قصتي مع زوجي ...من الخيانة الى التوبة !!!

  • بادئ الموضوع بادئ الموضوع rorona
  • تاريخ البدء تاريخ البدء
كمممممممممممممممممممملي ياعسل انتضرك بروح افرفر في المنتدى وارجع القاك مكملة القصة الله معك
 
ننتظر التكمله والله يفرجها علينا وعليج يارب ويسخرلنا ازواجنا يااااااااااارب العالمين*_*
 
تكملة ...

رجع زوجي من السفر ووزع الهدايا... وقعدت معاه اسولف عن السفر ... انصدمت منه لما قال لي انا راجع من دولة .... " دولة عربية مشهورة ببنات الهوا " .. قلت ليش ما علمتني .. قال عيل انا ما علمتج ... قلت لا ... قال اتصدقين حسبالي اني معلمج ...قال دولة مو شي ومافيها سياحة وقعدنا فيها يومين عشان غيرنا مسار الرحلة ومالقينا حجز غير هذا ...المهم راح اهو وانا رحت وفتحت جواز سفره ؟؟؟؟
لقيته رايح لهالدولة مدة ست ايااااااام ....واخر مرة كلمني قايل انه بدولة اوربية قبل خمس ايااام ....
بنات بجيت ودقيت عليه وواجهته ...وناديته وبدأ يتحجج باي حجة تطلعه من هالموضوع ....
شكوكي كانت : اولا: اتصالاته لنا قليله !
ثانيا: كرت اتصاله الجديد بسرعة خلص !
ثالثا: قايل لي ان بدولة اوربية !
رابعا: من طب هالديرة ما دق علي !
انتو لو بمكاني ما تنجن جنونكم ؟؟؟؟
طبعا البجي والزعل وكل شي سويته راضاني فيه ... بكلام حلو ... طلبات مجابة ...سفرة حلوة ...
انا سكرت هالموضوع وبديت ابحث وابحث ....
طلب مني اني احجز على النت دولة خليجية نروح لها لان ظروفنا المادية ما تسمح لدولة اوربية ...
طبعا حجزت ..سافرنا ... واحنا بالسفر قعدت اسولف مع زوجي واحنا بالفندق وجرتنا السوالف وجبت طاري سفرته للدولة العربية ... ارتبك وحاول انه يغير الموضوع ... ضحكت وقلت له اشفيك مرتبك ترا سالفة السفرة ماراح تمر بسهولة .. ابتسم ومن كثر ما هو مرتبك جا عند الطاولة اللي يمي وشال القراطيس اللي فيها يبي يقطهم بالزبالة !!
بعد السفر... كنت ارتب كبت زوجي ... لقيت اوراق له للدوام ولقيت فيهم ايميل ...حروف وارقام الايميل قريبة من اسم زوجي وتاريخ ميلاده ...
خذيت الايميل .. وسويت لي ايميل وهمي ... وطرشت له اطلب منه الاضافة ؟؟؟

يتبع ...​
 
كملي يا عسل .. منتظرينك وعندي طلب ...بليييييييييييييييييييييييييز لا تطولي القصه كتير عشان ماننسى الاحداث
اوكي؟
 
ولا يهمكم القصة ماراح اتطول ... تسلموون على التفاعل ....
 
كملي فديييييييييييييتج ربي يسعدج يالغلااااااااااااااا
 
تكملة ...

بعد يومين من طلبي له للاضافة .. راح الدوام من الصبح وانا كنت نايمة لاني كنت بعطلة بس صحيت نفسي غصب من النوم... رحت الى اللابتوب والله يابنات ايدي ترجف ... كنت خايفة ما ادري من شنو ...
المهم فتحت الايميل ... شنو تتوقعوون رد علي ؟؟؟؟؟

رده كان .....

مشكورة على الاضافة ... نتعرف عليج ... انصدمت انااااا ... مو معقولة وحدة ما يعرفها يبي يتعرف عليهاااا ...

لقيته متصل ... وقبل ما اطرش له السلام طرش لي صورة وردة ... طبعا شكرته وسلمت عليه ... وبدينا نتعرف على بعض ؟؟؟؟؟؟؟؟؟؟؟؟؟؟؟

طبعا انا الفت له قصة عن نفسي واهو بعد الصدمة انه كل معلوماته غلط ؟؟؟؟
حب يتكلم معاي بالتلفون ... وافقت بس قلت له مو اليوم بس عطني رقمك ... الصدمة اللي جتني ....

عطاني رقم تلفون اول مرة ادري ان زوجي عنده هالرقم ؟؟ سجلت الرقم وعطاني رقم دوامه وقال دقي اذا انتي خايفة اعرف رقمج ترا تلفون الدوام مافيه كاشف رقم .." بعدين قالي ان تلفون الدوام فيه كاشف "..
المهم ... قلت له اوكي بس بكلمك يوم ثاني مو الحين لما نتعرف على بعض اكثررررر .....
قال انا اتعب من الكتابة خلينا نتكلم بالمااااااايك ... قلت اوكي انت تكلم وانا برد عليك كتابة ...
طبعا زوجي واسمعه واهو يسالني وانا ايدي ترجف وانا اكتب ....
تصدقون واحنا نتكلم فصل عنده النت ... ودقيت عليه من تلفوني على تلفونه العادي على اني بسال عنه زوجي وبسال عنه ... قلت له شخبارك ؟ شنو قاعد اتسوي ؟ قال انا الحين منسدح على غنفة عندنا بالدوام ومسترخي ....قلت وين ربعك قال توني مخليهم ؟؟ وقال يالله سكري التلفون انا بكمل الاسترخااااااء ...
سكرت التلفون ... ولقيته رد علي بالماسنجر ؟؟ ويسالني سوري فصل النت ؟؟
المهم خذيت منه معلومات بس ما فادتني بشي ... واهو ماحب سوالفي لان سوالفي مو سوالف وحدة اتدور شباب .... سوالف وحدة تسال شنو فيه شي ناقصك واقدر اعوضك عنه ؟؟؟
اهو عطاني بلوك لانه ماحب سوالفي .. وقال اشوفج على خير ...
قعدت ابجي وافكر .. شنو اسوي الحين ؟؟ منو بيوقف معاي ؟؟؟ رفعت ايدي لرب العالمين وقلت يارب اعيني في مصيبتي واخلف لي خيرا منها ؟؟
رجع من الدوام ... دخل غرفة النوم عشان ينام .. حاولت امسك نفسي ... بس قلت بروح اقعد اسولف عليه شوي من غير تنبيه ...
يا بنات حر قلبي .. يبي ينام وانا قلبي يتقطع ... قلت له يا زوجي انا احس انك متغير .. قال بشنو متغير قلت ما ادري .. بس حبل الجذب قصير وكل شي يبي يبين ... قال لي انتي ما تدرين وين الله قاطج ؟؟؟؟؟؟؟
انفجرت بالبجي وقلت انت متغير علي .. قاتلي تعوذي من الشيطان .. انا مو حاس اني متغير .. قلت له انت متغير وقعدت ابجي ... قال عطني سبب .. عطي شي اصدق اني متغير ....

يتبع .....​
 
تكملة ...​

قلت حق زوجي ابي اعرف الصندوق اللي بسيارتك ومقفول وتقول ان فيه عدة السيارة ابي اعرف شنو فيه ... قام بكل ثقة وقال يالله قومي معاي اوريج شنو فيه ... قلت لا خلها بعدين .. قال لا الحين واهو واثق انه مو مسوي شي غلط ...
نزلت معاه للسيارة وفتح الصندوق ولقيت فيه ... جهاز لابتوب ...انا كان هذا توقعي ... بس تدرون شنو قال لي ونبه على نفسه وانا ما سالته ... قال انتي اتدورين على تلفون ... قلت انا ما قلت ادور تلفون ...قال .. الحين بعطيج جنطة اللابتوب ودوري فيها اللي تبيه .. قلت هاتها ... رفض وقال انا بعطيج الجنطة ... اول مرة اشوف زوجي خايف ... مرتبك بقوة ... يتصبب عرق ... ما يدري شنو يسوي ...
وقفنا بمكان وفرغ جنطة اللابتوب جدامي .. بس صد شوي وفرغ شي بس ما شفته .. وحذف علي الجنطة وقال هاج دوري اللي تبي ... اذا متوقعة فيه تلفون هذي الجنطة عندج ...
قلت ليش وقفت وفرغتها وانت واثق ان ما فيها شي ... قام يتكلم بعصبية .. انتي شنو تبين يقولون عنا الناس .. رجال وزوجته بالسيارة وينبشون جنطة لا بتوب ... قلت ما فيها شي ...
قال اللي عندج قوليه ... قلت ابي افتح اللابتوب ...قال افتحيه بس اي شي تبين تشوفينه قولي لي ... بنات قعدت افتح ملفات وتطلع صور بنات ... وسكر اللابتوب وقعد يقول انتي شنو طلعتي ... قلت صورة ... قال انا اغر عليج تشوفين صور وافلااااااام ...
الجهاز جهاز الدوام واللي يستعملونه ربعي وانا ما ادري عنه شي ؟؟
قلت اذا مال دوام ليش خاشه بصندوق وقافله ... طبعا اهو بدا يتنرفز ويبي يتسكر الموضوع ...انا سكت ومارديت عليه ... ورجعت للشقة وانا ابجي ....
نسيت اقولكم شنو لقيت بجنطة اللابتوب .... لقيت غير اللابتوب ..كاميرا للابتوب قال ان واحد من ربعه اللي بالدوام شاريها ؟؟؟
ولقيت كريم للوجه... ما ادري ليش حاطه ؟؟؟؟
لقيت سيديات وفلاش ميموري ؟؟؟ >> زوجي دايم يوهمني انه ما يعرفغ شي بالنت ؟؟؟؟؟؟
ولقيت ........... شي ما تتوقعووووووووووووونه ؟؟؟؟؟؟؟​

حبوب سنافي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟​

المهم رجعت وبديت النقاش الطويل وطلبت منه اني اشوف شنو بالجهاز .... يفتح الجهاز ويسكره ويرد يفتحه ويسكره ...ما يدري شنو يسوي ؟؟؟
وكل ما فتحته شفت شي ... محادثة محفوظة .. صور بنات ... فيديو ....ويقول انه ما يدري عن هالسوالف شي .. لان الجهاز له ولربعه ؟؟؟
>> مساكين هالربع اللي كل مصيبة تتحذف عليهم ...​

هداني بجم كلمة ... وقلت له يا انا يا هالخرابيط ؟؟؟؟
قال انتي ترا فاهمة الموضوع غلط ... قلت اوكي راح افهمه صح ...
راح كالعادة حق ربعه بالديوانية .. ولما رجع بليل شاف علي الارهاق والتعب ؟؟
ورد يهديني ... وتركني ونام .. وقعدت انا اتقلب الليل ما جاني نوم انطر الصبح يطلع عشان اكمل سوالفي معاه بالماسنجر ؟؟؟؟​

يتبع ....​
 
سامحوني على الاطالة .. بس ابيكم اتعرفون كل شي ...
 
الله يهدي سركم ويسخره لك ياااااااارب ...

خوذي راحتك حبيبتي ....واحنا بانتظارك...​
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل