قفلت التلفون بوجه

[قل قسم]

خطيبي اليوم رفع ضغطي بشغله المهم كلمني ماعطيته اهتمام يقول وش فيك على ذيك السالفه قلت انت وش رايك انت ماتشوف اسلوبك قال وشفيه اسلوبي المهم قعدنا نتكلم قال طيب انا اسف قلت على ايش قال على هشي قلت موتوك تقول انا ماغلطت
قال انا عندي ماغلطت بس اني اسف عشانك زعلتي قلت حلوه هذي يعني مو مقتنع
وفجئه دقت علي امي ورجعت قلت له شوي واكلمك لما رجعت اكلمه الا الحبيب داق على 902 ويسمع فاتورته حقت رقمه الثاني المهم انا طنقرت :icon28:مافيه اهتمام

وسكت ومني كلمه ومنه كلمه وسكتنا وبعدها نطق وقال ودي اقفل قلت ايش :sad_1:؟؟؟

قال ودي اقفل وماودي قلت كيف يعني قال ودي اقفل لانك ساكته وجاني النوم وماودي لانك زعلانه قلت انا .. طيب تدل انت السماعه الحمراء:crazy: قام يستخف دمه يقول وين هذيك الي على اليمين قلت طيب طيب يافلان مشكور على كل شي وقفلت السماعه وبعدها قفلت جوالي وبعدها بربع ساعه فتحته الا موجود من رقمه ومرسل مسج يقول ترى انا اعرف ازعل زي ماتزعلين وانا ماابيك تجربين زعلي لاني لو زعلت اصير زي الصخر

بغيت اكتب له مسج بس قلت بطنش ورجعت قفلت تلفوني وقلت ماراح اقومه الدوام احسن :30:



الحين انا عقب هالمسج خربت اخلاقي صدق يعني ماادري هو تهديد ولا ايش بضبط

بالله وش رايكم :sadwalk:

 

[حلم احلامي]

هههههههههههههههههههههههههههههه
والله مافيها شي هو ذكي ماقلك ابغى اقفل إلا انو يبغو يخزي الشيطان ومايعصب عليكي وتزعلي
فقال ارخي احسن عشان مانخصر بعض بشي تافه
وانتي الله يصلحك غلطانه المفروض ماترخي في وجهو كبيره في حقو..ورسالتو لكي حلوه
احمدي ربك مافيها سب ..بس قلك انا لما اعصب اصير صخر..يعني لاتعصبيه
الله يوفقك ويبعد عنك الشيطان

 

[أم الأقمـــــار]

لاتخسرينه بزعلك

الرجل يكره الزوجه النكديه واللي تزعل دايما

مادام اعتذر سامحيه

 

[قل قسم]

امييين وياك يارب و تسلمين على ردك

تدرين انا مشكلتي عصبيه وهو استفزني بكلامه فا لما قال بقفل انا حسيته اهاني وقلت بقفل قبله

مدري وش اتصرف معه اطنشه ولا كيف

 

[قل قسم]

أم الاقمار .. هو عارف انه غلطان ولا والله مايعتذر

مشكوره على ردك

 

[لين الهويملي]

ياااااااختي اقول الرجال مايحب المراه الي تزعل على طول بسبب تافه وانتي حاولي تغظين بعض الامور وبعدين تاسف علشان ما يزعلك ليش ما قبلتي الرجال اذا كره كره من قلب مومثل المراه تزعل بس ما تكره واتمني ما تقفلي الخط بوجه بيقول هاذي اولها وكيف اخرها واتمنى لك حياه سعيده والله يوفقك ويسعدك اختك لين

 

[جميلة وجذابة]

ههههههههههههههههه ضحكتيني

حبيبتي حبيبك مبين عليه انه يحبك وخاطره واسع معك

فكرك ليش ؟

لانه بزعلك ودلعك الثقيل بيرحمك

لقوله تعالى : وجعلنا بينكم مودة ورحمة

المودة اختي باوقات الفرح والهنا

والرحمة باوقات الزعل والخصام لا قدر الله

فهو سوا زين بينظر اليك بنظرة رحمة انك بنت وحساسة واخذ ثقلك عليه من باب الدلع

لكن اختي اعقلي لا تستغلين هالشي لانه رح يتعب ويطفش

هذا مو بصالحك

الرجل بطبعه يدور يلاقي الراحة والمرح

اذا ما لقاهم معك رح يدورهم بمكان ثاني وانقهري انتي بزاويتك

معلش كلنا بيصير لنا مواقف من ازواجنا وننقهر بس لازم نحكم عقولنا وما نزودها

مازاد عن حده انقلب الى ضده

حطي ببالك اذا استمريتي تعاملينه بهالطريقة وتضيقين من خلقك عليه وهذا من الشيطان انتبهي

يتكونين بتقدميه لاخرى بكل سهولة وتظهرين محاسن شخصها وعذوبتها بطريقة غير مباشرة

لانه كل ما تعب معاك كل ما زادت حساسيته وتقديره للاخريات ولو بكلمة منهن

فهمتيني حبوبة

الله يسعدك ويهنيكي وكل ما عصبتي استعيذي بالله من الشيطان الرجيم لان الغضب من الشيطان

واذا كنتي جالسة اوقفي واذا كنتي واقفة اجلسي او اضطجعي بسريرك

هذا من وصايا امير المؤمينين علي بن ابي طالب كرم الله وجهه

 

[جميلة وجذابة]

يا حبيبتي عمر الرجل ما يرضى يعتذر بالكلام خاصة

اعذريه رجوليته ما تسمح له

لكن صدقيني رح يعتذر لك عن طريق افعاله وبشكل ثاني

كوني صبورة حبيبتي ولطيفة تاسرين قلبه

 

[قل قسم]

لين الهويملي امين وياك مشكوره على الرد

 

[قل قسم]

جميله وجذابه تعالي بقولك شي ترى انا مره طيبه وحبوبه معه واحبه كثير بس هو يقهرني بروده يستفزني

فاانا لو زعل مني ماانام عشانه وهو قهرني عارف اني مضغوطه ويقولي بقفل عشان انام

وهو مااعتذر الا عارف انه غلطان ولا مايقولها اعرفه انا وانا حاطته في عيوني بس استفزني وحسيته اهاني يوم يقول بقفل

مشكوره على ردك وانتي صادقه المفروض اخفف من عصبيتي لاني لما اعصب مااعرف وش اسوي

 

[ام رنومه]

الله يفرج همك
سبحان الله وبحمده سبحااااان الله العظيم

 

[بك آمنت ربي]

يا قلبي ... بيني وبينك !
تراك أخطيتي يعني وش بغيتي منه مثلا يبكي عندك !
واضح من كلامه يبغى رضاك وحريص عليك ،، وبالعكس خذي الأمور بانبساط وانفتاحية وخلي نفسيتك حلوة ،، وخلي مكالماتكم كلها حب ورقة ولاااحقة والله على الشرهات والزعلات !>> راح تندمي والله


وترى حركتك تقفيل السماعة مرررة تزعل وتخليه يكره بعد

 

[نحا بدر]

كيفك اختي قسم سبحان الله انتي نفسي والله حصلت معي بس انا مش عصبيه بس انحمق وازعل لو السالفه ما تحتاج الزعل كل هذا علشان احب انه يراضيني بس والله غاليتي انك نفس طبعي ونفس رد خطيبك نفس رد خطيبي بس هو قال ماتعرفين زعلي والله لو زعلت انك ماتعودين الحركه معي مره ثانيه بصرااااحه انا خفت ما قولك ما خفت بس طنشته شوي بس وبعدين هو الي دق وراضاني وقال المفروووض انتي الي تراضيني لانك قفلي مش انا بس يا الله قالي ايها بدعابه انا الغلاطان وانا ااااسف وبعدين ارتحت بس انت لاتطنشينه وتطولين با الزعل لان انا مو دايم يراضيني الا مشيتها انا من كيفي بس الله اختي سبحان الله الرجال مايحبون المراه النكديه زي ما قالوا الاخوات لاتكوني مثل البانزين ع لنار يعني اذا شد لاتشدين ارخي ونصيحه خلي الدلع والزعل اصلا مافي زعل العتاب بحدوود والله يوفقك معااااااااه ويخليكم لبعض ودمتي بخير تقبلي مروي

 

[جونار]

كفت ووفت جميله وجذابا
صح لسانك

 

[قل قسم]

ام رنومه ..امين يارب الله يجزاك خير

بك امنت ربي .. قريت ردك وضحكت مع ان مالي خلق بس قسم اني مو قصدي انه يبكي عندي
بس ابيه يهتم شوي رده بارد وانا عصبت منه
مشكوره على الرد

 

[سـهام الجفا]

هههههههههههههههههههه ياقلبي عليك

اقول والله ان اياام الخطوبه ماتتعوض فلا تضيعوها فالزعل خليك حبوبه ورومنسيه لاااحق على القلق خخخخخ

الله ييسر امورك وباين ان خطيبك حبوب فلا تخسرينه واكسبيه وعلقيه فيك بالدلع والاسلوب الحلو الراقي

 

[فالكم طيب]

ربي يسعدك و يوفقك و يهنيك بزوجك
الموقف اللي ذكرتيه موقف بسيط جدا بس انتي شايفته كبير لانك عصبية مثل ماقلتي
حاولي تخففين من حدة عصبيتك علشان نفسك وكمان علشان لا تخسرين زوجك
و لا تنسي ( اتق شر الحليم اذا غضب )
و ربي يهدي بالك و يسعدك معاه و يرزقكم الذرية الصالحة​

 

[قل قسم]

نحا بدر.. امين يارب وياك وان شاء الله وبحاول اخفف من عصبيتي الله يرزقني الحلم


جونار .. مشكوره

 

[ما العمل]

ترى الرجال ما يحب المراة النكدية احدري لا تخسرينه

 

[رازيا]

يمكن لانه احنا ما عشنا جو المشكلة نشوفها تافهه وما في داعي نرد عليها بس لانك انتي صاحبة المشكلة تشوفيينها كانها جبل
اسمحيلي احسك مرة زعولة
الرجل واضح انه يحبك ويغليك
وما يحب النكد
لا تطفشيه باسلوبك بكرة يروح يدور غيرك
خليكي ذكية
بما انك مقبلة على زواج الله يوفقك راح انصحك نصيحة الرجل خصوصا الرجل الشرقي لازم تتبعي معاه سياسة النفس الطويل يعني بالصبر والحكمة توصلي للي تبغيه اتعلمي قاعدة في حياتك لا تعانديه ولا تجاكريه حتى لو قالك السما خضرا قولي صحيح كلامك السما خضرا
هذا في حالة وحدة اذا كنتي حابة تعيشي مبسوطة طول عمرك اتذكري الرجل لا تعانديه
موفقه