قصة" كبرياء رجل وشذوذ إمرأه"..>>> روايــه كـاملــه...

[شهد الصباح]

حسبي الله فيها هالنوره
تقهههههههههههههههههههههههههههههههههههههههههههههههههههههههههههر

 

[][ الدلع ][]

غرووووب حبووبه لا تتأخرين عليناا​

:flex::flex::flex::flex:

 

[نبع المشاعر]

وووووووووينج لا تأخرين

 

[بيالة شاي]

ايه والله انقصت خشومنا واحنا ننطر ...............................

 

[ms-reem]

ما صارت تنزلون جزء كل شهر

 

[نبع المشاعر]

غرووووب عسى الماانع خير

 

[غروب*الشمس]

كبرياء رجل وشذوذ إمرأه

البارت الثاني والعشرون

صيته منزله راسها وما أبدت أي تعليق
أم عبد الرحمن بإستهزاء " اييي صح كلامك ....
وما يحتاج تقولين لأنه باين يا يمه
أم ماجد تكلم دلع بصوت واطي" يمه نوره أحلى من صيته
أنا أشوف إن إحنا نخطبها لماجد
؟؟؟؟؟؟؟؟؟؟؟
\\
//
\\
في مجلس الرجال
نواف" يا هلا والله بالي جانا
بو ماجد" با لمهلي والله .... مبروك يا شيخ الشباب على
العقد والله يبارك لك يا رب
نواف مبسوط كثير " تسلم يا عم ما تقصر
بو نواف" والله زمان يا بو ماجد
بو ماجد" والله الدنيا صغيره واليوم يجمعونا العيال
بو تركي " اييي والله زمان يوم كنت بالرياض ...لكن من
رحت جده وبعدت عنا علومكم
وبالنسبة للعيال الله يقدم إلي فيه الصالح
بو ماجد" طبعا إحنا جايينكم نطلب القرب .... ونتمنى إنكم ما
تردونا
بو تركي " بصراحة إحنا ما راح نلاقي أخير منكم
....والبنت لو إنها ذبيحه ما عشتك يا بو ماجد
بو ماجد" والله والنعم فيك يا خوي ..وإحنا موافقين على كل
شروطكم ...وأي شي تبغونه على العين والراس
ماجد مبسوط على الآخر لأن طريقة كلامهم تبين إن
الموضوع منتهي خلاص
نواف" والله إحنا نشتري رجال يا بو ماجد ... وماجد من
خيرة الشباب
لكن مثلك عارف إن راي البنت هو الأول والأخير
بو ماجد" أكيد طبعا ... الأهم راي البنت يا ولدي ...
و يا ليت يصير خير البر عاجله .... ونسمع الرد الحين
بو نواف" لا تقول إنكم رايحين جده الليلة ؟؟
بو ماجد" بإذن الله الحجز على بكره الصباح
بو نواف" خلاص انتوا الليلة سهمنا ...لازم تظلون للعشا
بو ماجد" ما تقصر والله ... ماله داعي ها لكلام إحنا أهل
بو نواف" على شان كذا إحنا نحب إنكم تظلون معنا ....
نواف قوم يبه اخذ رد البنت الحين
نواف يقوم على طوله" على رايك يبه
\\
//
في الشرقية ...
يوصلون شيخه وطلال وللأسف مالك من شاف طلال داخل
فقد أعصابه أكثر من قبل
شيخه" خير مالك شو صاير
مالك " ما صاير شي ...ليه أحد خبرك إن فيه شي؟؟
شيخه ما تبغي تقول له إن رغد هي إلي دقت عليها
شيخه " أنا مو غريبة عنكم ... وأعرف إذا فيكم شي من
صوتكم
أم مسعود" لا تنسى إن شيخه منا وفينا ... وما تغير شي بعد
موت مسعود
مالك معصب" وطلال بعد منا وفينا ؟؟
طلال تضايق كثير وبغى يمشي لكن شيخه نادته" لحظه
طلال أنا بشوف مرام انتظرني شوي
مالك" خليه يروح وأنا أوصلك
طلال ابتدأ يعصب" وش خايف منه يا مالك ؟؟
مالك متوتر" انا ما أخاف من أحد غير من ربي
طلال" ليش ما تقول لنا ليه مرام جالسه تبكي ومقفلة عليها
بابها ... وشنو إلي بينها وبين عبد الله؟؟
مالك خلاص مو قادر يتحمل طلال وأسلوبه
مالك " هذا شي ما يخصك هذي أسرار بيت فاهم ؟؟
طلال" شوف يا مالك أنا خطبت من عندك مرام ....لكنك
قلت إنها اختارت عبد الله علي ...الحين وش قلب الموازين
ما تقولي شنوا إلي يخلي مرام ترفضه بعد إصرارها عليه
وبعد ما فضلته علي ؟؟
ولااا قبل رايها كان مهم لكن الحين لا ؟؟
مالك بصوت متقطع" طلال قلت لك مو شغلك
أم مسعود باستغراب" كيــــف؟؟؟ انت خطبت مرام يا طلال
طلال باستغراب" ايييي ...ليه مالك ما خبركم ؟؟
لحظه صمت من الجميع ...شوي إلا يسمعون صوت مرام
من بعيد
مرام" لاااا ... ما خبرنا ...وفضل إني آخذ عبد الله من غير
ما أعرف انك طلبتني
مالك ساكت"..........
مرام بضيق" ما تقول لي ليه تبغي تهدم حياتي
مالك بزعل" أنا كنت أبغي مصلحتك
طلال صاد عن مرام" ليه يعني أنا ما راح أسعدها ولا
ايش؟؟
مالك يصرخ" لااااا ... تدري ليه ؟؟
لأنك بتطلعها من بيت وبتدخلها بيت ثاني ...نفس الحياة
ونفس الأشخاص
لكن عبد الله بريحها كثير ...بيعيشها عيشه ما تحلم فيها
مرام " مو ممكن أكون أنا ما أبغي أغير عيشتي ؟؟؟
وإني أفضل إني آكل خبز حاف مع طلال على إني آكل
الشهد مع عبد الله
مالك بحزم" عبد الله من خيرة الناس وما تقدرين تقولين عنه شي ....
مرام" لكن ما سألت نفسك أنا برتاح معه ولا لا
أو أنا خاطري فيه أو لا ؟؟
مالك بضيق" مرام روحي غرفتك
طلال" لااااااا... ما تروح إلا لما اسمعها منها بالأول
مرام انت توافقين علي أكون زوجك ...وحبيبك
تعيشين معي بالحلوة والمرة ؟؟
مالك بحده" مرااااام قلت لك روحي غرفتك
مرام " لاااا يا مالك .... واعذرني إني أخالفك لكن هذي
حياتي وما ابغي أضيعها
مالك جن جنونه" بتروحين غرفتك أو لااا ؟؟
مرام بصوت متقطع"اييي بروح لكن مو قبل ما أقول رايي
... طلال أنا موافقة
مالك مو قادر يتكلم صدمه موقف مرام وصار يطالعها
وعيونه مليانه دموع".............
أم مسعود" يمه مالك ... لا تحرم اثنين من بعض
وأختك أدرى بحياتها ..وأنا بدوري أقول إن طلال أولى فيها
من الغريب خصوصا انه ولد خالها وانه يبغاها وهي بعد
تبغاه .. ولا وش رأيك يا يمه
مالك تركهم وطلع من البيت
الكل" ؟؟؟؟؟؟؟؟؟؟؟؟؟؟؟
\\
//
في الرياض
أم ماجد تكلم دلع بصوت واطي" يمه نوره أحلى من صيته
أنا أشوف إن إحنا نخطبها لماجد
دلع " سكتي لا تفضحينا ...ماجد طالب صيته بالاسم يمه
أم ماجد" بكيفه ...بس بغيت انصح له
نوره بحنيه" خاله تفضلي
ام ماجد" والله أنا ما آكل حلى ...لكني ما أقدر أردك
صيته شايفه نظرة الإعجاب من أم ماجد و دلع بنوره
دلع تلتفت أخيرا لصيته " والله يا صيته الواحد من يشوفك
يرتاح لك ...ما شاء الله تدخلين القلب بدون مقدمات
صيته منحرجه" والله من ذوقك يا عمري
نادى نواف لصيته ...وقتها حست إن قلبها بيوقف و بتموت
بساعتها ...
راحت لعنده وسحبها لغرفة الضيوف
في هذا الوقت نوره طلبت من دلع إنها تقوم معها يتمشون
بره بالحديقة
,,
نواف" هلا والله بقلبي
صيته تطالعه وهي مبتسمة".........
نواف" هاااا وين لسانك كله القط؟؟
صيته" هههه وش تبغيني أقول؟؟
نواف يمسح على راسها " أنا جاي آخذ رأيك يا عمري
صيته" ما أدري محتارة والله
نواف مستغرب" ليه ؟؟ بصراحة الرجال زي ما قلت لك ما
ينتعيب ....وعلى فكره وسيم كثير وطبعا هذا الشي مهم كثير
با لنسبه لكم هااا
صيته" هههه بلاك ما تعرفني ....آخر اهتماماتي الشكل
نواف" طيب بلا دلع وقولي إيييي ....بصراحة أنا كنت بقول
لأبوي انك موافقة لكن قلت لا خلينا نثقل شوي هههه ولا
إيش رأيك يا عسولتي
صيته" والله ما ادري وش أقول لك ...أهله ناس طيبين كثير
بس.....
نواف" بس شووو؟؟
صيته" ما أدري أحس إن نوره عجبتهم أكثر ....تدري فيها
جذابة كثير
نواف" هذا مو كلام هم جايين لك وطالبينك بالإسم بعد
...خلاص فكيها وما تعقدينها طيب
صيته" إن شاء الله
نواف يبتسم" أقول مبروك؟؟
صيته تبتسم وتهز راسها له يعني إييي
نواف يبوسها " مبروك يا عمري ...الله يهنيك ويريح بالك يا
بعد عيني
صيته" الله يخليك لي ولا يحرمني منك
,,
في الحديقة
دلع" تصدقين إني من شفتك انشرح قلبي لك وحبيتك
نوره" والله أنا أكثر
دلع" حديقتكم حلوه كثير فيها لمسات جميله
نوره" لسه ما شفتي المسبح ...راح تحبينه كثير
دلع" بجد؟؟
تخيلي أنا خاطري ببركة سباحه لكن بابا يحب الطبيعة أكثر
و صاير البيت ثلاث أرباعه حديقة
نوره" ههههه .... وانتوا بس ولد وبنت ؟؟
دلع" لا والله ...أخوي ماجد ومحمد وأنا
نوره" اممم العريس ماجد هااا
دلع" اييي والله .... بس ما أقولك شقد إحنا مبسوطين لنسبكم
نوره" وشنو يشتغل محمد؟؟
دلع" والله إحنا إخواني صايرين يميلون للأعمال الحرة
...تخيلي ماجد دارس بيطره ولكنه صار الحين ماسك الفرع
الرئيسي لشركة *** لأدوات المكياج
نوره استغربت كثير وصارت تربط الكلام ببعضه واكتشفت
أخيرا إن ماجد هو صديقها إلي كانت تكلمه كل يوم
نوره بضيق" وكيف سمعتوا عن صيته ؟؟
دلع بابتسامه " والله ماجد اختارها بالاسم الظاهر انه يعرف
واحد من أهلكم ومدح فيكم كثير
نوره وقتها انصدمت .... تركت دلع وما قالت لها شي
دلع شافت نوره رايحه فكرتها بتجيب شي وترجع ...لكنها
بعد ما انتظرت أكثر من ربع ساعة فضلت إنها تدخل داخل
راحت دلع لداخل وهي في طريقها للفيلا ضيعت
لكنها شافت المطبخ فقررت تدخل من هناك ... بالفعل دخلت
لقت طارق بالمطبخ ...إلي هو بدوره صار يطالعها بذهول
دلع" هييييي محمد ....جيب لي كاسة ماي
طارق بذهول" نعم
دلع" ما تسمع انت ؟؟ ولا ما تفهم علي ؟؟
أنا في يقول جيب انت واحد كاس ماي لأن أنا بموت من
العطش ممكن
طارق متضايق من فعلها لكنه عرف إنها تفكره الطباخ تبع
البيت خصوصا انه لابس بدله
حب يسايرها وراح جهة الثلاجة واخذ كاس عصير وحطه
قدامها
دلع تطالعه" غبي انت ؟؟أقول لك أبغى ماي تجيب لي
عصير صحيح انك ما تفهم
طارق ما قدر يتحمل" أقول احترمي حالك لا أصفعك بالكاس
الحين.... فاهمه ولا افهمك ؟؟
صيته جت تركض لما سمعت صوت أخوها يصرخ دخلت
المطبخ وتفاجأت من وجود دلع وقدامها طارق
صيته" خير وش صاير ؟؟
دلع" هذا العامل يطول لسانه علي قليل الحيا
طارق يطالع بصيته" سكتيها لا أعطيها ضربه تكسر أسنانها
صيته تبتسم" طيب طيب طارق ...اطلع انت الحين
يطلع طارق وهو يناظرها بنظره مو هينه
دلع بذهول" طارق ؟؟
صيته متضايقه بس ماتقدر تقول لها شي بعد هي مالها ذنب
صيته " أي هذا طارق اخوي
دلع تحط يدها على راسها " عذرا بس ...
صيته" عارفه لا تكملين ...بسبب شكله فكرتيه من شرق آسيا
دلع" لالالا مو كذا بس ما يشبهكم أبد
صيته تغير الموضوع " خلينا نروح عندهم مو أحسن ؟؟
,,
في مجلس الرجال
بو ماجد" مبروك علينا نسبكم
بو نواف" الله يبارك فيك
بو ماجد" إلا بالنسبة للزواج
نواف" والله إحنا مو طالبين شي ... بصراحة يكفينا ماجد
والله والنعم فيه
ماجد مبسوط" الله ينعم بحالك حبيبي
يدخل طارق وموده مو حلو ".............
ماجد" يا عمي إحنا عاداتنا بجده إن العقد قبل الحفلة بليله
بو نواف" إلي تبغونه وانا ابوك
ماجد منحرج" اييي بس التأثيث ولوازم البيت يعني مثلك
عارف
بو نواف" لا يا ولدي إحنا ما عندنا بنات تطلع مع أحد
غريب لأي مكان
بو ماجد" بس هو مو غريب ...الحين هو خطيبها
بو نواف" ايي بس يا خوي إحنا مو مصريين يتماشى معها
وقت الخطوبة بدون عقد رسمي
ماجد" ايي بس إحنا على طول بجده كذا
نواف" اييي والله على راسي لكن تدري إحنا عاداتنا كيف
ماجد" يعني شلون ؟؟
نواف" يعني بتنتظر تملك قبل الزواج ما عندنا مانع لكن
وقتها ما تشوف البنت
ماجد" إذا كذا خلاص ... حددوا وقت العقد وإحنا عند قولكم
بو نواف" والله أنا من رأيي انه يكون قبل زواج نواف
بإسبوع أو بعده بإسبوع
ماجد" خلاص قبل بإسبوع
نواف" ههههه كنت متوقع ردك
الكل" ههههههه
\\
//
في الشرقية ....
راحت مرام الغرفة وهي تبكي محتارة
شيخه" مرام روقي إلي تسوينه بحالك مو كويس
مرام" ما أدري كيف سويت كذا ..
شيخه" إلي سويتيه هو عين العقل ...كلامك كان منطقي كثير
ومن حقك انك تقولين ايي أو لا
مرام تبكي" ايي بس مالك
شيخه تهديها " مالك بيزعل شوي وبعدين خلاص ....هو أهم
شي عنده سعادتك ولا لا
مرام تروح لحضن شيخه ...وشيخه بدورها تلمها لها
,,
هناك عند البحر مكان ما يجلس مع ماجد
سارح في موقف مرام وكيف تجرأت تكسر كلمته قدامهم
وحمد الله انه ترك لهم البيت لأنه لو ظل هناك كان الله العالم
وش صار
فكر في ماجد .... اليوم هو يوم الخطبة وماجد تأخر كثير
وما دق عليه يطمنه وهذا الشي خلى مالك يحس إن بيت عمه
رفضوا ماجد فقرر انه يتصل عليه
مالك" الوووو
ماجد" هلا والله ...بوجه الخير
مالك يبتسم" صار؟؟
ماجد" هههه إييي بالله
مالك" هههه زين زين ...الله يوفقك يا خوي
ماجد" تسلم والله ...على العموم الحين أنا ما اقدر أكلمك لما
ارجع للفندق أدق عليك طيب؟؟
مالك " خير إن شاء الله
سكر مالك الخط من عنده وهو يحس انه وحيد في الدنيا ...
حتى ماجد إلي كان يشكي له همه ...اليوم مشغول عنه
\\
//
في الرياض .... بعد رجعة أم راشد وراشد والبنات
ميثه" وينكم اليوم هااا
زهور" والله زيارات تخيلي ناس ما نعرفهم ...لكن أمي
لزمت إن إحنا نروح لعندهم
طروب" كله منج قلنا لج ودينا نتمشى لكن انت مو قدها
ميثه تتحلطم ".....
طروب تضربها على كتفها" خير وشو يالسه تهذين فيه ؟؟
ميثه" آآآآخ ليتكم خذتوني معكم والله إني بغيت أنبط من الملل
اوووووف
طروب تغمز لها" آآآمري وإحنا بالخدمة ...الناس كلها بكفه
وجميلتنا ميثه بكفه
ميثه تبتسم".........
نوف" اوووووه سويتو فينا خير ... شوي وتحرقنا بنفختها
زهور" الحين نبغي كاس عصير من يدج الحلوه ...
ميثه متملله" ايييي طلعوا على حقيقتكم ...والله انكم مو
سهلين
نوف تتلاحق الموقف" أنا بروح أسوي لكم أحلى عصير
ميثه بتموت من القهر ... سكوت راشد بيجننها مو عارفه
وش قصته لا يكون كان كلامه مزحه
<<<معقولة يكون كذا ؟؟؟
\\
//
في الشرقية كان طلال مو سايعته الفرحة ...
أخيرا مرام بتكون من نصيبه ؟؟
شيخه" والله أحس إن مرام بتدخل بدوامة المشاكل
طلال مفزوع" لا.....بعيد الشر عنها
ليه تقولين كذا ؟؟
شيخه" على فكره إلي سوته مرام مو شي هين ...
كون إنها توقف في وجه أخوها وتقوله إن خاطرها فيك هذي
خطوه جريئة مره
طلال مبسوط" أروح فدوه لعيونها
شيخه تبتسم له" والله إن الله يحبك ... بس ما قلت لي وش
ناوي تسوي مع البعثة ؟؟
طلال" راح أأجلها شوي وبإذن الله آخذ مرام معي هناك
...خلاص ما أقدر أفارقها كلش
شيخه تذكرت مسعود وكلامه لها في فترة خطوبتهم
***************
مسعود" يا رب تعيشني لليوم إلي يجمعنا سوا
شيخه تبتسم" الله يخليك يا رب
مسعود يمسك يدها" تكفين ارحمي قلبي نظراتك بتموتني
شيخه" هههه لا لا تخاف عيوني تحب ...والي يحب ما يضر
مسعود" شوفي مو بعدين لين الله خذ أمانته ورحنا الجنة
..إياني وإياك تبدليني بالولدان المخلدون ..
لأن بتكون عندي ملكات من حور العين ولما.....
شيخه تقاطعه" هههههه
مسعود "وش له الضحك هااا ...شاكه إن البنات بيموتون
علي ؟؟؟
شيخه تضحك" قول إن شاء الله ندخلها
مسعود" بندخلها بإذن الله بس انت قولي يا رب
شيخه ترفع يدينها " ياااا رب
***************
رجعت شيخه للواقع ودموعها مغطيه خديها وطلال كان
جالس يطالعها من غير ما يكلمها ...
هي بدورها ابتسمت له ابتسامه ريحته عليها
,,
مالك رجع البيت وهو ماله خاطر انه يدخله
عندها مرام راحت بسرعة لغرفتها ما تقدر تحط عينها بعينه
بعد إلي صار ....هو بعد ما وده يشوفها ويكفيه إلي جاه منها
حاولت أم مسعود إنها تكلمه لكن أبد ما كان ما عطيها وجه
ويقول بقلبه ....الله عليكم ومسوين الموضوع عادي ولا كأن
شي صار ؟؟
\\
//
في الرياض.... هناك بغرفة نوره ...كانت الأجواء مخيفه
كانت مشغله المسجلة على الآخر وجالسه ترقص بجنون
وكأنها تقول ما يهزك ريح يا جبل لكن الواقع كانت جالسه
تعذب حالها ...
معقولة نوره تنهزم ؟؟
معقولة نوره ما حطت في بالها إن ماجد ممكن يصر على
رأيه ويجي لهم خاطب ؟؟؟
وخاطب منوا صيته ...إلي أقل منها جمال وأقل منها شياكه
ودلع ؟؟
ومعقولة تتم الموافقة من غير ما يكون لنوره يد بالموضوع
....طبعا هي ما هامها ماجد لأن في غيره كثير لكن فكرة
الهزيمة شي مستحيل تتقبله النور على حالها والله يساعد من
يوقف بطريق رغباتها ..
بعد ما هلكها التعب راحت جلست قدام المرايه وخذت كاس
الماي وجلست تشرب وهي تطالع بجمالها ألااا معقول وتقول
بخاطرها

حرق دمي بأعصابه عسى تآكـــــــله إذيابه
ويلقى نفسه بغابه وكل الناس يدورا به
جعل الأشباح خدّامه وفال الموت بأحلامه
ويشوف الجن قدامه ويضيّع كل دروبه
عسى رجلينه تتكسر وحاله دوم يتـــــعّسر
وأشوفه يوم صار اعور ويطق الراس بجيوبه
عسى أيامه معدوده ويشوف الذل بصدوده
وتآكل جسمه الدودة وتكون الدعوة مكتوبة
*للشاعرة نور الكون*
,,
بعد ما مشوا الجماعة جلسوا أم عبد الرحمن ونواف وطارق
وأم نواف بالصالة ...عندها مرت من جنبهم صيته وبيدها
كاسة ماي وبتصعد غرفتها عندها وقفها نواف
ونادى باسمها
صيته محرجه" هلا والله
نواف" تعالي يمنا ... ولا خلاص كبر راسك علينا
أم عبد الرحمن" عسى البنات كلهم مثلها ....شيخة البنات
وربي
طارق" قولي قسم يا قمرهم.. والله إنت شيخة العجايز
يا سحر
أم عبد الرحمن تطنشه" الله يهنيك ويوفقك يا بنتي
صيته علتها حمرة خجل" تسلمين جدتي
أم نواف" نواف انتبه لأخوك لأنه بيموتني ناقصة عمر...
طارق مستغرب" أناا؟؟ ما عاش من يأذيك يا لغالية
أم عبد الرحمن تطالع بطارق" وش صار ؟؟؟
غريبة احد يشتكي طارق غيري
نواف ينتظرها تقول ما بخاطرها"...........
أم نواف " اليوم سوا لنا سالفة مع بنت بو ماجد وبغى
يفضحنا معها
أم عبد الرحمن" لا تقولين غازلها قليل الحيا
طارق" أفااا بس ....تهقين أسويها؟؟
نواف عصب" خير وش مهبب انت ؟؟
صيته " يعني حركاته إلي ما يجوز عنها ....وليه بالله ما
تلبس ثوب حالك حال العالم ....
طارق" يعني الحين صار الخطأ علي؟؟
هي إلي ما عندها ذوووق تفكرني عامل وتكلمني بطريقه مو
زينه ...وش تبغوني أسوي لها أصفق وأرقص؟؟
صيته" بصراحة هي فكرتك تشتغل عندنا وتقول انك ما
تشبهنا وكأنك من شرق آسيا
أم عبد الرحمن تطالع بطارق" هه ...امممم ما عندها حق
بكذا ظلمت شرق آسيا فيك
طارق بضيق" قولي قسم؟؟؟ أصلا ما ألوم الناس إذا انتوا
أهلي تقولون ها لكلام فيني
قام طارق من جنبهم وهو معصب كثير لدرجة إن الكل تفاجأ
من ردة فعله ...لأنها مو بعادته
نواف" على فكره انتوا واجد قاسين على طارق...
ومحسسينه بالنقص يعني لو الله خلقه كذا وش يسوي بحاله
...وثانيا الرجال ما تعيبه غير أخلاقه
أم عبد الرحمن" طيب إذا صار لا خلّق ولا أخلاق ؟؟
صيته" حرااام عليك جدتي
أم عبد الرحمن" والله انه بلوة زماني ولو أفارقه بموت من
الفرح ..
أم نواف ما عجبها الكلام وقامت من عندهم " ان شاء الله ما
تفارقينه إلا بالخير ...يا لله أنا بنام تصبحون على خير ..
الكل" وانت من أهله
نواف يطالع بصيته ويمد لها ظرف" خذي يا طويلة العمر
صيته باستغراب" وشنو هذا؟؟
نواف" الأمانة إلي عطيتيني إياها رديتها لك
صيته" اووو صورة نوف؟؟
نواف يبتسم " لا صورة ماجد
صيته نزلت راسها وقامت من عندهم" يا لله تصبحون على
خير
نواف" وانت من أهله ...مع إني عارف انك ما راح تنامين
والله انك بتسهرين مع الصورة للصبح
ابتسمت صيته وما عطته أي كلمه وصعدت فوق


يتبع.......


​

 

[عاشقة الضباب]

بارت مره حماس في شوق شديد لمعرفة الاحداث الجايه لاتطولين

لك ودي

 

[em gogo]

ميرسي كتير عالبارت الجديد:clap::clap:..... ننتظر البقية على أحر من الجمر:bye1::icon30:

 

[ملكه ناعمه]

مشكوره اختي ويعطيك العافيه

بس غروب اقول الشمس لين الحين ماغربت


خلصي القصه ترى قصيتي خشمنا

 

[دوومي عالية]

تسلمين لنا يا عسل..

 

[اضواء الرياض]

الصراحه القصه حلوه واحلى شي فيها ام عبدالرحمن وطارق
يالله يالغلا متى تكملين القصه
حرام عليك صار مسلسل مكسيكي على هالتقطع

 

[][ الدلع ][]

سلامي عليج يا غروب

طولتي واااااااااااااااااااااااايد

بس احلى شي موقف مرااااااااام عجتني الصرااحه

و خل نووروه تموت من القهر

و ان شاء الله تتم اور صيته ع خير

 

[نبع المشاعر]

غرووووب

في الانتظاار

 

[غروب*الشمس]

هلا بحبيباتي

أنا أطول عليكم لان في كثير فوق راسي وياريت ماتنسوني من الدعاء فأنا هنا لأجلكم

لكم كل حبي.

 

[غروب*الشمس]

كبرياء رجل وشذوذ إمرأه

البارت الثالث والعشرون

نواف يطالع بصيته ويمد لها ظرف" خذي يا طويلة العمر
صيته باستغراب" وشنو هذا؟؟
نواف" الأمانة إلي عطيتيني إياها رديتها لك
صيته" اووو صورة نوف؟؟
نواف يبتسم " لا صورة ماجد
صيته نزلت راسها وقامت من عندهم" يا لله تصبحون على
خير
نواف" وانت من أهله ...مع إني عارف انك ما راح تنامين
والله انك بتسهرين مع الصورة للصبح
ابتسمت صيته وما عطته أي كلمه وصعدت فوق
\\
//
\\
في غرفة نواف
نواف" يا مساء الفل يا ورده جوريه
نوف" هههه تدري كم مره مسيت علي؟؟
نواف" لو مليون مره ما يكفيني ..... ولا ناسيه إني محكوم
علي بالسجن لمدة شهر؟؟
نوف" لاااااا بسم الله عليك ....ليه تقول كذا ؟؟
نواف" ليه؟؟؟ تسأليني ليه؟؟
بالله كيف اقدر بعد ما شفت شفافك امنع نفسي بالرغبة فيهم
ما تقولين لي كيف؟؟
تخيلي طفل مولود ما صار له يومين راح يرضى انك
تحطين غطى عليه وتقولين له كنت ببطن أمك ما تعرف
الدنيا الحين اصبر بعد؟؟
نوف" هههه والله صرت شاطر بالتشبيهات بعد
تدري ؟؟ زين سوى فيك تركي
نواف" آآآآه من تركي ....
ما قلت لك إني حرمت عليه يجي يشوفك بعد زواجنا شهرين
حتى يعرف إن الله حق
نوف" اووووه شهرين مره وحده ...
أصلا بتمل مني بعد اسبوع ...
وبعدين بتدق على تركي وتقوله تكفى يا ولد عمي ارحمني
نواف" كييييييف؟؟؟ أمل منك ههههه ما هقيتي يا بنت عمي
أنا بتشرب سنين الحرمان من كاس حبك
نوف تبتسم بخجل"............
نواف" أقول ....
نوف" آآآمر ...
نواف" بس ما تزعلين وتقولي عني جريئ؟؟
نوف بدت تتوتر" أقول نواف حبيبي وش صار بموضوع
صيته ؟؟
نواف عرف إنها تضيع الموضوع "..........
نوف بتردد" الووو ..حبيبي
نواف يسحب نفسه " عمره وحياته انت
نوف " وش فيك سكت فجأة لا يكون نمت
نواف" خاطري والله أنام على صوتك إلي مثل صوت
الكروان
نوف تعض على شفايفها" نواف شكل أمي تناديني أكلمك
بكره عمري اوك
نواف " اوك بس لو طلعت تكذبين علي والله والله
نوف خافت" والله شووو ؟؟
نواف بحب" بلمك لصدري لين اسمع صوت عضام صدرك
تقولي احبك
نوف " نوااااف
نواف" سمي يا قمرهم
نوف " ما ادري كلامك يخوفني
نواف يقول بقلبه ما شفتي شي أنا مطول بالي عليك " هههه
طيب أسلم عليك
نوف بحنانها المعتاد" في أمان الله حبيبي ...
أقول تغطى زين ولا توجه التكييف عليك بعدين تمرض
طيب ؟؟
نواف" صار يا قلبي
,,
في الجهة الثانية من بيت بو تركي وفي غرفة ميثه بالذات
وفي زاوية السرير كانت ميثه تتقلب على فراشها
مو قادرة تنام ....صارت تنادي لطروب إلي كانت نايمه
بجنبها في السرير لكن أبد كل إلي شافته ميثه منها إنها
عطتها ظهرها
زهور بعد كانت نايمه معهم بسبب مكالمات نوف واتصالات
نواف الدايمه لها ومسجاته كانت تزعجها فقررت إنها تبعد
لكن ميثه أبد ما راح تخليهم تهنا لهم نومه وهي مو عارفه
وش قصة راشد وياها
لما ما شافت رجا من إن احد يجلس معها ويسمعها قررت
إنها تاخذ رقم راشد من عند طروب وهي ما تدري
بالفعل خذت الرقم ورجعت الجوال مكانه ولا كأنها سوت
شي ... طلعت بره ودقت الرقم على راشد
راشد بصوت مخنوق" الوووو
ميثه" ال...الوووو
راشد" منو معي؟؟؟
ميثه " انت نايم ؟؟
راشد" يعني حضرتج داقه الساعة ثنتين بالليل وش رايج
جالس اركب خيل ولا أصيد ؟؟
ميثه بضيق" أنا آسفة لو كنت أزعجتك ....خلاص روح كمل نوم ....نوم العوافي
راشد بلهفه" لحظه لحظه .... معاي ميثه لو أنا غلطان
ميثه بخوف" ايييي ميثه معك
راشد يجلس بسرعة ويفرك بعيونه" خير يا ميثه فيج شي
ميثه بتبكي" هاااا ...لا بس حبيت أتكلم معك
راشد " ههههه بهذا الوقت ميثوووه
ميثه بضيق" رشووود بتكلمني زين ولا بقفل
راشد" طيب لا تقولين رشود
ميثه" لين سميتني ميثه اسميك راشد
راشد" هههه والله انج ما بتيوزين عن سوالفج ...طيب ميثه
وأحلى ميثه بعد
ميثه تبلع ريقها وتتلفت لا يكون احد منتبه لها " لا مو لهذي
الدرجة يا راشد
راشد يبتسم " كيف لازم يكون
ميثه" ههههه ...على فكره ما يلوق لك الكلام السعودي
...انت مو حلو إلا بلهجتك
راشد تلمع عيونه من الفرح" من صجك؟؟
ميثه انحرجت"...........
راشد بهدوء" إيييي ميثه ؟؟
ميثه" شنوووو ؟؟؟
راشد " إنت إلي شووو قلتي تبغين تتكلمين معي
ميثه ارتبكت" هاااا لا بس... بس حبيت أستشيرك بشغله
راشد" خير؟؟
ميثه مو عارفه وش تقول أو كيف تبتدي " امممم ...أنا
بصراحة جايني واحد طالبني
راشد باستغراب" وشووو؟؟
ميثه بتموت فرح" تدري البنت لازم يجونها ناس ترغب فيها
طالما البنت تكبر لازم ها لشي يصير
وهذا الرجال جاي طالبني بالاسم
راشد " امممم
ميثه" هو رجال طيب وخلوق وشاريني ومو هامه شي
...طلباتي كلها مجابه
راشد " إيييي؟؟
ميثه" اييي وبس
راشد عارف حركاتها زين " والله أنا من رايي يا بنت عمتي
انك ما تفرطي فيه خاصة لو فيه المواصفات إلي قلتيها
بصراحة لو ياي لطروب ما رفضناه
ميثه منصدمه" ايييي لكن؟؟
راشد ببرود" لكن شووو؟؟
ميثه بجرأه" أنا ما أحبه أنا أحب واحد ثاني
راشد يبتسم " خلاص خذي إلي انت تحبينه
ميثه" مو لما يحس فيني بالأول ؟؟
راشد بحنان" لا هو حاس فيج ويحبج أكثر من حبج له
ميثه بعتب " لو يحبني كان تقدم لي ...شنو إلي يخليه ساكت
إلى الآن؟؟
راشد" هو عارف انه مو مقامج انه يتقدم لج من غير ابوه
وأكيد المرة الجايه ما بيجييكم إلا وأبوه بيده حتى ما يفوتج
من يده لأنج جوهره ربح والله من يشتريج
ميثه طايره من الفرح "..............
راشد" الووو .... ميثه وش بلاج لا يكون استحيتي ههههه
ميثه منحرجه" يا لله تصبح على خير
راشد" تصبحين على حب
قفلت ميثه الجوال وهي عايشه بعالم ثاني ... توجهت لغرفتها
حتى تنام وتريح راسها ....إييي اكيد اليوم يهنا لها النوم
لكنها سمعت صوت ضخم مبحوح
تركي" وش مجلسك ها لوقت يا النعجة
ميثه طار قلبها من الخوف" هاااا
تركي" تكلمي لعن الله ذا الوجه
ميثه" ولا شي ..بس أنا رايحه اشرب ماي
تركي" ايييي ...شوفي سوي لي فطور على كيف كيفك
ميثه فتحت عيونها فيه" فطور بنص الليل ؟؟
راح لعندها ومسك شعرها " لين أقول لك شي قولي صار
فاهمه أو لا
ميثه " آآآي شعري شعري ....خلاص بروح بس شيل يدك
عني تكفى
تركي " خمس دقايق والفطور بغرفتي فاهمه لو لا
ميثه تهز براسها يعني اييي وهي تقول بقلبها جعلها آخر لقمه
تاكلها يا دعوة زماني
\\
//
في بيت بو نواف وفي غرفة نوره إلي صارت الأفكار تاخذ
وتجيب فيها
خالد" من سمعت صوتك عرفتك على طول ..كيف يكون
غير كذا وانت تنغرسين با لقب مثل النبتة لما تنغرس
بالرمل
عشوق" اهاا يعني تبغى تقول انك مسحت رقمي من عندك؟؟
خالد" لااا طبعا .... لو أمسح اسمك يعني إن الجوال ماله
داعي ... رميه في البحر يكون جزاه
عشوق" هاهاي اسطوانة جديدة
خالد" من يسمع صوتك يتعلق فيه كيف لو كان شافك
بالصورة ؟؟
عشوق" اممم يعني خاطرك تشوفني ؟؟
خالد بدون تردد" أكيد حابب أشوفك كيف يكون لا
عشوق " خلاص أنا بحدد الوقت المناسب
خالد" والله أحلى خبر من جد ....ولا خبر تخرجي وحياتك
عشوق " هاهاهاي أنا عارفه ومقدره تحمسك ...
خالد" اييي بالله منو تحصل له ....
وصدقيني أنا غرضي شريف بس لازم نتعرف على بعض
عن قرب .... لازم أشوفك حتى نعرف مدى تجاوبنا الفكري
عشوق" كلامك صحيح
خالد" تدري كيف أنا متشوق .... والله إني طاير من السعادة
....بس تكفين لا تتأخرين علي بالرد
عشوق" طيب طيب يا لله باي
سكرت نوره السماعة وهي متملله حد الجنون مو عارفه وش
تسوي ....مو مستوعبه الفكرة
كيف صيته خذت ماجد بكل برود ....
معقولة معقولة ما حسبتها صح وهي عقلها يوزن بلد
صارت الأفكار تسيطر عليها لحد ما وصلت للحظة جنون
وصارت تصرخ مستحيل أخليه يتهنى فيها أو أخليها تتهنى
فيه أنا لازم أتصرف لازم
بالفعل مسكت الجوال ودقت على ماجد إلي بدوره كان نايم
وما رد على الجوال
حاولت وحاولت لحد ما رفع ماجد بلهفه
ماجد" هلا والله بقلبي
نوره" ماجد
ماجد" قلبه انت ... مبروك علي ياعسل ....عذريني ما
رديت لكني كنت أحلم فيك يا أغلى من روحي
نوره معصبه" انت كيف تجي للبيت تخطب .... من وين جبت عنوانا هااا
ماجد براحة" تفكريني قدرت أنام من دونك .... أنا كنت بعالم
ثاني عالم من غير صيته عالم صامت ما فيه بشر ولا ماي
ولا هوا ....بعد كل ها لعذاب إلي عشته تسأليني كيف جبت
رقمك ... الحب يا بعد عيني ما خلاني أتنفس بدونك
نوره" ماجد انت مو عارف وش صار
ماجد ببرود" ههههه هااا وش صار
نوره ناويه تقوله على الحقيقة لكن دخلة صيته المفاجئة خلت
نوره ترتبك ويطيح من عندها الجوال على الأرض عندها
شهقت نوره شهقة خوف
صيته تروح لها بسرعة" عذريني حبيبتي خوفتك ؟؟
نوره تطالع بصيته وتهز لها راسها يعني لا ".........
صيته" أنا دقيت الباب لكن انت ما سمعتيني ولما سمعتك
كأنك تتكلمين بالجوال تطمنت انك صاحية
نوره نزلت لعند جوالها تلملم فيه" كذا يا غبيه كسرتي الجوال
بفضولك ... جالسه تتصنتين علي ؟؟
صيته" يفداك مليون جوال حبيبتي ....عذرا لكني ما قصدت
اني أخوفك أو لا سمح الله أتسمع عليك
نوره باستهزاء" أخاف من منو هااا ؟؟؟ والله ما يخوفني غير
شكلك إلي مثل بنات الشوارع
صيته مصدومة " أنا وش سويت حتى أسمع منك كل هذا ؟؟
نوره" طلعي بره رجاءا ودقي الباب وإذا سمحت لك بالدخول
دخلي فاهمه
صيته من غير ما تكلمها طلعت وراحت لغرفتها وعندها
قفلت عليها الباب وصارت تبكي من قلب
نوره بدورها راحت لعند دورة المياه وحطت راسها تحت
صنبور الماي وخلت الماي البارد يتغلغل بين شعرها
الحريري <<<اييي تكفين يمكن تصحين من جنانك
\\
//
بعد ثلاث أسابيع
\\
//
يبقى الحال على ما هو عليه في بيت أم مسعود
مالك يدخل البيت ويطلع وما على لسانه غير أنا جبت لكم كل
إلي تبغونه أو سجلوا الأغراض ...
حتى الأكل ما يطلبه من أحد عاش هذي الفترة على
سندويشات الخبز والجبن لدرجة إنها بانت على صحته
...تعبت أمه منه من كثر ما حاولت فيه لدرجة إنها وسطت
أخوها بو طلال ...وهذا الشي زاد الطين بله لأنه تضايق
كثير وحس بأنها للحين تعامله كأنه بزر وتشتكيه لخاله
,,
مرام عايشه صراع داخلي بعد الشجاعة إلي بينتها في آخر
موقف نلقاها اليوم غير ...تعبت نفسيتها كثير وهي تشوف
حبيبها مالك مبعد حاله عنها وحتى عينه ما صادت عينها من
يوم إلي صار
,,
طلال اليوم بكندا يدرس ...بعد ما مل وهو يتوسل مرام إنهم
يتزوجون ويروحون لكندا مع بعض لكنها كانت تجاوبه
بالبكي ...كيف تقدر تتزوج ومالك رافض انه يحضر زواجها
وبالله إذا مو مالك يقدمها لطلال منو يقدمها له ؟؟
,,
شيماء ...جالسه بالبيت مثل البيت الوقف هي مقدمه روحها
وحياتها لمالك إلي مو حاس فيها ...
ويكفيها الخطاب إلي رفضتهم والي جالسه ترفضهم لأن
الدنيا ما بتدوم لها ودام اليوم هي مرغوبة بكره ما تدري وش
راح يصير
,,
شيخه اليوم حلقة الوصل بين بيت بو طلال وبين بيت أم
مسعود ... مالك مقاطع الكل إلا هي ...الوحيدة إلي يرد
عليها بطريقه حلوه لكنه ابد رافض انه يتكلم في أي موضوع
يخص مرام وطلال معها
,,
ميثه ... تنتظر راشد بفارغ الصبر بعد ما طال انتظارها له
واليوم كل أملها انه يجي بزواج نوف إلي بعد أسبوع ويكون
أبوه معه ويتقدم لها وينتشلها من الهم إلي عايشه فيه مع
الذيب تركي
,,
تركي ... الحب والرومانسية إلي ما تلوق له عامله عمايلها
فيه ومخليته على طول في مزاج متقلب
مو مستقر ينتظر زواج نوف بفارغ الصبر حتى يفتح
الموضوع مع نواف مره ثانيه ...
وبهذي الدوامة نسى شي اسمه سلاف زوجته إلي عايشه
حياتها بلعب وروحه وجيه ولا كأنها زوجه
,,
نوف .... ها ليومين لاهية عن نواف وعن رومانسيته إلي
تعيشها بأحلى لحظات العمر .... من سوق لسوق ومن مجمع
لمجمع ...حايره بحالها الوقت ضيق ولازم تتجهز بأحسن
جهاز ...على الأقل شي يلوق لشيخ الشباب نواف
,,
صالح ... من زمان عنه كان مسافر لدول الخليج يغير جو ومدعي قدام أهله انه بيروح ياخذ كورسات عن التجارة شي
على الأقل يساعده في معرفة السوق
,,
طارق...آآآآآآآه يا طارق مرتاح كثير من خناقه مع الغالية
ويحس إنه بدون ها لخناقات ما يقدر يذاكر ولا يقدر يواصل
مسيرته ....وجودها جنبه وكلامها الجارح له شي مو عادي
بالنسبة له ...تقدرون تقولون انه انفطم على كلامها فصار
يعني له الشي الكثير ...والحمد لله سالفته مع دلع صارت في
طي النسيان بعد ما طواها الزمن مع أوراقه إلي فاتت
,,
أم عبد الرحمن ... الحمد لله صحتها في تحسن مستمر قررت
إنها تسوي لها حميه مو على شان يتوازن السكر مثل ما قال
لها الدكتور ...لا حتى تخس شوي وتلبس المحزم إلي صار
الحين بالغصب يتسكر عليها طبعا بحكم الكذبة البيضة إلي
كذبها نواف عليها انه مر فيه أسواق الذهب كلها وما لقى
نفس مواصفاته حتى يزيده لها فلهذا اقترح عليها انه تخس
شوي وبالفعل ...
طبعا مع طارق نفس السيناريو ونفس الحوار الدائم وأنا
متأكدة إن قضية فلسطين بتنحسم قبل قضيتهم
,,
نواف... صاير لأبوه مثل العبد المطيع ...يداريه مدارى ما
يبغيه يزعل منه ولا ها لقد ...هو فرحان ومبسوط ويبغي
الكل مثله فرحة عمره ما بقى لها غير أيام معدودة ...وأخيرا
بيكون إلي لازم يصير من سنين
,,
نوره.... جالسه وكأنها تمشي على الحبل ساكنه سكون الليل
والخوف الكبير إن هذا يكون السكون قبل العاصفة ...
خالد ماخذ حيز كبير من حياتها خصوصا بعد ما كنسلت
الرقم إلي باسم نواف وخذت شريحة بدون اسم حتى لا يغلط
خالد نفس الغلط إلي ارتكبه ماجد ...لكن لا يلدغ مؤمن من
جحر مرتين
,,
ماجد... بالنسبة لمالك الخطة لازالت قائمه مع انه ملتهي
بصيته وكلامها إلي كان مو مفهوم وجوالها إلي على طول
يقوله انه مقفل ...كان بين كل فتره وثانيه يدق على نواف
يتطقس الأخبار ويشوف هل هم على ماهم عليه أو لا .
...طبعا هذا الشي قوى العلاقة الجميلة بينه وبين نواف
...وطبعا كان مالك على طول بالصورة والسلامات بين مالك
ونواف تتواصل عن طريق ماجد
,,
صيته يا بعدي.... حايسه لوحدها بعد ما انشغلت نوف عنها
بحالها .... ونوره بعد هذيك الليلة ما طاح لسانها بلسان اختها
كيف يكون وهي طردتها من غرفتها وما اهتمت شنو ممكن
الشي إلي خلى صيته تجيها بهذا الوقت ...
في أشياء بسيطة حاولت ميثه إنها تلبيها لها لأنها بعد ما تقدر
تتغيب عن البيت بسبب تركي وطلباته ولا كأنها غير الخادمة
إلي تشتغل عنده
هذي الضروف خلت صيته متوترة حد الجنون لأنها ما
ضبطت ولا ربع الأشياء إلي تحلم فيهم ....
معقولة عروس تشتغل لوحدها في كل شي ؟؟
\\
//
اليوم عقد صيته على ماجد إلي ما تعرف عنه غير اسمه
وشغلته وكم كلمه حلوه قالت لهم عنه اخته دلع لصيته ....
نوره اليوم مو بالبيت وما عند صيته علم بأي صالون هي
رايحه ....
تحت في المطبخ كانت صيته تضبط لها كاسة شاي
أم عبد الرحمن" وش جالسه تسوين ؟؟
صيته بصوت مبحوح" شاي جدتي تبغين؟؟
أم عبد الرحمن" لا بالله ما إنت بشاربه شاي ...إنت لازمك
عصير
صيته" لااا تكفين جدتي ابغي شي يصحيني
أم عبد الرحمن تنادي " طااااااارق تعااااااال سوي لأختك
عصير بسرعة
صيته" تكفين جدتي العصير مو وقته
أم عبد الرحمن" تبغين تطيحين علينا بالحفلة ولا ايش
صيته جلست وحطت راسها على الطاولة وصارت تبكي
أم عبد الرحمن تروح لها" يمه بنيتي بسم الله حولك وحواليك
...مو زين تبكين في هذا الوقت
يدخل طارق" قولي قسم ؟؟ وش أسمي هالبكي بغير وقته هااا
أم عبد الرحمن" انطم سكاتك أبرك
صيته تمسح دموعها " مو قادرة أسوي شي كل أشيائي معلقه
والحفلة بتكون كريه وهذا الشي لأن محد لي محد
طارق يروح لها " لاااا مو قبول وش معناه ها لكلام وأنا
وين رحت؟؟
أم عبد الرحمن" إيييي صحيح ها لبغل عندك وأنا ونواف
كلنا معك يا بنيتي
طارق يغمز لها" إييييي تقصدين حبيب قلبك ؟؟
أم عبد الرحمن" إن لله ما أقول لكم خبل
صيته" لا يا خوي أنا خاطري ببنت مثلي أقول لها عن إلي
بداخلي تساعدني إن إحتجت لها لكن للأسف ما في
طارق يمسح على راسها " صيته إنت على طول قويه وبإذن
الله بتكملي كذا ...إنت على طول كنت بجنبنا
صيته" عارفه بس لما إحتجت لكم ما لقيت أحد بجنبي
طارق" وش تقصدين؟؟
أم عبد الرحمن " من جدك إنت عادته بني آدم وجالسه
تكلمينه كذا ؟؟ هذا إذا تبغين تكلمينه قولي له
في واحد نفر يحب يجلس بالشمس حتى يئوره هذا راس
ويشرب شاي بدون سكر ويرمي بندول في الزبالة على شان
يتيب ويروح الئوار
والله يدوب يفهم عليك وزين ما سوت دلع هي إلي ريحت
راسها من البداية
طارق وقتها تنرفز" ليتكم ذكرتوا حد سنع
راح وتركهم وأم عبد الرحمن تنادي له " تعال يا مهبول وين
إلي بيسوي العصير لصيته ؟؟
والله لو فيني قوه كان ما احتجت لك وهذي الشغالة الحماره
ما أدري وش تعفس بمجلس الضيوف إلي ما خلصته للحين
صيته تقوم وتبتسم ابتسامه صفره " خلاص يمه روحي
ريحي رجليك من الوقفة وأنا بسوي لي العصير
تدخل عليهم نوف" لااا خلي عنك إنت عروس وما يصير
تتعبي حالك
عندها صرخت صيته صرخة وبعدها راحت لحضن نوف
ولمتها لها وصارت تبكي على صدرها
الحمد لله نوف اليوم فضت حالها لصيته
...طبعا هذا أقل شي تسويه لحبيبة روحها واختها إلي ما
ولدتها أمها
من وصلت نوف وصيته جالسه معها وتقول لها عن مشكلتها
وعن الوقت إلي جالس يمر بسرعة وهي ما سوت شي
...وعن نوره وطريقتها معها واسلوبها الغريب معها
نوف" صيته قلنا اليوم ما في دموع اليوم في فرح وبس
صيته تمسح دموعها" خايفه والله ما أعرف وش راح يصير
وثانيا فكرة إني أجلس مع ماجد وما بيني وبينه شي بروحها
القصة مخيفه
نوف تبتسم" بالعكس ....اوووه ذكرتيني كان يوم حلو كثير
نواف يدخل عليهم فجأه " ليه هذا يوم ينسى ؟؟
ترفع راسها نوف وتلاقي نواف واقف وساند ظهره على
الباب ونظراته كلها حب
نوف انحرجت ونزلت راسها "..........
نواف بوله" مو البيت إلي منور المنطقة كلها منوره
صيته تروح لعند الباب " لاااا يا لله روح الحين تذكرت
تدخل غرفتي ؟؟
نواف يطل براسه من عند الباب ويصرخ" والله انك قمر يا
صيته والله
سكرت صيته الباب وقفلته وهي ونوف جالسين يضحكون
على نواف
رتبوا النواقص ولما صارت الساعة 2 الظهر طلبت نوف
من صيته إنها ترتاح وراح تجلسها بعد ساعة حتى يروحون
للصالون ....لكن مو قبل ترتاح
بالفعل استجابت صيته بسرعة لكلام نوف ...عندها بس
طلعت نوف من عندها لكنها لما توجهت للدرج بتنزل حست
بأحد يشدها لعنده وعندها صرخت صرخة
لكن ما حست إلا إن نواف هو إلي سحبها من يدها ودخلها
لغرفته وقفل الباب عليهم
نواف ماسك يد نوف" هلا بنبض قلبي هلا بدنيتي
نوف بضيق" نواف افتح الباب
نواف"؟؟؟؟؟؟؟؟؟؟


يتبع.....



​

 

[نبع المشاعر]

رووووعه غروووووب

ربي يووفقج ويسعدج

 

[ms-reem]

غروب ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

راااااااااااااااااااائعة تابعي يالغلا

متابعة وانتظر جديدك

 

[*شموسه*]

الله الله عليك

تصدقي سجلت كله عشان ارد عليك

قصتك رائعه جدا جدا

ومن جد تفاااعلت كثير معها

ذاك اليوم جلست من الفجر لحد 9 وانا اقرا وبالاخير لقيتها مااكتملت

فياليت تعجلي علينا وتكمليها لنا

بليز

ودي اعرف النهااااايه وباعرف ايش يصير مع ماجد وصيته

وطلال ومرام

والباقيييييين كلهم

بليز لاتتاخري علينا

والله يعطيك الف الف عاااافيه على ابداعك ياقمر

 

[دوومي عالية]

جميل جدا..

تسلمين اختي ..