قصة صديقتي مضاوي مع ام زوجهااا .. اللي متضايقه من ام زووجها حياها

نحن في انتظارك
 
حزنتيني وربي دمعت عيوني
بصراحه العمه ماتستاهل ومن جد مضاوي فيها صبر مو طبيعي يعني لو انا كنت فضحتها قدام الله وخلقه بالذات لما كانت تسكر المطبخ حشا غوانتنامو مو بيت بس ربك عوض مضاوي والسبب قربها من الله
وحسن اخلاقها
 
حبيبتي عشت على ها الهم6سنوات حتى على مستوى المويه تحطها في غرفتها واذا كانت صايمه تحط الاكل في غرفتها وتنادي بناتها عشان نستحي ندخل انا وزوجة ولدها الثانيحتى في عز الوحم تنادي بنتها الحامل رغم انها مافيها وحم وانا صح مالي حيل على الاكل بس من باب المجامله وكنت احاول في زوجي ننقل من عند اهله ومو راضي وماكنت اشكي له عشان ما اضيق خاطره وابي انقل بهدوء وما اخسر اهله بس هو كان يلاحظ هالتصرفات من امه واخواته السبع ومطنش بحجة هي تتحمل وانا ما اترك اهلي رغم انه مو ولدهم الوحيد لييييين ماصاروا الناس يلاحظون تدهور حالتي واهلي مستحيين منه وصارت معي الغده من الضغط النفسي لاني ما اشتكي لاحد وصار عندي القولون الين جاء يوم ومدة اخته يدها علي وطلبت الطلاق ولا غير الطلاق لاني حسيت انه ماصان امانتي وماهميته واقنعني انه ياخذ بيت وقلت نزل علي صبرك يارب....
 
مشكورين ع المروور..

ربي يسعدكم يارب....

ويسخر لكل متزوجه زوجها واهله كلهم يارب ويكفيهم ما اهمهم آمين​
 
تراب الجنه..

وسعي الخاطر.. وصبرج واحتسابج مايضيع عند ربي... ودام زوجج قال لج بيحط لج بيت بروحج معناها باقي عليج ويحبج... وهالشي ينحسب له...

تعوذي من بليس... وحطي بينج وبين اخته حواجز... خليج رسميه معاهم.. وامه عامليها بالحسنى... وربي حسبيها صدقيني كل واحد بيلقى اللي سواه قدامه... وكل واحد بيجني اللي زرعه سواء خير او شر...

ثقي ان ربي يرى صبرك واحتساابك وسيجزيك بفصل مماتطنين يارب..

دعواتي لج ... ربي يسخر لج زووجج يارب ويكفيج ما اهمج..​
 
صه روعه و ما شاءالله عليها الكبار يبيلهم صبر و الكلام القاسي منهم عسل مع اني الحمدلله عمري ما جربت قسوتهم
بس خالتي مثل امي اذا قالتلي شي يضايقني اخذه بروح رياضيه و ابلعه و عادي و اخذ وراه عبايه ماي
يارب ترحم يدي ويدتي لهم وحشه و فاقدتهم احسن اني كنت مقصره وياهم الله يسكنهم فسيح جناته​
 
مراااااااااااااااااااااااااحب يا حلوات

قصة مضاوي موجودة في كل بيت بس كل وحدة وردة فعلها و الله يتم عليها و الله يرزق كل المتزوجات الصبر و السلوان

و ما شاء الله مضاوي عندها زوج بلسم عالجرح و الوحدة فينا لما يكون زوجها عسل تتحمل الزوجة الجبال السوداء المتكدسة


و العاقبة للجميع :3:
 
موضوعك رااااااااااااائع جدا قصتي مع ام زوجي قريبه كثيييييييير من قصة مضاوي بس الحمد لله صبرت وشفت النتائج العجيبه حتى زوجي تحول ميه وثمانين درجه بس قصتي مانتهت الله يهدي ام زوجي ويلهمها رشد نفسها المشكله انو هيه اللي تعبانه
 
رائعة ياليت اكون زيها واصبر صبرها دعواتك ان الله يسخر لي زوجي
 
حبيبتي معلمه متالمه الله يعلم وش نيتي من ناحيتهم وانا قلبي طيب وسامحتهم بس اللي صاير بيني وبينهم مكالمات تلفونيه بس واخته رحت وسلمت عليها وقلت عفى الله عما سلف واخرتي ابقى لي من الدنيا بس هي قلبها للاسف مو نظيف لدرجة انها تكره كل عايلتي حتى امي اذا شافتها قاعده في مكان تروح تسلم على الحريم اللي عندها وتطنش امي وتناظرها نظرات استحقار وتروح رغم ان امي حرمه كبيره وهي ماتسلم على احد اصلا بس تبي تقهر امي وللمعلوميه ان هذي البنت مو محبوبه من جماعتنا كلهم وانا علاقتي فيها ماتتعدى السلام والحين رفضته بعد يالله الله يهديها لنفسها اما انا والله ماضرتني ابد ومن فتره بعد ماطلعت صاروا يلاحقون زوجي يبون طلاقي بس زوجي يدري بنواياي ومايرد عليهم........
 
بصراحه انا منصدمه

انج بياقها من حياتي شي ^،^

ياختي قصتها تشبه مواضع كثير بحياتي

بصراحها عطتيني امل اكبر

بس انا ام زوجي اعتبرته ام لي وامنتها ع اسرار ماقلت لامي

اتفاجى انه قالت لزوجي وزادت عليهم اشياء وربي انصدمت وهي مو ذاك الكبر

وانا عمري كله ما اقول امك قالت ولا امك سوت يسمع من امه ويجي يكلمني ولا يهاوش
والله ابسط وقل المواقف تقوله الله يهديه لنفسها
الحمدلله ع كل حال
 
أختي معلمة متألمة جزاك الله خيرا فأنا عندي أيضا مشكلة مع حماتي وتفعل مثل ما فعلت عمة مضااوي في بعض الأشياء وأذتني في غير ذلك كثيرا الله يهيديها وإلى الآن لم تحسن من أفعالها الله يصرف عني شرها وسأحاول التعلم من مضاوي وربنا يرزقني الصبر وجزاك الله خيرا أختي قصة أثرت فيها كثيرا وأبلغي صديقتك مضاوي مني السلام وأخبريها أني أحببتها في الله من غير أن أعرفها وأيضا أختي أحبك في الله وأثرت في كلمة أن من يزرع توت لا يحصد ... أعتقد حنظل صحيح؟ أم اخطأت؟:5:
 
والله حمستيني واجمل كلمه قلتيها اثرت فيني الواحد يسويها لله مو لاي شخص ثاني

الله يقدرني واتحمل لوجه الله ويوفقك ويسعدك دنيا واخره
 
8
8

صغيره بالعمر حبيبتي .. خليك معها طيبه صحيح وقابلي الاساءه بالاحسان لكن لاتعطيها اسرارك .. ولاتعطيها اي شي ممكن تستخدمه ضدك فقط عامليها بالاحسان
 
مرحبا خواتي.... اعتذر ع التأخير.. بالرد....

ربي يسوفقكم.... بوصلها السلام..... ربي يسخر لكم كل قاسي يارب.. ويسعدكم سعاده لايتلوها شقاااااء آمين​
 
ربي يعوض صبرنا خير يااااااااااااااااااااااااااااااااااااااااااااااااارب
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل