قولوا شو اكتشفت الحين ..؟؟؟

[دمووعي ألم]

مساء الخير حبيباتي و عزيزاتي و اخواتي بالمنتدى

ما اعرف من وين ابدأ اول شي انا زوجة مو مقصرة مع زوجي في أي شي
الحين و انا على النت قلت خلني اشوف ايميل زوجي على العلم اهو مسافر حاليا الا لقيت
ايميل من موقع زواج و قلت يمكن ايميل من الايميلات اللي توصل من غير قصد
لكن اكتشفت انه مشارك فيه و يبي يتزوج من دوله خليجية مجاورة منا و كاتب انه منفصل ما اعرف اشلون اتصرف الحين افاتحه بالموضوع ولا اسكت و اشوف و خصوصا انه بكره رايح هالدوله و راح يبقى اسبوع اهناااااك ..؟؟:dunno::dunno:

 

[ضمى الشوق]

الله يكون في عونك لا تقولين له شي يمكن لوقلتي يقول الحقيق وذيك الساعه تموتين قهر استني شوي وشوفي اساس ماتفكين عقله انج تفتشين من وراه وبعدين ايشيل كل شي عنج وتظاهري بتعب واذ تقدرين منعيه بطريقه حلوه والله ينصرج عليه

 

[نور كندا]

انتبهى مايكون مسافر من اجل اتمام الزواج والله يبعد عنك بنات الحرام خرابيين البيوت

 

[الطله الحلوة]

قومي صلي وادعي ربك انه يصرف عنه واكثري من الاستغفار وربنا ان شاء الله يريح بالك

 

[ترانيم الألم]

انا اقترح عليج اختي انج تفتعلين اي سبب يعرقل سفره واذ كلش كلش ماقدرتي اخذي جوازه وخبيه وتظاهري انه مالك دخل بالموضوع وصيري تدورين معاه بجد عشان لا يشك عشان يتسنى لج الوقت في اتخاذ القرار السليم................انصحج انج تفكرين بعلقلج ولو قدرتي استشيري احد ثقه والله يوفقج..........

 

[نسومة 9]

لاتنسين هذا الدعاء اللهم ياحافظ ياحفيظ احفظ سمع زوجي وبصره وجميع جوارحه الذي لا تضيع ودائعك في الصباح والمساء

 

[نسومة 9]

اللهم ياحافظ ياحفيظ احفظ سمع زوجي وبصرة وجميع جوارحه التي لاتضيع ودائعك قوليها في الصباح والمساء

 

[عروسة ليبيا]

ااااااااااالله يستر ما لك الا الصبر .................................ما في شي ف بالي دامه مسافر بكرا

عجزت افكر جد ان شالله بيكون شي عابر نوع من التسليه و و و وبس

خايفه اكمل ظنوني
برجع اتطمن عليك الله يجبر بخاطرك

 

[ليتني احتويك]

الله يكون في عونك

 

[دمووعي ألم]

اشكركم من كل قلبي يا بنات و الله اني محتاره اكثر الحين اهو سافر و لا عليه مني سوى افتعلت شي او لا ..
ما اقول الا حسبي الله على كل ظالم انا عمري ما قصرت في حقه بشي و اخر شي هاذي جزاتي لكن الله يسامحه
الله يصبرني و يقدرني اتمالك نفسي اذا شفته لكن المشكلة اذا رجع من السفر و اشلون اتصرف ويااااه ..؟؟

 

[دمووعي ألم]

نسيت اقول لكم حاط بالمنتدى انه منفصــل و مصغر عمره 7 سنوات شي يقهر والله و على العلم اهو اكبر مني
ب 19 سنه تقريبا و الحين مسوي عمره اصغير ..

 

[ام سيووف]

حاولي تتاكدي اذا كان مسافر علشاان الزواج او لا

اذا كان مسافر علشان الزواج لا تفكرين شو تسوين يوم يجي لا من الحين فكري شلون تمنعينه يساافر

والله يفرج همج وهم كل مسلم

 

[m2008]

نسيت اقول لكم حاط بالمنتدى انه منفصــل و مصغر عمره 7 سنوات شي يقهر والله و على العلم اهو اكبر مني
ب 19 سنه تقريبا و الحين مسوي عمره اصغير ..

ااااصغر عنه 19
المفروض يحمد ربه انتي بنته ... طبعا صارحيه

 

[نور الدنياء]

ليش سااافر
عشان اش
وهل شفتي شي يثبت ان سفره مثلا لعمل
طيب هذا اليومين كلميه وتغزلي فيه كثير
وحاولى تصلي وتدعين كثير
الدعاااء هو افضل شي الان لك وله ادعي ان الله يصرفه عن الزوااج
وادعي الله انه يعمي عيونه عن الحرام وبنات الحرااااااااااام
وان شاء الله الموضوع كله تسليه مايكون جد

 

[غروب الجسد]

الرجال جنو وقعدوا الله يخلف على عقولهم


دعاء لحفظ الزوج
(((( اللهم اني استودعك زوجي في سمعه وبصره ولسانه ويديه وقلبه وفرجه وماله عنك الذي لا تضيع ودائعك))
كرري دائما (استودعت الله نفسي وزوجي وذريتي في ديننا ومالنا وخواتيم أعمالنا اللهم استودعتك بيتي وعمالتي عن الزنا والكذب والفساد

 

[امورة**زوجها]

الله يسخره لك

 

[عنقود عنب]

اسمحي لي اختي اقول لك انك غلطاااااااااااااااااااانه


بانك ما واجهتية ... حتى لو هو بسوي اللي بسوية ...لكن على الاقل تكوني عرفتيه انك مو راضية على تصرفة

وعشان يعرف انك مو مغفله وانه يقدر يستغفلك

لكن الحين اللي صار صار

ولازم تشوفين السبب اللي خلاة يتزوج وحده ثانية

وحاولي تصلحي النقص اللي عندك

وربي معك

 

[دمووعي ألم]

ااااصغر عنه 19
المفروض يحمد ربه انتي بنته ... طبعا صارحيه

المفروض لكن شنو بيدي اسوي انا انتظر بس يرجع لانه سافر خلاااص و الله يعيني و اقدر انتظر الى ان يرجع و اشوف شو السالفة ويااااه

الله يصبرني

 

[دمووعي ألم]

ليش سااافر
عشان اش
وهل شفتي شي يثبت ان سفره مثلا لعمل
طيب هذا اليومين كلميه وتغزلي فيه كثير
وحاولى تصلي وتدعين كثير
الدعاااء هو افضل شي الان لك وله ادعي ان الله يصرفه عن الزوااج
وادعي الله انه يعمي عيونه عن الحرام وبنات الحرااااااااااام
وان شاء الله الموضوع كله تسليه مايكون جد

انا اعرف انه ما يحب الحرام ولكن الخوف انه ناوي يتزوج و اهو رايح يقابل احد بهالموضوع
و اذا شفت شي يثبت هالشي انا اكتشفت هالموضوع بعد ما سافر و هني المشكلة يعني ماادري شنو اللي صاير الحين

 

[دمووعي ألم]

اي والله صدقتي انهم جنوا و قعدوا و يبون ايخلون زوجات في كل بلد علشان يأخذون راحتهم ..


دعاء لحفظ الزوج
(((( اللهم اني استودعك زوجي في سمعه وبصره ولسانه ويديه وقلبه وفرجه وماله عنك الذي لا تضيع ودائعك))
كرري دائما (استودعت الله نفسي وزوجي وذريتي في ديننا ومالنا وخواتيم أعمالنا اللهم استودعتك بيتي وعمالتي عن الزنا والكذب والفساد [/quote]