قهوة الضـحـى عندي حياكم الله/ معلمة متألمة

الحالة
مغلق و غير مفتوح للمزيد من الردود.
حبيبتي معلمة ،،،

أحبك في الله ،، قرأت قصتك وأحببتك وكلما مررت على محل عطور الياس اتذكرك ،،، وأدعوا لك ،،،وأجرك عند رب العالمين ما يضيع ،،،
معقولة لسه في ناس بطيبة أخلاقك رغم كل اللي مر عليك ،،، سبحان الله وتبارك الرحمن يارب يتمم عليك نعمه ظاهرا وباطنا ويرزقك خيري الدنيا والآخرة كما أعطى أولياءه من قبل انه ذو الفضل العظيم،،،

صرت أفكر أكتب قصة حياتي انا بعد ،،،ههه واحد تحب تقلد،،، بس باي لغة أكتبها أقصد باي لهجه ههه
 
مبرووووك الملف الجديد

والله اني احبك في الله يامعلمتنا واستفدت منك في اشياء كثيييير

الله يفرج همك ويعينك يارب
 
مبروك الموضوع الجديد هنوده وياهلا ومرحبا بام هنوده قمر22نور المنتدى بوجودك
 
عزيزتي هند

انا كنت عضوه قديمه ببلقيس وانقطعت سنتين تقريبا وفجاه رجعت قبل كم يوم على يومياتك
تفاعلت لدرجه شبهتك قصتك زي دعايه شيبس برينكلز لما تفك مش حتسك وفعلا ما سكرت من كثر ماهي قصتك واسلوبك مشوق لدرجه اطلع لمشوار وانا راجعه للبيت ما عندي صبر ادق عليهم جهزوا اللاب توب وافتحو لي ع بلقيس ومن ادخل البيت بعبايتي الله وكيلك ع قصتك مباشره ودي اكملها

وبصراحه جزاك الله خير الجزاء

استفدت منها وااااااااااااااااااااجد

وعسا ربي يكتب لك الخير وين ما كان ويسخر لك عباده ويكفيك شر الانس والجن واشمل بدعائي هذا كل مبتليه بهالمنتدى وكل مسلم ومسلمه اللهم امين

اكرر انتي سبب رجوعي لبلقيس
 
صباح الرضا والطاعه .....اخبارك هنوده ربي يفرج همك ويصلح احوالك

امر بظروف صحيه وكربه الله وحده يعلم بسبب السحر ...علشان كذا انا مره تعاطفت معك

ادري كيف السحر يدمر بيوت ويحطموووووو بس ربي فوقهم الاشرار ربي ما يرضى بالظلم بس يختبر صبرنا ربي افرغ علي صبرا وثبتني كلامي مو مرتب حبيت اسلم واقولك انك على بالي وادعي لك ربي يتقبل منا

وكل عام وانتم بخير يارب بلغنا رمضان واعنا على الصيام والقيام كما تحب وترضىواحبابنا


لا تنسوني اخواتي من صالح دعاكم والحمد لله رب العالمين
 
صبااااح الخيييير
لاحلى هنوووووودة
واحلى ناااااااااس
خاطري اتقهوى معكم اليووووم
 
صباح الخير ياحبايب
مصدعه وتعبانه شوي وماجاني نوم
بسبب موضوع اهمني
بس حبيت اصبح عليكم
صباحكم تفاؤل وخير وبركه
وكل شي حلو بالدنيا
​
 
3277701915_7c50a356ce.jpg


صباحكم فراولــــــــــه بجوكلـــــــــيــت.... وحلا ف حلا ..... وسعاده ورضا وضحكه توسع صدوركم وابتساامه لايعقبها اي حزن ياغوالـــــــــــي

حبيت اصبح عليكم .. قبل لا ارد عليكم.....

وعندي اقتراااااح ابي بيومياتي كل اربعاء وحد منكم تحط محاضرة لاحد المشاااي والكل يسمعها ونتناااقش فيها.. يوم بالاسبوووع انتو ابدوها من بكره وانا اليوم اخر يوم لي بالنت.. وبعد العيد ع طول عليكم....
المحل محلكم وانتو حسااب الروح..... ما اوصيكم..... :)

ابي كل اربعاااء مجلـــس ذكــــــر .. اقل فايده نحصلها من هالمجلس هو ان ربي يبدل سيئاتنا بحسنااااات وربي محتاجينهااا لان ذنوبنا اهلكتنااااااااااا بدون اي رحمه ....

وبخصوووص موضوعي..... طلبت منهم يحذفونه لان فيه البعض لحوا لي انهم يعرفوني... وانا مو ناقصه هم ولا مصايب... اللي عندي يكفيني....

ويومياتي بكتب لكم بارتات... ماعندي مشكله بأدق تفاصيلها مثل ماعودتكم.... بس فرق لما بيومياتي اكتب لكم بارتات وبين لما تكون القصه موجوده بأدق تفاصيلها وربي لو شم خبر ناصر وقرااااها تخرب ع راسي :( كل حياتي معاه بتفاصيلها حطيته لكم ابي افيدكم مو اكثر.. بس كم وحده قالوا لي نعرفج وقلت لهم الدوحه مافيها الا اللي تعرفونها ؟؟؟؟؟ وحذفته بلا وجع راس..... الله يهديهم لولا لقافتهم كان ماحذفته بالعكس واجد مستفيدين منه وانا مستانسه وما ابي الا الجر مابي غيره :)

بس ماراح يتغير شي بكتب لكم بارتات ... :) ولايهمكم ماقدر اقولكم لا :)​
 
صباح الخيرات والورد والفل والياسمين على الكل
وااااااااااي فديتج هنوده انج عطيتينا من وقتج ونفس الوقت نسولف وياج
الله يعكيج الصحه والعافيه يارب
ويوفقج ف حياتج ان شاء الله
ويحقق لج كل امنياااااااااااتج يارب
 







​
​

​
​

​
​

​
​

​
​

​
​
تنفَسُوا بِ عُمقٍ ..​

​
ثمّ ازفرُوا قائلينَ : يَا اللهْ !​

​
فَ معهَا سَ تشعرُونَ بالرّاحةِ ،​

​
وَ سِعةِ الصّدر وَ الانشِراحْ !​
​

​
​

​
​

​
​
صباحكم رآآحة باآآل..​
​

​
​
متابعه لمدونتك معلمة متألمة...​
​
لك ودي ومودتي..!!
​
​

​
​
 
صبحج الله بالخيييير يالغاليه......من يجي طاري قهوة الضحئ اتذكر امي وجاراتها وجلستنا انا واختي معاهم والوقت شتاء والجلسة برع البيت تحت نخلة ابوي اللي زرعها بيده الله يرحمه وتحت السدرة اللي كل ما ماتت حيت من جديد ناذرة انها تظللنا طول العمر....
وعيال الفريج يلعبون وجارتنا ام حسين اللي ولدت امي فيني قبل 29 سنه مرة تضحك ومره تعصب واخوي يلعوزها وينرفزها ومره تسبه ومرة تحذفه ...
اشم ريحة قهوة امي واشوف صحن البلاليط ونسمع الرادو .....ست سنوات وانا مشتاقه قعدة قهوة الضحئ مع امي وجارتها....لكن عيت تعوود الاياام مرة ثانية وعيت النخله تجمعنا...​
 
الغلا....والجود فديت من طيب اصلج ياغاليه :)​

منورة وانتي راعية محل...​

..​

دنــّوووي سراب .. وحشتيني..... ش اخبارج :) بشريني عنج....​

لج وحشه ..... حياج باي وقت فديت البصمه :)
وبخصووص الفله من اللي يجي ومايفتل ولا يستاسع خاطره ...؟ يبيع الدنيا ويحذفها ورى ظهره ويفلهااااااا وكل ماضاق علاجه ركعتين وتروح ضيقته..​

..​

لي لي .. لا بديت اخاف من خيالاتج.... واحساسج.... الخيال فجأة يصير والاحساااس بالضبط صاااار ... مب هينه..... :) فديت احسااااسج وربي غاليـــــه....​

ربي يوفقج يارب ويرضى عليج.....
..​

منتظرة الفرج.... لا شكر ع واجب وربي وربي جمعتكم بلسم لجروووحـــي.... ​

وناسه وبنسولف وبنستفيد من بعض وكل اربعاااء مجلس ذكر وش بني اكثر من هالخير:)..
..​

جمونتــــــــي.... صباحج ورد جووووري وعطر ياااس :)​

مافاتج افا عليج... باي وقت تشرفين المتصفح بكبره :)​

طيبه دامكم طيبين *_~
..
مهره بلا خيــــــّال !!!!!
>>>فيس مايبي يشوف حد وصاد عنكم ... ومعطيكم خده ويقول: وينج مابيّنتي!!!!؟؟؟
وربي ماتفارقيني ابد بسبة كلمة قلتيها لي........ ودوم ف بالي... اسال ربي مثل ماقلتيها لي ماتبين مني شي.. انه يفرج لج كل هم ويسعدج بسعاده لاتشقين بعدها ابدا ماحييت...
ولاتطولين علينا... وعلى الموضوع .... بشوفكم بعد رمضان بس ابي ارجع والقى بصماتج *_~​

بعدين ليش متضايقه افا عليج..... صلي ركعتين واطلبي ربي والله بترتاحين ..... وانا وربي وربي بدعي لج اليــــــــــوم بسجودي....... وبدعي لج كل يوووووم وبرمضااان وربي ماراح انساااج
..
علياء:
مرحبا ياغاليه... اشوف نكج دووووم ..واتذكر انج رديتي بس بدون هيااط ما اتذكر وشو بالضبط .. ماشاء الله البنات مو ملحقه عليهم كلهم واتمنى محد يزعل وهاسبب احد الاسباب اللي شجعني اسوي قهوة الضحى عشان اعوض كل وحده مارديت عليها من غير قصد...
..
لك غلا محد وصل له: لبا قلبك انا... والله انه اكثر من سبب:
اول شي رمضااان وومحتاجه كل دقيقه فيه حتى التفزيوووون ما افكر فيه ابد اصلا من الصبح لين الظهر بالمطبخ وعقب قبل الفطوور اطلع اتسبح وابدل وانزل افطر وعقبها ع السجاده سيده..... عندنا نت بس ما ابي ادخل ابد مرة ابوووي نشبه ومابيها تحس اني ب بلقيس..... بيروح الوقت بسرعه وبعد العيد ارجع لكم..... وماراح انساكم ابد..... من دعواتي :)
..
واثقه:
فرضتي احترامج وهيبتج..... مثلما فرضتي حبج عندي..... اسال ربي ان يسعدج بسعاده لايعقبها اي حزن وفرح لايعقبه اي شقاء وفرج لا يعقبه اي كرب....
منورة باي وقت وانتي راعية محل..
..
بينك ستار...
حياج ياغاليه...​

ماطلبتي غالي :)
من عنوني.... انتظروني بعد العيد....
بس مومعنى كلامي ماتمرون الموضوع... القهوة كل يوم عندي حتى لو انا مو موجوده :)
...
مساء الخير على الجميع ..
مساء الخير لنور حياتي هند..
ابارك لك على الموضوع الجديد(قهوه الضحى)
واتمنى من الله ان هذه الجمعه في ذكره وتكون فيها الفايده للجميع
هنوده ابغي اقول لك شي .بس لاتقولين لحد مشتاااااقه لك موووووت. والله يجمعني وياك جمعه مابعدها فرقا
امييييييييييين يارب العالمين
باحاول ادخل الصبح علشان اسولف معكم
باذن الله..​

ماميتا.. فديتج.... يابعد روحي انتي....
ان شاء الله فيها فايده وخير وذكر.. افا عليج يمه..​

وبخصوووص دعوتج .... آميـــــــــــــن يارب العالميــــن...... *_~
عساني ماخلا منج
..
نفسي عزيزة..
منورة.. وحياج الله.. بخصووص الموضوع طلبت منهم يحذفونه لاسباب ذكرتها لكم.... :(
ماكان ودي بس حدّونــي!! :(
..
لايتس:
احبك الذي احببتني فيه...
منورة فديتج :) انا من طلاقي ما تعطرت باي عطر عربي ياااس او اللي فيها عوووود اكتفي بالفرنسيه .....
طيبتي للاسف دفعت ثمنها غالي..... والمفروض الواحد يحسب حساب اي شي ومن اي احد.... ويكووون مع رببي وماعليه شر ان شاء الله..
وبخصوووص قصتج اكتبيها نستفيد من خبرات بعض :) اذا حابه.. بس انتبهي من احداثها وحاولي ماتوضحين اكثر عشان محد يكفشج وعقب اتحسفين انج كتبتيها :(..​

موفقه ياغاليه
..
ملكه قلبه الله يبارك ف عمرج...
حياج انتي راعية محل..
وهذا اللي ابيه ابي الكل يستفيد من قصتي ما ابي اكثر ..
..
ريما الله يبارك بعمرج... النورنورج ياغاليه
..
ملوكه هلا وغلا حياااج انتي راعية محل :)
تمونين وربي
..
ذهب مع الريح..
بصراحه كلامك وسام شرف ع صدري...
وما كان لي اي هدف الا افيدكم فقط...
ولج بالمثل ع الدعوات اللي تثلج الصدر الضايق :)​

ووسام شرف رجعتج لبلقيس بسبتي..
عاد اليوم بطلع وبرجع لكم بعد العيد اتمنى اشوووف بصماتج بموضوعي بفترة غيابي...
...
مرافئ النجاح: اسال من جل ف علاه وتفرد بكون ان ليس له ند ولا اشباااه ..واسال من لاتخالطه الظنون ولا تراه العيون ولايحيط بوصفه الواصفون ويا من امره اذا امر بين الكاف والنون أن يلبسك ويلبسني وكل مريض ومريضه لبااس العافيه ويبدلنا بصحه لايعقبها اي سقم ويفك ماربط لنا برحمة منه تغنينا عن غيره
حسبي الله ونعم الوكيل... نعم المولى ونعم النصير..
لاتحزني وربنا ارحم الراحمين..ولاتقلقي وهو اعدل العادلين..
لن نخذل وهو ربنا ولن نفتقر وهو حسبنا.. ثقي فقط وترين مايثلج صدرك..
..
تنهدات : توته... صباااااحج توت وفراوله وكل فاكهه حلوه ياغاليه... منوره فديتج :)
..
اشتاق لك:
صباحج رضا وسعاده وفرح لايعقبهم اي حزن واي هم... وفرج لايعقبه اي كرب..
هونيها وتهون .. ام شي المصيبه ماتكون بديننا وغيرها هيــّن بإذنه تعالى..
..
ام هزاااااع ربي يصبحج برضااه ورحمته يارب...​

وربي ماودي افاركم لحظه بس ان شاء الله بعد العيد.. :).. لاتخلون موضوعي..... خليكم فيه كل يوم.... وكل اربعاء محاضرة دينيه وتتناقشون فيها وناسه وخير وسعة صدر ع الاقل ننسى الدنيا الاربعاء ونتفرغ لربي ولآخرتنا شوي..
..
منى 25:
ارحبي ...
حياك وبيـّاك..
منورة قهوتــي...
انتي راعية محل.... وتشرفيني وتشرفين بلقيس كلــه...
اسعدني تواجدج ...
..
شهووودة:
ليش هالتشااؤم ياغاليه...
حبيبتي الدنيااا هذا طبعها ... وربي ياشهد ماتخيلت لحظة اني بفارق جداني بيوم من الايام وصااار قدام عيني وانا ما في يدي اي شي وغصبن عني وانا اشوووووووفهم بعيني... وما اقدر احرك اي ساكـن.. والله اني الين اليوم فراقهم عاصر قلبي .. والين اليوم عندي لبسهم بريحتهم ما انغسل... والين اليوم مصاحفهم اللي يحفظون فيها عندي.. والين اليوم وصورهم عندي.... وكل يوم اشووفها واشمهاااا ومصاحفهم بين فتره وفترة افتحها...
الدنيااااااا فانيــــــــه وكل من عليها فـــان.. اسال ربي ياخذ امانته مني في أحب الحرمين إليه وقبل امي وابوي وخواني.... مابي افقد غالي يكفيني فرقا جداني الين اليوم ماترقعت من فراقهم..واستحاله انساهم اصلا هم مايخلوني انساهم ..لان كل ماضاق خاطري وكل ماصارت لي مشكله احلم فيهم يضموني بصدورهم الين اليوم لي ع فراقهم 9 سنين وانا كل ماضقت حلمت فيهم يضموني ويبكونوانا ابكي...الله ينور قبورهم مد ابصارهم يارب....ويجمعني بهم ف الفردوووس الاعلى... تدرون انهم هم اللي معلميني عن ناصر حلمت فيهم يقولون لي بياخذج واحد من برا وبالفعل بعد الحلم باسبوع خطبني ناصر..(الميت بموقف حق ف اي شي يقوله يكون حق)
بكتني حروووفج ياشهد... تعوذي من بليس .. لله ما اعطى ولله ما اخذ..... اهم شي ماننساهم من الصدقات والدعوات.....​
 
صباح الخير يابنات
صباح الخير معلمه للاسف ما اعرف انمق الكلام بس بادخل علىالموضوع على طول
حزنت جدا لمل شفت اليوميات انحذفت <<مع اني قريتها كامله >>لكن وجدت فيها فايده للمتزوجات والعرايس ما تتعوض بس طالما يجيك منها وجع راس بلاش منها .......
...حبيت اقترح انك تكتبين قصه خياليه وواقعيه<<عشان ما حد يعرفك>> بنفس الوقت تزينينها بحكمتك ونصايحك المفيده وخواطرك منها تسليه ونصيحه لان عندك اسلوب ما شاء الله تبارك الله رووووعه في السرد والوصف حتى كأني جالسه معك حتى النصيحه يوم تطلع منك تطلع باسلوب قريب من النفس الله يجزاك عنا خير الجزاء ويوفقك وما تصومين الا في بيت زوجك <<<مستعجله>>ههههه
ولو انا مكانك انمي الموهبه في كتابة القصص وما شاء الله المنتدى مفتوح
والبنات ما شاء الله يقرون فكري وان شاء الله ربي يسهل عليك
 
صباح الخيرات

انا انفجعت امس لما لقيت الموضوع انحذف وبنفس الوقت كنت واقسم بالله خايفه عليك انه يكون فيه احد يعرفك ويفتن عليك عند جماعة ناصر بس وجودك معنا هوالي يبرد الخاطر وان شاء الله مايطولك من ذكر قصتك الا كل خيرررر ويكفيك شر من فيه شر واذي ويردكيده في نحر ه ورددي اللهم اني اعوذ بك من شرورهم واجعلك في نحورهم
 
صباح الخير يا معلمتنا هنوده وصباح الخير للبنات
زعلت كثير انه انحذف الموضوع لكن بس ذكرتي السبب راح الزعل كله ولا تنهمي ولا يعرف ناصر
اهم شي انك بضلي معانا ونضل مجتمعين
ربنا يجمعنا في الاخره مثل ما جمعنا في الدنيا على خير
ويجمعك بامك وناصر عن قريب يارب​
 
عزيزتي معلمة متألقة ( كما كنت أقرئها دائما)
قرأت قصتك كاملة وتألمت كثيرا لما حصل ولما آلت اليه أوضاعكم أسأل الله الواحد الأحد أن يشفيكم مما انتم فيه ويجمعكم عاجلا باذنه تعالى ..
أردت أن أذكركي بما انك حذفتي قصتك فكما تعرفين هناك رابط لقصتك بدون ردود للأخت ساره وسعود
ما زال موجود .. فقط أردت التنويه عنه عزيزتي حتى لا تتضرري
وفقك الله
 
عسئ الدمعه ما تنزل من عينج يالغاليه.....وعسئ ربي ما يوريج مكروه في عزيز عندج.....لكن ساعات كلمه او موقف يذكرنا في اشياء انطبعت في مخيلتنا وانغرست في نفوسنا اشياء تربينا عليها ..ومع الزمن فقدناها...اشياء نحن لها ونتمنى انها تعووود ولا عاااد تعوووود....
اتمنى امي تناظرني ..اتمنى اشوفها في المطبخ وهي تسوي القهوة وماتبي الشغاله تمس حاجه...اتمنئ اشوفها مثل قبل في هالايااام هي وجاراتها يستعدون لرمضان ....واتمنئ تشوف مولودي الجاي وتشيله وتقولي منو يشبه ...واتمنئ واتمنئ.......الله يعطيها الصحه والعافيه ويطول لنا بعمرها وجودها بينا اكبر نعمه......
(( امي جاتها جلطة قبل سنة وشي وصارت ماتشوف ولا تمشي بروحها لازم احد يسندها...))من طاحت امي ماعاد الجارات يجتمعون وثنتين من اغلا الجارات توفوا ووحده الاسبوع الماضي الله يرحمها....ولاعااد فيه قهوة الضحئ ولا جمعة جارات ....وكل ما مريت من تحت النخله السدرة ...تخنقني العبره...​
 
شهد:
الله يشفيها يارب...... ويطول بعمرها ع طاعته وعلى جمعة حبايبها..وتقومين بالسلامه ويكفي وجودها بينكم وهي بخيــر ... ويغفر للموتى اجمعين: اللهم يمـــّن كتبهم ومد لهم ف قبورهم مد اباصرهم وبرد عليهم اكفانهم واجعلهم ممن يقال عنهم : لاخوف عليهم ولا هم يحزنون....​

الدنيا وربي فانيه... لازم نعمــّر آخرتنا ..
فوفو حياتي مشكورة ع الاهدااااء سمعته :)​

..​

...حبيت اقترح انك تكتبين قصه خياليه وواقعيه<<عشان ما حد يعرفك>> بنفس الوقت تزينينها بحكمتك ونصايحك المفيده وخواطرك منها تسليه ونصيحه لان عندك اسلوب ما شاء الله تبارك الله رووووعه في السرد والوصف حتى كأني جالسه معك حتى النصيحه يوم تطلع منك تطلع باسلوب قريب من النفس الله يجزاك عنا خير الجزاء ويوفقك وما تصومين الا في بيت زوجك <<<مستعجله>>ههههه
ولو انا مكانك انمي الموهبه في كتابة القصص وما شاء الله المنتدى مفتوح
والبنات ما شاء الله يقرون فكري وان شاء الله ربي يسهل عليك ​

من عنونــــــي ياغاليه انا كلي لكم... وقلت لكم بكتب لكم بارتات بقهوتــي قهوتــي كوكتيل كل شي فيها بإذنه تعالى...​

وبخصووص القصه.... ممم فكره بكتب لكم قصه اجل وقت فراغي لو حصلت لان رمضان وقتي مزحوووم اول النهار بالمطبخ يعني لهلي وآخره لرووحــي :)
..
رضا ربي :
مرحبا ياغاليه..
عسى ماتنفجعي بغالي ولاقريب ولاحبيب يارب....
ش اسوي ... احيانا الانسان ينجبر ع شي مايبيه هذي الدنيا مو كل شي ع الكيف..... بس بالجنه كل شي ع الكيـــف يلا بسم الله نشد حيلنا ونعاون بعض ع الخير.. وربي ماراح ينفع الانسان بالدنيا الا صديق يعينه ع رضا ربي وعلى الخير....
..
ام رمرومه افاعليج .. ماقدر ع فراقكم :)
بس برمضان :) وعلى خير عقب العيد الوعد..​

ربي يسعدكم يارب​
 
الحالة
مغلق و غير مفتوح للمزيد من الردود.
عودة
أعلى أسفل