قصة" كبرياء رجل وشذوذ إمرأه"..>>> روايــه كـاملــه...

[غروب*الشمس]

امممممممممممم

شو قصة تركي مع نورة ؟؟؟

نواف + العصبية = ؟؟؟

بس ان شاء الله تعدي الأمور على خير

و شيماء و مالك ان شاء الله يتزوجون...

و ماجد ... شو نهايته و يا نوره ..

و صيته وين بيكون قدرهاا ؟؟؟؟

قصه راائعه ......

و في انتظار احداثها ...

همسة لغرووب

لا تطولين علينا

همسك يوصل بسرعه إلى قلبي حبيبتي

أشكر مرورك وتعليقك قلبي

تحياتي.
​

 

[غروب*الشمس]

لالا ااااااااااااا
جزء مجنووووون بصرااحه عجبني نواف ...
وبدينا الأكشن بصراحه خفت من تركي هذا اعوذ بالله انسان مقزز ....
الله يستر بانتظاااااارك حبيبتي
.................

هلا بقلبي ....

هالمره ريحتك أنا

وآسفه لو أكون أزعجتك وتعبتك...

تحياتي لك قلبي.
​

 

[غروب*الشمس]

يا الله مرة روعه كملي ما شاء الله عليكي يا شموسه

بس تعرفي تركي دا يبغاله مين يأدبه و هو ليش ابو تركي ساكت كده ما يأدب ولده؟

احس ان ماجد حيتزوج صيته و يحبها و تنقهر نورة
او حتصير فضيحه و تروح فيها صيته المسكينه

كملي الله يخليكي

شهد الصباح = dr_dan300

هلا بالغالي الي يتغلى

وينك وش هالغيبه .... ولا بعد غيرت الإسم ؟؟؟ حركااااااات يابعدي

مشكوووره غلااااي.
​

 

[غروب*الشمس]

كبرياء رجل وشذوذ إمرأه

البارت الثامن عشر

طلع نواف وترك الكل في حيره من أمرهم وخصوصا أبوه
إلي كان متضايق من نواف كثير .... وكان يتوعد فيه لما
يرجع البيت.
\\
//
\\
في بيت بو تركي .... بالذات فوق كانت ميثه مدهوشه من
شكل تركي لما شافها وكيف كان مرتبك .... دخلت لنوره
لقتها كانت تبكي
ميثه تروح ركض لنوره" خير نوره وش فيك
نوره تمسح دموعها "ولا شي ...
ميثه باستغراب" وش كان تركي يسوي هنا ؟؟
نوره مرتبكة" هاااا .... وأنا وش يعرفني
ميثه" منو يعرف ؟؟ تركي شكله كان غير يوم شافني ... لا
يكون سوا لك شي ؟؟
نوره بثقة مصطنعه" ليه هو وش يقدر يسوي لي ؟؟
ميثه " ما أدري بس أقول يمكن
نوره توقف قدام المرايه تضبط مكياجها إلي تبهدل من
دموعها
نوره " أبد ما كان يدري إني كنت بالغرفة ولما شافني صد
عني لكنه شافني فزعت ارتبك
ميثه سكتت مع إنها مو مقتنعة من كلامها
نوره" هاااا وش بك قرونك الإستشعاريه وش فيها مو مقتنعة
ميثه" ههههه ...أسمع كلامك أصدقك أشوف أمورك أستعجب
نوره" هاهاهاي صدقي صدقي يا ماما ...أنا لساني ما ذاق
طعم الكذب
ميثه"............
,,
بغرفة نوف ....
دق نواف على صيته ....صارت صيته تبتسم
نوف قلبها بدى يدق بسرعة ....خايفه من ها للحظه على قد
شوقها لها
نواف ينفخ " الوووو
صيته" هلا بالعريس هاااا أنزل نوف الحين
نواف" لاااا ...أنا مشيت
صيته بخوف" مشيت؟؟؟ ليه
نوف"؟؟؟؟؟؟؟؟؟؟؟
نواف معصب " رفض تركي إني أشوفها وطبعا عمي وأبوي
أيدوه... وخلوني بيزه ما أسوى ولا كأني إلا ولد طايش عمره
18 سنه
صيته تطالع بنوف" طيب مو مشكله لا تعصب إنت
نواف" كيف ما أعصب أنا كان ودي بهذي اللحظة أقتله
وأشرب من دمه بعد .... تخيلي يتكلم عن نوف ولا كأنها إخته
أبد
صيته" خلاص يا عمري العصبية الحين مو بمحلها ..
وطلعتك في هذا الوقت مو حلوه بحقك لو ترجع أحسن
نواف بحده" جنيتي إنتي ؟؟
صيته" طيب روح البيت مو حلوه مشيك وانت معصب لا
يكون يصيبك شي
نواف " والله بقلبي نار تسعر ...محد حاس فيني
نوف خايفه مره مو عارفه شو الموضوع
صيته" إذكر الله ... وهذي نوف يمي وخايفه كثير
نواف" له له له تكفين يا صيته كل شي ولا نوف ....ريحي
قلبها تكفين
صيته تبتسم" أروح فدوه للحب والي يحبون
نواف" ههههه عقبال ما أشوفك وإنت ميتة بالعشق موت
صيته" هههه بسم الله علي
نواف" يا لله أسلم عليك
صيته" انتبه لحالك فاهمني
نواف" على خير .... سلامي لأحلى عيون
صيته تطالع بنوف وتبتسم" يوصل يا قلبي
\\
//
في الشرقية بعد العشا ..... إلي شيماء ما ذاقته بس جالسه
تقطع في الخبز بأسنانها ولا كأنها إلا عصفوره
شيخه" يعني الحين إنتي أكلتي
شيماء" هاااا..... إيييي الحمد لله
أم مسعود" مو عاجبتني يا شيماء أحسك مو بطبيعتك
....لا يكون تعبانه
شيماء انحرجت"........
شيخه تلم الموضوع" إيي والله تقول راسها يوجعها ها ليومين
شمسه" هههه الله يساعدك
شيماء" ممكن تقومين تشيلين معنا السفرة ... لو تتكرمين
شمسه" أوووف مو لو جايبين لنا شغالة عن ها لتعب إلي إحنا
فيه ... بعد مو نشيل روحنا ...لا ضيوف بعد
أم طلال بحده" قومي فزي بلا كثرة حكي يا طويلة اللسان
شمسه قامت ترفع في الصحون بدون نفس والبنات بيموتون
عليها من الضحك لأن بوزها وصل لآخر البيت
,,
في المجلس ...كان محمد يصب لهم القهوة ومالك يطالعه
وقلبه عليه ... صار رجال في أربع شهور
تعود إنه يعتمد على حاله ...
يدق جوال مالك " هلا والله .....يا لله حيهم ....الله يسلمك
...إييي ليه ...والله تشرفون حياكم الله .... لنا الشرف والله
الله يطول بعمرك....إييي هو يمي راح أبلغه.... تسلم تسلم....
أنتظركم على الساعة ثمان بإذن الله.... خير خير .... في أمان
الكريم
سكر مالك الخط وعلى وجهه ابتسامة رضا ....
مالك" هذا يا خال بو عبد الله الــــ .... تعرفه؟؟
بو طلال" إييي أعرفه و منو ما يعرفه هو غني عن التعريف
مالك بهدوء" يقول يبغي يجينا بكره هو وولده عبد الله ويبغي
يشوفك معنا
طلال قلبه صار يدق بصوره غريبة".........
بو طلال" حياه يشرف ....البيت أوسع له من العين
مالك" لا يعمي هو بيجي عندنا بالبيت
بو طلال" ما في فرق هنا أو هناك يا ولدي
مالك" إييي كلامك صحيح يا خال لكنهم ها لمره جايين
خطاطيب...
بو طلال" والله؟؟؟؟ طالبين من؟؟
مالك يبتسم" مرام يا خال
طلال وقف على طوله "........
\\
//
كانوا الحريم جالسين تحت بالصالة ....
أم عبد الرحمن" طيب وين العروس ...ما بتنزل نبارك لها؟؟
أم تركي" ههههه توني زهمت عليهم قالوا بينزلون
من فوق صوت الزغاريد تتعالى .... وطبعا الحريم بعد
صاروا يزغردون معهم ...نزلت نوف من على الدرج وهي
مرتبكة كثير وما شالت عينها عليهم ....هذا ونواف ما راح
يشوفها... كيف لو إنه بيشوفها ؟؟؟؟
صيته" الف الصلاة والسلام عليك يا حبيب الله محمد كلللللللوووووووووش
أم عبد الرحمن" كللووووووووووش
راحت نوف لها وباست راسها ويدها
أم عبد الرحمن تدمع عيونها" الله يهنيكم يمه .... الله يجعل
حياتكم كلها سعادة
نوف تبتسم" الله يسمع منك يمه
حطت ميثه المسجلة و إبتدت نانسي تغني
أطبطب ودلع ... وميثه ونوره يرقصون مصري ببراعة
وصاروا يتحدون بعض وكل وحده تقول الزود عندي من
الجسم والأناقة .... لكن هالشي طبعا ما عجب أم عبد الرحمن
وصارت كل وحده تجي يمها وهي ترقص تضربها بعصاتها
.... لكنهم كانوا مكملين .... وما همتهم أم عبد الرحمن ولا
عصاتها ... طبعا ها لشي خلاها تأشر لصيته إنها تشيل
المسجل عنهم .... وطبعا صيته ما تقدر ترفض لها طلب
نوره" اوووو ليه كذا؟؟
أم عبد الرحمن" مزااااااج ... وش لك عندي؟؟
نوره توجه كلامها لنوف" شفت إنهم مو راضين تصير ليلتك
شي ...مو تقولين بعدين صارت الخطبة سكيتي
أم عبد الرحمن" سكتي بسكتة قلبك قولي آمين ....يعني ها
لحين تبغين تطيحيني معها هااا ...
نوف منزله راسها وما انطقت بكلمه
صيته تروح تكلم أم عبد الرحمن بإذنها" يمه لا يكون يسمع
نواف ويزعل
أم عبد الرحمن فتحت فمها على الآخر " هااااا
نوف ابتسمت"..............
أم عبد الرحمن" يا لله أم تركي عطينا من أغاني أول إلي ترد
الروح ... وخلينا نفرح مع نوف ونواف
البنات" هههههههه
أم تركي " هههه والله محد صوته حلو غيرك وبعدين وينا
وين أغاني أول نسيناهم وطوى عليهم التاريخ صفحاته
أم عبد الرحمن" أقول يا بنيتي قديمك نديمك والي ماله أول
ماله تالي .... آآآآه يا زين أول وأغاني أول
صيته متشجعة" تكفين جدتي غني لنا وحده من أغانيكم
أم عبد الرحمن بانت ضروس الذهب " هههه يا بنات لا
تغصبوني
نوف بنعومة" تكفين جدتي ...على شاني
أم عبد الرحمن مبسوطة" يوووه غالي والطلب رخيص يا
قمر نواف انت ...
احم احم .... عاد ساعدوني هااا
أم نواف" إحنا معك بس بدي إنت
أم عبد الرحمن "يا غزال البر يا غزال البر ليش ما ترعى
حبيبي فوق عشب البر
البنات متفاجئين وجالسين يطالعون فيها
أم عبد الرحمن " وش ذا أسمع صفقتين بس ؟؟ وين أياديكم هااا
البنات "..............
أم عبد الرحمن " يا لله ولا ماني بمغنيه
يا غزال البر يا غزال البر ليش ما ترعى حبيبي فوق عشب
البر فوق عشب البر
يا ليتني ساعة يا ليتني ساعة وأدور بذراعه حبيبي فوق عشب
البر فوق عشب البر
يا ليتني عقاله يا ليتني عقاله وأدور براسه حبيبي فوق عشب
البر فوق عشب البر
يا ليتني خاتم يا ليتني خاتم وأدور بصبوعه حبيبي فوق عشب
البر فوق عشب البر
يا ليتني كحيله يا ليتني كحيله وأدور بعيونه حبيبي فوق عشب
البر فوق عشب البر
يا ليتني بشيته يا ليتني بشيته وأدور بكتوفه حبيبي فوق عشب
البر فوق عشب البر
طبعا البنات كانوا متجاوبين معها با لبداية لكن لما شافوها
استرسلت في الأغنية صارت كل وحده تلتهي بحالها إلي
تضبط مكياجها والي ترفع شعرها والي بتموت من الضحك
بس ماسكه روحها غصب<<أموت بالشحرورة
\\
//
في الشرقية.....
مالك يطالع بطلال إلي تغير فجأة
بو طلال "خير يبه وش فيك؟؟
طلال بحده" إنتوا ناسيين يا يبه إن مرام سميتي من وإحنا
صغار؟؟
مالك"!!!!!!!
بو طلال" إيييي يبه بس إنت ما قلت إنك تبغاها قبل ها لوقت
طلال" إيييي صحيح أنا ما تكلمت .... لكني أعتبرها خطيبتي
مالك بهدوء" وعلى أي أساس تعتبرها خطيبتك؟؟
طلال تأزم" وش قصدك يا مالك؟؟
مالك" قصدي معروف .... ما تقيس على كلام أهلك وانت
صغير .... وأنا أعلم الغيب يعني؟؟؟
طلال بضيق" يعني شووو ...
مالك" يعني الوقت غير الوقت والحال غير الحال ... وإذا
خالي وأبوي الله يرحمه قالوا إنكم لبعض هذا ما يعني إنكم
مرتبطين..صح ولا لا
طيب هم قالوا عني وعن شيماء إن إحنا لبعض هل هذا معناه
إن شيماء تكون خطيبتي؟؟
طلال جلس على الأرض ومو عارف وش يقول"!!!!!!!!
مالك" أنا ما أقدر أربط مصير أختي بكلام وإحنا صغار و با
لنسبه لي أنا أعتبر إن شيماء مثل إختي ... فكيف أعرف إن
إنت نظرتك لمرام غير؟؟
بو طلال بضيق" خلاص وأنا خالك اعتذر من الجماعة وقول
لهم إن البنت مخطوبه
طلال ارتاح بكلام أبوه لكن رد مالك جا مثل الصدمة إلي
زلزلته من الأعماق
مالك" لا يا عمي ...أنا ما راح أعتذر من أحد .... بو عبد الله
بكره بيجي مع ولده وأنا عطيتهم كلمه ....
وبعدين لا تنسون مرام ...أنا أقول لها وهي حرة التصرف
وما غيرها إلي يختار شريك حياتها ...
وأنا ما عندي مانع سواء إختارت عبدالله أو طلال
طلال كان متضايق كثير .... وفضل إنه يطلع ويترك المكان
لا يكون يتصرف تصرف يندم عليه طول حياته ...
وطالما في أمل راح يتمسك فيه حتى لو كان أمل ضعيف
\\
//
نواف جالس بالبيت .... متملل وأهله تأخروا كثير
كان رايح راجع في الصالة .... وكل شوي يدق على جوال
طارق ويشوفه مغلق .... تضايق كثير وكان متوعد فيه
شوي إلا ويسمع صوت السيارة جايه .... جلس على الكنبة
ومسك جريده والي يشوفه ما يقول إنه جالس يحترق من
داخله وإنه كان ينتظرهم بشغف ماله حد ....كيف ما يكون كذا
وخواته بيجيبون له كل شي عن نوف وش كانت لابسه ووش
قالت ومتى ابتسمت وكل نفس متى تنفسته ...
وجدته أم عبد الرحمن بعد راح تخزها زين بعيونها مثل ما
يسوون كل الجدات الحريصات بأن ولدهم يأخذ أحلى البنات
وأقوى البنات وأشطرهم
دخلت صيته ونوره وأم عبد الرحمن وطارق ولقوه جالس
طارق" أصلي .... وأسلم ....عليك ....يا حبيب
....الله....محمد.....كلللللللوش
صار يصفق ويغني له والبنات يساعدون طارق وأم عبد
الرحمن تضرب بعصاها على الباب يعني تطبل لهم ....
وخلوا نواف في وسطهم وهم يدورون عليه .... وهو
الإبتسامه ما فارقت وجهه وكان يطالعهم وهم بقمة سعادتهم
وكان خاطره يرقص معهم لكنه مسوي حاله ثقيل
شوي ويدخل بو نواف وهو يصرخ " خيــــــــــر
لحظة صمت با لنسبه للكل وهم مستغربين من ردة فعل أبوهم
....هي فترة وبعدين انتبهوا على حالهم و بو نواف الشرار
يتطاير من عيونه
صعدوا البنات فوق في غرفهم .... وطارق مسك يد نواف إلي
كان يطالع بــــ أبوه ومستغرب من تصرفه
بو نواف يطالع بنواف " وش له هـــ الاحتفال هااااا .... لسواد
وجهك ؟؟
نواف عارف أبوه وش يقصد .......
أم عبد الرحمن " اذكر الله على شوووو ها لنفخه
بو نواف" اسألي ها لدثوي وش مسوي؟؟
نواف بضيق" وش سويت أنا بالله ؟؟؟؟ ما أعتقد إني سويت
شي يسوى كل ها لزعل
بو نواف باستغراب " لا ما سويت شي يا قليل الحيا ....
في أحد يروح يخطب يسوي إلي سويته انت؟؟
نواف بحده" يستاهل أكثر .... مثل ها لخنزير حتى الذبح قليل
عليه... لو موته بيدي ما خليته على وجه الأرض
بو نواف عصب كثير وراح لنواف" الخنزير إنت يا ملعون
يا بن الملعون ما تدري إنك بظفره
رفع بو نواف يده يضربه كف .... لكن طارق تصدى له وجاه على وجهه
في هذا الوقت زاد ضيق نواف وصار يصرخ بوجه أبوه
ودموعه مجمعه بعيونه
نواف" اضربني اضربني ...
إييي معلوم أنا للحين نواف البزر إلي ناقص تربيه
بو نواف" انكتم وترفع صوتك علي يا لنذل
نواف بحده" إلي تدافع عنه هذا يهين نوف قدامي ...تبغيني
أسكت له ؟؟؟؟والله ما أسكت له لو على موتي
بو نواف" اطلع من بيتي يا لله ...ولا توريني وجهك هنا يا لله
الشرهة مو عليك الشرهة علي إلي ما عرفت أربيك
نواف ترك المكان وكان طارق يلحق فيه يبغي يوقفه لكنه أبد
ما كان يسمع إلا كلام أبوه وإهاناته له وهو صاير في طوله
طبعا أم نواف كانت قاتلتها دموعها لكن ما تقدر تقول كلمه
وهو موجود ....
أم عبد الرحمن مو قادرة تمسك نفسها وانفجرت فيه
أم عبد الرحمن" هيييييييي إنت وش شايف حالك عليه هاااا
ما تقولي وش استفدت الحين يوم فضلت خوي إبليس على
ولدك هااا .... بس ما أقول إلا يا حيف على إلي ما يعرف
قدرك يا ولدي.... هذا إنت تسمع
والله لو يصير بنواف شي وهو طالع على وجهه الحين إني ما
راح أرحمك...لا يكون تفكر إن إحنا ساكتين عليك يعني
يرضينا إلي إنت جالس تسويه بها لفقير
بو نواف ينفخ في وجهها ويروح عنها..........
أم عبد الرحمن تبكي" الله يرحم بحالك يا ولدي ترى الطيب
ماله حظ بها لدنيا
\\
//
في الطريق مالك كان يفكر بكلام طلال .... وكيف إنه رد
عليه وضرب عصفورين بحجر ...خليهم يعرفون إن شيماء
ما
تعني له شي .... ومرام بعد معقولة تاخذ غير عبد الله إلي
بالتأكيد حياتها معه بتكون وافره ومريحة
يدق الجوال عنده ......
مالك" هلا با لغلا .... وينك يا وسيم؟؟
ماجد" هلا بيك إنت
مالك" وينك إنت ؟؟ وش صار على الخطبة
ماجد" أنا كلمت الأهل وهم ما عندهم مانع ... قلت بكره بدق
على نواف آخذ منه موعد
مالك" حلوو والله
ماجد" يا لله أسلم عليك
مالك"لا تنسى تخليني با لصوره
ماجد" أكييييد ...يا لله سلام
مالك " سلام
وصل البيت وبعد ما دخلوا داخل نادى مالك مرام ...وطلب
منها إنها ترفع عبايتها وتجيه بغرفته ...بالفعل هذا الي صار
فوق بغرفة مالك...
مرام تدخل عليه وهو سرحان ويفكر
مرام بهدوء حتى ما يفزع" مالك
مالك يلتفت لها ببرود" هلا هلا حياك
مرام تروح تجلس جنبه" خير يا مالك وش بغيت؟؟
مالك يبتسم لها" والله وكبرتي يا لغلا وصاروا الخطاب
يجونك من كل مكان
مرام انحرجت ونزلت راسها"...........
مالك" ههههه أموت في الخجل.... لا تقولين لي إن قلبك ما
يرقص من الفرح
مرام تطالعه وهي تبتسم" والله؟؟
مالك " هههه المهم الليلة بيجون لك بيت ال.... يخطبونك
وأهم من عيله كبيره أصل وفصل
مرام مستغربه" منو؟؟
مالك" ولدهم عبد الله موظف ببنك وأبوه من كبار الشخصيات
وعندهم مزرعة كبيره كثير فيها كل شي
مرام ساكته"..........
مالك" وش رايك .. وليه ساكتة؟؟
مرام مو عارفه وش تقول" إنت سألت عنه؟؟
مالك متشجع" أقولك إنه خوش رجال يعني تفكريني برميك
لمين ما كان ؟؟
مرام متأزمة" ما أدري خليني أفكر
مالك متحير" ما عندي مشكله لكن بكره بيجون أبغي ردك
يكون جاهز....طيب؟؟
مرام تبتسم له" يا لله تصبح على خير
مالك " و إنت من أهله
راحت مرام غرفتها وهي تفكر بطلال إلي كان يقولها شقد
إنه يحبها ... وش ينتظر أكثر ؟؟
مالك بعد كان مبسوط من ردة فعل إخته وردها هذا يدل على
إنها ما بينها وبين طلال أي علاقة وكلامه إلي قاله جايبه من
راسه ومرام مالها علم بالموضوع لا من قريب ولا من
بعيد<<<لكن ليه ما كلمتها عن طلال يا مالك؟؟
\\
//
في بيت بو نواف كان الكل حوالين أم عبد الرحمن إلي جالسه
تبكي وتنعي نواف ....
مو جاي لها قلب تنام وهو بره البيت ..كيف دعاه قلبه يروح
ويتركها وهو عارف إنها لما تصبح بوجهه يكون يومها كله
مليان تفاؤل وحب للحياة ...
أم نواف كانت جالسه جنبها وحاطه يدينها على راسها
وصيته بعد الدموع ما فارقت عيونها ...
لكن نوره ولا على بالها جالسه تلعب بالجوال ووجودها بينهم
ديكور لا أكثر ولا أقل
يدخل طارق بحبة بندول وكاس عصير ويقدمهم لأمه
أم نواف تاخذه من يده " تسلم لي يمه
أم عبد الرحمن تبكي" جيب لك شيله وتملفع فيها وتعال إجلس
جنبي على السرير
طارق يستعبط" من وين أجيبها
أم عبد الرحمن زاد بكاها" آآآآآه يا يمه يا ليتك ما جبتيني كنت
إرتحت من ها لدثوي إلي بيجنني
طارق " قولي قسم ؟؟ بعد ما قضى ثلاث أرباع عمرك
تندمتي إنك إنولدتي ....ههه والله إنك عجيبة
أم عبد الرحمن وقفت من البكي وصارت تطالع فيه ووجها ما
فيه ولا أثر لأي دمعه حتى لو بالغلط
أم عبد الرحمن" ما تقولي شو يجلسك بيناتنا
طارق" أواسيكم يا سحوره
أم عبد الرحمن" قول قسم ؟؟؟ ما تروح إنت ووجهك تدور
على أخوك وين راح .... لا تبط كبدي أقول
طارق" والله إنكم عجيبين ...سحوره لا يكون تفكرين إن
نواف بزر ولا مراهق هايت وما عنده ولا فلس بجيبه
أم عبد الرحمن تطالع فيهم " يعني من جدكم هذا تعدونه بني
آدم علينا ؟؟؟
طارق ساكت ويتلفت عليهم يبغي أحد يرد متلهف يشوف وش
رايهم فيه ....لكنه تفاجأ بصمت الكل
طارق" أفا بس ما هقيتكم سلبيين كذا قدام الطاغية
أم عبد الرحمن " طغى عليك إبليس ولحس عقلك وبعدك عن
ربك قول آمين
طارق بعناد" ماني قايل وش تقدرين تسوين ؟؟
أم عبد الرحمن" تبغي تعرف وش أسوي هااا
وهم كذا إلا ويسمعون فتح الباب كلهم قاموا ركض ومن
ضمنهم أم عبد الرحمن ....ولقوه نواف صرخوا كلهم باسمه
نواف واقف يطالعهم مستغرب من جلستهم ها لوقت
نواف " خير ؟؟ وش مصحيكم ها لوقت؟؟
أم عبد الرحمن تتبكبك" ومنو يجيه نوم وإنت للفجر ما رجعت
البيت
نواف" إييي جدتي بس أنا مو بزر حتى تخافون علي
طارق ينفك" والله قلت لهم ها لكلام مليون مره بس منو يسمع
هااا
أم عبد الرحمن تخز فيه " إسمعك...
قاطعها طارق" سمعني عزرائيل بليلة ظلمة وأنا بليا ثياب
....حفظناها عندك شي ثاني؟؟
أم عبد الرحمن تروح لنواف تبكي" كذا تروح وتتركني
بالبيت لحالي مع ها لعاصي
طارق يستعبط" ههههه عاصي الحلاني؟؟
نواف" طارق ممكن تصعد فوق الحين
أم عبد الرحمن ترز روحها مو قادره تسيطر على مشاعرها
طارق" قول قسم ؟؟ أنا فدى ها لعيون أصعد ليه لا
أم عبد الرحمن طايره من الفرح" عساني ما أنحرم منك يا
لغالي
نواف يجلس ويجلسها جنبه " يمه أنا جاي أتروش وآخذ
ملابسي وأطلع من هنا
أم نواف" لا بالله تمزح
نواف" لا يمه أنا ما أمزح ...إنتي راضيه بالي يسويه فيني
أبوي يهزئني على الطالعة والنازلة أنا خلاص مليت عيشتي
معه ما أدري ليه يكرهني ها لقد؟؟
أم عبد الرحمن" أنا أقولك يا ولدي ليه أبوك يكرهك
نواف"!!!!!!!!!!!!!
أم عبد الرحمن" أبوك يكرهك لأنك طالع نسخة طبق الأصل لعمك صالح .... في أدبه ورزانته
عمك صالح يا ولدي كان ونعم الرجال .... رجال حقاني وما
يرضى بالغلط ...وإنت طلعت مثله ومثل ما بهدل عمك وموته
ناقص عمر يبغي يكملها فيك
نواف متفاجئ بس مو قادر ينطق بكلمه".........
أم عبد الرحمن "قول تم يمه
نواف بضيق" لا جدتي لا تحرجيني أنا جلسه بالبيت ماني جالس
أم عبد الرحمن" طيعني يمه ...إنت ساير الوضع الحين لحد ما
تملك على نوف وبعدين اخذ لك بيت وإجلس بره ...
لا تعانده وإنت محتاجه ...لأنك عارف أبوك زين
نواف ساكت"...........
أم عبد الرحمن" قوم يمه ...اصعد فوق وخزي الشيطان وفكر
بنفسك ولا تخلي إبليس يلعب عليك
نواف فهم جدته صح وعرف إن كلامها عين العقل ....لازم
يهدي الوضع الحين ولما يتزوج لازم ياخذ نوف ويسكن بره
لأن الأمور ابتدت تسوء أكثر
باس يد جدته واستأذنهم وصعد فوق ....



يتبع....

​

 

[دوومي عالية]

اخخخخخخخخخخخخخخخخ..على تركي....

افا بس يا ملووووووووووك...هذا وانت زوووجي تسوي جيه في تركي بو القلب الرهيف..افا بس افا ..ما هقيتها منك..!!!

ههههههههههه..غروووبه الصراااحة بارت روعه..لكن والله قلبي معورني على تركي..

وافكر في صيته المسكينة اللي بييها ماجد يخطب..وهي ولا تدري شو السالفه....صدق نووورة ما عندها ظمير..

ننتظرج يالغلا..


وسلمج الله..صور ضفدوووعي الصغير اللي امووت فيه..اييبها من النت =))

 

[شهد الصباح]

هلا بالغالي الي يتغلى ​

وينك وش هالغيبه .... ولا بعد غيرت الإسم ؟؟؟ حركااااااات يابعدي​

مشكوووره غلااااي.​

هلا بيكي يا غاليه
لا والله ما تغلى انا اقدر اتغلى عليكي
بس ظروف دعواتك ربنا ييسرها يا عسل

اش رايك بس في الاسم الجديد حركات ههههههه

صراحه يا غروبه لاااااااااااااااااااااااااااااازم تسويه مسلسل
الللللللللللللللله يخليكي اموت و اشوف هالقصة تنعرض في التلفزيون ان شاء الله ان شاء الله يا غروبه حيكون لك مستقبل باهر ما شاء الله تبارك الله الله يحميكي مببببببببببببببببببببببببببببدعه

بس تكفه الله يخليكي نبغى نهاية حلوة كفاية المآسي اللي شايفينها في حياتنا

ننتظرك يا غاليه

 

[ೋ دلع قطــر ೋ]

السلام عليكم...


غروب... ابدعتي والله في رسم الشخصيات... وفي الاسلوب الواضح لكل شخصية...


اطالبج بمسلسل في رمضان الجاي.... ^_*

انزين بعترف اني حبيت نواف.... امووووت بالشخصية الي جذي... صج انه عصبي زيادة عن اللزوم بس رجااااااااااااااااال....


تعجبني مناوشات طارق وسحر <<< هههههههههههه يذبحني من الضحك يوم يقول سحر...


بس اسم القصة مخوفني يا غروب....


ارجوج قوليلي كبرياء اي رجل فيهم ؟؟؟؟؟؟ <<< عسى مب نواف حبيبي...

وشذوذ اي امرأة...؟؟؟؟ <<<< اتوقع انها نورة... الي كرهتها من حركاتها البايخة... وكرهت ابوها معاها... كسر في يده الي انمدت على نواف...


غروب انا ما اجاملج لما اقول... ان انتي مب هاوية انتي مبدعة...


بدليل الشخصيات المستقلة الي رسمتيها...


مب مثل وداد الكواري... على كل هالخبرة الي عندها الا انها لا زالت تعكس شخصيتها وافكارها على شخصيات المسلسل... فتلقين احيانا طفل صغير كلامه ما يناسب سنه...واسلوبه واسلوب اخوه العود نفس الشي...


متابعتج يا قمر...

هالله الله بالبارتات الحلوة مثلج... وقولي لمالك... على اني حبيته في البداية...بس كرهت الي سواه في شيماء وهي ماتستاهل... خلي ولد عبدالله ولد بوعبدالله ياخذها ^_^

 

[][ الدلع ][]

صباحكم عسل يا عسل

.. مالك .. يبط الجبد .. دوومي عاليه خلاااص طلقيه لووول (أقصد أخلعيه هع)
يعني طلال شو ذنبة أنه يحب مرام ياخي انت ما تحب شيماء كيفك خل الحبايب لبعض..:no:

.. بو نواف .. بعد يبط الجبد .. شو هالحقد اللي في قلبه .. عنبوا حتى على ولده ..:crazy:

.. نورة .. هاي عاد قاهرتني بسالفة ماجد .. و ألحين طلعت بطلعه يديده و يا تركي ..
شو اللي بينهم ؟:icon28:

.. صيته .. هااي شيختهم .. تنحط ع الجرح يبرى ..:icon26:

..ميثة .. متى بنفرح فيج ..:icon31:

.. شيماء .. غامضتني .. حبها سراب في سراب ..:dunno:

.. نواف .. يا عيني عليه .. وصلت أنا اللي ابيه و يبيني :bigsmile:

.. سلامي عليج يا مبدعه ..:bye1:

في إنتظارج :icon30:

 

[دوومي عالية]

انا قهرني مااالك صدق يالدلع....

والحين حطيت عيني على ماااجد..هااا شو رااايج..رباااشي وفنااان ودمه خفيف..هيهيهيه

ودلع قطر فديتج..مدااخلتج رووعه..وكلامج عين العقل..

لكن لي ملاحظة فديتج..واتمنى انج تااخذينها بصدر رحب..

وداااد الكواري..انا اموووت فيها...صرااحه لها كم مسلسل..روووعه..ولين الحين في بااالي..

وخاصة يوم اااخر..قمة الإبدااع... واعتقد واذا انا مش غلطانه مسلسل عندما تغني الزهور كذلك عجبني واايد والشخصيات كانتوااقعيه واايد..

واخيرا..ااخر وااحد نعم او لا..بس مش متأكدة اذا هي الكاتبة او لا..


على العموم..صح كلامج هي سااعات تخوورها..ههههههه..لكنها بشكل عاام مبدعه..

غروووبه..قصتج وشخصياتج قمة في الإبدااع..واحلا شي..ان الشخصياات واااقعيه جدا..

دمتي بإبدااع..

=))

 

[][ الدلع ][]

دوومي عاليه ,, سلامي عليج ,,

,, ماجد ,, هو متعلق بنوورووه ,,

يعني أحس به شوي مقصه لووول

بس حلاال عليج ,,

خلينا نخطط له ,, من بعد ما طاح مالك من القلب ههههههههه

و نحن هنا ,, ننتظر,,

 

[@ بسمة أمل @]

قمة الروعه غروووووووووب ...........

انتي مبدعه فعلا ....

واضم صوتي للبنات نبي مسلسل منك ...........ههههههههههه

من جد ابداااااااااااااااااااع .....كل شخصيه ولها ابعاد خطيرة وكاني اشوفهم قدامي

بالتوفيق

 

[@ بسمة أمل @]

حرام عليكم دلع ودومي عاليه خليتوني افك طوق الحصار على وانا متزوجه واقولكم اني معجبني نواف <<<<< خخخخخخخ<<<لايسمعها زوجها <<<هههههههههههههههههههه

بس من جد تعجبني قصص الحب المجنونه ....

نواف هنا ....وازد في قصة ورد ...وياسر في قصة سلة فواكهه ....

والله انفضحت البنت ............ههههههههههههههههههههههههههههههه

 

[ೋ دلع قطــر ೋ]

خسارة... كتبت رد راح لما تسكر المنتدى للصيانة... والله قهررررررررر...


عالية... فديتج وداد انا بحب احب قصصها لكنها مصختها في آخر اعمالها... جابت لنا الاكتئاب... ماادري اذا شفتي مسلسلاتها القديمة... مثل عفوا سيدي الوالد... ابداع من اول حلقة لآخرها... لكن الحين قصصها كلها مآسي.. لا وتعودت تذبح احسن ناس في المسلسل...


وترى رايي من راي الدلع... ماجد حسيته خريش...


عيل يحب وحدة شافها في مجمع وهي تضحك بصوت عالي... لا و هي الي تحرشت فيه بعد...

ما بقى في الرجال غيرك يا نوااااااااااااااااااااااف... <<<< حبيته يا ناس


الحياة.... ضحكتيني والله..

بس ما اظن في مثل ازد بالحياة الا الي خذته ورد...<<< على الاقل هذا الي نعرف انه صج شخصية واقعية...

 

[دوومي عالية]

ههههههههههههههه..فديتكم والله...

اقووول الدلع..ودلع قطر..ما كنت اقصد..ماااجد يخسي..

كنت اقصد طاااارق..فديته..والله انه عسل...ما ادري شلون كتبت مااجد..ما عيله غلط مطبعي..خخخخخخخ

وتصدقين يا دلع قطر..ايه والله مت قهررررررررررر..يوم خلت فهد يموووت في نعم ولا..الحين هالزين تخلينه يموووت..والباقي يالسين!!!!

ايه..فديتج هي لج عليها..ساااعات تستعبط..لكنها مبدعه ولها كتابات رااائعه..هيهيهيهيه

الحيااااااة..بخبر ريلج عليج....خلااااااااااص..راااحت عليج..

عيل تحبين نوااافو هااااااا..افاااااااااا..فديتج والله.. =)

فديتكم كلكم....وفديت غروووبه..اللي جمعتنا هني في جو كله اخوة ومرح..

=)))

 

[][ الدلع ][]

,, دومي عاليه ,,

طارق ,, قولي قسم هع,, أعرف ذوقج رفيع ,, لووول
و إسكني و يا أم عبد الرحمن لوول
صبحي و مسي بدعاويها لووول

,, الحياة ,,

سوالف ,, نواف ,, ترى شخصيته عجيبه و الله ,,
بس انتي موول ما فضحتي عمرج لووول
من اليوم بقرأ القصص الباقية خلنا نتعرف ع ,, أزد ,, و ,,ياسر,,لوول

و سلامي عليج الغلااا

همسه همسه للي تحبه غرووب

وينج ؟

 

[@ بسمة أمل @]

طلعتوا كلش مافي احد يامنكم فضيحه ....................واخزياة <<<<عيل الاسرار بكرة وش بتسووون ....


اصلا ماحبيت ولاشئ هذا كان اختبار لمدى حفاظكم على الفضائح <<<<<<<تبي تصرف عمرها الاخت <<ههههههه


اي والله تسلم غوب اللي جمعتنا هنيه ....

في الانتظار على احر من الجمر <<<<<<ودها تحضر عرس نواف <<<<<ههههههههههههههه

 

[غروب*الشمس]

هههههههههههههههههه

تعليقاتكم عجيبه .... صرت كأني مجنونه جالسه أضحك لحالي

وأنا بعترف بعد<<< دامكم كلكم معترفين

أنا أموت في نواف لوووووووووووول

وانتوا بتحبونه أكثر لما تقرون البارت بكره لأنه خطير وكله حب وهيام :cupidarrow:

سلامي لأحلى الصبايا
​

 

[][ الدلع ][]

لا لا يا غروب ... شو بكره ... ما نقدر ننتظر أكثر

حمستينا لوول ...

يب يب نواف طلع أمير لوول ... زادن معجباته هع

ما باليد حيله ننتظر

 

[دوومي عالية]

يا ربي..كيف بننتظر؟؟؟؟؟؟؟؟؟؟

ما اقدر يا غروووووووووووبه..حرااام عيلج..

انزين اهم شي الحين..في اااخر القصة..ابيج تكتبين للخوااات..ان طااارق يرووح يدرس في الإمارات..ويلتقي بقمر بوظبي..احم احم..اللي هي انا..ههههههههههه..وتخطف قلبه..ويتزوجون ويعيشون في ثبات ونبات..وتوته توته خلصت الحدوته..ههههههههههه.. =)

فديتج والله..احبج انا

واحبكم كلكم..

 

[][ الدلع ][]

يا ربي..كيف بننتظر؟؟؟؟؟؟؟؟؟؟

ما اقدر يا غروووووووووووبه..حرااام عيلج..

انزين اهم شي الحين..في اااخر القصة..ابيج تكتبين للخوااات..ان طااارق يرووح يدرس في الإمارات..ويلتقي بقمر بوظبي..احم احم..اللي هي انا..ههههههههههه..وتخطف قلبه..ويتزوجون ويعيشون في ثبات ونبات..وتوته توته خلصت الحدوته..ههههههههههه.. =)

فديتج والله..احبج انا

واحبكم كلكم..

و الله انج شي شي مو اي شي :harhar1:
و لا تنسين تكتبين أن الدلع هي اللي زفت قمر بوظبي لووووووول :icon30:

احم بعد شي ثااني صيته طمنينا عليها لووول:sadwalk: