قلت لختي تترك بيتها!!!!!!!!!

[عشق البحر]

السلام عليكم،
اخواتي، ابا مشورتكم،
اختي متزوجة من ثلاث سنوات... و زاوجها يشرب و يحشش و يزني تعبت و هي تحاول تصلحة
و كل يوم يصير اسوء من اللي قبله... حتى بعد ما خلص رمضان سافر حق سواد الويه...
قلتلها دام زوجك مسافر، فرصة تتركين زوجك و تروحين بيت ابوكِِِ ، هدديه بأنك بتنفصلين اذا ما ترك الحرام!!!
احنا الحين طالعين و بنكلم الولد عشان يعرف الموضوع!
ادعولها... ما عنا حل غر جذية!!! شوري الها صح ولا غلط؟!؟!

 

[الله يصبرني]

والله يا اختي اتمنى أفيدك بس أقول يا ليتها تسأل شيخ أول​

 

[مرو]

ان شاء الله انه عين الصواب ..
والله يعين اختك ويسر لها امها ..

 

[ام فطومه]

اذا كان انسان متعود ويفعل هالشي وهو يعلم انه زوجته والناس تدري ومصر على ذنبه اتوقع انه ماراح ينصلح والرسول صلى الله عليه واله نهى عن تزويج شارب الخمر فكيف اذا كان مثل ماتقولين ؟ بعدين كيف تامنه على نفسها وعيالها ؟ .......
وكيف راح تكون تربيتهم وابوهم على هالحال؟

 

[نبع الحنين]

لاحول ولا قوة الا بالله الله يعين اختك ويهدي زوجها .

 

[نون النسوه]

اذا ما فيه اطفال الطلاق احسن لانه لايمكن يتغير

 

[غنجار]

الطلاق اكرم من العيشه مع واحد كذا
الله يكتب لها اللي فيه الخير

 

[غلاء 2008]

الله يكتبلها الي فيه الخيررررر

 

[شمعة لا تنطفيء]

والأطفـــــــــــــــــــــــــــــــــــــــال
خليها تفكر زين

 

[عبقرية منسية]

العنوسة والطلاق احسن من العيشة مع سكير والله يعوضها بزوج صالح

 

[آه يازمن]

العنوسة والطلاق احسن من العيشة مع سكير والله يعوضها بزوج صالح

آآآآآآآآآآمييييين

 

[ابتسامة ملاك]

الله يفرج همها ويكشف ضرها ويهدي زوجها
وعليها الدعاء بالثلث الاخير من الليل
تقبلـــــــــــــي مروري

 

[عنقود عنب]

طبعا اختي حلك سليم

هذا انسان ما ينعاش معاه

ومن المستحيل ان حالة ينصلح الا بمعجزة من رب العالمين

خليها تكلم ابوك ... وخليه يتفاهم معاه

ان صلح حالة و وعدكم انه يتوب و اثبت ذالك

ذيك الساعة ترجع ..اما ان يظل حاله على ما هو عليه

فالانفصال افضل

وربي معكم

 

[الحاسة السادسة]

الله يهديه
أنا أقول إذا كان يصلي معناها فيه أمل
وإذا هو ما يصلي
رأيي أنها تنفصل قبل لا ينقل لها الأمراض

وعليها بالدعاء والاستخارة
والله يوفقها ويعوضها

 

[فيتامين]

تصلي صلاة الاستخاره وتكثر من الدعاء له با الهدايه
ومن الافضل ان يتدخل ابوك واخوانك في الموضوع لان المشكله ليست بسيطه وتحتاج لكلام رجال

 

[متابعه]

اختك طلعت من البيت علشان تصلح حاله..لعله يصحي ويتحسن للأفضل ان شاء الله
موب علشان دلع والا هوشه سخيفه.. (مثل بعض الحريم الله يهديهم فاهمين الحياة الزوجيه غلط)

لذلك ان شاء الله ماعليها شي..
ولايأنبها ضميرها..

والله يصلح حاله يارب..
ولو ماصلح.. الله يعوضها خير منه..
وماتدرون ابد وش الخيره فيه


تقبلوا مروري..

 

[No 1 Noo]

ان شاء الله انك ما خطيتي
بس قبل ماتجزمون غلى شي
خليها تصلي استخارة
الله يكون في عونها.

 

[لا كوست]

الانفصال افضل