قلبي يتقطع لا أشعر بأني متزوجة ماذا أفعل؟؟

الدلوعه ميمي الرابط غير موجود
 
ياغيابه قال:
الـــــــــــــــــــطلااااااااااق

لا احد يقول حرام تخربين بيت الحرمه يابنات اغلب قصصكم نفس الحكايه وانا منكم بالله عليكـم ماتتاملون اللي صبرو 9 و10 و25 سنه على امل يتغير على امل يتوب ..

اختي :

انتي توكـ عروس مامداكـ تقصرين بشي عشان نقول اكشخي والبسي انتي في ايام الخجل ما يمدي نقول كلميه وخليكـ جامده انتي في اول ايام زواجكـ مايمدي نقول جيبي له هديه وانتي بكبركـ بعرضكـ هديه ..

لاتنتظريـــن وصلي لربي ركعتين حمد وشكر اللي ماحملتي دوري عمركـ قبل تحبينه قبل تتعلقين فيه قبل تروحين لبيت اهلكـ ناقله لامراض الدنيا ..



الطلاااااااااق انحاااااشي بعمركـ والله لو عندكـ طفل ماقلتها والله لو مو توكـ عروس ماقلتها لكن الشكوى لله ؛؛​
أنقر للتوسيع...
انامعاك في كل كلمه وهادا الراي الصحيح انتبهي لاينقل لك امراض صحتك اهم حاجه يااختي
 
أختي العزيزة
مادمت قد اخترت التمسك به اعانك الله وجعلك سببا في هدايته فليس لك معين الا الله فتقربي من ربك واستعيني به واترك اي مخالفة شرعية تعوق استجابة الدعوة وابدأي بنفسك لتستشعري لذة قربك من الله وتيقني من نصره وتأييده لك وتستمدي منه تعالى قوة لاتحلمين بها وتأكدي إن شاء الله ان ذلك سيفتح لك بابا الى قلبه وبجرعات لطيفة وذكية من النصح التدريجي مع قليل من العتب الانثوي وكثير من التشجيع والمدح لبوادر الصلاح منه وتسلحي بالحكمة والصبر وفقك الله.
 
أختي الدلوعه ميمي:

فيه بعض الصفات من شمالي / ومن غربي

اشكركم جميعا ع الردود والمساعده .. جزاكم الله الجناااان
 
النجمه الامعه قال:
هذى مصيبه كبيره لاتسكتي عليهاهدديه انك مابتجلسي معاه الا اذا ترك هذي العلاقات ولاالطلاق ارحم من يجيك مرض الايدز والي طبعه كذا
مستحيل يتغيرلانه مريض
أنقر للتوسيع...
كلا لالخت صحيح لا تسكتين ترى اذا فات الفوت ما ينفع الصوت
 
سـمـو الآمـيـرة قال:
حبيببة قلبي الله يصلح حالك ويفرج همك ياااااارب عآآجلآ
مافيه مكان للسكوت بمشكلتك لان هالشي يالغاليه يجيب لك الامراض بسم الله عليييك
اول شي تكلمييينه قولي له يا أنأأ يا هم
تبي تتأدب وتترك حركآتك آنآآ معك وأساااعدك
أماا إذا باقي على هالأشياااء فخلني حراام أتحمل أشيااء وأتعاب من ورآ مصآيبك
آنتبهي على نفسك يا أختي وارقي نفسك والله يصلحه ويكتب لك اللي فيه الخير
يسعد ربي ايااامك
أنقر للتوسيع...


نفس كلام الاخت

الله يفرجها عليكي
 
قطـــــريه قال:
معليه اختي انتي دزيتيه لغيرج ..

الريال في فتره الخطوبة كان يختبرج وراواج صور ولمن شافج تنصحينه وحرام وو و و قال اوهوووو هذي مب راعيه كيف ولا جنس ولا بتونسني ..

اسمحي لي اختي في رياييل كذا راعيين كيف ومب صغير تروحين تعلمينه حرام و و و صح معاج بس انا اوضح لج وجهة نظرهم هو مب صغير ويعرف الصح من الغلط .. لمن راواج الصور كان قصده انج تمشين معاه في الجنس وتكونين جريئة وكلامج جريء .. بس انتي اشتغلتي له لا ومايجوز وحرام وهو مايبي هالشي يبي وحده تمشي على مزاجه .. كان بالامكان ما تنصحينه الا بعد الزواج بطريقة جدا حذرة وغير مباشره .. بس انتي كذا قلتي له روح حق بنات برا انا بنت استحي ومب محصل مني الا اللبس وحقك الشرعي بطريقة عادية روتينية .. وريلج مغازلجي وراعي حريم يعني لازم تكونين جريئة .. يقولج المره تكون زي الأسد برا البيت واسمحي لي في هالكلمة والحشيمه لج والبنات وزي بنات الهوى في بيتها ومع ريلها ..

يعني بنات الحرام شيسون له ؟؟ ما غير كلام وصخ وجريء وحركات جريئة ووقحة .. طيب انتي اولى سووي له هالاشياء وشوفي النتيجه ..

وبخصوص انه مايشوفج وانتي لابسه لانج اصلا صديتيه من البداية فليش يشوف ؟ وشيشوف ؟؟ قميص نوم ! برا يلبسون له احلى لان اللبس بدون حركات ومياعه ودلع ماصخ وماله طعم .. وعالكلام الحلو انتي ابدي وخليه دايم على السانج لين يتعود عليج كذا وبمرور الوقت بيتعود وبيتغير ..
أنقر للتوسيع...





اسمحي لي انا مو معاكـ ابـــــــــــــــــــدا


لاهي حجه ولاتبرير المفروض تعجبه المفروض يتحمد الله ويرتاح قلبه ان هالانسانه زوجته وام اولاده وسيدة بيته لانها تعرف الحلال والحرام .. ان لقو فينا دين ماعجبهم وان لقو تفتح ماعجبهم وان تنازلنا ذلونا وان ترجيناهم اتركونا .

ولو فرضنا ان هذا السبب مداه يلاقي بنات بالهبل ؟ مداه ينحرررف ؟ ولو فرضنا هذا السبب مافيه دين ورب يخافه في وناسته ؟
ولو فرضنا هذا السبب ما بيدور زوجه اخرى ؟
ولو فرضنا هذا السبب يدور ظالته في اللواط ؟ يعني هم لبسو له ملابس نوم وادلعو عليه ؟
كل رجال بيسوي سواته ؟ عز الله ضعـــــــــــــــــــــــنا .

كفايه نحمل انفسنا فوق طاقتها هذي توها عروس المفروض ياخذ بيدها ويجرءها عليه هذي طالعه من بيت ام واب واخوان مو من استراحة عزابيه والا بار حتى يبيها تنطلق من اول ايامها وتسوي حركات ..!!!!

ولو ماتت ماقالت له حرام !! مو ساكته عن الحق مابتكون شيطان اخرس ؟؟؟

اختي لاتزعلي مني بس والله هذا الفساد يجري بدمه وعرق من عروقه ولو قطعه مات واللي تقولينه مو حجه ولاتبرير .


قطريه انتي على عيني وعلى راسي .​
 
الله يعينك ويفرج هالمصيبه عنك انا رأي من رأي العضوات واحسن لك انك تتركيه انتي توك لوحدك احسن من انك تحملين بعدين مأعتقد راح يترك هذا الشي لانه ادمان ولاتسكتين على نفسك والله يخليلنا اهلنا اللي واقفين معنا يعني اتركيه احسن لك وبالتوفيق
 
اسمحي لي بس ذا شخص لايتحمل المسؤولية

وحرام يتزوج وخاصة وحدة تخاف الله مثلك

..

والله انا مو فاضية اقعد اعدل واصلح في خلق الله دوبي نفسي

الله يغفر لنا ذنوبنا بس


الله يعينك ويصبرك أختي
 
الله يفرج لك اخيتى عاجلا غير اجل يارب العالمين
ومن ترك شئ لله عوضه الله خيرا منه
 
لم أشعر بالامان معه حتى الآن علاقتنا الجنسيه تكون نادره يعني بالشهر مرتين او ثلاث ..
والله اني محرووومة حتى من كلامه الحين كان بداية الايام يتغزل فيني بس الحين ولا يعبرني كله يتغزل ابنات ابليس حسبي الله عليهم وعلى سوالفهم ..

بصراحه قرأت الموضوع كامل وهنا بالذات وقفت شوي , يعني توكم عرسان اربع شهور والعلاقه مرتين اوثلاث
معناته علاقاته برى مكفيته!!!!!!!! اعذريني
بصراحه موضوعك ابد ماتسكتين عليه وانتبهي تحملين الله يستر عليك يااارب
ويفرجه لك,,, وهو الله يهديه يارب ويهدي كل ضال

 
اهم حاجه انك تتاكدي الاول ولو اتاكتي اتركيه فورا لان مثل هذل الشخص بيكون متعود علي هذه الاشياء وانتي خافي علي نفسك واحمدي ربنا انك لم ترزقي باطفال حتي الان وربنا معاكي يارب
 
الله يكون بعونك حبيبتي والله يهديك له يارب
اول شي عليك بالدعاء وقراءة القران
ضلي فتره لما تشوفينيه بالبيت بزاويه يتكلم بالجوال مع اللي يتكلم معهم
صلي ركعتين واجلسي على سجادتك واقري القران وبخضوع وضلي اقراي وابكي الى الله
ليمن يدخل عليك الغرفه اذا دخل اكيد راح يسالك وش سبب البكاء قولي له
لا انا ابكي تضرع الى الله وخشيه واتوسل له يغفر لي ذنوبي
وشي ثاتي شفتك مشغول فا انشغلت الى الله كرري هالموقف كثير
يمكن يفكر بداخله هاذي المراءه العفيفه الطاهره تخاف الله من ذنوب قد تكون صغيره جدا
كيف انا ماخفت من ذنوبي وادعي له بالهدايه وان شاء الله ربي يهديك لك يارب ويهدي سركم
واذا شفتي ان مافيه حل من هالموضوع ذكريه بعقاب الله في الدنيا وبالاخره لمرتكبي الذنوب وبعدها صارحيه بالموضوع وخوفيه من ربه وخوفيه ان علاقتكم ماراح تستمر اذا هو استمر بهالحال
والله يكون بعونك يارب
 
دتمك في اول حياتك .. حاولي تهددينه ببقائك معه .. ان تاب .. او بيت اهلك احسن لك

ترجعين بروحك اهون من معك اطفال
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل