قلت لزوجي احب خطيبي السابق

[شموخ ذآتي]

السلام عليكم

حبيت اعرض عليكم مشكلتي

انا متزوجه من انسان اتعسني كثير تخيلو من ثالث يوم يقولي بتزوج عليك وهالتهديد ماشي طول حياتي معه سنتين
والول ليله قالي انوه مغصوب علي:8:
وانوه يحب وحده ثانيه

قبل اسبوعين واحد من اولاد عمه اتزوج زوجة ثانية وهذا متزوج بعدنا..
لما قالي زوجي حسيته مبسوط من زواج ولد عمه في اقل من سنتين وحسيت انوه ناوي يتزوج بس بسبب الحالة المادية مايقدر..
فحبيت اختبره واشوف مدى صدقه معي حتى لو مجاملة
قلت اوعدني ماتتزوج علي..
قال لا
قلت ليش ؟؟
قال ماراح اوعدك..
قلت اوعدني؟
قال لا..انتي تتكلمين عن شي بعد خمس 4 سنوات!!
قلت: قلت يعني راح تتزوج؟
قال الشرع حلل اربع وانا مو حمار مثلك علشان امشي على كيفك

انصدمت وبقوووووووووووة عرفت حقيقته انه يكون نفسه علشان يتزوج وانا اكون ضحية..
يعني هو يعذبني ويحرمني فرحة العمر ..ودمعتي دايم على خدي وهو يتزوج ويبسط زوجته وانا اكون ضحية..
فقلت له اقسم بالله اني كنت احب خطيبي السابق..
طبعا زعل وانا زعلت ولنا اسبوعين مطنشين بعض

شالحل ؟ ارشدوني
وهل اخباري له بحبي السابق؟ خطأ؟ رغم انه عمره ما اسعدني من البداية ولا حسيت انه يبي سعادتي حتى في ولادتي ما سأل عني ولا جاب هديه وبالأربعين ماجاب هديه بااااااااارد ..

 

[شموخ ذآتي]

وخطيبي ملك علي لمدة 5 سنوات لكن ما قدر الله اننا نتزوج

 

[مطرية]

حليه يحس بألم الاهانه والغيره

صحيح كان ظربه قويه بالنسبه لرجل شرقى عايش فى مجتمع ذكورى كمجتعمنا

بس يستاهل واكثر

ماقصرتى

 

[Haayaa]

اي غلطانه وراكبس الغلط

كيف وحده تقول لبو عيالها ذا الكلام ....

تفتخين على نفسس ابواب انتي منتي قدها

المفروض تكسبين زوجسس وتحببينه فيس ...

والرجال لابغى يتزوج ترا مايشاور مرته ...

وهذا يقولس هالكلام علشان يشوف مقدار حبس له .... يعني يجس نبطس يختي


تسامحي منه وقولي له انا قلت هالكلام علشانك كل شوي تحرق اعصابي وابيك تجرب حرقه الاعصاب

ترا انا نفس مثلك ...واحس وانجرح ويعز علي انه يجيني من اغلا الناس عندي ​

 

[شموخ ذآتي]

[SIZE="5"[COLOR="red"]]مطيريه تسلمين ياقلبي

Haayaa ماينفع اقوله اني بأحرق اعصابك لأني اقسمت بالله...لوقلت بحرق اعصابك بقول تقسمين بالله كذب[/SIZE][/COLOR]

 

[الخط الفاصل]

غلطانة ونص

 

[نضوج أنثى]

صح كلامه يقهر لكن بقولك شي زوجك صراحته حلوه ممكن تكون جارحه لكن في صالحك يعني ماغشك ولا كذب عليك ولا جلس يلف ويدور يعني ماعيشك في وهم وبعدين بعد مايضيع عمرك قال بتزوج باختصار ماخلاك على عماك وانتي حره في اتخاذ قرارك اذا تحسين ممكن تكملين معه ويستاهل التضحيه والصبر ولا لا وترى فيه ناس كثير يفكرون بالزواج بس ربي ماكتب لهم بالنسبه لتعليقك ترى غلطتي بحق نفسك قبل ماتغلطين بحقه بكره الله لا يقدر لو اتكلم قدام اهلك او الناس مابيقولهم انا بتزوج وهذا سبب الخلاف لا بيقول هي تحب رجال ثاني واللوم كله والكلام بيكون عليك معروف دايما المرأه موقفها حساس ولازم تحاسب على كلامها اكثر من الرجل

 

[دمعة الغيمه]

ماادري بس زوجك مرره شايف حاله عليك وانتي ماتنلامين بصراحه
كونه جلرحك فجرحتيه بعد وهو يستاهل شنو انتي شايفك ماعندك احساس
خليه ينقهر ويحس

 

[شموخ ذآتي]

شاكره للي ردو والله عارفه اني غلطاااانه وادري انها قويه...
وهو عارف قبل يتزوجني انوه ملك علي شخص قبله وقدر الله اننا انفصلنا يعني 5 سنوات ما تمر مرار الكرام اكيد في حب ووقتها كنت مراهقة...يعني يحط هالشي في باله
وانا اقول احسن علشان يغار واذا يحبني يحافظ علي ويعلقني فيه مو يجرحني كل شوي

والأخ زوجي متعسني حتى العقم قد اتهمني فيه واشياء كثييييرة صعب اختصرها

 

[الجواااان]

كل الرجال كذا اعلى سيرتهم الا زوجه ثانيه بس عاد
انتي الله يهديك غلطتي يوم قلتي انك تحبين
خطيبك السابق بالعكس المفروض
تمسكتي فيه اكثر من اول

 

[شموخ ذآتي]

انا زواجي مأساة...للآن احس اني ماتزوجت..مافرحت..منذ البداية دخلت بالمشاكل بسبب التصرف المشين من زوجي..

انا انسانه مظلومه ومعتدى علي بدون سببب
وكلما تحدث مشكلة مع زوجي نختلف كم يوم ثم نهدأ فترة بسيطة ونرجع نختلف مرة ثانية والسبب زوجي..
زوجي انسان مشكلجي ..صناع مشاكل..
حياتي جحيم..
لاسعادة لاراحة بال..

انا لم احس اني عروس حتى الآن<<<هذا الشي متعبني كثير..
انا فتاة مصابة بروماتزم مزمن مدى العمر لما تزوجني زوجي كان عارف كل شي لكن من اول ليلة اعتدى علي
-يريد ان يطلقني
-يقول انه يحب وحده ثانية
-انا مريضة ما اناسبة وهو تعيس علشان تزوجني((رغم اني امارس حياتي بشكل طبيعي مثل الناس الأصحاء تماما لكن لي مواعيد بالمستشفى واستخدم ادوية لا تؤثر علي ولا على حياتي بشي))
-قال انه لايستطيع اسعادي ((وفعلاً للآن ماحسيت بالسعادة))
-اعتدى علي ومزق فستاني..
- وبذيء اللسان
- ويهددني انو بيتزوج ..
هذا ماحدث بالليلة التعيسة..
والآن لي سنتان وهناك احداث كثيرة ومشاكل..حتى العقم اتهمني فيه!!

حملت للأسف وانجبت طفل لما كنت بالمستشفى لم يسأل علي ولم يأتي ليزورني ..
وانا ملاحظة اني لما اصاب بالزكام واتعب يهملني ولا يهتم فيني ولا يرحمني..
هالشيء يحسسني انا لعبة بيدة مجرد يتمتع..
.

 

[دلوعة عاشقها]

زين سويتي فيه

والله الريايل ماينعرف لهم

اختي ترا غلطاااااااااااان من ساااسه لكريااسه

الحين من ثالث يوم زواج بدال مايغرقج بالعسل ... يغرقج بالبصل

حراام عليه والله

وثانياا لو كان عاقل وفاهم ... جان لف المشكله وقاالج اوعدج حياتي ... مو يقولج حماار مثلج

زين سويتي فيه

خليه يحس بعوار القلب .. عيل بس انتي تحسين بعوار القلب​

 

[مييسو]

اعوذ بالله كلمتك كبيرة يا اختي بالذات انك قلتيها لزوجك

 

[زوجي حياتي..]

صحيح ماراح ينساها لك
بس احسسسسسسسسسسسسن خليه يتادب
قهررررررررررررررررني

 

[احب الامارات]

الله يهديكم ويصلح بينكم حاولي معه والدعاء وكم عندكم اطفال

 

[lattof]

انتي غلطانه تقولي عن ماضيك ترى الرجال يبون يعرفون كل الماضي لحريمهم علشان يبدا الشك والغيره

 

[شموخ ذآتي]

احب الأمارات عندي طفل ولد واحد

 

[lmis]

الله يعينك عليه ويرزقكم الموده ورحمه هو غلط واني غلطتي

 

[شموخ ذآتي]

ادري غالطاااااانه بس شالحل شسوي ؟ اقدر اغيرها مع اني قاسمه<<لحظة غضب <<

 

[الزوجه الثانيه]

وضعتي له اول دافع للزواج

ولن ينساها

وربما يتزوج لتكون وحده بوحده


تدااااركي ماحصل​