قصتي مع ريلي

[ام ميمي 2]

السلام عليكم ورحمة الله وبركاتة
خواتي بغيت استشيركم ريلي ملج علي وهو صارحني بكل خطوه يسويها وسوالي كل شي بغيتة مع دلك انا مقهوره من داخل مب عارفة كيف اعملة وعاملها مع العلم اليوم انااليوم كلمتها وباركتلها ماعرف ليش سويت جدي هل انا صح ام غلط الله يخليكم انصحوني

 

[امنتك قلبي]

بصرحه هذا شي طبيعي الي تحسيه واحسن شي سويته انك بركتيلهم وهذا من طيب اصلك
بصرحه انا زوجي تزوج عليه وبركت لهم ولو شفتي المعاملت زوجي ليه احسن من اول
قام يدلني مش عارف ايش يسوي علشان يرضيني لانه شافني طيبه معه وصابرة ووكلت امري الى الله وانتي وكلي امرك الى الله وان شاء الله عمرة مرح يضيع معروفك ويقول المثل اسال مجرب ولا تسال طبيب

 

[ام ميمي 2]

مشكورة فديتج ريحتيني

 

[الجده الصغيره]

الله يثبتك ويجمل حالك....

تصرفك هذا يدل على طيبك...سوي اللي يرضي ربك...وماااعليك من احد.......

 

[ام ميمي 2]

مشكوره الغالية

 

[الكبيره غاليه]

انتي باين انك طيبه حيل موشويه وتحبين ترضين زوجك ,اسمحيلي بس والله احسها قويه عليك وفوق طاقتك لما دقيتي عليها وبعد اتباركين لها الحين تاخذ زوجك منك وتباركين لها معليه ارضي بالواقع ولا تناقشين بس تباركين احسك حملتي نفسك فوق طاقتها عشان واحد ما يستاهل

 

[عشاق]

الصبر الجميل

 

[الريمه]

جزاج الله خير..
بس خليج بعيده عنها..أفضل​

 

[قصه شتا]

حبيبتي
كلامك مو مفهوم موليا!!
تقولي انه ملك علي وباركتلها!!

كيف يعني؟؟؟

بس فهمت من ردود البنات

خلاص هونيها وتهون
ياقلبي

وعين العقل
الي سويتيه دام انك مقتنعه من تصرفك
وما في
احد ضاغط
عليك

واهنيك على طهارة قلبك
وطيب معدنك واصلك

ولا تخلين احد من البنات تاثر عليك

والواحد وش بياخذ من الدنيا
غير العمل الصالح
والذكر الحسن

.....
دمتي بود

 

[*نونه*]

اهنئك يا غالية على صبرك...

و على تقبلك شرع الله بنفس طيبة كما هو الاصل...

اصبري فترة لانه اولها صعبة خصوصا اول ليلة معها ليلة الزواج ستكون صعبة عليكي... ادخلي ملفات الزوجات الاوليات و اسمعي لنصائحهم و لتشعري انك لست الوحيدة في العالم اللي زوجها معدد و تعرفي كيف تتعاملي مع زوجك في هذه المرحلة الجديدة من حياتكما...

و هذه فرصة ذهبية لكي لتجعلي زوجك اما يجدد حبه لك و يدللك و يحترمك اكثر من السابق ... او ليعاملك العكس تماما

ربي يربط على قلبك...
و اعلمي ان الدنيا ليست زوج و فقط... خلقنا الله لنعبده لا لنعبد الزوج

 

[روح مها]

يمكن هاذا يرفع قدرك عند زوجك وعندها والله بصبرك ويرفع قدرك عند زوجك

 

[وهم79]

اختي تبي تعرفي انك الحين بمعركه لازم تكسبي فيها تبي تكوني انتي الرائعه
انتي الي يوم يجي يرتاح عندك وعندك الدلع والوناسه
تغيري وغيري كل شي فيكي
واساس كل شي اهتمي بشخصيتك ما تحتمي فيه لا تخليه هو محور حياتك
انتي الاساس والكل الدنيا بعدك

 

[ام العنود1]

الحمدلله على الرضى وقليل من يسوي زيك الله يربط على قلبك ويثبتك ويسخر لك زوجك ويحببه فيك ويبرد قلبك ويسدد خطاك عندي نصيحة احسني النية وكلي امرك للواحد الاحد ولاتخلين ضرتك في بالك

 

[بدون نك وكلي لك]

اسأل الله يقوي صبرك ​

 

[شبيهةالورد]

هذا من طيب اصلك ومعدنك
وهذا شرع الله
الله يسخر لك زوجك ويبعد عنكم المشاكل يااااارب

 

[الأصيلة..]

صح شرع الله ولكن اذا كل الصفات الحلوة موجودة فيك وصحتك تمام التمام وقايمة بالواجب
وتكشخين و مدلعته وتتطبخين حقه وكل امورك صح فليش الزواج

هل في سبب معين ولا .....................؟؟؟؟؟؟

اذا ما عنده عذر للتعدد أقول الله يصبرك وأهنئك على طيب أصلك ومعدنك يسسر أمرك

 

[رائحة العود]

:33:فديت قلبك انتى رااااااااااااااااااااااااااااااائعة جدا واخلاقك عالية تعبدتى لله بالرضا بالقضاء والقدر انا ضرتى ماتقول حتى السلام عليكم

 

[اشراقه جديده]

مع راي الاخت نونه
موووفقه

 

[الباطنيه]

لي صديقه نفس حالتك بس هى جابها لها ثالث يوم وكلمتها عادى
وتكون كنت اقول له روح لعروستك اذا طول معاها
هى تقولي كأنها مبنجه
عاد من حملت العروس وحالها تغير
تقول بديت اغير منها مع انه زوجها ما تغير عليها
وزاد محبته لها
بس انا اقول افضل شئ الابتعاد عن بعض وحاولى تحزمين الموضوع مع زوجك
انه كل وحده وخصوصياتها وانصحك اياكى تلمسين جوال زوجج
ترى بتهدمين حياتك وصحتك
اذا قعدتى تفتشين فيه
الله يثبتك ويثبت صديقتى
ويحبب ازواجكم فيكم اكثر واكثر يارب
قلبى معاج ولاتنسين الدعاء ثم الدعاء ثم الدعاء