قصصي مع الخادمات وكيفية الأستغناء عنهم

[اميرة بس بدوية]

ام بسمة خدامتي اليوم عيت على مثل كل مره والحين تقول ابا ارجع للمكتب المهم خليتها الحين عند امي وانا من الصبح غسيل تنظيف ترتيب وطبخ بالاضافه الى عيالي هدو حيلي والحين افكر اجيب سريلانكية مسلمة ادعولي الله يفرجها على ان شاء الله

 

[بسمة]

حبيبتي انا اسمي بسمة

الله يوفقج وييسرلج امورج كلها

ويعطيج خيرها ويكفيج شرها

انت عندج مكان للخدامه

 

[غدير الحب]

هلا اختي

لاانا الحمدالله اطبخ وماعندي اشكالية
وحتى استخدم عامل ينظف المطبخ ويغسل الصحون وينظف الدرج ويكنس الحوش
بس تم مشكلة الكوي والداخل البيت

بس فيني ضيق دووم واحس اني لازم اييب الشغالة

انا من الفجيرة

وسالت بس ماحصلت ويمكن موجودهالنوع من الخدامات بس معرف وينهم بالضبط والا اسال منوه؟


حبيبتي اتصدقين اعندي صورةالخدامة بس سبحان الله ماكأن الله كاتب اييبها دووم زوجي مايحصل فرصة يدخل اوراقها


انا اتييني فترة اصير خمولة ةوكسولة والسسب ليش اناماعندي خدامة

فساعدني بارك الله فيج هل غلط ماعندي شغالة
وكيف اوفق بين البيت وزياراتي للجيران اواعزم حد عندي؟


وتسلمين

 

[بسمة]

هلا حبيبتي غدير سامحيني تأخرت عليج بالرد توني اشوفه

لاتفتكرين اني انا اللي شجاعه في شغل البيت تراني ساعات مالي خلق اشتغل بالمره
وساعات اشتغل لين ماينهد جسمي وكل هذا كان قبل لاأجيب هالخدامه المؤقته
بس بعدين قلت في نفسي انا لازم اشيل من تفكيري الخدامه الدائمه ولان ماعندي مكان لها من الأصل
خليت الصعب عليها 00الكوي وغسيل الحمامات 000وساعات تكنس وتمسح الأرضيه

بالنسبه للطبخ هوايتي ومافيها شيء اذا استقلتي جيرانج بس انت اكيد بتكونين مجهزه الأكل من فتره
ومنظفه البيت وحتي بعد مايروحون اكيد مابيكون البيت شبه معدوم من الوصاخه اللي بيخلفونها من بعدهم

وصورة هالخدامه اللي ماكتب الله انج تييبينها معناه ان فيها شيء والله يريد لج الخير
خليها تولي وعودي نفسج على الشغل الخفيف في البدايه وادري بتقولين صعبه وان شغل البيت مايخلص

شرايج اعطيج رقم المكتب اللي اتعامل معاه واتصلي عليهم يمكن يعرفون مكاتب في الفجيره وتنحل مشاكلج كلهم
اذا تبين الرقم بطرشه ع الخاص

وبنكمل معاج الموضوع بعدين

انتظر ردج

 

[غدير الحب]

هلا اختي

انا الصراحة ماودي بخدامة


وطرشيلي الرقم


والحين قررت اسوي جدول خفيف مناسب

عسب اوازن بين البيت وزيارة الجيران

وجي احس بنتظم اكثر

ريحتيني


ويزاج الله خير

 

[بسمة]

تعرفين غدير انا سألت الخدمه اللي تجيني تقول ماتعرف مكاتب بالفجيره

شوفي قبل النوم حاولي تفكرين شو بتسويين بكري

ياريت ياغدير تخبريني عن بيتج وكم طفل عندج وكم اعمارهم وكم غرفه عندج تستخدمينها

وشو توقيتج في البيت وشو تحبين

 

[غدير الحب]

هلا اختي

صج احسج شرات اختي

عندي خمس عيال اربع مدارؤس وواحدبالبيت والغرف الب بالصالة خمس في غرفتين للجلوس لوحد زارني مسكرات
والباجي غرفتي مع حمامها وغرفة العيال وحمامها وغرفةالكوي وحمام للصالة والصالة عريضة

ايام المدارس اقعد من الفجر وعقب انام يوم يروحون لين 9 اوعشر وابدء بغسيل الثياب والحمامات واجهزللغذا وارتب الغرف
غسيل الحمامات ع ايام متفرقة وغسيل الثياب بعد والكوي بعد متفرق

وايام الاجازة اقعد 10 واحيانا 11 ونفس الروتين بس مرات احسني اني خاملة حدي ...


وانااحب ادخل النت احب الزيارات واحب اقرء بس مب ملاقية وقت واحس يوم احصل وقت فراغ كله قاعدة لاني حامل بشهوري الاولى فاحس بتعب
فشوتنصحيني؟؟

 

[بسمة]

هلا والله فيج
وانا اختج يالغاليه
فديت روحج الله يخليج لي

شوفي عيوني حياتج حلوه وماأشوف فيها صعوبات
انت بس حاولي تغسلين كل يوم وتكوين كل يوم
حطي في بالج انج تغسلين سله كامله وتكوينها اليوم
بهذي الطريقه بتكون حياتج وايد حلوه ومريحه
لاني جربت هالطريقه وماتتخيلين كيف افرح يوم اخلص الكوي
هذا النوم بسبب الحمل والف مبروك والله يتمم لج على خير
وتبشرينا بالولاده الميسره بإذن الله
بس الحامل تحتاج مساعده انت ماعندج جيران تتسلفين منهم الخدامه ساعه وتعطينها 20 درهم يوميا
على الأقل نص ساعه كوي والباقي تنظيف
صدقيني انا بعد اقعد الصبح للمدارس وانام واقعد 10 وفي الأجازه 9 او 10 بس اكون مرتبه البيت في الليل
ولاحظت ان طبعج وطبعي واحد انا بعد احب الزيارات والقعده على النت بس انا احب اقرأ فليل قبل النوم علشان اتخدر بسرعه
حطي في بالج الأجازه كثري فيها من الشغل ووقت المدارس خففي
وطبخي غدا وعشاء مع بعض يعني جهزي صينيه وخليها بالثلاجه
او حشوة دجاج للسندويتشات واذا تبغين طرق انا حاضره
شوفي رددي كل يوم يارب تعيني على البيت وادعي بعد كل صلاة انه يسهل عليج كل الأمور ومن بعدها راح تشتغلين في البيت وبتحسين انج سويته بسرعه وماتعبتي وهذا عن تجربه والله يسهل امورج كلها

 

[أبله سارونه]

انا متزوجه من سنه ونص وعندي بنت 7 شهور وعندي فلبينيه بس احسها لعينه بس شسوي انا دوام مع ان يبتها قبل ما احمل بس كل شي اقدر عليه الا الكوي وغسال الصحون ماحبه عطيني رايج

 

[بسمة]

هلا والله بسارونه

شوفي الغاليه مدام انج تدوامين كيف بتستغنين عن الخدامه

عندج بديل علشان يقعد مع بنتج

انتظر ردج

وبعدين فيه غسالة صحون تفكج من كل اللي بالمطبخ
والكوي على مهلج مدام مافيه معاج احد يعني يوم غسلي ويوم لا
واليوم اللي مابتغسلين فيه خصصي ساعه للكوي وبهالطريقه راح ترتاحين
الحين الخدامات ليش مايشتكون من كثرة الشغل لانهم منظمين اوقاتهم للشغل

 

[أبله سارونه]

للاسف ماعندي بديل يقعد مع بنتي غير زوجي هو امام مسجد يصلي ويرجع للبيت وهذا شي مخوفني بعد بسبب وجوده مع الخادمه بالبيت واحنا ساكنين بالدور الثالث عند امه بس معزولين نهائي ومانزورهم الا مره بالاسبوع او كل اسبوعين وهذي رغبة امه ماتحب الروحه والرجعه وبابي معزول عنهم بس هي ماعندها اي استعداد تمسك بنتي وامي دوام ماكو غير زوجي بس مادري شرايج

 

[بسمة]

الله يعينج
ماتقدرين تاخذينها معاج للدوام

او حطيها بالحاضنه لين ماترجعين

او

اقعدي انت في البيت وجابليها

لان

ضروفج صعبه وماأعتقد فيه حلول ثانيه

ولا

شرايج

 

[أبله سارونه]

مو حل انا مدرسه وراتبي كبير اتركه عشان اقعد مع بنتي اسوي عجز بميزانيه البيت عشان جذي انا مضطره اترك الخادمه لين تكبر بنتي وادخلها حضانه بس لو تعودت على الخادمه صعب بتركها
مشكوره الغاليه ماقصرتي

 

[همسة حزن]

والله يا ريت الواحد يقدر يستغني عنهم
بس إنتي شاطره إنج أستغنيتي عنهم...

 

[اسيرة حبه]

السلام عليكم

انصحكم اخواتي بلاستغناااااء التام عن الخادمات ساحي لكمهذهالقصه التي انا الا ن اعيش اعيش احداثها

انا عندي خادمه اندونسيه احنس معاملتها لابعد الحدود حتى اني لاخاصمها ولا ازعق لها لاني صغيرةالسن اولا ولانها في نفس عمري غير اني كنت اخاف الله فيها ولاكن بعد3 سنوات ثقه اكتشف تعنها بعض الا شياء التي اجبرتني على تفتيشها وماذا وجدت؟؟؟ وجدت البوم متصوره فيه الشغاله بملااااااااابسيي تخيلووووووووو

 

[هدهد]

مشكوره اختي

 

[البرفسورة]

حزنتيني يالام الحنونه الله يبرد على قلبك :no:
انا توي مسفره شغالتي قعدت عندي3سنين بس ندمت اني خليتها تروح اجازه 3 شهور تقوت علي:sly: الحين ما افكر اجيب لاني ابي انظف البيت بنفسي احسه من جوه:thumbdown: يعلم الله مااثق في تنظيفهم ابد بس مااحب اعل قلبي كثير اسوي بنفسي اللي ما يعجبني ومنتظرين خبراتكم تساعدنا
:showoff: الله يقوينا ولا تنسو وصية الرسول عليه السلام لابنته 33تسبيحه و33 تحميده و34 تكبيره خير لك من خادم.

 

[تهاني البدر]

ودي أستغنى عن الخدامة بس صعبة

 

[منى98]

الله يعطييج العافية
وشكراا على الموضوع

 

[سفينة الاحلام]

يعطيج العافية وعساج على القوة​