غاليتي....
بالبداية خنقتني العبرة..
ونزلت دمعتي وأنا أقرأ قصتك وقاعدة أتخيل نفسي مكانك ..
الله يصبرك ويثبتك بمصيبتك ويفرج أسر زوجك عاجل غير آجل ويقر عنيك به لأنه أنا متأكدة ما فيه أحد فاقدة كثرك"لاأمه ولا أبوة ولا حتى ولده" كلهم بيلهون بهالدنيا...
نصيحتي لك خلي زوجك يتمتع ويستانس وإنتي لا تضغطين عليه"بعازل وغيره من الموانع اللي يسونها الرجال" وتكلفينه ما لا طاقة له به، يكفيكم الحرمان اللي أنتم عايشينة وماله داعي تعكرون مزاجكم بهالأشياء..
أنا كنت مركبه لولب "هرموني" وبعدها إستخدمت حبوب المنع بصراحة اللولب أحسن بكثير "ولا يأثر على هرمونات الجسم مثل مايعتقد البعض"، دكتورتي نصحتني أستخدم التحاميل عن تجربه شخصية لها بس ماجربتها...
معليش أدخل بموضوع ثاني...!!!
أختي وش رايك تصورين ولدك مره وهو يضحك ومرة وهو يبكي ومرة وأنتي تحممينه ومرة وهو يضم شماغ أبوة وطلعي تفننك بهالصور..
وإحتفظي فيها لزوجك وخليه يفرح فيهم،الأطفال بهالعمر بسرعة يكبرون ويتغيرون كل شهر يطلعون بحركة جديدة... "فيه كاميرات ديجيتل رخيصة وممكن تصورين فيها مقاطع فيديو "
وياليت تكتبين مذكرات يومية لزوجك عنك وعن ولدك حتى لو كانت سخيفة وماتستاهل كتابتها"عن مشوار طلعتوه أو أي شيء يخطر فبالك " منها تفرغين مابداخلك من مشاعر ومنها تخلين زوجك يتخيل هالأيام بعد مايطلع بالسلامه...
أتخيله شعور يقهر إن الواحد مايكون جنب ولده ولا يشوف المراحل الأولى من حياته..
"أحسها أحلى هدية ممكن تقدمينه له وتعوضينه عن اللي فاتة"..
ولام تبشريننا إذا أفرجوا عنه....
