاود الاتصال نهائيا

فان الشيطان يجري مجرى الدم بالانسان

وياحي ياقيوم انك تعلم ان غاليه لم تتركه الا خشية منك وابتغاء مرضاتك

فارزقها برجل صالح يسترها ويحميها من الحرام ويعوضها ويغرقها حنانا ياذا الجلال والاكرام

((يــــاليت هذا الموضوع يثبت لان اغلب مافي هذا القسم قصص الحب والمعاكسات حتى يستفدن ويتعظن لعلها توقض قلوبا غافله ))

تقبلي مروري :cupidarrow:

دمتي بود

 

[مرج الزهور]

تهاني القلبية الحااااااااااارة بخطوتك الرائعة هذه
ثبتك الله عز وجل من فوق سبع سنوات
وعوضك بالزوج الصالح والذرية الصالحة يالغلااااااااا

 

[*غاليه*]

الحمدلله رب العالمين .. الله يعاوضك خير والحمدلله انك رجعتي للصح ويارب يوفقك ويسدد خطاك .. : )

الله يخليك ويسعدك على دعوتك لي..

والحمدالله من قبل ومن بعد..

 

[*غاليه*]

الحمد لله الذي هدانا ... وما كنا لنهتدي لولا أن هدانا الله ...


مبارك عليك هذه القفزة ( ولا أقول خطوة ) إلى الأمام ...

واتمنى من الله أن يستر عليك في الدنيا والآخرة ... وأن يتم عليك نعمه ... ويرزقك بالزوج الصالح الذي يعينك على طاعته ...


نفع الله بقصتك .. كل امرأة تعتبر

الله يسمع منك يا قلبي..اشكرك حيييل على دعوتك..

وفعلا انا ماحطيت قصتي هنا الا عشان انفع فيها خواتي..عسى يتعظوووون منها..

وله الحمد ربي حتى يرضى..وله الشكر حتى يرضى..

الله يثبتني انا وخواتي للصراط المستقيم..

 

[الروائع]

مشاء الله عليك من ترك شي لله عوضه الله خير منه الله يثبتك

 

[*غاليه*]

مرحبا الغاليه ​

احيييج على قوتج وارادتج واستمري ابها اعرف انه النسيان والفراق كان صعب وهب سهل بس ربي العالمين ما يرد تايب ومن في قلبه نيه صادقه الله يعوضج خير والي يحب وفعلا يبغي انسان لو هالدنيا تنقلب علشان تبعده وهو ما يبغي تراه صدقيني ما راح يبعد الا اذا ربج راااااااااد بس الله يعطيج ع قد نيتج ولا تعيشي الحزن والهم وعسى ان تكرهوا شياء وهو خيرا لكم وقدر الله وماشاء فعل

تحياتي لج​

شاكرة لك دعواتك..
ولا احد يشك في إرادة الله تعالى..سبحااااانه

ولكن علينا نحن الأصرار والعزيمة والأرادة القويه مع الدعاء بأن يلطف الله علينا ويثبتنا وهذا مافعلته..والحمدالله من قبل ومن بعد.

الله يوفقك ويسعدك يا اختي

 

[*غاليه*]

الله يثبتك يارب يارب
تستاهلي يالغاليه ربي يحبــــــــــــــــــــك أنتي قوية عزيمة

شكرا اختي على مرورك ودعوتك

والحمدالله ..وعسى ان يغفرلي الله ذنوبي ويثبتني..

وتكون قصتي سبب في تشجيع الأخريات على الأقدام بما فعلته

 

[*غاليه*]

الله يفقج يثبتج يا الغاليه ***


( ومن ترك شيء لله ابدله بخيراً منه )​

شكرا حبيبتي على دعوتك
والحمدالله..العوض من الله