قصه غلطه عمري يوم حبيتك

الحالة
مغلق و غير مفتوح للمزيد من الردود.
كل عام وانتو وحبايب قلبي بخير وبصحه وسلامه يارب:a200: اللهم اجعلنا من صوامه وقوامه
 
الشهر عليكم مبارك
اللهم اهله علينا بالامن والايمان والسلامة والاسلام
كل سنة وانتو طيبات يا بلقيسات
احبكم كلكم يارب يجمعنا في الجنة يارب

يارب يادكتورة تكملي القصةالله يعطيك العافية
صراحة انشغل بالي معها
وانا ما احب ادخل النت كثير في رمضان ​
 
ماهي الا ساعات ويقال رمضان دخل
وما هي الا ايام ويقال رمضان خرج
ومابين (الدخول)و(الخروج)
فائزون وخاسرون
ف يارب
اكتب لنا حضور شهر الصيام
وأصم جوارحنا عن الآثام
واجعنا من المقبولين
والفائزين بجنة السلام
ووالديناوجميع المسلمين
مبارك عليكم الشهر
وتكفين يادكتوره كملي متابعينك لنهايه​
 
أهلين حبيباتي أعتذر عن الإنقطاع المفاجىء
أنتو تعرفون ان أي دكتوره بالعالم تجيها في أي لحظه حاله طارئه أوظرف طارى أمس كنت أكتب على أساس أني أحط جزء طويل لاكن جاني أتصال مهم لذلك طلعت بسرعه وللأسف نسيت أخزن في الوورد اللي كتبته وراح عالفاضي عالعموم انا الأن أكتب في الوورد وانشاء الله اليوم بنزل لكم أكثر من جزء
وكل عام وانتم بخير وأجمل في عيون أزواجكم يارب
وأعتذر عن الرد على أي رد لأن الوقت لايحالفني لكثره الإنشغال
تابعو​
 
ارجوك لا تأخري
حمستينا وشوقتينا
نحن في الاتظار ياغالية
 
وصل لأهل سامي الخبر من سامي لاكن سامي رفض يخليهم يزورونها لسبب يحتفظ به لنفسه
وكلما زارها لقاها نايمه يحس أن قلبه بيطلع من مكانه من القهر ومن تأنيب الضمير ومنقهر من الدكتوراللي يعطيها منوم كل شوي لأن جسمها تعبان على قولته ويحتاج راحه
فجأه وهوعندها وهومغمض عيونه بقهر ومايدري ليش ربي بلاه بهالعائله والمصيبه أن رهف حساسه وتتأثر بسرعه , فتحت رهف عيونها ويوم شافته غمضت عيونها بسرعه وماأنتبه لها سامي ويوم طلع فتحت عيونها وتنهدت براحه.
فجأه دخل سامي لأنه نسى جواله عندها شافها تشرب مويه بتعب ومومهتمه باللي حولها
سامي:الحمدالله على السلامه.
رهف بتعب:الله يسلمك.
سامي:يعني عشان تعرفين غلاك لازم تضرين نفسك.
رهف تنهدت وواضح أنها ماتبي تتكلم معه لذلك صارت تناظر الشباك بصمت.
سامي أنتبه لكراسه جمبها أخذها بيشوف وش فيها لاكن رهف بسرعه سحبتها منه وخبتها تحت المخده
سامي:هذي لك.
يقصد الكراسه.
رهف:إيه.
سامي:اخيرآ تكلمتي تصدقين سكوتك يذبح.
رهف:أجل لوأقفل جوالي شهر وش بيصير لك.
سكت سامي وفرك عيونه بقوه ثم قال:أنا جيت أتطمن عليك لأني كنت مسافر شهر كامل خارج المملكه ولاقدرت أتصل عليك من كثره الأشغال عالعموم أسف على عدم إتصالي .
رهف:لاعادي.
سامي:وش مسويه بنفسك أنتي.
رهف:أسوي رجيم وشي طبيعي أني نحفت.
سامي:سوي ماقلنا شي بس لاتدمرين صحتك لأني ماأقدر اتحمل أشوفك تعبانه.
رهف عارفه أنه يجاملها لاكنها قالت:وين اهلي ومتى بطلع الدكتور أمس يقول بيكتب لي خروج اليوم.
وقفت رهف لاكنها حست بدوخه وجلست بسرعه.
سامي:حبيبتي وش فيك .
رهف : أبي أروح بيتنا.
سامي:قصدك بيت أهلك وبيت أهلك موبيتك بيتك هنا , وأشر على قلبه , لاكنها طنشته وأنسدحت وهي ماتدري ليش تحس مالها خلق لسامي.
أتصل سامي علىأبو رهف وخبره أنه بيجيب رهف بنفسه لاكن أبوها عارض لأن مابعد تزوجو لاكن سامي قدر يقنعه.
قال سامي لرهف:جهزي أغراضك لأني بوديك البيت وأنا بروح الأن للطبيب وأكمل إجرائات الخروج.
دخلت رهف دوره المياه من الإرهاق ومعها الممرضه اللي أنهبلت من شافت سامي وهي تتغج بحركاتها قدامه
لاكن سامي رغم إلتزامه إلى أنه ينظر لشاكلتها بإستحقار.


يتبع>>>>>>>​
 
متابعة..........
9544215261057586705.jpg
 
ـــــــــــــــــــــــ
خلص سامي من الإجرائات ويوم دخل عند رهف مالقاها عرف انها مازالت بدوره المياه مع الممرضه أستغل الفرصه وأخذ كراستها ويوم فتحها أنفجع ماتوقعها رسامه ماهره كانت راسمه قلب وراسمه سامي وأنفجع لأن الرسمه طبق الأصل منه وكانت كاتبه جرحتي في عز فرحتي ورحت وخليتي جريحه , ضاق صدره و قال ماشاء الله لأنه بجد ماتوقع أنها تكون رسامه ماهره ,
سمع صوتها وهي تكح بصوت عالي خاف ورجع الكراسه مكانها سأل الممرضه عن رهف قالت أنها ماأكلت شي من الصبح وهي الأن تحس بغثيان لذلك تكح بقوه.
جته فكره وبصعوبه أقنع رهف أنها تروح معه بعد ماأتصلت على أبوها وعرفت أنه راضي
لبست عباتها ومسك سامي يدها بالرغم من معارضتها له وسندها على كتفه وكان لاصق فيها وكل مامرو عند بنات كل وحده تقول من قدها حاضنه هالقمر وسامي مطنش وهمه وشلون يقنع رهف بالإنفصال.
وصلوللسياره وأنفجعت رهف من سيارته كانت أفخم سياره شافتها بحياتها جت بتركب ورا لاكنه فتح لها الباب الأمامي اللي بجمبه وركبت وأسترخت على الكرسي وغمضت عيونها بحزن لأنها تعرف أن سامي يعاملها بهالمعامله لأنه يحس بتانيب ضميرقوي.
كان يطالعها وهويسوق يبي يقول شي يبيها تتكلم مافيه فايده لأنها كانت سرحانه وتناظر السماء.
تمنى في هاللحظه لويعرف لغه العيون اللي تتقنها أمه.
قرر يتكلم عشان يكسرالصمت وقال:وش رايك نروح ناكل لنا شي بمطعم.
رهف: ودني البيت.
سامي:ياقلبي والله أني ماتغديت من كثره الشغل خلينا ناكل لنا شي عالطايروافقت لأنها رحمته ووقف عند مطعم وتغدو لاكن رهف ماأكلت شي كثير بس ملعقتين وبس وسامي ماحب يضغط عليها لأن واضح أنها كارهه الطلعه معه.​
 
كملي يادكتورة ........ متابعين بشغف بس ياليت يكون كامل القصة ( عشان رمضان ) مانببغ ننشغل بالنت عن العبادة الله يجعلنا من صيامه وقوامه...
 


أذن المغرب وسامي يحاول يماطل بالسياره لأنه مايبي يوديها لبيت أهلها بسرعه لأن في باله كلام يبي يقوله لها
قالت له رهف:ودني لأهلي ولاتضيع وقتي ووقتك.
سامي:تعبانه ياقلبي.
تنهدت رهف:وش عندك أحس أن فيه كلام كايد بينقال.
سامي: بصراحه أبي أعرف ردك ز
رهف:بخصوص أيش.
سامي:بخصوص موضوع الإنفصال بصراحه أنا ماأبي أعذبك معي يابنت الناس أحنا مانصلح لبعض أنتي صح حساسه لاكن أحس لما أجلس معك كأني جالس مع ولد مقدر أجاملك لاكن انا متعذب أكثر منك وأدري انك منتي سعيده معي لاتجاملين وأنا أقول الأن القرار بيدك لاتعذبيني وتعذبين نفسك معي لأن هالزواج من بدايته غلط وبمااننا في البر قولي ترا مابعد صار شي .
رهف:والمطلوب.
سامي:فكري بعقلانيه.
رهف أنفجرت:أي عقلانيه تتكلم عنها هذا وأنت رجال بطول وعرض ولأنك شفتني صغيره قلت أجرب وأن ماعجبتني أطلقها حتى مافكرت بسمعتي همك نفسك وبس وش بيقولون عني الناس بيقطعون جلدي بكلامهم تقطيع لأن في نظرهم أنت العاقل وانا المراهقه حتى يمكن يتكلمون في عرضي تعرف وش معنى وحده تتطلق وهي توها متملكه هذا معناه أنها فيها بلا اوغير شريفه ليه ترضى علي المذله ليه أنت وشو بلاإحساس بلاضمير يعني لأنك ولد عز تذلني عشان ترضي غرورك حتى مافكرت بربك الجبار اللي في أي لحظه بيرسل لك عقوبه وتبي الطلاق مامسكتك لوأنك قد كلمتك كان رحت للمحكمه وطلقت بدون مشاوره لأحد ولاخايف من العقوبه يعني مسوي نفسك رحوم وقلبك مافيه ذره رحمه لاتحسبني ماأفهمك أنا درست حالتك أنت من يومك صغير وانت مضيوم ومقهور لأن محد أحتواك لأن أمك قويه شخصيه وصرت تدور الشي اللي ناقصك ....
وبدت رهف تتعمق بالكلام في مجال علم النفس وانصدم سامي لأنه يحس أنه أمام وحده رغم صغرها إلا أن عقلها أكبر منها مايدري وش يقول لاكنه خجل من نفسه ويوم وصلو لبيت أهلها أنتبه لدموع رهف
ويوم جت بتنزل فتح لها الباب يبي يوقفها أبعدته عنها وقالت : تدري على أيش أنا تحسفت على أني غلطت غلطه عمري يوم اني سمحت لك تهيني وأنا ساكته وغلطتي اللي إلين الحين أحسها نار شابه بصدري اني تملكت على واحد كلمه رجال قليله عليه.
كلامها له مثل الصاعقه اللي دمرته لأنه قوي شخصيه وكثير رجال يرجفون أن وقف قدامهم والكل يحترمه وفجأه من بد خلق الله تجي رهف وتقلل من شأنه .
يتبع>>>>>>>


​
 
ـــــــــــــــــــــــــــــــــــــــ
بعد ماأهانته رهف مسك جواله وأتصل عليها كان ناوي يرد كرامته وردت رهف وصوتها متقطع من البكي
رهف:وش تبي بعد ناوي تكمل علي بعد اللي قلته أناأموت وأعرف أنت وش تبي ليه تذلني ليه.
سامي:أنتي أهدي الحين وخلينا نتفاهم.
رهف:سامي إذا صرت بكامل عقليتك مع أني أشك كلمني وقفلت بوجهه.
وتوه بيتصل تعوذ من أبليس وارسل لها رساله وكتب فيها والله ماتسوى حياتي بدونك انا بجد ضايع بدونك
قرتها رهف وهي عارفه أنه يكذب عليها عشان كذا طنشت الرساله وقفلت جوالها ونامت.

يتبع>>>>>>>​
 
الحالة
مغلق و غير مفتوح للمزيد من الردود.
عودة
أعلى أسفل