ريم الهاشمي
New member
- إنضم
- 2008/03/11
- المشاركات
- 126
لاول مرة بكتب قصتي .. واتمنى محد يقاطعني .. يمكن اتقولون اني انا الغلطانة بس اللي صار كان اكبر منى وما قدرت اتحمل ابدا ...
المهم قصتي بدت من هنا ... يوم كنت صغيرة اسمع اني حق ولد عمي وعليها حبيته هو شخصيته مرحة وفكاهية واللي يقعد معاه طول الوقت يضحك كان اكبر مني بسنتين حبيته وكبر هالحب هذا كله تقريبا وانا عمري 11 سنة .. لكنه عمره ما قالي انه يحبني ( بعده صغير ) والمشكلة انه عايش في بلده ثانية بس زياراتنا كانت ما تنقطع ابدا .. لما وصل عمره 18 وانا 16 كان عندنا في البيت وكنت مثل المراهقات اشغل أغاني حب واسمعه يمكن يفهم .. طبعه المرح كان دايما ياخذ الأمور بمزح كنت ازعل وايي يراضيني المهم ابوه كلم ابوي انهم يبوني لولدهم انا سمعت الحديث بين ابوي وامي بالصدفة وطبعا طرت من الفرحة في هاي الزيارة سار اشترالي قلب ذهب مع سلسلة عليها حرفه كنت البسها باستمرار ما اشلها من رقبتي ابدا ابدا ابدا .. خلصت الثانوية وسوينا حفلة خطوبة عائلية جدا كانت احلى ايام حياتي حتى في الخطوبة هذي ما شلت السلسلة بالرغم من انه امه يت وحاولت اتشله بس انا رفضت .. المهم هو كان سنة ثانية جامعة كنت كل يوم جمعة بس اكلمة بالتلفون ماتتصورون انتظاري على اعصابي هاليوم .. اول شهر كان يكلمني باستمرار .. وبعدها تم تحديد يوم الجمعة عشان الفاتورة وإلى آخره كنا متفقين اني كل ما اشتقالها اطرش له 000000000 على ( البليب) مال أول صح على فكرة لين الحين حافظة رقمه ما اقدر انساه ... المهم عمري ما قطعت حتى الجامعة ما دخلتها عشان سنتين وبتزوج بروح معاه البلد اللي هو عايش فيها شو ابا في الدراسة اهم شي اكون في قربه . خلص دراسته سنتين .
اول صدمة :icon1366:الحبيب قرر انه يكمل دراسته في امريكا ياخذ الماجستير طموح .. قلت اوكي بيروح يرتب الوضع اكيد وبيي نتزوج واعيش معاه في امريكا .. للاسف سار 4 سنوات لانه غير تخصصه اكثر من مرة على حد كلامه وانقطعت معظم مكالماته .. او بمعنى اصح انا اللي كنت اتصل عليه وحتى رقم موبايله ما عطاني كنت اتصل الشقة واكثر الاوقات يرد علي حد من ربعه ويعطيه وساعات يقولون لي انه في الكلاس وساعات يسبح المهم ارجع اتصل يقولون راح الكلاس يعني نادر ما احصله واكلمه ويقولي كلمة حلوة المهم بعد كنت احبه ومتمسكه فيه ... الين آخر سنة دراسية معاه الكل كان يتكلم ست سنوات خطوبة بدون شي حرام ما تم حد من الاهل ما خطبني وانا واهلي يرفضون بحكم اني مخطوبة ( للمعلومية انا احلى بنت في العائلة تقريبا) وهذا بشهادة الجميع ....
ساعات كنت احسه يباني بس عناد في ولد عمي الثاني لانه كان يعرف انه يحبني ...
المهم رجع من امريكا ويادوب صار له شهرين اشتغل حددنا الزواج وملكنا واتزوجنا في نفس اليوم ...
ثاني صدمة :icon1366: اول يوم زواج بعد ما خلصنا ليلة عمري .. قالي واحنا في الغرفة انتي اتحبين اليهال قلت له مب وايد قالي انا بعد بنفكر انجيب عيال بعد خمس سنوات زواج انصدمت انا ما احبهم بس مب بعد خمس سنوات وطبعا لاني من النوع اللي هادي جدا قلت على راحتك . مسك التلفون وكلم اعز صديق على حد قولته كان توه متزوج وحضر زواجنا مع زوجته واتفق معاه انه اليوم الثاني نطلع مع بعض كلنا تخيلوا المهم رحنا اتعرفون وين حفلة (محمد عبده) كنت دايما اعيب على الرجال اللي ياخذ زوجته لهاي الحفلات وغصبا عني ثاني يوم عرسي احضر الحفلة طلعنا الساعة 4 الفجر ورحنا تعشينا ورجعنا البيت يالله اتسامحني ..
ثالث يوم سافرنا بلادهم كملنا السبوع الحمدالله قاعدين في شقة مفروشة طبعا بدا دوام لانه توه امداوم وما يعطونه اجازة كان كل يوم الصبح اقوم معاه ويوديني بين اهله واقعد انتظره لين ما يرجع الساعة 5 وبعدين يتغدى وينام شوي ونطلع انروح اكثر طلعاتنا مع صديقه وزوجته ...
الصدمة الثالثة :icon1366: واحنا قاعدين في بيت صديقة قالي ما اتشوفين زوجته ما تستحي مني وما تلبس قدامي شيلة وعباية انتي بعد افصخي عادي قلت له انا مو متعودة قالي عادي خليكي كووووول وشال الشيلة من على راسي تخيلوا الغيرة ماتت ههههههههههههههههه .
الصدمة الرابعة :icon1366:واللي قسمت ظهر البعير .. في الاجازة الرسيمة واللي كانت يوم الجمعة عندهم .. سرنا يوم الخميس بالليل دولة مجاورة جدا بالسيارة طبعا اكيد مع صديقه وزوجته على اساس حاجزين شقتين هناك وبرجع ثاني يوم .. وصلنا بالليل ورحنا مول اتمشينا وبعدين بنروح نتعشة في فندق من الفنادق ولما دخلنا المطعم والاصح كان مرقص للأسف الشديد رقاصة وناس اشكالهم غبية قعدنا وطلبنا الاكل وشوي اسمع زوجي وحبيبي يطلب كحول وصديقه معاه انا انصدمت وبان علي وقعدوا يضحكون والله ما وصلنا الشقة الا وأذان الفجر يأذت تخيلوا .. وكانوا ماخذين المشروب لانهم ماشبعوا على اساس يكملون السهرة في الشقة انا هني رفضت اني اروح معاه ورحت غرفتي وقفلت الباب وما رضيت افتح له وقعدت اصيح الين ما نمت هذا اول اسبوع من زواجي ...
وبعدها رفضت اروح معاه الدولة هاي ... قالي خلاص ما بنروح فنادق ابو زوج صديقته عندهم شاليه بنروح هناك قلت اوكي تخيلوا رحنا وهناك قعدوا الشباب على المسبح وفي دولاب مليان انواع واشكال من المشروب صرت خبره فيه .. اعوذ بالله ... اتكلمت مع زوجة صديقة انه كيف وليش راضية قالت انا ابوي واخوي يشربون مع بعض تخيلوا الوضع انا ما اتعودت اشوف واحد يشرب اهلي والحمدالله ولا واحد فيهم يشرب ... المهم قالت كنت اتمنى زوجي ما يشرب بس طلع يشرب شو اسوي بس يكونون رومانسيين لابعد الحدود على حد كلامها... وهذا ما اتضح لي بعد ذلك . المهم هذا كله مب مهم ..
اتكلم عن صفات زوجي طيب ، يحبني ، حنون ، بس عيبه انه امه متحكمة ومتسلطة . اول 4 شهور كنت عايشة في شقة بروحي ما كنت حاسة بس بعد هذا رحنا انعيش معاهم في بيتهم الجديد.
انا كنت ارفض الخروج معه لانه اذا طلعنا انروح بيت صديقة واللي المفروض عليه اني اقعد معاه بدون حجاب .. او انروح الدولة الثانية للشرب والكلام الفاضي فكان يروح بروحه مع اصدقائه .. وكنت كل ما جاب لي طاري السفر اقوله ودني عندي اهلي وروح انت ( بتقولون غلطانه ) بقولكم اذا في بلاده يباني اطلع بهاي الصورة ويروح هالاماكن مع انها بلدة اسلامية جدا فما بالكم اذا سافرت معاه امريكا حبه الاول والاخير فكنت اخاف اني اروح معاه اي سفره ومشت الحال كلمني اكثر من مرة اني اقنعه ليش ما ابي اسافر كنت اقوله اشتاق حق اهلي ولازم اروح لهم ما يقتنع بس يسمع كلامي وينفذ طلباني ...
بعد سنتين تقريبا بدت امه تتكلم اني متحكمة فيه وما اطلع معاه وانه ريحتي خايسة وما اتسبح على فكرة هي اللي كانت تغسل ملابسنا وانا ما كنت انزل ملابسي الداخلية واغسلها بنفسي وهي ماتدري او تدري وامطنشة تبي تتكلم وخلاص ، وانا طبيعتي هادية ما اتكلم وايد كانت اتقول اني مب اجتماعية ودمي ثقيل عكس زوجها اللي هو ولدها دمة عسل وخفيف . المهم انا ما قدرت استحمل انه سلفتي اتي اتقولي انها اتقول ريحتج خايسة ووصلت فيها المواصيل انها اتشوف اباطي اذا فيه شعر اولا طبعا انا من النوع اللي نظيفة وايد بس انا عايشة في بيت كله اولاد ما اقدر 24 ساعة احط عطر حرااااااااااااام ما يجوز بالرغم من انه زوجي دايما كان يقولي احب ريحة المخمرية اللي في شعرج وهذا طبعا في الغرفة ...
انا جاني انهيار عصبي ودخلت المستشفى على اثرها وطلبت الطلاق وللأمانة زوجي ما خلاني دقيقة وكان حتى ينام معاي بالمستشفى حتى هذا تكلمت عنه وقالت نايم معاها بالمستشفى ، المهم اتعالجت فترة وعشان انسى الجو رجعت عند اهلي فترة نقاهة وكنت متواصلة مع زوجي بالتلفون والدكتورة النفسية الين مات ولد خالي الله يرحمه شاب في مقتبل العمر الله يرحمه مات وكنت في العزى واتصل وهو امعصب انه امه اتصلت وانا مارديت بصراحة انا اتعمدت اني ما ارد واتصلت مرة ثانية انا كنت اصلي العصر وقلت حق اختي اترد اذا زوجي اتصل وبالصدفة اتصلت امه وردت اختي وعزت وانتهينا ,, وبعدها اتصل فيني زوجي وانتي ما اتردين على امي وانتي شايفة نفسك وانتي وانتي وكلام ما اذكره المهم انا قلت له انا كنت اصلي وخفت انت تتصل قلت حق اختي اترد وبعدين ليش اتصارخ احنا في عزى قالي الله يلعنج انتي وعزاكم تخيلوا الدعوة وانا في هاي الظروف انا انصكت الدنيا في ويهي وقلت الله يلعنك انت وسكرنا الخط وبدت المشاكل .. قام حط لي لسته شروط عشان يرجعني .. بيت بروحي ما في ، زيارات اهلي ما في ، مكالمات لبلادي ما في ، انا رفضت وقلت مب موافقة قالي بطلقج قلت له اوكي .. وسألت شيخ في بلادي قالي لا ترجعين له بهاي الشروط المهم قعدني سنتين بدون ما يطرش لي ورقتي و الكل عرف اني مطلقة وكانوا ناس يخطبوني وطبعا ما اقدر اتزوج لان ما عندي ورقة طلاقي وفي النهاية كان شرطه عشان يطلق اتنازل عن حقوقي واللي هي 1000 مقدم ما دفعه و 1000 مؤخر تخيلوا بخل علي بهالـ2000 المهم ( نسيت اقولكم اني لما رجعت بلادي ما جبت كل اغراضي طبعا وهم ما رجعوا لي غير الثياب اما الذهب كله خذوه لانفسهم الله لا يسامحهم قلبي يعورني على هدية ابوي الله يخليه من فرحته فيني شرالي طقم الماس ب 70000 درهم ما رجعوه وقالوا اني انا بعته :shiny: الحين معقولة ابيع هدية ابوي سبحان الله ..
في وايد تفاصيل ما حطيتها . لكن اذا اي وحدة تبي تستفسر عن اي شي انا مستعدة اوضح اكثر
المهم انه حدث الطلاق :icon1366:ومن بعدها ما افكر في الزواج ابدا وانا حاليا اشتغل واكمل دراستي والحمدالله ..
المشكلة اني بعدني احبه وافكر فيه واحلم فيه واااااااااااااااااااااايد وهو بعد ما اتزوج الين الحين ..
وهذي قصتي واختصرت منه قد ما اقدر عشان ما اطرل عليكم واتملون من القراءة .
بس النصيحة اللي احب دايما اقولها لكل وحدة تتزوج انها ما اتعيش في بيت اهل زوجها لان مهما كانت صلة القرابة المشاكل بتنوجد لأي سبب .
المهم قصتي بدت من هنا ... يوم كنت صغيرة اسمع اني حق ولد عمي وعليها حبيته هو شخصيته مرحة وفكاهية واللي يقعد معاه طول الوقت يضحك كان اكبر مني بسنتين حبيته وكبر هالحب هذا كله تقريبا وانا عمري 11 سنة .. لكنه عمره ما قالي انه يحبني ( بعده صغير ) والمشكلة انه عايش في بلده ثانية بس زياراتنا كانت ما تنقطع ابدا .. لما وصل عمره 18 وانا 16 كان عندنا في البيت وكنت مثل المراهقات اشغل أغاني حب واسمعه يمكن يفهم .. طبعه المرح كان دايما ياخذ الأمور بمزح كنت ازعل وايي يراضيني المهم ابوه كلم ابوي انهم يبوني لولدهم انا سمعت الحديث بين ابوي وامي بالصدفة وطبعا طرت من الفرحة في هاي الزيارة سار اشترالي قلب ذهب مع سلسلة عليها حرفه كنت البسها باستمرار ما اشلها من رقبتي ابدا ابدا ابدا .. خلصت الثانوية وسوينا حفلة خطوبة عائلية جدا كانت احلى ايام حياتي حتى في الخطوبة هذي ما شلت السلسلة بالرغم من انه امه يت وحاولت اتشله بس انا رفضت .. المهم هو كان سنة ثانية جامعة كنت كل يوم جمعة بس اكلمة بالتلفون ماتتصورون انتظاري على اعصابي هاليوم .. اول شهر كان يكلمني باستمرار .. وبعدها تم تحديد يوم الجمعة عشان الفاتورة وإلى آخره كنا متفقين اني كل ما اشتقالها اطرش له 000000000 على ( البليب) مال أول صح على فكرة لين الحين حافظة رقمه ما اقدر انساه ... المهم عمري ما قطعت حتى الجامعة ما دخلتها عشان سنتين وبتزوج بروح معاه البلد اللي هو عايش فيها شو ابا في الدراسة اهم شي اكون في قربه . خلص دراسته سنتين .
اول صدمة :icon1366:الحبيب قرر انه يكمل دراسته في امريكا ياخذ الماجستير طموح .. قلت اوكي بيروح يرتب الوضع اكيد وبيي نتزوج واعيش معاه في امريكا .. للاسف سار 4 سنوات لانه غير تخصصه اكثر من مرة على حد كلامه وانقطعت معظم مكالماته .. او بمعنى اصح انا اللي كنت اتصل عليه وحتى رقم موبايله ما عطاني كنت اتصل الشقة واكثر الاوقات يرد علي حد من ربعه ويعطيه وساعات يقولون لي انه في الكلاس وساعات يسبح المهم ارجع اتصل يقولون راح الكلاس يعني نادر ما احصله واكلمه ويقولي كلمة حلوة المهم بعد كنت احبه ومتمسكه فيه ... الين آخر سنة دراسية معاه الكل كان يتكلم ست سنوات خطوبة بدون شي حرام ما تم حد من الاهل ما خطبني وانا واهلي يرفضون بحكم اني مخطوبة ( للمعلومية انا احلى بنت في العائلة تقريبا) وهذا بشهادة الجميع ....
ساعات كنت احسه يباني بس عناد في ولد عمي الثاني لانه كان يعرف انه يحبني ...
المهم رجع من امريكا ويادوب صار له شهرين اشتغل حددنا الزواج وملكنا واتزوجنا في نفس اليوم ...
ثاني صدمة :icon1366: اول يوم زواج بعد ما خلصنا ليلة عمري .. قالي واحنا في الغرفة انتي اتحبين اليهال قلت له مب وايد قالي انا بعد بنفكر انجيب عيال بعد خمس سنوات زواج انصدمت انا ما احبهم بس مب بعد خمس سنوات وطبعا لاني من النوع اللي هادي جدا قلت على راحتك . مسك التلفون وكلم اعز صديق على حد قولته كان توه متزوج وحضر زواجنا مع زوجته واتفق معاه انه اليوم الثاني نطلع مع بعض كلنا تخيلوا المهم رحنا اتعرفون وين حفلة (محمد عبده) كنت دايما اعيب على الرجال اللي ياخذ زوجته لهاي الحفلات وغصبا عني ثاني يوم عرسي احضر الحفلة طلعنا الساعة 4 الفجر ورحنا تعشينا ورجعنا البيت يالله اتسامحني ..
ثالث يوم سافرنا بلادهم كملنا السبوع الحمدالله قاعدين في شقة مفروشة طبعا بدا دوام لانه توه امداوم وما يعطونه اجازة كان كل يوم الصبح اقوم معاه ويوديني بين اهله واقعد انتظره لين ما يرجع الساعة 5 وبعدين يتغدى وينام شوي ونطلع انروح اكثر طلعاتنا مع صديقه وزوجته ...
الصدمة الثالثة :icon1366: واحنا قاعدين في بيت صديقة قالي ما اتشوفين زوجته ما تستحي مني وما تلبس قدامي شيلة وعباية انتي بعد افصخي عادي قلت له انا مو متعودة قالي عادي خليكي كووووول وشال الشيلة من على راسي تخيلوا الغيرة ماتت ههههههههههههههههه .
الصدمة الرابعة :icon1366:واللي قسمت ظهر البعير .. في الاجازة الرسيمة واللي كانت يوم الجمعة عندهم .. سرنا يوم الخميس بالليل دولة مجاورة جدا بالسيارة طبعا اكيد مع صديقه وزوجته على اساس حاجزين شقتين هناك وبرجع ثاني يوم .. وصلنا بالليل ورحنا مول اتمشينا وبعدين بنروح نتعشة في فندق من الفنادق ولما دخلنا المطعم والاصح كان مرقص للأسف الشديد رقاصة وناس اشكالهم غبية قعدنا وطلبنا الاكل وشوي اسمع زوجي وحبيبي يطلب كحول وصديقه معاه انا انصدمت وبان علي وقعدوا يضحكون والله ما وصلنا الشقة الا وأذان الفجر يأذت تخيلوا .. وكانوا ماخذين المشروب لانهم ماشبعوا على اساس يكملون السهرة في الشقة انا هني رفضت اني اروح معاه ورحت غرفتي وقفلت الباب وما رضيت افتح له وقعدت اصيح الين ما نمت هذا اول اسبوع من زواجي ...
وبعدها رفضت اروح معاه الدولة هاي ... قالي خلاص ما بنروح فنادق ابو زوج صديقته عندهم شاليه بنروح هناك قلت اوكي تخيلوا رحنا وهناك قعدوا الشباب على المسبح وفي دولاب مليان انواع واشكال من المشروب صرت خبره فيه .. اعوذ بالله ... اتكلمت مع زوجة صديقة انه كيف وليش راضية قالت انا ابوي واخوي يشربون مع بعض تخيلوا الوضع انا ما اتعودت اشوف واحد يشرب اهلي والحمدالله ولا واحد فيهم يشرب ... المهم قالت كنت اتمنى زوجي ما يشرب بس طلع يشرب شو اسوي بس يكونون رومانسيين لابعد الحدود على حد كلامها... وهذا ما اتضح لي بعد ذلك . المهم هذا كله مب مهم ..
اتكلم عن صفات زوجي طيب ، يحبني ، حنون ، بس عيبه انه امه متحكمة ومتسلطة . اول 4 شهور كنت عايشة في شقة بروحي ما كنت حاسة بس بعد هذا رحنا انعيش معاهم في بيتهم الجديد.
انا كنت ارفض الخروج معه لانه اذا طلعنا انروح بيت صديقة واللي المفروض عليه اني اقعد معاه بدون حجاب .. او انروح الدولة الثانية للشرب والكلام الفاضي فكان يروح بروحه مع اصدقائه .. وكنت كل ما جاب لي طاري السفر اقوله ودني عندي اهلي وروح انت ( بتقولون غلطانه ) بقولكم اذا في بلاده يباني اطلع بهاي الصورة ويروح هالاماكن مع انها بلدة اسلامية جدا فما بالكم اذا سافرت معاه امريكا حبه الاول والاخير فكنت اخاف اني اروح معاه اي سفره ومشت الحال كلمني اكثر من مرة اني اقنعه ليش ما ابي اسافر كنت اقوله اشتاق حق اهلي ولازم اروح لهم ما يقتنع بس يسمع كلامي وينفذ طلباني ...
بعد سنتين تقريبا بدت امه تتكلم اني متحكمة فيه وما اطلع معاه وانه ريحتي خايسة وما اتسبح على فكرة هي اللي كانت تغسل ملابسنا وانا ما كنت انزل ملابسي الداخلية واغسلها بنفسي وهي ماتدري او تدري وامطنشة تبي تتكلم وخلاص ، وانا طبيعتي هادية ما اتكلم وايد كانت اتقول اني مب اجتماعية ودمي ثقيل عكس زوجها اللي هو ولدها دمة عسل وخفيف . المهم انا ما قدرت استحمل انه سلفتي اتي اتقولي انها اتقول ريحتج خايسة ووصلت فيها المواصيل انها اتشوف اباطي اذا فيه شعر اولا طبعا انا من النوع اللي نظيفة وايد بس انا عايشة في بيت كله اولاد ما اقدر 24 ساعة احط عطر حرااااااااااااام ما يجوز بالرغم من انه زوجي دايما كان يقولي احب ريحة المخمرية اللي في شعرج وهذا طبعا في الغرفة ...
انا جاني انهيار عصبي ودخلت المستشفى على اثرها وطلبت الطلاق وللأمانة زوجي ما خلاني دقيقة وكان حتى ينام معاي بالمستشفى حتى هذا تكلمت عنه وقالت نايم معاها بالمستشفى ، المهم اتعالجت فترة وعشان انسى الجو رجعت عند اهلي فترة نقاهة وكنت متواصلة مع زوجي بالتلفون والدكتورة النفسية الين مات ولد خالي الله يرحمه شاب في مقتبل العمر الله يرحمه مات وكنت في العزى واتصل وهو امعصب انه امه اتصلت وانا مارديت بصراحة انا اتعمدت اني ما ارد واتصلت مرة ثانية انا كنت اصلي العصر وقلت حق اختي اترد اذا زوجي اتصل وبالصدفة اتصلت امه وردت اختي وعزت وانتهينا ,, وبعدها اتصل فيني زوجي وانتي ما اتردين على امي وانتي شايفة نفسك وانتي وانتي وكلام ما اذكره المهم انا قلت له انا كنت اصلي وخفت انت تتصل قلت حق اختي اترد وبعدين ليش اتصارخ احنا في عزى قالي الله يلعنج انتي وعزاكم تخيلوا الدعوة وانا في هاي الظروف انا انصكت الدنيا في ويهي وقلت الله يلعنك انت وسكرنا الخط وبدت المشاكل .. قام حط لي لسته شروط عشان يرجعني .. بيت بروحي ما في ، زيارات اهلي ما في ، مكالمات لبلادي ما في ، انا رفضت وقلت مب موافقة قالي بطلقج قلت له اوكي .. وسألت شيخ في بلادي قالي لا ترجعين له بهاي الشروط المهم قعدني سنتين بدون ما يطرش لي ورقتي و الكل عرف اني مطلقة وكانوا ناس يخطبوني وطبعا ما اقدر اتزوج لان ما عندي ورقة طلاقي وفي النهاية كان شرطه عشان يطلق اتنازل عن حقوقي واللي هي 1000 مقدم ما دفعه و 1000 مؤخر تخيلوا بخل علي بهالـ2000 المهم ( نسيت اقولكم اني لما رجعت بلادي ما جبت كل اغراضي طبعا وهم ما رجعوا لي غير الثياب اما الذهب كله خذوه لانفسهم الله لا يسامحهم قلبي يعورني على هدية ابوي الله يخليه من فرحته فيني شرالي طقم الماس ب 70000 درهم ما رجعوه وقالوا اني انا بعته :shiny: الحين معقولة ابيع هدية ابوي سبحان الله ..
في وايد تفاصيل ما حطيتها . لكن اذا اي وحدة تبي تستفسر عن اي شي انا مستعدة اوضح اكثر
المهم انه حدث الطلاق :icon1366:ومن بعدها ما افكر في الزواج ابدا وانا حاليا اشتغل واكمل دراستي والحمدالله ..
المشكلة اني بعدني احبه وافكر فيه واحلم فيه واااااااااااااااااااااايد وهو بعد ما اتزوج الين الحين ..
وهذي قصتي واختصرت منه قد ما اقدر عشان ما اطرل عليكم واتملون من القراءة .
بس النصيحة اللي احب دايما اقولها لكل وحدة تتزوج انها ما اتعيش في بيت اهل زوجها لان مهما كانت صلة القرابة المشاكل بتنوجد لأي سبب .
