جوجو ابوظبي
New member
- إنضم
- 18 مايو 2011
- المشاركات
- 80
الحمدلله على نعمة الاهل ..فديت امي هي ما كانت تفرح بالبنات بس ابوي كان يهون عليها ويقول ما في احسن من البنات كلهن خير وش ورى الولد غير الطياشه والطلعات لاخر الليل احمدي ربك عليهن بكر امي ولد عقبها ثلاث بنات وكل ما بشرووه بالبنت كان يذبح لهن وكان يفرح ويبشر فيهن رغم هيبة ابوي وشخصيته الراكزه الا انه ما كان يستحي بانه يبوسنا قدام الناس وندخل عليه بالمجلس ويتباهى فينا حتى انه الناس صاروا يلقبونه فلان وبناته معروف عنه يحب بناته... يارب والله اشتقت لابوي شوق ما يعلم به غيرك كل خواتي حوله الا انا كلهن راحن ترمضن عنده الا انا ارجوك اجمعني مع ابوي وخواتي ارجوك يا ربي تعودت افطر معه ونتنافس من تعايده قبل الثانيه خواتي تسع كلهن تدقن علي وتسولفن لي ابوي قال ابوي سوى ابوي راح ولا وحده اهتمت بمشااعري وشوقي له ...صرت اكتب خواطر اقول يمكن اموت وقت ولادتي ابقى ابوي يعرف اني اشتقت له ..الله لا تحرم اي وحده مننا شوفه ابوها وغاليهاا ...اكيد الاب ما يعرف قيمة بنته الا لمن تكبر وتحس بمعاناة ابوها والاب دوم بنته هي من تميل له اكثر من الولد ...انا الحين زوجي يتمنى بنت قربت ولادتي وهذي اول ولاده لنا باذن الله وانا الدكتوره قالت لي بنت وبشرته وزهق من الفرحه ما خلى احد الا وبشره وانا ادعو ربي بالنطفه التامه بس هذ اللي اتمناه واني اطلع بخير وهو ولا عليه اهم شي بنت ابقى ادلعها اوديها اجيبها احضنها واحكي لها قصه قلا نومها يووووه احلام ما لها نهايه وانا ولا همني غير اني اطله بالسلامه والقى ضناااي بخير بس ...بنات بليز دعواتكم لي بتسهيل ولادتي والله حدي خايفه احس ان روحي بتطلع لربي وقتها شقول لربي شوو سويت بدنيتي غير الهو والسمر اه يا ربي رحماك ارحمني برحمتك
