قفل موضوعي لكن ماخذت حقي من اللي جرحوني قل خيرا او اصمت والدنيا دائره

الحالة
مغلق و غير مفتوح للمزيد من الردود.
اختي....

انتي تقولين مب قريبه من ربي...

ربي مب بعيد ترى مابينج وبينه الا سجده وحده وبنــــــــــيــــــــــــــة صادقـــه مو تتوبين وانتي حاطه ببالج انج بتضعفين...

ترى التوبه النصوووح مب زي كاس الماي... لاتفهمين اني اصعبها ف عينج لا والله .. هي مجاااهدة النفس على ماتكره النفس .. ويكفي انها مرضاة لربي يعني انتي تايبه من شي يغضب ربي وش تبين فخر اكثر من هالشي... وربي ماتعرفين فرحة ربي جل وعلا بتوووبتج وتبشيره لملائكته بتوبتــج.... انتي بس تخيلي هالموقف كل ماضعفتي....

وجوالج غيـــــــــــريـــــه يابنت الناس انتي بس اصدقي النيه مع ربي وربي بيسهل عليج امورج كلها وبيكفيج ما اهمج...

الحين المفرووض يكون همج رضاي ربي ورضا زوجـــــج....

ترى قسم بالله الرجال مايحترم اللي تكلمه بالحراااام لو انها على ذوقه ووناسته...

ربي انعم علينا بنعم لا تعد ولا تحصـــــــــــــــــــى.. حرام نعصيه .. قسم بالله ما جزاء الاحسان الا الاحســـــــــان...

اذا واحد من بني ادم تبرع لج بكليته وانتي كنتي مهدده بالموووت وهو اللي انقذج من الموت وعطاج كليته ورجعتي لعافيتج.. وشو بتجازينه..؟؟ اكيد مستحيل تزعلينه او تردين له طلب حتى لو بنص الليل.. شلووون باللي معطنا من روووحه .. نافخ فينا من روحه.. وحفظنا ب بطن امهاتنا من غير حول ولا قوة من امنا او ابونا ... وطلعنا من بطن امهاتنا ع ريشه ملك من ملايكته.... وكبرنا لين وصلنا باعمارنا اليوم وهو حافظنا من اشياء واجد ولما كبرنا بارزناه بالمعااااصــــــــي... وهـــو يشوف وحلمه للحين اوسع علينا من غــضــبــــه..!!!
أما يستحق منا ترك ما يغضبــــه....!!

كل مافكرتي بشي يغضبه حتى فكري بنعمه علينا وحلمه على قصـــورنــا...

ومحد اولى بقلبج الا زوجج..

الزمي القرب من ربي تفلــــــــحي... انتي بس اعزمي وقوي عزمج وثقي به وحده.. والزمي الدعاء بالستر والتوبه النصووح ورضا ربي.. وادعي ان ربي يحفظج من شر نفسج وشياطين الجن والانس والذنوب وكل مايغضبه.. وكل ما اذنبتي ع طول تذكر ربي وحلمه عليج وتعوذي من بليس وتوضي وصلي ركعتين .. ع كل ذنب سوي هالشي وربي ان حالج بيتغير... بس لازم انتي تعزمين وتثبتين روحج ( ان الله لايغير مابقوم حتى يغيروا ما بأنفسهم)..

صومي الاثنين والخميس والصلاااااه لاتأخرينها عن وقتها ,,, تراها حرز وحصن منيع تحميج من كل شي..!!!
مستعدة اساااعدج بكل شي اقدر عليه بس انتي ساعدي نفسج وانتبهي لزووجج ونفسج وقبلهم كلهم ربج اللي ماقصــر معااااج...!!!!

لج منــي دعــــــوات بظهر الغيــــــــــب...​
 
حبيبتي لو اني ماعرف مشكلتك اللي حطيتيها بالمنتدى بس مومن حق اي وحدة انها تدعي عليك وتكلمك بكلام جارح كلنا نغلط والانسان مو معصوم من الغلط واحنا هني كلنا خوات ونساعد بعض وننصح بعضنا مو نجرح ونشوف حالنا على بعضنا والله سبحانه وتعالى غفور رحيم ويتقبل توبة العبد اذا تاب لله توبه نصوح وخير الخطائين التوابين عليك اختي بالتقرب من الله والصلاة في اخر الليل والدعاء ان الله يغفرلك ذنبك ويتقبل توبتك ..................................
 
اي نسيت اقووولج... اهم شي بعد الاستغــــــفـــااااااااااار استغفري من ذنوبج باليووووم اكثر من الف مرة

صيغة الاستغفااار :

استغفرالله الذي لا اله الا هو الحي القيوم واتوب اليه..

لاتتركين الاستغفاااااااار

الاستغفاااار يجلي القلب من الذنوووووب ويوسع الرزق ويجعل لنا من كل هم فرجا ومن كل ضيق مخرجا ويرزقنا من حيث لانحتسب..

ثماار الاستغفاااار.. انا مجربتها بنفسي وابي انزلها لكم بالمنتدى هالايام.. مب قصص حد قايلها لي... نزلها قريب ان شاء الله..

ربي يستاهل منج تتركيـــــــــــــــن الدنيــا كلها عشـــــانــه..​
 
حبيبتي واختي
الله يهديك وينور بصيرتك
صحيح انك في محنة واللي سواه زوجك مو قليل وصعب
لكن اخيتي لالالالالالالالا يبرر خيانتك
وش ذنب ابنك
وش ذنب اهلك
وش ذنب زوجته اللي اكييييييد
تدري وتدعي عليك الليل مع النهار
وياخوفي عليكي من عقوبتها
الله يهديك الله يهديك الله يهديك
اجبري زوجك اما تروحي عنده ولا الطلاق
ولا حبيبتي لايش احل الطلاق الا لمثل هاذي الامور
تزوجي غيره يكون معك ويحافظ عليك
والله يكون معك يارب
 
سلمت يدااااك اختي الناصحه الامينه
هذا الكلام اللي يبرد القلب الله يهديها استرو على انفسكم يستركم الله في الدنيا والاخره
واطلبي العون من الله سبحانه ومن اهل الاختصاص هداك الله والتوبه التوبه
ولاتزعلين مني هذه هي الحقيقه اللي انتي مو راضيه تقتنعي منها
ومايحس بالنار الا رجل واطيها
 
حبيبتي
اذا حذفتيه في البي بي واخترت عدم قبول مرة اخرى مستحيل ينضاف عندك
وليش التعب كسرررري الجهاز وغيري الشريحة
من شروط التوبة الندم على مافات وعدم الرجوع نهاااااااائيا لما سبق
 
اسأل الله لنا ولكي الهدايه
يابنات لو تدرون وش قال الشيخ
كلامه درر
يقول : ان هذا الامر مايرجع على تربيه ولا على استقامه
يقول هذا ابتلاء من الله

ياما سمعنا زوجين ملتزمين تجيهم بنت تعاكس ولا ولد يعاكس
وهم ماعندهم مقومات التقنيه والموضه
بس يرجع لابتلاء الله للعبد

الله يشرح صدرك للتوبه والهدايه
 
الله يتقبل منج التوبه يااارب بس نصيحه لا تردي عليه لا تخلي الشيطان يقص عليج انتي كذا اوك الله يثبتك
 
قولي يالله واقول يالله أن الله يهديكي للصواب ويبعدك عن الحرام وعن هذا الرجال ولا ياخذ روحك أخذ عزيز مقتدر ترتاحين ويرتاحون المؤمنات الغافلات من شرك
 
ما أجمل الحياة حين يكون ملؤها الحب و التسامح, ما أجملها حينما يحمل الإنسان بين طيات قلبه العفو والتجاوز ..
حينها تسود الألفة, و الود في مجتمعنا الإسلامي الذي نحن في أشد الحاجة إليه ..
حينها يقابل المسلمون إساءة إخوانهم بالإحسان, حينها تذوب البغضاء و تزول الشحناء بمقابلته للإحسان

أمر الله سبحانه وتعالى ورسوله _ صلى الله عليه وسلم _ وهو خطاب لأمته فقال :
(( خذ العفو وأمر بالعرف وأعرض عن الجاهلين )) سورة الأعراف 199
 
مع معلمة بصراحه كلامها درر اسمعي كلامها
 
اختي انوثه طاغيه .......... مع احترامي للكل انتي متخلفه
اختي صاحبه الموضوع ...لا تتوقعي تكتبين موضوع مثل هذا وبدون تجريح أو سب
بس عجبتني كلمه كلتيها ...... وهي (( يابنات رومنسي مره وما اطلب شي الا يجيبه ))
الرومنسي هذا جالس يخون زوجته من وراها .... ولو تزوجتيه وهذا مستحيل لانه ماراح يتنازل انتي بس تسليه وتضييع وقت عنده ...ولو انتي زوجته راح يكلم غيرك وانتي في ساااابع نومه
وتلومين العضوات اللي جرحوك ...وش تبغينهم يقولون ؟؟؟؟؟؟؟ تطلقي من زوجك وتزوجي واحد خان زوجته ؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
 
أرجوك إرجعي لموضوعك السابق ولاحظي ماكتبته جيداً
أعشقه أموووووت من دونه ما أقدر أتركه أفكر أتصل بزوجته عشان تتركه أغار عليه منها
وهذا الكلام ثم أنظري إلى أسمك المستعار الذي وضعتيه لنفسك ((أعشقه ))
هل تتوقعين أن إنسانة فيها دين أو أخلاق تستطيع أن تقول هذا على الملأ وبتعبيرات استفزازية
والله الوحدة المتزوجة فينا لو شعرت أنها ممكن تحب رجل آخر بينها وبين نفسها تشعر أنها حقيرة وتجلس تستغفر أما أن تسمي نفسها ((أعشقه )) وهي على ذمة رجل آخر فأرى أن هناك خللا ما
فلا تستخفي عقولنا وترينا أنك مظلومة ومسكينة وأنت الظالمة طبيعي أن تكون ردة فعلنا هكذا لأننا كلنا زوجات وكل منا تتخيل أن زوجها الذي يستلقي أمامها جسدا بلا إحساس قد سلبته منها واحدة مثلك فتقوم وتبتهل إلى ربها إن ينتقم من تلك المرأة التي هدمت حياتها وهي من يستجاب دعاؤها عند الله وليس أنت فدعي كما شئت لأن أمثالك لا أظن أن ينظر الله إليه بنظرة إجابة
كل واحدة منها عندها مشاكل من نوع مختلف مع زوجها ولكن لا يخولها ذلك للخيانة بأي شكل ثم إنك ذكرت في موضوعك أنك بدأتي تحادثيه كصداقة عادية وهل في مجتمعنا صداقة بين المرأة والرجل أو بالأحرى متزوجة مع متزوج أي صداقة هذه ؟؟
 
دايم ادعي ربك ربي اخرجني من ذل المعصيه الى عز الطاعه اذ انتى مستحقره نفسك كيف تبين المجروحات من العشيقات يساندونك غالب عضوات هذي المنتدى يشكون من الخيانه وهي سبب تعاستهم حبيبتي الرجال يقول لك كلام رومنسي هو مو من حقك المفروض يقوله لام عياله حبيبتي انتى ام وشوفي عاطفتك تجاه واحد وكيف تبين تصلحي حالك مع زوجك من اجل واحد كيف الي عندها خمسه ياقلبي حطي نفسك مكانها وين تروح انت تغيرين من زوجته وهي حلال ياتري شنو شعورها ناحيتك وانتى تتصلي عليه وتاخذي من وقتها هي وعيالها وتحرقي دمها يمكن علاقتك معه تسبب طلاقهم ياترى انت بتاخذي ذنب من ولامن هذوله خمسه وامهم السادسه شوفي ياقلبي الرجال جنس اناني لايحب الا نفسه وشهوته حتى لو داس على خلق الله كلهم هو منجذب لك لانه ماقضى منك وطره وباعد عن زوجته لانها ملكه وتحت امره وزوجك زاهد بك لنفس السبب لانه يحس انك ملكه اشغلي نفسك بطاعة ربك ولا تشوهين صورتك بعين ولدك بالعلاقه الوهميه تبين حب حبي ربك والله بيحبب فيك زوجك واهلك وكل الناس المفيدين الي قربهم يرفع راسك مو قربهم يشبع هواك لكن ينزل قيمتك عند نفسك اولا وعند الناس الله يهديك لنفسك ويباعد بينك وبين الحرام كما باعد بين السماء والارض
 
الحالة
مغلق و غير مفتوح للمزيد من الردود.
عودة
أعلى أسفل