قصتي مع حبيبي السابق. help

[cba student]

السلام عليكم.. حابه اقولكم قصتي لان وايد تعبت من التفكير ومن تأنيب الصمير.. انا بنت كويتيه عمري 18 سنه من عائله محترمه ومعروفه، انا انسانه اصلي واصوم وملتزمه وما اطوف هالاشياء ووايد اتصدق على الفقراء واحب المساعده حيل.. واشارك ب جمعيات تطوعيه والخ.. اهلي موفريلي كل شي واثقين فيني. سياره وطلعات مع رفيجاتي والخ.. فجأة ومادري شلون كلمني واحد من برامج التواصل الاجتماعي وانا حاطه صورتي. وايد دشوا عليي وما ارد عليهم اسويلهم بلوك. هذا الانسان مادري ليش رديت عليه.. عموما كلمني وكنت اكلمه بنفسيه لان الصراحه ما اعرف اتكلم مو متعوده دايما اسلوبي معاهم يكون نفسيه. لي بعد شهر تقريبا اسلوبي تعدل وصار يتطمن عليي و يقومني من النوم و صار يحبني و الخ.. حبيته! واهو انسان محترم ايضا من عايله محترمه ومعروفه وامه تعرفني وتدري عن الي بينا.. والمصيبه راح تبدي من الي الحين راح اقوله.. كنت طالعه رايحه مطعم مع رفيجاتي قالي بشوفج قتله اوكي بسرعه مانطول. وكان اول مره اواعد شاب يعني شعور غريب خووووف و ارجف وايد وكل ساعه اشوف نفسي بالمنظره .. ومع الايام صرت تعودت صرت اشوفه.. صرت اشوفه بمكان خاص للاسف. قلتله بس 5 دقايق وامشي ما نطول قال اوكي. بعدها لمن شفته صار ساعتين او ساعه ونص تقريبا .. وصارت اشياء مو زينه.. ولمن رديت البنت ندمت وبجيت بس ماقلتله.. صحيح اني ندمت لكن هالشي للحين يصير بالشهر مره تقريبا.. العلاقه مستمره لحد الان لكن في تغيير. صرنا نتهاوش كثير، صرت دايما بكل هوشه اوخر عنه واعطيه بلوك.. وصارت العلاقه مو حلوه صار يسبني وقت الهوشات.. وانا للحين مادري شنو اسوي اتم معاه ولا ابعد عنه. يا جماعه اذا تميت معاه راح اصير مينونه . وايد نتهاوش وكله يسب .. وبنفس الوقت وايد نحب بعض بشكل فضيع يعني مانقدر نوخر وصارلنا مده طويله على هالحال مستحيل يهدني ومو راضي! انا ودي اوخر بس مادري شسوي ياربي تعبت كل يوم بجي وتأنيب ضمير واحس حياتي صارت خايسه انا كنت بنت وايد زينه والكل يتمناها واهو يدري.. شنو الحل يا بنات اوخر واتوب؟ وانا ادري راح اقدر بهالشي بس اهو مايخليني! وخايفه اظل معاه ومايصير بينا نصيب! امي تدري وراضيه بس الاحوال تنقلب فجأة ف انا ما اعشم نفسي.. شنو الحل بنات عفيه انا الحين قام اكتب وانا ابجي وماكو نوم والسبه هالموضوع

 

[cba student]

السلام عليكم.. حابه اقولكم قصتي لان وايد تعبت من التفكير ومن تأنيب الصمير.. انا بنت كويتيه عمري 18 سنه من عائله محترمه ومعروفه، انا انسانه اصلي واصوم وملتزمه وما اطوف هالاشياء ووايد اتصدق على الفقراء واحب المساعده حيل.. واشارك ب جمعيات تطوعيه والخ.. اهلي موفريلي كل شي واثقين فيني. سياره وطلعات مع رفيجاتي والخ.. فجأة ومادري شلون كلمني واحد من برامج التواصل الاجتماعي وانا حاطه صورتي. وايد دشوا عليي وما ارد عليهم اسويلهم بلوك. هذا الانسان مادري ليش رديت عليه.. عموما كلمني وكنت اكلمه بنفسيه لان الصراحه ما اعرف اتكلم مو متعوده دايما اسلوبي معاهم يكون نفسيه. لي بعد شهر تقريبا اسلوبي تعدل وصار يتطمن عليي و يقومني من النوم و صار يحبني و الخ.. حبيته! واهو انسان محترم ايضا من عايله محترمه ومعروفه وامه تعرفني وتدري عن الي بينا.. والمصيبه راح تبدي من الي الحين راح اقوله.. كنت طالعه رايحه مطعم مع رفيجاتي قالي بشوفج قتله اوكي بسرعه مانطول. وكان اول مره اواعد شاب يعني شعور غريب خووووف و ارجف وايد وكل ساعه اشوف نفسي بالمنظره .. ومع الايام صرت تعودت صرت اشوفه.. صرت اشوفه بمكان خاص للاسف. قلتله بس 5 دقايق وامشي ما نطول قال اوكي. بعدها لمن شفته صار ساعتين او ساعه ونص تقريبا .. وصارت اشياء مو زينه.. ولمن رديت البنت ندمت وبجيت بس ماقلتله.. صحيح اني ندمت لكن هالشي للحين يصير بالشهر مره تقريبا.. العلاقه مستمره لحد الان لكن في تغيير. صرنا نتهاوش كثير، صرت دايما بكل هوشه اوخر عنه واعطيه بلوك.. وصارت العلاقه مو حلوه صار يسبني وقت الهوشات.. وانا للحين مادري شنو اسوي اتم معاه ولا ابعد عنه. يا جماعه اذا تميت معاه راح اصير مينونه . وايد نتهاوش وكله يسب .. وبنفس الوقت وايد نحب بعض بشكل فضيع يعني مانقدر نوخر وصارلنا مده طويله على هالحال مستحيل يهدني ومو راضي! انا ودي اوخر بس مادري شسوي ياربي تعبت كل يوم بجي وتأنيب ضمير واحس حياتي صارت خايسه انا كنت بنت وايد زينه والكل يتمناها واهو يدري.. شنو الحل يا بنات اوخر واتوب؟ وانا ادري راح اقدر بهالشي بس اهو مايخليني! وخايفه اظل معاه ومايصير بينا نصيب! امي تدري وراضيه بس الاحوال تنقلب فجأة ف انا ما اعشم نفسي.. شنو الحل بنات عفيه انا الحين قام اكتب وانا ابجي وماكو نوم والسبه هالموضوع

وملاحظه : الاشياء الي صارت بينا في المكان الخاص اهيا اشياء خارجيه فقط ! الحمدلله مو شي ثاني ولكن ايضا احس اني مخنوقه وضميري يأنبني .. واحس مجبوره اظل معاه يمكن يصير نصيب يعني اهلنا راضيين ويمكن اذا خذينا بعض الله يرضى عني ويستر علي.. وعشان جذي انا للحين ظاله معاه.. بنات عفيه ردوا.. ودعواتكم ومشكورين?

 

[#@(-لوتس-)]

حبيبتي لح انصحك نصيحة حكي الشباب تبع الانترنت كلو كذب هاد بكون هلق عم يحكي مع عشرة غيرك ويقلون نفس الحكي انصحك تتركيه وما تتعلقي في واذا عنجد بحبك خلي يطلبك من اهلك طالما اهلكون موافقين  ورد بقلك بعدي عنو لأن بكرا كل مرة تتطور الامور بينكم وقد تصل للزنا والعياذ بالله
الله يحفظك

 

[~UniQuE~]

حبيبتي من ترك شيئا لله عوضه الله خيرا منه

و اللي قاعد يصير بينكم من مشاجرات هو نتيجة معصيتكم وعدم خوفكم من الله و ما بني على باطل فهو باطل ..

نصيحتي لج يا اختي تبتعدين عن الشخص هذا و تحطين ببالج تربية هلج و تعبهم خصوصا انهم عطووج الثقة و خلووج تطلعين مع ربيعاتج بكل حرية ..

الآن كانت حركات و باجر لا سمح الله ممكن يصير أسوأ و تقعون في الحرام لذلك لا تتبعي خطوات الشيطان و تندمين بعدها أشد الندم !

من الآن غيري رقمج و كنسلي حساباتج في السوشيال ميديا و حتى لو تقدم لج لا ترضين فيه طالما صار بينكم أشياء غلط لأنه يمكن يعايرج بعد الزواج و حتى نفسيا راح تتأثرين لانج ارخصتي نفسج له !

الحقي على نفسج يا اختي قبل ما يفوت الفووت