قصة ندى وزوجة الاب الظالمه
راح احكيلكم قصة البنت اللي كان كل اللي يعرفها يحزن ويبكي الما من الظلم والعذاب اللي عاشته --------- الاب تزوج وانجب هذه البنت ندى وكان الاب ذو شخصيه ضعيفه وبعدها انفصل عن امها فالام لم تستطيع تحمله وتزوجت الام وتزوج الاب واخذ ابنته ندى وكان عمرها اربع سنوات والالم انه تزوج انسانه لاتخاف الله انسانه شخصيتها قويه ومتكبره----- والاب شخصيته ضعيفه واصبحت تتحكم به وليس له اي امر اوكلمه عليها عذبت الطفله المسكينه عذاب لايحتمل كانت تاخذها الاستراحه وهي بملابس وصخه شعرها وصخ من كثر الوصخ صارشعرها قاسي مستحيل يقدر احديمشطه لان الحريم في الاستراحه كانو يحزنون عليها طبعا كل الحريم يعتابونها لدرجة انهم يغلطون عليها وكان عادي عندها تقول مالي دخل فيها يوديها لامها طبعا الاب برغم ضعفه الا انه مستحيل يوديها لامها خاصه ان الام تزوجت من واحد من قبيله ثانيه يعني زوجة الاب كانت تضربها مستحيل تهتم بنضافتها تخيلو طفله تعذبت عذاب وفي هالعمر كبرت ندى ودخلت المدرسه كانت البنت تخاف تروح المدرسه كانت تضربها ضرب وبدال ماتروح معاها تتركها تضربها وتدخلها المدرسه ندى تعقدت برغم احتواء المدرسات كانت جدا كسلانه لان مفيه احديدرسها طبعا من عمرها 5 سوات وهي بدت تشغلها بالبيت وحملت زوجة الاب وجابت بنت وحطت ببالها انها تخلي ندى شغاله عندها طبعا ظروف زوجها ماتسمح يجيب شغاله -----------------------------------------------ممكن تقولون وين ابوها زوجتها مافكرت فيه وكانت تضربها قدامه وابد تقول اربيها وكانت البنت تشتغل وتغسل وعلمتها تغير لاختها وابدصارت الشغاله بالبيتطبعا ندى وصلت الصف الرابع ابتدائي وزوجة الاب الظالمه صارعندها عيال اش سوت خلت البنت تترك المدرسه وقالت تجلس تخدمني وكانت تقول للحريم بخليها جاريه عندي طبعا كبرو اخواتها وهي تتجرع العذاب كلهم يروحون المدرسه وهي شغاله لهم -------تخيلو تعاملها زي الشغاله يعني تقوم الصبح تفطراخواتها اللي يروحون المدرسه وتغسل وتكنس وتكوي الظالمه نايمه وياويلها لوتصحى وتلاقيها نايمه او البيت مونظيف -----كانت تحرقها تضربها---وبعالتنظيف تبدى تجهز للغدى واللي يقهر الاب الظالم اللي كان يخاف من زوجته الظالمه وكانت ندى تجهز لهم الغدى وطبعا هي تاكل بالمطبخ لحالها ومثل ماقلت لكم هي خلتها شغاله وفهمت عيالها هالشي والعمه الظالمه كانت تحمل وتولد وندى تخدمها وتهتم بالطفل تسبحه تغيرله تسهر معاه كنا نشوفها في الستراحه طبعا كنا نطلع كل نهاية شهر يوم كنت صغيره كنت احسبها شغاله تخيلو لبسها زي الشغالات والشغالات احسن وكانت تمسك طفل صغيرعلى يدها وجالسه مع الشغالات 000اي ظلم وعذاب عانته ندى مايتحمله احد---- تابعوني راح اكمل باقرب وقت وانتظرو اش صار لمن جا عريس لندى
اسم الموضوع : قصة ندى وزوجة الاب الظالمه
|
المصدر : المنتدى العام