لقد أحببت هذه الكلمات كثيرا من الاخت اسبرانزا ، لقد استفدت من هذه المقولة سابقا كثيرا ، فقد دونتها في ورقة صغيرة ووضعتها في محفظتي هي ومجموعة من الكلمات الاخرى، لقد كنت اخرج هذه الورقة كلما واجهت مشكلة او معضلة في حياتي وكلما شعرت بالحزن ... وبصراحة هذه الكلمات كانت تجعلني اقف على رجلي مرة اخرى وأظل أحاول ،كما أنني لعمتها لشريهان ولقد كتبت كلمات جميلة لنفسها من صنع نفسها حتى تخرج نفسها من الحزن على زوجها ووضعها ،فلما لا تحاولن ...
لولا الألم والفشل لاياتي النجاح
if you cant beat them join them
إذا لم تستطع ضربهم فانضم إليهم
smiling is the shortest way to gain athers love, and kill your enemy
الابتسامة هي أقصر طريق لكسب حب الآخرين ، والقضاء على أعدائك.
forgivness shows how strong you are.
التسامح من سمات الشخصية القوية (سأشرح لكن هذا)
there are people who keep hurting you and trying to put you down
تقول الأخت هناك من الناس من يجرحني ن ويحاول ان ينزل من عزيمتي (احباط)
those people who keep putin me down i know one thing about them , and i have one explenation for them jelous ,so if you face people like this the only thing you can do is not fight with them just listen to them and keep quite with a big smile on your face its kind of egnoring but in polite way (dont get in fight with them), becuase this smile will make them buirn in side but at the same time if they are so closed to you like relatives you wont lose them in the future .
لقد صادفت الكثير من هذه النوعية من الناس ولا يوجد اي مسمى لهذه النوعية من الناس بقاموسي الا الفاشلون او الغيورين من النجاح ن وابسط اسلوب للتعامل مع هذه النوعية هو الانصات إلى هؤلاء الناس وبابتسامة واضحة على الوجهه بكل هدوء ودون اي تعليق او مدافعة عن نفسك ،هذه الطريقة يا اخواتي الكريمات تعتبر نوع من التجاهل لما يقولون ولكن بطريقة مأدبة ومحترمة لانك ريل ليدي والليدي دائما محترمة ، كما ان هذه الابتسامة سوف تجعل من امامك يحترق من الداخل ، وبنفس الوقت لو كان شخصا عزيزا عليكي سواء من الأقارب او الاصدقاء لن تخسريه في المستقبل لانك لم تدخلي معه بخلاف انتي فقط استمعتي اليه ولكن لم تطبقي مايقوله.
i keep getting hurt but i forgive fast and also try to forget for the people i
تقول الأخت ان هناك من الناس من يجرحها ولكن تعود لتسامحهم من غير عتاب ،ويعود هؤلاء الأشخاص لجرحها مرة اخرى.
being hurt by people and forgiving them directly means two things :
for you , it means your a goood person with a big heart who tries his best to keep people around him happy but some times on his own happienss and thats completly wrong ,and i ve been thro this.
for people if you forgive them for somthing they said and hurt you directly it means you accepted what they said to you and you believe in every single words they are saying becuase you forgive them without worning them that what they said hurt you , so what will happen in the future they will keep doing the same and it will differnt from person to anther some will be worse and some will
هناك تفسيرين للتسامح مع الآخرين بعد أن جرحوكي ...
التفسير الأول هو تفسيركي انتي) ،عندما تتسامحين مع الناس الذي جرحوك هذا يعني بأنك انسانه طيبة بحق وقلبك كبير ويتسع للجميع ، كما انك تحاولين جاهدة ارضاء الغير واسعادهم ولكن بالغالب يكون على حساب نفسك اختي الكريمة وهذا اكبر خطا تقعين فيه ،ولقد مررت بهذا سابقا .
التفسير الثاني تفسير الاخرين )،عند تسامحك مع الناس الذي جرحوكي مباشرة فهذا يعني لهم بأنك موافقة على كل كلمة قيلت بحقك ، وانك مصدقة بكل ماقيل لك ،وانهم لم يخطئوا أبدا،وعليه سوف يعيدونها مرة اخرى بالمستقبل وقد تكون بتعمد او من غير تعمد لأنك انتي من فتحتي المجال .
so forgiven people makes u stronger ???its by forgiven them but not directly you should show them how they hurt you not by hurting them no but by being seriouse and explaining to them how you were hurt and you dont want to listen to some stuiped stuff like this anymore , 1+1=2 ths is nadia`s conversation part one then forgive them but show them the limt , believe me believe me they will not repeat it again
إذا كيف تكون المسامحة من سمات الشخصية القوية
قبل ان تتسامحي مع الشخص الذي جرحك ،لابد ان تجعلينه يرى كيف جرحك ،وليس عن طريق جرح الشخص لا ، ولكن عن طريقة المصارحة وبجدية ،حتى يعرف الشخص الذي امامك مدى الجرح الذي سببه لكي ولا يعيده ، والجدية هنا لاتأتي بالصراخ بل بهدوء النفس وبصوت جاد مسموع وحازم،هذه طريقة ناديه رقم واحد في الحديث (من العقل الى العقل)1+1=2 ،هذه الطريقة تضع الاطار الواضح والحدود حتى لايتعدا احد على شخيتك ، واكيد اكيد لها نتايجها
وانتظروني فللحديث بقية انشالله
طبعا نادية لعبت لعبتها وعارفه انها بتييها مشكلة ،وبتنحل هالمشكلة عاجلا ام آجلا ،طار لها الزوج طبعا عقب المشكلة اللي بينه وبين زوجته وراح يقولها عن اللي صار وكان ميت من الخوف يحاتي ،تقول نادية :ياني الشقة وكلش كان متضير ويحاتي ، سألته وانا عارفه : شفيك يا بوفلان عسى ماشر ، رد عليها .. مافني شي بس تركيني شوي بحالي .... تركت نادية الرجل بحالة ولم تسأله مرة اخرى (اسلوب ذكي ، فهي تعلم جيدا بان الأسد جالس في عرينه يتفكر ويفضل الا تقترب منه او حتى تداعبه )، ولكن بعد فترة خرج الأسد من سكوته وعاد للتحدث شيئا فشيئا ،وراحت هي تسترسل معه بالحديث ،وقالت له : يا بوفلانه احنه قبل لا نكون احباب احنا ربع، صح ياقلبي واهي تمسح على رأسه ، رد: عليها : تذكرين اخر مرة كنا انا وياج فيها ،قالت له :ايه وقلبها طبعا طاير من الفرح ؟؟؟ ، رد: اخر مرة تلفوني دق على مرتي بالغلط ومادري شلون انا ماحسيت فيه مع اني اتذكر اني شلته من مخباتي لما فصخت الغترة والعقال انا حريص على هالأشياء بذات ؟؟؟ مادري شلون انا صراحة احس اني بنجن ، قالت له : بفلم هندي طبعا امبيه شنو صار سمعت كل شي يافضيحتنه (متقصده تسايره بالفلم كامل عشان توصل للمعلومات الي تبيها )،رد عليها : المراة تركت البيت الحين ولاهي راضية ترجع اتصل عليها ماترد ، والوضع غريب مادري مادري شسوي مادري اهلها يدرون مايدرون هالركود هذا مو طبيعي، ردت عليه وقالت له : لاغريب ولاهم يحزنون على شنو غريب بعد زوجة جكت ريلها يخون شنو متوقع انها تسوي اكيد بتضايق ، وانته الحين لازم تختار يا اما تصلح الموقف معاها والا انك خلاص تنهي اللي بينكم ، التفت عليها وقالها : انتي شنو عبالج سهل يلا بس اطلق وخلاص يبا اصحي انتي بالكويت ، هذا وراه نفقه سكن خدامة وغير مصاريف ثانيه ، انالازم القى حل حق هالموضوع ولو مالقيت كل شي خلاص راح ينتهي الي بينه مانقدر نكمل مع بعض ، طبعا اهي سمعت مانقدر نكمل مع بعض جن جنونها شلون هذي نادية هذي الانسانه الي تستحق انها تعيش هذي الي من حقها بعد تكون محبوبة ومرغوبة صحبتها ،ردت عليه :ينتهي شلون ،عموما براحتك انته منت مجبور علي تبيني حياك الله ماتبي الله ايوفقك (لعبة ذكية جدا ،انا عايشة فيك ومن غيرك شرح موجود) ، نظر إليها الرجل وقال لها : انا رايح حق مرتي لازم أصلح الي صاير ، وخرج الرجل وتركها لوحدها ،لا اخفيكم شعور نادية لحظتها كان في قمة الحزن والأسى على نفســــــــــها،العزيزة الغالية كيف يحدث لي هذا ولكن لن أستسلم أبدا وهذا الرجل لي انا وانشوف منو يضحك بالاخير ....
مرت الأيام وانقطعت اخبار الزوج عن نادية ، وتدرون والمفاجأ ان نادية كانت تأتي إلى النادي يوميا وتلعب وتضحك ولا جنه في شي صاير ، وانا استغرب ، وبالمقابل اشتركت شريهان في نادي اخر وكانت تذهب يوميا وفي طريقها تتصل علي ونسولف ونضحك كانت انسانه ثانيه ، إلى ان اتى اليوم الي قالت لي فيه شريهان ،ترى يا فلانه ريلي اتصل على بيتنه والحين الأهل تدخلوا بالموضوع يبون يعرفون وانا مابي اتكلم ، قلت لها : فلانه خلاص ماكو الا المصارحة والنقاش معاه ،مهما يكون يروح يرجع زوجج ،قالت لي : زين شسوي يعني اتصل عليه ، قلت لها : اممم لالا لا تتصلين عليه صبري خليني افكر لج بخطه ، وارد عليج ، اتصلت عليها وقلت لها : لقيتها قالت لي شنو : قلت لها انتي مو حاطة بالملف مالج ارقام تلفونات ؟؟ قالت لي ايه قلت لها انتي حاطة رقم زوجج صح ،قلت لها: الحين احنه قاعدين ندز مسجات عن عروض للاشتراكات كان بمناسبة عيد الحب راح ادز مسج حقج وعلى كل الارقام الي موجوده في ملفج والي من بينهم طبعا رقم زوجها ، قالت لي : انزين وبعدين ، قلت لها: ماتدرين يمكن لما يقرى المسج يحن قلبه الله العالم ، وبصراحة انا ماكنت متاكدة من الخطة بس يمكن يتذكر أو يفطن ... طرشت المسج وبس ،دقيت عليها ها دق عليج والا لا ،كلمج والا لا
،ردت علي لا والله ليمة الحين ماتصل كيفه براحته(الكلام تغير ، هني يبتدي مفعول السحر اللي ذكرته لكم من قبل ) ،سبحان الله يا بنات الانسان الله رزقه عقلين الأول العقل الواعي والثاني العقل الباطن ،وبصراحة انا هني مو بصدد اني اشرح وظيفة كل واحد منهم ، ولكن ابي اوصلكم الوظيفة الي قاعد يقوم فيها العقل الباطن حاليا بعقل زوج شريهان ،زوج شريهان حاليا يشعر بحالة عدم الأمان وبفقدان ماكان يعيش فيه ،وكلمة براحته تعني عنده تفسير واحد بعقله الباطن انك انته الخسران لو تركت ؟؟؟ وهذا التفسير يصير عند كل انسان بطريقة اللاشعور فيفزع هذا الشخص نحو احتواء الشي الذي قد يخسره ويبتدي يركض وراه من غير مايحس ) ، وطبعا واهي تكلمني والا تقولي لحظة خط ثاني
ضحكت وقالت امبيه لا لا اهو اهو وكانت تقول يايايايياياياياي وتصرخ مثل الياهل ، قلت لها :ثقلي عليه وكلميه بعقل وحطي في بالج ضبط الاعصاب والتكلم بهدوء ودبلوماسية ، وموجني اشوفج تبجين صيري الاسد انتي هالمرة ،قلت لها يلا يلا قبل لا يسكره (سكرنه الخط وكنت بغاية السعادة ، لدرجة لاتوصف كنت احس انه قلبي بيطير فوووووووووووووووووووووق بالسما ويرد يرجع كأني راكبه مرجيحه (دورفه بالكويتي ) خليكم معاي وتعرفون الباقي فللحديث بقية
الزوج هو Boy friend بالحلال
مع انه هذا المسمى غربي ومو من مجتمعنه وممنوع ، ولكني انا اقولج اعتبري الزوج بوي فريند ،يعني انتي لما تعاتبين رفيجتج والا تسولفين معاها شلون؟؟؟ هذي الطريقة بالحوار تدخل الرجل في مجال comfortzone مالج وتخليه معاج مو وراج في كل خطوة تخطينها من غير ماتحسون انتوا الاثنين،اخواتي العزيزات انا اعمل مع العديد العديد من الجنسيات الأجنبية واسمعهم شلون يكلمون رياييلنه وخاصة عند حدوث اي خلاف بينهم ومن الجنسيات الي عملت معها والي كنت اتسائل اشلون الرياييل يحبونهم مع انه والحمدلله والشكر الغالبية وجوهم قبيحة ،تعاملها اللي مو طبيعي مع الرجل وترويضها له ، قد تفكر بعض القارئات بان هؤلاء النسوة يسلمن نفسهن بسهولة ، ولكن انا اقولج لااااااااااااااااااااااااااااااااااااااااااا هي تجر الرجل تجره تجره خلفها حتى تعلقه على مصقله حبها بالتعامل العجيب وراح اعطيكم نماذج انشالله عليها قريبا ....
نادية وغيرها البوي فرند مالهم بالحرام انتي البوي فرند مالج بالحلال وامام الله والناس اجمعين
يا نفسي يا انته يا زوجي العزيز
تقول شريهان: رديت على التلفون وأول ماقال: الو ، كنت جني توني اعرفه تذكرت البداية بينه وشلون كان وقع كلمة ألو على قلبي أيام الحب، كنت احس بصوته وكانه يديه الخشنتين تدق على باب قلبي لتزيد من حرارة جروحي ، كادت دموعي أن تسيل من حرارة الموقف ولكن سارعت ثلوج عزتي لتجمدها ببردها القارس، فقلت له : هلا نعم تفضل وبكل برود ، رد علي وقالي : شلونج ،ليش ماتردين علي لما ادق علي بصوت سريع وفيه قليل من الغضب شنو انا طوفة هبيطة عندج نلعب احنه يهال (على قولة اخوانه المصريين خدوكوا بالصراخ عشان يغلبوكوا ،لكن ده كان زمان يا مسيو روميو) J، ردت عليه شريهان : وبصوت هادئ ،انته داق تتفاهم والا تتخانق يا فلان وبكل هدوء( شريهان بدات جملتها بكلمة ايجابية وقالت تبي تتفاهم ،قبل لا تقول تبي تتخانق ،هذا الاسلوب يكون بمثابة رذاذ الماء الذي يطفئ نار الغضب بالشخص الذي بينكي وبينه مشكلة ) ،طبعا الزوج هدى شوي واستغرب قالها : كموني بيه انتي من وين ووين تناديني بالاسم هذا ؟؟؟!!! وضحك ،ردت عليه هي وبهدوء ايضا وبدون ضحكة ولكن نبرة عادية جدا :مادري جذي طرى على بالي توه تذكرته وانا ماره يم محلات الجواتي وانته بكرامه ،رد عليها : يوم تضحكين علي تقولين اول مرة اسمع لون كموني تذكرين ، قالت له :ايه ، وسكتت (شريهان كانت متعمده بهذه الطريقة الهدوء والسكينه لأنه الرجل هني يبيها اهي اللي تبتدي الحديث فهو مجهز كل اسلحته ولكن بانتظار الهجوم منها فقط ؟؟؟، ولكن صاحبتنه الذكية لم تهجم فقد استخدمت معه اسلوب السلم حتى تكسب هي بالنهاية ،شريهان اللعبة الان بالنسبة لها مسالة ربح او خسارة ، يا اما تربح نفسها او تخسرها ، فلم تعد انته يا دنجوان no.1 في حياتي ، انا اريد فقط ان ارد اعتباري وبطريقتي ) ، زين انا بصراحة ابي اتكلم معاج وبصراحة ترى ابي اشوف اليهال وطالت المدة ؟؟؟ طبعا مو قاعد ايييب طاري الموضوع نهائيا لأنه خايف من ردة فعلها (وهذا غلط) ، ولكن شريهان عالجت هذا الموقف ، وقالت له : اليهال اكيد لازم تشوفهم هذولي عيالنا ،واما عن الكلام لإانا الحين متضايقة حيل وماقدر اتكلم ، وانته تدري ليش ،رد عليها : مو انا هذا الموضوع اللي ابي اكلمج فيه بكل مسكنة ، ردت شريهان عليه : الحين انا ماقدر اتكلم يا فلان باسمه الصجي ،انا متضايقة حيل ولازم ارتاح وانشالله يسهل اليهال ولا يهمك انا بوصلهم بيت اهلك باجر ماترد من الدوام الا واهم عندك بالبيت ، رد عليها: شقصدك ،بنرفزة، ردت عليه بهدوء ... مو قصدي شي ،قصدي قلت لك ياه انا متضايقة وابي ارتاح شوي ،عند اهلي ولا تحاتي محد يدري عن الي بينه الا انا وانته ؟!!! سكت الرجل ولم يتكلم ولا كلمة لقد احرجته شريهان بمعدنها الأصيل ، ردت وكملت الحين انا اخليك تبي شي ،قالها : احححححححح بتنهد خلاص على خير انشالله مع السلامة .....،سكرت شريهان السماعة وظلت في مسفط سيارتها تبجي بالسيارة ،لأن الموقف الي سوته اول مرة تطبقه بحياتها فعشان جي تحس انها قاسية وانه هالشي يضايقها ، ولو بايديها كان قالت لا ابي ارجع له على طول بس الاختيار الحين بين نفسها وبين زوجها ؟؟!!!!!! تابعوني J
ان تصرف شريهان لو دل يدل على الرقي والتعقل بالتصرف ،فهي سيدة تحاول ان تحتوي المشكلة لا ان تنشرها لأنه يروح يرد أهو زوجها وابو عيالها ، وسكوتها هنا لم يكن سكوت الرضوخ والانكسار لا بل سكوتا شامخا والفكرة اللي وصلته حقه بنبرتها بالكلام هي(رغم سوء مافعلت فانا لم أشكوك لأحد فأنا لا ادخل اهلي في توافه الأمور لأني اكبر واقوى من اهوي على الارض ليحملني اهلي على اكتافهم)وبالحالتين سوف تكون بالنهاية هالمستفيدة :
لو رجع لها انشالله بتكون كبيرة بعينه ويزيد احترامها ومكانتها عنده ، وراح يستحي انه يكرر هذا الموقف معاها ... وسوف يحبها اكثر واكثر لا لشيء الا لانها عندما خطت هذه الخطوة كانت واثقة من نفسها وانها لم تعد تراه اول اهتماماتها .
لو لا سمح الله تركها زوجها هي ستكون رابحة أيضا لأنها خرجت من هذي المعركة مرفوعة الرأس بأصالتها وترفعها عن عن الغوغائية والدفاشة ،فهي REALADY ..... تذكرون الملكة كليوبترا لو شفتوا قصتها كانت هذه الملكة محبوبة من جميع الرجال وكان الرجال يتسابقون لكي يرضوها ، ومن بين الذين حاولوا يرضونها كان سيزر(قيصر) ،وقد خير قيصر بينا روما(نادية) ،وبين كليوبترا(زوجته) ،وعلمت كليوبترا بهذا الموضوع .... وعندما فتحت هذا الموضوع معه تكلمت بكل ثقة وعزة نفس وقالت له انا احبك نعم ولكن لو اخترت الرحيل فارحل ؟؟؟!!!!!!!!! ولم تتحدث عنه بالسوء أمام وزرائها الذين كانوا ينتظرون منها ان تتحدث بالسوء عنه لكرههم له ..... والنتيجة كانت انه قيصــــــــــــــــــر اختار كليــــــــــــوبترا وعاد لها يجري لأحضانها،
كذلك لو تذكرون خيانة الرئيس الأمريكي جون كنيدي لزوجته مع الفنانة الفاتنه الراحلة مارلين مونرو، ماذا فعلت الزوجة كنيدي ؟؟؟!! صارحت زوجها بأنها ولكن بنفس الوقت حافظت على صورته ولم تكن تتجاوب مع الصحافة ومتتبعين الأخبار عن خيانة زوجها ، وهذا احد الاسباب التي جعلت جون كنيدي يركض زاحفا خلفها تاركا نادية مالته(مارلين مونرو)لتنتحر.....
هذا ما اسميه تصرف REALADY ،هي رجل بعقلها وتخطيطها ،انثى بقلبها وجسدها،ثقة وشموخ في وجهها
ريل ليدي انا لما واجهت مشكلة الخيانه مع زوجي تصرفت تصرف الريل ليدي وسكت وما كلمت احد بالموضوع وقلت ما له داعي ننشر الغسيل
ولكنه وبعد فتره اعاد نفس الخيانه مره ثانيه وايضا سكت ولكن في المره الثالثه فضحته فضيحة العالمين وخليت اللي ما يشتري يتفرج وقتله ان انا كنت ستر وغطا عليك ومداريه كل عيوبك لكنك انسان تكره الستر وتحب الفضيحه
ما قدرت اتحمل منه اكثر من جذيه مر على اخر خيانه منه زمن طويل
وحياتي معاه رجعت طبيعيه ولكن اخذت وعد على نفسي اني ما راح اكون له ستر وغطا
اشرايج صح والا غلط
U did a great joooooooob sister
بس الي خلى الرجل يتمادى يمكن لانج ماعطيتيه تحذير ؟؟؟ وبس سكتي ،ولكن على موضوعك الحين انا متاكده انه في باله حاط لك الف حساب قبل لا يخطي الخطوة
عندي لكم قصة طريفة جدا ، احدى الاخوات صار لها موقف مثل شريهان ونادية وشافت زوجها بعيونها طالع ويا وحده اللي سوته لحقته من غير مايحس ،ونطرتهم لين ينزلون من السيارة وركبوا العماره ، وبعدين نزلت من السيارة ووخذت ورقة لفت فيها خاتم زواجها وسبحان الله حطته بمكن بحيث اهو لما يشوفه يشيله ويرميه عبالها وصخ بس لما يشيله راح ينتبهه انه المنديل في داخله شي ،المهم تقول الا خت مشيت بسيارتي وتحلف والله والله انه نزلت دمعة او دمعتين على نفسي وليس عليه ، وعندها بعثت له مسج بعد ما مشيت تقريبا بخمس دقايق ،وقالت: حطيت لك الدبلة على السيارة تحت،طبعا لوووووووووول اللي صار انه الرجل بعث لها مسج وقالها : شنو؟؟؟ طلع الرجل على طول من الشقة خربت عليه ليلته الحمرا ،بعدين نزل تحت ولما ييه عند السيارة شاف المنديل شاله بيقطة والا يلقى داخلة الدبلة .... انصدم ومات من الخوف وتقول لاتشوفين شلون ييه يتعذر لي ولاتشوفين شلون خليته سيدة هذولي الحريم والا بلاش عن عشر رجاجيل والله
صحوة بعد غيبوبة أعوام؟؟؟
مر أسبوع كامل على هذا الحال ، شريهان في حالها ومشغولة في عملها ، والزوج ينتظر الرد منها ، ونادية مشغولة بالنادي وفي خططها لإصلاح هذا الوضع ، فليس كل خطة ناجحة ولكل خطة بديل في جعبتها .... المهم في احد الأيام وشريهان راجعة البيت جلست على الغداء ، تتحدث، نظر إليها والدها بابتسامة أحست بانها تخفي مغزى معين ، وقالت له : شفيك يبا وضحكت ، قالها: بعدين ،اقولج .... خلصوا الغدا راحت غرفتها ، وقعدت شوي تريح ، وجاها ابوها ،جلس معها الوالد ، وقالها : يابنتي ترى مال البنت الا بيت زوجها ،وانتي تاركة بيتج مكانج وكل ماوراج ودونج ليش يابنتي ، تقول شريهان : نظرت إليه بنظرة حزينة تملئها الدموع،التي احتبست في قلبي ، ظل أبي يتكلم ويتكلم ويعظني ،وانا الدموع تنهمر من عيني دون توقف ،وبعدها قالي : انا يابنتي موياي هني اعاتبج وألومج،أنا أبي أعرف بنتي فلانة شنو فيها ... انا بصراحة كنت راح اتصل على زوجج واعرف منه من غير ماتدرين وباتفاق بيني وبينه ،بس مادري ليش قلت خلني أسألج انتي الأول ؟؟؟ ردت عليه :مافينا شي يبا أنا بس متضايقة شوي وأبي اتنفس انا ييت هني ابي اتنفس تعرف ماكو بيت يخلا من المشاكل ،وماعندي مكان اغير فيه جو الا هني ،يعني معقولة يبا مليتوا مني انا وعيالي يعني ،رد عليها الأب :لا مامليت منج والله لا يخليني منكم انتي وعيالج وخواتج ؟؟؟!! قالها :ادري يابنتي بس انتي الحين صار لج فترة طويلة ،ولا انتي حتى راضية تقولين شنو فيكم ؟؟ وانا هذيك اليوم شفت سيارة ريلج كانت واقفة من بعيد بس اهو مانتبه علي كان واقف من بعيد يراقب ،طبعا شريهان تقول في قلبي قلت (صجججججججججج هاهاهاهاهاهاهاي) ،قالت له : متى هذا؟؟ ،قالها: من يومين ،تقول نظرت إلى والدي ،وقلت له : راح أقولك يايبا بس أوعدني مايطلع هالكلام من بينه ، ولا أبيك تدخل ولا أحد (وهي تعلم بعقلانية والدها وحكمته) ،وسردت قصتي عليه دون ذكر موقف (الاتصال الهاتفي الحميم بين زوجي وعشيقته) ، وبس هذا الي صار يا يبا ،الحين عرفت سبب زعلي ؟؟؟رد عليها الأب : هذي بنتي الي انا ربيتها ،والي ابيه منج وانا ابوج الحين انه ترجعين بيتج وتدخلين مثل الملكة لأنج انتي ملكة هالبيت مو غيرج وانتي الي تقررين منو ساكن هالبيت ،قالت له :شلون يعني اتصل عليه يبا ، قالها :لا لي اتصل تفاهمي معاه وردي بيتج، ردت بسرعة :ارد ولاجنه صاير شي شلون يا يبا ، قالها : من قالج موصاير شي بلا صاير شي ،بس انتي الحين قاعدة فالبيت هني في بالج يعني حليتي المشكلة ،ردت عليه :لا مو انا هذا الي ذباحني يايبا اني من وين ابتدي حل مشكلتي ،انا يايبا حالي صعب ابي بيتي وعيالي بس مابيه سبحان الله مادري ليش احس انه قلبي عافاه حتى في دعائي بصلاتي مرات ابي ادعي الله يردنه لبعض بس موقادرة ماتطلع مني الكلمة ؟؟!!! صعبة ... رد عليها الأب :رجعي بيتج والي رب العالمين كاتبه بيصير يافلانه يلا قومي غسلي ويهج ،تقول شريهان بعد ما تكلمت مع ابوي حسيت براحة نفسية مو طبيعية وبهدوء نفسي ،وزادت ثقتي بنفسي وخاصة أنه قال بنهاية حديثه (وردتي) ،ولم اكن لأصارح أبي ابدا بما يحدث بيني وبين زوجي لولا اني اعرف حكمته وهدوءه وترويه في حل المشكلات. ولكن مالذي حصل بعد هذا،لقد انتظرت اتصاله على احر من الجمر ، لا لشوق مني له ، لا ولكن لتشوقي لمغامرة اثبات نفسي قد تضحكين علي يا فلانة ولكن هذا كل الي كان في بالي فقط لا غير هذي المشكلة وبكل صراحة أيقظتني من سبات عميق كنت عايشته أو انا الي عيشت نفسي فيه من غير ماحس ،لدرجة ان هذا السبات تحول مع الوقت إلى غيبوبة (زوجة بالزاوية) نتجت عنها أعراض جانبية من أولها و أهمها فقدان أهم حاسة (الأنا) الأنثوية، على الرغم من محاولات زوجي أن يصحيني من هذه الغيبوبة بتوجيه نداء إلى عقلي الواعي(توجيه سلوكي ، تنبيهي على مايحب ، التحدث معي )ولكن عقلي الواعي لم يستوعب مايحدث حوله لا بعند مني ولكن ،لأنني اعطيت عقلي اللاواعي جرعات مخدرة بما يكفي لجعله لا يستوعب(استغنائي عن شخصيتي، اهمالي لنفسي،اهمالي لعلاقتي بزوجي كصديق قبل ان يكون زوج و أب لأبنائي) !! ونتج عن الجانب العرضي الأول ، الجانب العرضي الثاني وهو اتجاه زوجي إلى اللجوء إلى سلوى حضن آخر غيري بعشيقته حتى تخرجه او تنسيه مايعانيه ، وبالتالي صارت هي كما الملجأ العاطفي الذي يطبطب على ظهره ويهون عليه صبره حتى أصحى من غيبوبتي التي تسببت أنا فيها ؟؟؟!!! هذا التحليل كان من شريهان ولكني صغته بصياغتي حتى تعوا جيدا الذي حدث ولتعرفوا دور كل واحد في هذه القصة ولايكون اللوم كله على نادية والزوج،هذا الاعتراف بحد ذاته يعتبر انطلاقة قوية جدا نحو التغيير في شخصية شريهان للأمام ،فهي هنا تكون قد ازاحت الستار عن بعض الأمور الخفية (اعترفت بأسباب المشكلة من ناحيتها)والتي من الصعب ان يعترف بها الانسان على حد السواء رجل أو امرأة وفي صعوبتها تكمن قوة الانسان... واتصل زوجي بعد تقريبا اسبوع الا عشرة ايام ، وبصراحة لم أهتم لو كان معاها او غيرها ... رن هاتفي ورديت عليه ،واتفقت معاه اني اشوفه برة وتعمدت اني اروح مطعم امريكي وانتي تدرين شلون هالمطاعم تكون شبابية ومزدحمة وتونس واهو بطبعه يحب الاشياء اللي جي ولكن انا ماكنت اروح وياه وايد(غلطتها) رحنه تشيليز ، وبصراحة رحت انا قبله J وكنت لابسة ومتعدلة كعادتي قبل ومتمكيجة ولكن مكياج مختلف J وجلست انطره وكنت متقصده ،اني انطره بروحي ؟؟؟ انتي تدرين أي بنت بتجي تقعد بروحها راح يبحلقون فيها (يعني يخزونها) ولم تكن هذي غايتي والعياذ بالله ولكن الغاية تبرر الوسيلة غايتي كانت اشعال نار الغيرة في قلبه، وهذا الشي يقتل زوجي (تقدرون تقولون يومها كانت مجهزة معاها عدة التعذيب ) الي اهي :
C سكاكين غيرة باحجام من الصغير لي الكبير J
C خطافات (عيونها المكحلة) حتى تخطف عينيه وتعذبه بنظراتهاJ
C كلبجات (أصفاد) شخصياتها لما تحتويه (جسدها وخطواتها الدلوعه ومظهرها العام الواثق) لكي تقيد يديه ورجليه وتجلعه لا يبارح مكانه أولا ليستمع إليها ، ولكي تقيد صورتها في ذهنه حتى لا تفارقه أبدا J وتكون بمثابة الذكرى له ثانياJ
دخلت وجلست انتظر على طاولة في مكان المدخين ولو اني ماحب التدخين بالعمالة، وبصراحة مادري ليش كان في قلبي الضحكة سبحان الله ،وتقريبا عارفة النتيجة باحساس داخلي (حدس المرأة).سأشرح تعريف واهمية هذا الشعور لاحقا انشالله بعد اتمام القصة فهو مهم جدا ، دخل زوجي وراح يدور برأسه يبحث عني وانا شفته من بعيد بس سويت روحي ماشفته وحطيت تلفوني يمي على الكرسي وجمب الجنطة عشان لو دق او انتبهه علي ايكون جني قاعدة اطلعه من الجنطة هاهاي ، مو حاطته على الطاولة وانتظره يدق (سبحان الله حريم) هاها
(ترى على فكرة وشريهان تسرد لي القصة كانت تتكلم ببراءة طفلة ، وانا اطالعها واضحك وبصراحة كنت احس اني ودي ابجي واضحك بنفس الوقت حبيبتي انتي ياشريهان الله يوفقج انشالله لكل خير ياربي واشوفج دوم تضحكين)
رن علي ورديت عليه : هلا وتقصدت اني اقول (بصوت مسموع حقه اول مارديت ويه خربت حمرتي) ،طبعا قلت هالكلمة ظل اهو يتلفت وانا اشوفه من بعيد يمين يسار وجنه مركبين له مكينة كهربا بسرعه بسرعه ، وقالي :انتي وين ؟؟؟؟ قلت له :جدامك هني بالنص ،انتبه علي وقالي :بالتلفون واهو يقرب مني هني مدخنين ليش قاعدة هني ماتشوفين الشباب ؟؟؟ ردت عليه : وانا شعلي منهم انا علي من نفسي وبصراحة دخلت والجرسونه تتكلم ومافهمت عليها قالت لي خرابيط بالانجليزي ماعرفت قلت بس يس وقعدتني J (طبعا صاروووخ)، رد عليها انزين قومي خل نغير مكانه : ردت عليه ،انا ماقدر اطول يا فلان عندي اجتماع بعد شوي بالدوام ، تعال هني وخلاص اشفيها بعد انته وياي زوجي من بيطالع.... جاء الزوج وجلس مع شريهان ،وراح ينظر إليها وكأنه يتعرف عليها أول مرة ، سألها :شلونج ؟؟ ... قالت له : انا بخير الحمدلله مثل مانته شايف شغل وتعب ، رد عليها : شخبار الاهل ؟؟؟ ، ردت عليه ،الحمدلل زينين كلهم ، قالها واليهال، قالت له: الحمدلله ،تقول كان يتكلم واهو يطالعني جنه مستغرب تحسين يتكلم بكلام ويعونه بكلام ثاني (عيونه كانت تنطق بما يدور في داخله وتخبرني اياه سرا دون علمه) ،رد علي وقالي: مبين عليج وايد مشغوله ؟؟ وبطريقة مثل المحتر ، قلت له : فلان انته طلبت انه نتقابل عشان نتفاهم ، وانا بصراحة مومثل ماقلت لك من قبل هم انا ابي التفاهم ؟؟؟ ممكن ندخل بالموضوع ؟؟؟!!! وانتظروني فللحديث بقية
الزوج يحجز شريهان بالمطعم
تقول لم أسأله ابدا من هي وكيف تعرفت عليها ، ولا حتى منذ متى ،لم أدخل في التفاصيل فلم أرد ان اعطيه اكبر من حجمه ، وبصراحة هذا الشي جعله يرتاب قليلا ، ويتررد في الحديث ، ولكن سألته سؤال واحد ، انته تحبني ؟؟؟ نظر إليها وقال : اكيد انتي زوجتي شلون ماحبج انتي ام عيالي واللي قلبي حبها ولو ماحبج ماتزوجتج ، تقول رديت عليه : واللي يحب يأذي الي يحبه والا يحافظ عليه ؟؟؟؟أنا ماراح اعاتبك ولا راح اقولك ليش سويت جي وانا ماستاهل ووووو ، كلام الأفلام هذا لا ، انا يايه اليوم نقعد نتغدى نستانس واقول الي عندي ... طبعا ضحك ضحكة عريضة ولكن بنفس الوقت مع نظرة مستغربة؟؟!!!طلبوا الطلب مالهم وظلوا يتكلمون ويسولفون ويضحكون ضحك على الشفاه فقط ،فقد كان كل منهما في عالمه الخاص بالداخل ،لقد عاش الاثنان اللحظة ذاتها ولكن بمنظورين مختلفين ففي منظور شريهان كانت هذه اللحظة هي لحظة النصر ، والكرة الآن في ملعبها تدحرجها بالاتجاه الذي تريده وهي تأخذها تارة يمنة (ذكرياتهم ومواقفهم المسجلة في سجل الذكريات ) ، ويسرة الحديث العام عما يحصل معها بالعمل والاطفال، ترى شي مو هين عليها بس اهي تبي تعيش هذه الأجواء بكل حذافيرها وأهمها الرهبة والريبة في عيني زوجها، بينما من منظور الزوج ،اهو صاير مثل حارس المرمى اللي خايف انه وينتظر الكرة (الموضوع نفسه) هل راح يقدر يصد الكرة ويمنعها من دخول مرماه(هل راح يكون قوي ويواجهه الموضوع وينحل) أو الكرة راح تسلل من بين ايده وتدش مرماه (شريهان هي الي تكسب الموضوع لصالحها ويخسر كل شي اهو ؟؟) هم ناطر في قلبه يبي الموضوع يتسوى ويبي يعرف شنو صاير حواليه بالتفصيل لأنه مايدري يمكن يكون هذا السكون الي قبل العاصفة ، تقول شريهان :على اخر الموعد سكت شوي ، جان يستغل اهو الفرصة ويبتدي الموضوع من نفسه ، سالني : انتي ليش ماسألتيني منو اهي والا اشلون تعرفنه والا عن أي شي من هذا ، انا مستغرب ؟؟؟ تقول شريهان طالعته وانا قلبي يعتصر على نفسي ، وبصراحة كنت هني ابي ابجي بس تذكرت الكحل مالي مابي اخربه على خالي بلاش بروحي بالغصب رسمته J ، ونطقت: لأنه الموضوع مو هامني يا فلان تبي تظل معاي انا وعيالي حياك الله تبي تروح لها براحتك هم ، انا عني متخذة قراري وخالصة ، قالها: وشنو قرارج؟؟؟ ، تقول : انا شايلة ايدي من الموضوع ؟؟!!! تقول طالعته بنظرتي الي يحبها دايما الاغراء الطفولي ، وبوجهه مو حزين بس بريء انا ترى على فكرة حبيتك وايد ، ومن كثر حبي لك عطيتك عيال كلهم طلعوا صورة منك والا انته مالاحظت ؟؟!! في اكثر من جي حب بعد !! انا غطيت عليك وسترت عليك بالوقت الي انته كنت تخوني فيه معاها مو لأني خايفة منك ؟؟ بس لأنه ماكنت قادرة اتصور انه الرجل الي ينام بحضني الدافي لقى له حضن ثاني غيري ، وبصراحة يا فلان انا يايه اليوم بس عشان اقولك اني خلاص عافيتك وانا أبي الطلاق ، رد عليها : الطلاق لا طلاق لا احنه يايين نتفاهم انا طلاق ماقدر اطلقج ، انتي شنو تقولين وعيالج بيتج والي كان بينه انتي نسيتي انا شنو سويت عشان اتزوجج الحين تبيعين كل هذا ، التفت شريهان وسوت روحها تدور على الجرسون ، وبالصج كانت تبي تبجي خانقتها العبرة ،تقول ماكنت ابي اطالع ويهه عشان ما اتراجع بقراري وكلامي وعشان مابي يشوف الدموع واهي تذوب بعيوني بعد ماجمدتها اليوم بطوله ،وبنفس الوقت رديت عليه : انا مابعت وعمري مابعتك برخيص يافلان ... رد عليها : و انا اقولج فكري بالموضوع وايد احسن وكبري عقلج لاتهدمين بيتج على نزوة ، تقول رديت عليه بصووت فيه غصه (نزووووووووووووووووووة) وتنهدت تنهيدة قوية ، وقلت له: وبكل هدوء وشموخ ، طيب انا الحين ابي اروح الحق على دوامي وانا احط اغراضي بشنطتي ، قالها احنه ماخلصنه ليمة الحين نطري شوي ، قالت له : انا عني خلصت انته ماخلصت نكمل بالتلفون ؟؟،قالها :تلفون وطبعا مايقدر يصرخ مكان عام ، ردت عليه : ايه تلفون يلا انا اخليك ... وقفت شريهان وراحت تتهادى بمشتيها الدلوعه وقالت له : انا رايحة الحمام عقب بطلع ؟؟؟؟ تقول مادري شلون سويت جي والله مادري من وين يتني هالجراة والقوة نقمت مشيت الحمام اتصل علي وقالي : انتي تاخرتي داخل يلا انلطعت ،قالت له : انته ليش ناطرني انا بروح الدوام ويايه بسيارتي انا ، قالها : انا اللي ابي اوصلج خلصيني طلعي انتي ماشفتي الشباب هني عالبحر ، رديت عليه : ايه الله يهديهم بعدين انا ماني طالعة على البحر انا بلف صوب الخط السريع !!! رد عليها : مايخالف طلعي انا بوصلج ، ردت عليه : مابي قلت لك مابي ،طيب انا ناطرج هني وماني طالع من المطعم الا وريلج على ريلي .... وبس وانحكرت شريهان بالحمام تكرمون خليكم معانه وانتظروا البقية
ظلت شريهان متنحرة تكرمون بالحمام واتصلت علي وقالت لي: ترى حاكرني بحمام المطعم ، قلت لها : ويه ليش شضاير قالت لي: ماقدر الحين اشرح لج بس انا ابي اطلع قولي لي شنو اقوله؟؟؟ ظلليت أفكر واهي تقولي يلا بسرعه قاعد يدق علي ، قلت لها : طلعي خلاص من الحمام وامشي وياه لي سيارتج تكلمي معاه الهي بالكلام لين توصلين سيارتج وكوني جدية وياه ولي اصر تركبين السيارة معاه قولي له : فلان انا مصرة اني اروح الحين بروحي ، وثاني شي مابي الموضوع يكبر بينه بصراحة .... بجدية وهدوء مو صراخ والا تضحكين ، قالت لي : زين ، طلعت من الحمام طبعا لقت سي سيد واقف ينطر وراحت يمه وقالتل ه : يلا خلصت لازم اروح الحق على الدوام ، ومشى معاها تقول لما مشت يمي كنت احس بحرارة صادرة من جسمه مو طبيعية (Chemistry) وكانه مغناطيس يشدني نحوه ولكن قاومت وقلت لااااااااااااا ،قالي : انا طلاق مراح اطلق ، واعتبري هاللي صار خلاص غلطة وماراح ترجع ، تقول وانا مكملة امشي واسمعه وماكو أي تعبير في ويهي ، ومشيت ليمة سيارتي قالي : انت وين رايحة ، هناك سيارتي ،رديت عليه : وانا قاعدة اتمشى وياك اسمعك لين ما اوصل سيارتي ، لانه انا بجد ماقدر اتخذ أي قرار الحين ، وصلت سيارتها ومسك الباب وقالها : ولو قلت ماتروحين بالسيارة !!، وقفت وقلت له : انته تبي نتفاهم والا نتخانق ؟؟؟ ،ظل يطالعها منصدم من ردة فعلها ، ومن صلابة موقفها ، (جديتها بالموقف الحين خلت شريهان تعرف زوجها بالحدود مالتها الي مايتعدى عليها أي أحد بالمستقبل حتى الزوج ، وحطة اعتبار حق شريهان عند نفسها ، وتعتبر جديتها الحين نوع من انواع التحذير للزوج حتى لا يتمادى بالمستقبل معاها وأن حصل وتمادى فليتحمل العواقب) وخر عن الباب وقال لها: زين ماشي روحي الله معاج ، ركبت سيارتي وحركت من مكاني وظليت امشي بالمسفط واطالع من المرايا اللي بالنص بشوفه يلتلفت على سيارتي والا لا ومالتفت حسيت بخيبة أمل شوي بس بعدين قلت لا ليش يضيق خلقي ماكو شي يسوى اقعد انطر منه يتلفت لي ، وكملت وانا سايقة طلعت عالشارع وكملت سيدة على البحر بعدين خذيت فوق تحت عشان اطلع على خط فحيحيل من صوب الدائري الرابع والا يتصل علي ؟؟؟ مارديت عليه وكملت طريجي لي الدوام ، وصلت الدوام متاخرة شوي ودخلت اطلع النوته مالتي للاجتماع دخل زميلي كالعادة مبتسم وقالي: ها اليوم متأخرة ، قلت له: ايه رحت اتغدى برة شوي نغير عن جو الشغل ، رد علي يلا عليكم بالعافية ... بس انا اليوم يايب معاي أختي وبنتها الصغيرة هذيك اليوم كنت اشتغل باوراقي مالت الشغل واسمج مكتوب على جدول الحضور للدورة وطلعت اختي تعرفج من قبل قلت له : اختك ؟؟ ، قالي : أي الحين اهي تيي راحت شوي هني عن بنت خالتي بالادارة الثانيه وتيي ، دخلت الاخت وطلعت صج اعرفها من قبل كنا مع بعض في كورس ايام الدراسة ،وكنا نسولف مع بعض مع البنات واعرف انه اسمها فلانة فلان بس ماعرف اسم العايلة ، قعدنه نسولف انا معاها وقالت لي : ماشالله وايد متغيرة وايد ؟؟ قلت لها صج : قالت لي: أي انتي اصلا تهبلين بس الحين احلى ، قلت لها: مشكورة من ذوقج حبيبتي ، سألتها تزوجتي والا لا قالت لي : أي ملجت وانشالله عرسي على نهاية هالشهر عطيني رقمج صج خل اعزمج ، استانست طبعا وعطيتها رقمي ، شوي دخل اخوها وقال يلا :ترى راح يبدون ، ردت اخته خلاص عيل انا امشي اخليكم مع السلامة ... راحت الاخت ، ودخلت الاجتماع وكان كل فكري في حالي الحين ، وتذكرت المرة الي طافت لما كنت في الدورة وكنت متضايقة واغمى علي بين البنات واشوف حالتي الحين فرق كبير في الفترة الي طافت كان الموضوع مثل الصخرة الكبيرة الي كاتمة على انفاسي الحين احسها مثل اللي شوي شوي قاعدة تتفتت ، شوي وقلت خلني اركز بشغلي وايد احسن ... مر الاجتماع على خير وطلعت وقلت: قبل لا اروح البيت امر اشتري قميص نوم من الفنار، رحت لاسنزا اشتريت لي قميص ناعم من اللي يحبهم قلبج ، واشتري لي طقم ستيان ناعم مع الاندر وير ( تكافأ نفسها على موقفها الصارم) رديت البيت تسبحت وغسلت وتعدلت وقعدت بغرفتي تعطرت ولبست ويتني فكرة اني اتصل فيه أقوله مابيك مادري ليش كان اييني هالاحساس؟؟!! بس قلت لا مابي اتصل ... وقلت بدال هالافكار الي تهزني وتوزني خل اتعوذ من الشيطان وانام احسن لي ، طبعا ياحلوين في هذه الاثناء وبما انه انتوا لاحظتوا اني غطيت عن ذكر العنكبوت ، لكن انا مانسيتها لأنها كانت تخطط وتكتك حق الي تبي تسويه ، غطت العنكبوت ايضا عن الزوج وظل الرجل وحيدا ، لأنها هم اهي مو طايحة من عين نفسها وتبي تشوف يختارها والا لا ، وعلى فكرة حزت ماكان يتصل على زوجته هم كان يتصل على العشيقة ويحاول يكلمها لأنه احقرته ، وطبعا كنت اشوفها يوميا تيي النادي بس كانت ماتدش الصف عندي كانت تروح يا اما فوق تمشي بالكارديو والا ، اصادفها بالحمام السباحة تتسبح ومستانسه ويا البنات ولا جنه الموضوع هامها ولكن الي كان صاير العكس نادية كانت ماخذه فترة نقاهة من الرجل وبصراحة هالمشكلة ماعاقتها من انه تعيش حياتها عادي وكول وكل مشكلة بتنحل ولكن المسألة وقت وبس ..... مرت الأيام وكنت زايرة رفيجتي، ورفيجتي ساكنة في عماره كلها امريكان واحنه ننزل الاكل من السيارة مرت سيارة يمي جيب لاكزس ووقفت ، وفجاة فتحت الدريشة والا تقولي هااايي فلانة قلت لها هلا ، ويه نادية هلا شلونج قالت لي : زينه ، انتي شعندج هني مو هذي الي معاج ، وطبعا رفيجتي موفاهمه عربي فساكته ، قلت لها : هذي صديقتي معزومة عندها عالى الغدا واليوم انا طابخة لهم ، ردت وقالت صج وين انتوا سكانين هذ البناية ، قلت لها : ايه ، ردت بسرعة ويه زين يمي عيل انا هني في هذي شوفيها وصفطت سيارتها ، البناية كانت كشخة كشخة وفكرت قلت يارب يمن وين تييب ايجار هالشقة واهي اصلا ما تشتغل شغل ثابت !!! قالت لي : تعالي تفضلي عندي فوق رديت : لا بعد الاوادم مساكين ماتوا من اليوع ورانه شغل وايد ، ردت قالت لي: اها اوكي زين عيل ، نشوفج مرة ثانيه . رحت بيت صديقتي فوق وكنت افكر وانا اطل من الدريشة الكبيرة مالت الصالة والي كانت تطل على العمارة مالت نادية وانا بقلبي اقول ياربي هل اهو الي مسكنها هني ؟؟ وبصراحة ياني الفضول اني اعرف ، فثاني مرة لما شفتها بالنادي سلمنه على بعض وقعدنه نسولف عن يوم شفتها وشافتني ، وسألتها : انتي من متى ساكنة هناك ؟ قالت لي : اممم من فترة مو بعيدة يعني 6 شهور قبل كنت في السالمية وغيرت بصراحة وهني وايد اهدى من اللويه هناك ، قلت لها : بس ماشالله البناية وايد حلوة ,, قالت لي : أي كنا قاعدين ندور على شقة حلوة وهادية وراقية والله كتب هذي ، رديت عليها :انتي ومنو ؟؟ قالت لي : منو يعني فلانه لووول الحب ، قلت لها: اها نسيت شدراني من زمان مايبتي طاريه كلش؟؟ ردت ايه : الاحوال الحين مش ولا بد وبصراحة انا سويت حركة متقصدة فيه وصار الي صار (حركة الحميمة على التلفون وقصة لي القصة) كنت ابيه بس يختار بيني وبينها بس لا أكثر ولا أقل ، وقلت لها : وشنو صار؟؟ قالت لي: والله تبين الصج ههههههههههه شكله يبيني ، انا بقلبي يبييييييييييييييييج ؟؟؟؟ قلت لها: شلون دريتي قالج اهو بصريح العبارة ، ردت علي ، والله اهو اتصل علي مليون مرة بس انا مارديت عليه وخاصة عقب ماطلع اخر مرة من عندي وبس ... انا ادري فلانه ترى اللي بيني وبينه مو شوي اليي بيني وبينه حب كبير فوق ما تتصورين ، وقلت لها زين : ومرته ؟؟؟ انتي ليش شايلتها من الموضوع ، قالت لي : انتي من صجج مرته وابتسمت ابتسامة مستخفه بكلامي ... قلت لها: اشفيج تطالعيني جي ، قالت : انتي ماعشتي الحب ولا تعرفينيه فلا تتكلمين ،قلت لها : من قالج بلا عشته بس مو نفس ما انتي قاعدة تسوين ، قالت لي : شنو يعني شنو تقصدين ، قلت لها: انتي تدرين احسن مني الي انتي عايشته هذا مو حب هذا حب لنفسج انتي بس ؟؟؟ ولا حاسة في غيرج شنو ممكن يعاني الحين ، انتي ماتدرين يمكن الحين قاعدة تدعي عليج بصلاتها ؟؟ شو يسوى عليج ،طالعتني وقالت : شنو يعني اهي رسول والا شنو السما السابعة مفتوحة لها بروحها يعني ؟؟؟ اهي لو صج تبيه جان حافظت عليه عدل مو فرطت فيه ، قلت لها : انتي شدراج انه فرطت عايشة معاهم انتي تاكلين من لقمتهم كل يوم ؟؟ ، ردت علي : لا بس كان مبين حبيبتي فلانه الريال مايطالع في مراة ثانيه الا ومرته فيها بلا لا تقولين لي شي ثاني وانا اخبر منج ترى ومر علي الزين والشين ، ولكن هذا في بالي ابيه وبعدين انا عايشه معاه احسن عيشه اروح وارد واستانس ونضحك ومصرف ، واهو بنفسه اعترف لي انه مرتاح معاي والا جا ما خطط للزواج مني ؟؟؟ والا انتي شرايج ؟؟؟ وانا ادري وعارفه انه بنتزوج بالنهاية ، نادية كانت تنطق الكلمة واهي واثقة ومتأكدة منها 1000% جنه عرسها باجر سبحان الله كانت تحفز عقلها الباطن عشان يثبت هالمعلومة وتصير صج (كانت تقوم بما يسمى عملية تلقين النفس) بنهاية الكلام قالت لي: يلا انا بروح بطلع لأنه وراي شغل لازم اخلصه ادعي لي انه يرد لي ؟؟؟ التفت عليها وقلت : انشالله ياربي الله يرده لرشده ويهديه ويسخر قلبه لمرته ، ويهديج J قالت لي: شنوووووووووووووو بعصبية شوي ترى ضايقتني باي، وطلعت .
الفستـــــــــــــــــــــان
طلعت نادية وراحت ، ومن عقبها ماشفتها ردت ولفترة طويلة والله اعلم ليش؟؟؟ المهم قمت انا على يوم واتصلت على شريهان وماردت علي ،عقبها شوي والا تتصل علي .. شريهان : قووووووووووووة فلانة ،قلت لها : هلا شزين هالصوت وينج من زمان يالقاطعة ،ضحكت وردت : والله شوي لهيت تدرين اليهال وبيت اهلي لويه وهذا غير مشكلتي بس الحمدلله ... رديت عليها انشالله انحلت مشكلتج والا تقولي : بصراحة تقريبا ماقولج انها انحلت عدل بس انشالله خير وانا راجعة بيت ريلي انشالله بس على نهاية هالاسبوع ، فرحت قلت لها : صججججججججججججججججج واي وناسه واي ونستيني امبيه هاهاها ،شلون جي شصار ، تقول : ييه حق ابوي وكلمه ، قلت لها :كلمه امبيه فشله شلون له ويهه وقاله عن الي صار ، قالت لي :لاااااااا طبعا انا قايلت له انه اهلي مايدرون واهو ييه كلم أبوي في باله جي ؟؟؟ وبس واتفقت معاه جدام ابوي اني ارجع ، ومادري انشالله ماكو الا الخير ، قلت لها : انزين ليش تقولينها جي جنج الي متضايقة ؟ردت علي : مادري يا فلانه احس انه في شي انكسر من داخلي ، راح ارد بس راح اكون جسد بدون روح ،ماحس اني خذيت كفايتي منه بس لومه ابوي والله جان مارديت ابد ،وبعدين حتى عمي عزيز علي حيل ابو ريلي ، واخته كلمتني بعد مرتين .... مادري شقولج بس يلا الحمدلله ،انتي اشلونج بشريني عنج ماكو يديد مني مناك ماتزوجتي والا انخطبتي ، ضحكت وقلت لها : لا ليمة الحين ناطرة روميو يطق الباب لوووووووول ،ردت: انزين تعالي صج على طاري الزواج انا معزومة على عرس هالاسبوع تعالي معاي ماتدرين يمكن تلقين نصيبج وضحكنه قلت لها: تهقين يعني متى عرسكم ووين ، عرسنا الاربعاء انشالله تيين ؟؟؟ قلت لها : ويه عاد على حظي صفي من 7:6 ،انشالله انا أأكد لج ،ردت علي : لا عفيه تعالي تعالي مابي اروح بروحي ماعرف احد انا حتى رفيجتي اللي عازمتني انا مو وايد معاها ،قلت لها :ليش ماتعرفينهم عدل ، قالت لي : العروس اهي اللي عازمتني ، بس الي صار وقالت لي قصة شلون التقت فيها ... قلت لها : اها خير انشالله انا لو بروح راح أأكد لج ،زين تعالي شلون اليهال ؟ردت:الحمدلله بخير كلهم ،فجاة والا تقولي : اييييييييييييييييييي ذكرتيني تدرين منو دق علي هذيك اليوم ، قلت لها:منو؟؟؟ قالت لي تذكرين نادية الي معانه بالنادي قبل ، قلت لها :ايييييييييييييييييييييييييييه ،بس دقت علي رفيجتها فلانه انا استغربت ومارديت عليها بالأول لانه الرقم ماعرفه بس عقب دقت مرة ثانيه فرديت عليها والا تطلع فلانه ياحليلها ، انا كنت قايلة لها عن نفنوف شاريته من مجمع زهرة وحلو ،وكانت تبي نفسه ،فقالت تبي تخيط نفسه س من زمان هالموضوع حتى انا نسيته واهي ماشالله عليها ذاكرة ليمة الحين ،ودام انتي اتصلتي يصير امر النادي اقط عليج الفستان تعطينها ياه،على طول رديت عليها :لا مابي ،قالت لي ليش ،قلت لها بس مابي اولا هذي مسؤولية وانا ماحب ادخل بين الكستومرز بمشاكل يمكن يضيع النفنوف والا يصير شي والا يختفي ينحط على راسي مابي ،استغربت شريهان من اصراري على الرفض ،قالت:امبيه انا اسفه موقصدي اضايقج شكلج تضايقتي من صح ؟؟؟؟ رديت عليها :لا والله حشى بس انا ماحب اتدخل بجي سوالف ، وثاني شي والاهم انا اقولج ياه ليش تعطين احد لبسج انتي تعرفينها عدل تعرفج ، قالت لي : لا بالنادي يعني واهي حبوبه وبصراحة اهي وايد محترمة معاي ، قلت لها كيفج بس انا مانصحج تعطين لبسج لأي احد...انتي اشدراج جسمها نظيف والا وصخ ؟؟؟ ولو اني ماحط بذمتي،قالت لي :زين يبا خلاص عطيتيني موشح وضحكت ، قلت لها:خلاص انا اخليج عندي خط ثاني تبين شي ،ردت :لا سلامتج (طبعا انا تقصدت اني ماخذ الفستان منها واعطيه لصديقة نادية ،مادري ليش بس حسيت في نيه مو نظيفة وسبحان الله الواحد مايدري شنو ممكن يصير وشنو من نفس ضعيفة عليهم هذولي ، وبنفس الوقت توقعت انه شريهاناقتنعت بكلامي ولكن للأسف طلع العكس) ومشت الي براسها الله يهديها اتصلت على البنت وقالت لها انه الفستان جاهز تعالي اخذيه بصراحة ماقدر امر عليج ماعندي وقت ودوامين ، البنت قالت لها: اليوم ماقدر يصير الخميس قالت لها : مو مشكله انا الخميس مريني على شقتي وانزلج ياه تحت ، ولا يهمج ..... انتظروني فلحديث بقية
أبواب الفرج تفتح لشريهان
ييه يوم الاربعا الصبح واتصلت على شريهان وقلت لها : ترى بروح العرس وياج ، استانست وايد وكيفت وقالت لي :خلاص نتلاقى انشالله عند الفندق ،قلت لها لا انتي روحي قبلي انا ترى وايد اطول على ما ايي ،قالت لي : شسوي اروح بروحي انطرج ونطلع ويا بعض ، المهم اتفقنه ورحت النادي انا عادي كالعادة ،قعدت والا شوي تيي رفيجة نادية وتقولي : لكان هيك يا فلانه واهي تضحك وبصوت عالي ماتبين تييبين الفستان معاج !!! بقلبي قلت :انتي بس ياشريهان ماينحط في حلجج فوله فضيحة ، ابتسمت حق الاخت وقلت لها : لا موقصدي بس انا ماقدر امر عليها ماعندي وقت وهني ممنوع احط شي ورا الريسبشن وانا شدراني بالله حضرتج متى تيين النادي ؟؟؟ قالت لي : بسيطة انا رايحة باجر اخذه من عندها انشالله ويا رفيجتي ،قلت لها : منو ؟ ، قالت لي: نادية ويا بنت عمتها وبعدها بنروح ستار بكس تجي معنه ؟؟؟ قلت لها :لاماقدر عندي دوام ،ردت قالت لي : سم الله انتي مين حاط لك المكياج كتير حلو ، قلت لها : انا أحط حق روحي ماحب اروح صالون أحط مكياج ، قالت لي : ايه انتي مثل نادية بتموت في شي اسموا مكياج وهلق عن قريب انشالله راح تفتح صالون تعالي اشتغلي معاها ترى تكسبي كتير مش أحسن لك من الرقص والا تعرفي شو لما تتكسري وتتكركبي تعي عندنا وضحكت ، قلت لها : لا مشكورة لي تكسرت الله لا يقوله بسوي شغلي بروحي ، انزين نادية صج بتفتح صالون ماشالله متى ؟؟ قالت لي : قريب هي اتفقت مع ناس انوا تتشارك معاهم ،قلت لها ايه ماشالله ، قلت لها: انتي من متى تعرفين شريهان ؟؟ قالت لي : والله من النادي صار لي شي فترة معاها ، اهي على فكرة عبالها اني مادري عن الي بين نادية وزوج شريهان ،قلت لها: اوكي انا عبالي من زمان ،قالت لي : لا مش من زمان يعني بحكي معا من فترة لا فترة بسأل عن اخبارا وانا مرة شفت هالفستان بصورتها كانت جايبيتها معا وعجبني كتير وبدي اخدوا خيط متلوا بتعرفي ايا خياط منيح ؟ ،قلت لها : والله مادري انا اخيط بالجابرية عند واحد زين بس ماعرف ادليج اعرف أروح له قالت لي : انا عندي خياط بس قلت يمكن بلاقي احسن وارخص ،قلت لها : انشالله خير شريهان اشلونها زينه ؟؟؟ ردت الحمدلله منيحة كتير امرارا بتقلي انو انتوا بتحكوا مع بعض ؟؟؟الهيئة انتوا رفقة ،قلت لها : لاعادي من وقت لي وقت لأني مشغولة وتدرين بعد الصف اكون تعبانه يلا فيني حيل اسوق لي البيت(ماشالله عليهم هالحريم مايتحطش في حلجهم فوله، فضيحة) ، شوي قربت مني، وقالت لي : انا كنت بدي اسالك هيي مجوزة شي والا مطلقة ، قلت لها :مادري لا اعتقد انها على ذمة زوجها ، مسكينة ليش مطلقة الله لا يقوله شنو هالفال الاسود طبعا انا متقصده ، ضحكت اهي وقالت لي : لا مش قصدي بس لأنو يعني ولا مرة سمعتا تحكي عنو او تشكي هيك ،بسرعه رديت : لانه ماشالله وايد يحبها انا هذا الي سمعته مرة ،وكفاية انه اول مرة اشتركت بالنادي اهو الي ييه شركها بنفسه (فلم هندي) وانا طلعت سويت الاشتراك ،ردت علي : عن جدددددددددددد ياربي كيف يحصلوا هيك رجال بس حرام انا جوزي كمان هيك ،التفت عليها وقلت لها : زووج ليش انتي متزوجة أصلا ، قالت لي : ايه متزوجة انا عندي 3 أولاد بنت سم الله عمرها 14 سنة وولدين سم الله عليهم 13 و11 سنة والله والله يا بنات وربي على كلامي يشهد انه لما شفتها انا قلت هذي ان كثرت 30 سنة مو أكثر من جذي من تصرفاتها من ضحكاتها من لبسها من دلعها من بشرتها وجسمها الحلو اهي تتكلم وبقلبي اقول واي الله يحفظها انشالله ن وقلت لها : موزين تقولين انه عندج عيال هالكبر والا تذكرين اعمارهم ولو ذكرتي ذكري الله يافلانه ، ضحكت وقالت لي :ليه مش مبين صح ايه وابتسمت بس ماشالله ماشالله هالبنت (تقصد شريهان) كيف هيك بيحبا وهي ابدا يعني ولا مرة شفتا بتهتم بحالا ولا تلبس منيحوأمرارا لما بتحكي بحسا هيك مهزوزة الشخصية ، (هذي المراة شافت هالشغله في شريهانفمابالكم بالرجل الزوج) بس طيوبة سبحان الله شوفي كيف الحظ ، قلت لها : بعد نصيب سبحان الله واهي تستاهل وبعدين انتي ماتدرين اهي يمكن ماتلبس برة بس تلبس له بالبيت البيوت تدرين اسرار ووايد ناس اعرفهم جذي ،انشالله الله يسخر لها قلبه ويخليهم لبعض ياربي أنا احبها وايد، المهم انا اخليج بروح شوي فوق تبين شيء ،قالت لي : لا شكرا ياقلبي (ادري الحين بطييييييييييييييييييييييييييييير تروح تقول حق نادية وخلها تروح تقولها خلها تطبخ وتحترق من القهر ) ،طبعا طلعت من النادي ودقيت على شريهان وتلاقينه عند الفندق ، أول ماشفتها قلت لها واو تهبلين وضحكت قالت لي : صج فلانه ، امبيه اول مرة ألبس قصير انا، قلت لها: لابسه قصير زين حلو هذي الموضه الحين وسيقانج ماشالله حلوة حلو عليها القصير ، يلا يلا عفيه بسرعه خندش بشوف شكلج ، دخلنه العرس ورحنه تكرمون الحمام ، شريهان كانت غير غير غير ، كانت وحده عمرها 19 20 سنة بنوته ناعمه رافعة ذيل حصان طويل ويا بف ناعم ، ومكياج جدا ناعم وحمرة حمرا تهبل على شفايفها الي مثل الكرز J وكعب عالي ناعم ، دخلت الحفلة وطالعتها أخت رفيجتها وعلى طول يت لمتها واستانست قالت لها: واي زين يتي ززين تدرين توقعت انج ماتيين اختي كانت محرصة انج تيين ، شريهان ضحكت وقالت لها : هذي رفيجتي فلانه (تقصدني انا) سلمت علي البنت وكانت بنت بغاية الرقي والنعومة بعد ، قلت حق شريهان : بصوت واطي شوفيها شوفي لبسها انتي خلج جي ناعم وحلو وراقي عليج ، قالت لي : وويه انا مو متعودة على جي استايل استحي انا هذا لابسته الحين واحس انه شكلي غلط جني ياهل ، طبعا انا انبطت جبدي من كلامها قلت لها : انتي يا حظي اليهال اهم الي يمشون هالايام شنو ماتشوفين التلفزيون انتي (مريا وربعها أووووف ) ضحكت لاني تنرفزت عليها ، المهم شوي والا توقفنه البنت وتقول هذي الوالدة ، يما هذي فلانة صديقة ريم اللي كانت معاها بالدراسه و الي مع محمد بالدوام ، سلمت الأم على شريهان :يا هلا ياهلا بنتي شلونج عساج بخير ، حياكم الله تفضلوا .... قعدنه بالعرس واستانسنا وهيصنا وضحكنه دخلت العروس ، والا شريهان تسكت فجاة وتصفن بس تطالع نظرتها كان فيها نوع من الحزن والحيرة والتفكير ، قلت لها: اشفيج ، قالت لي : مافيني شي وعيونها كانت تبرق ، قلت لها انتي فيج شي قولي : شفيج، طالعتني وقالت :مادري ياربي قلبي مقموت من ردتي باجر للبيت ،فلانه انا موقادرة اتخذ قرار من ناحيته ، بين الي ابي ارد لعيالي ومابي ارد حق نفسي ، انا تعبانه وهني خلاص بغت تدمع عينها ، بسرعه قربت من اذنها وقلت لها وانا ماسكه ايدها : احنه بعرس ويايين نستانس صح انتي يايبتني هني تضيقين خلقي ؟؟؟ قالت لي: لا موقصدي، قلت لها : زين خلاص خل نكمل العرس لانه انا فيني النوم وتعبانه ويايه وياج أولا ابي اشوف العرس لووول وثانيا عشان خاطرج والا ترى لو شنو مااطلع يوم دوامي مكان ... سكتنه وكملنه العرس ، طلعنه الحمام تكرمون وبنفس الوقت قالت بتصل بعيالي ، واحنه نمشي قالت لي: شفتي هذا الفستان جي تقريبا الي بعطيه لفلانه ، قلت لها : ايه ، زين تعالي بقولج شي على طاري الفستان JJ تدرين انه بنت خالي مرة لبست قميص من رفيجتها وطلع لها فطريات بجسمها وانتشتر لونها اسود ، والدكتور قالها ماتروح ولازم تغير كل هدومها وما تستعمل شي مال احد ، قالت لي : ووويه صج بس اهي تبي تخيط عليه ماتبي تلبسه ، قلت لها : انتي اشدراج ماراح تلبسه والا شدراج شنو في جسمها ، انا موقصدي اعيب في البنت بس ترى هم هذي نظافة شخصية وانتي الحين راجعه لريلج بعد طلعة الروح والنجرة بينكم تبين تخلين شي يديد ممكن ينغص عليج حياتج ؟؟؟؟ ليش ماشالله عليج انتي ما تفكرين ساعات أفكر اقول ياربي هذي شلون تفكر ، قالت لي: الحين شسوي شقول للبنت فشله ، قلت لها : قولي لها مادري وينه اختي خذته ولا ادري وين ودته انا عبالي موجود عندي بالبيت وطلعت غلطانه ، اهي متى تبي تيي ؟؟ قالتل ي مادري على العصر تقريبا والمشكلة باجر هم ردتي عنده وبصراحة هم انا متوترة قلت لها : خلاص عيل كملت قولي لها اللي قلت لج ياه وبس ، قالت لي زين أوكي ... رجعنه كملنه العرس وهيصنا وخلصنه ورحنه كل وحده على بيتها ، ثاني يوم الصبح وانا
بالمكتب اتصلت علي شريهان ،قالت لي : امبيه خايفه مادري شسوي جني توني اتزوج اول مرة ن ضحكت وقلت لها : زين زين فال زين انشالله تكون بداية يديده ، قالت لي: يمكن انشالله خير ، اهو اتصل علي قبل شوي كلمني وسولف معاي شوي وانا سكرته قلت له عندي شغل انقهر قالي شنو هالشغل هاللي ماخذ وقتج كله ؟؟ قلت له : بعد شسوي دوام قبل غير عن الحين ،قالي بيمرني على الظهر نطلع نتغدا ويا بعض بس انا مابي ، قلت له :لا خله بالليل تنعشى ، استغرب واصر بس انا أصريت هم على موقفي J ... المهم رسينه انه نتعشى ويا بعض ،قلت لها : تدرين شلون تعشوا بالبيت وبروحكم لا تاخذين اليهال اليوم معاج ، قالت لي :شلون انا رادة عشان اليهال ، قلت لها : اوووووووف منج انتي سوي اللي اقولج عليه وخلاص ياربي شنو حنانه .... وسوي شعرج مثل ماقلت لج نفس امس البوني تيل وايد حلو عليج كان وناعم .. قالت لي : انشالله انا بعد شريت لي بجامة ناعمة بلبسها ، قلت لها : أوكي لبسيها بس مو على العشا ، لبسيها بعد العشا ،لبسي شي ناعم جنج مو متحجبة وطالعه معاه ،قلت لها : انا عندي هني سي دي موسيقى ناعمه حلو وايد بسوي لج نسخة منه ، بس دقي علي بعد شوي ذكريني أخاف انسى ، قالت لي : زين اوكي .... يلا انا اخليج فجاة سمعت احد يكلمها بس الصوت بعيد ، والا واسمعها تقول ويه من منو ، شوي والا تقولي امبيه تدرين داز لي ورد عالدوام هاهاها واي عجيب تخيلي ضحكت وكانت مستانسه ، تدرين اول مرة يسويها من تزوجنه لووول الله وناسه ، قلت لها يلا اشعليج بعد من قدج الله يهنيكم ،قالت لي : يلا انا خل اروح اخلص شغلي عشان استأذن اروح البيت بعد شوي استعد J خليكم معاي وللحديث بقية
The art and power of being a lady
how to be irrsistable to men
مقالات على النت عن تقوية الشخصية