قصة شعيبية

  • بادئ الموضوع بادئ الموضوع جيانة
  • تاريخ البدء تاريخ البدء
هههههههههههههه



اذمجت بالقصــــــــــهـ حيــــــــل

قاعدهـ أقراها ..وميتهـ ضحكـ ....

يسلمـــــــــــوووو

تنفعيــــــــن تكونين كاتبهـ شاطرهـ بالمستقبل ...

بالتوفيق ...حبوبهـ

وخليــــــــج funny ع طوووووووووول
 
اخت عبود قال:
روووووووووووعة القصة بس لو تحطينها دفعة وحدة احسن
أنقر للتوسيع...
ياليت.....بس هي مو مكتوبة عندي كل مافضيت ألفت جزء جديد....
والحقيقة مو دايما أفضى!!!
 
بعد رجوع الأهل بالسلامة وجلستنا العائلية اللي شربنا فيها قهوة وتبادلنا فيها أحاديث....
قالت جدتي:كيف سفرتكم؟استانستوا؟
أبوي:الحمدلله..صحيح إنها متعبة بكثرة الارتباطات والزيارات ولكن لاتذكر الواحد إنه أدى واجب هان عليه كل شي.
جدة:وانتي يابدرية مايبي لك سؤال مادام المناسبة من طرف أهلك أكيد بتتشققين من الوناسة!!!
أمي:أقول عمة؟أزيدك فنجال قهوة؟(عاد انتوا ماتدرون! أمي دبلوماسية ماتحب المشاكل!!)
؟؟؟؟؟؟؟؟
بعد سويعات أكمل
 
بعد رجوع الأهل بالسلامة وجلستنا العائلية اللي شربنا فيها قهوة وتبادلنا فيها أحاديث....
قالت جدتي:كيف سفرتكم؟استانستوا؟
أبوي:الحمدلله..صحيح إنها متعبة بكثرة الارتباطات والزيارات ولكن لاتذكر الواحد إنه أدى واجب هان عليه كل شي.
جدة:وانتي يابدرية مايبي لك سؤال مادام المناسبة من طرف أهلك أكيد بتتشققين من الوناسة!!!
أمي:أقول عمة؟أزيدك فنجال قهوة؟(عاد انتوا ماتدرون! أمي دبلوماسية ماتحب المشاكل!!)
جدة:وشفيه عشاكم ماجاء؟! ولا ودكم تذبحونا من الجوع مايكفي إن غداكم كان دجاجة؟!! أجل العشا وشهو؟ بيضة؟!!!
وقمنا نجهز السفرة ونعبي الفاكهة والذي منه وتعشينا والحمدلله ومايحلى الأكل عند جدتي الموقرة إلا ببعض المنغصات والانتقادات التي تعد من وجهة نظرها فاكهة كل مجلس!!!
عقبها......وركزوا على كلمة عقبها ياحلوات!!
قالت جدتي: خلف ياوليدي؟
أبوي:سمي يمة!
جدة:بغيتك بسالفة مهمة واجد..
أبوي:عسى ماشر!
جدة:الشربــــــ عدوك ولا فيك!
أبوي:والله إني تعبان حيل من السفر وودي أنام إذا موضوعك يحتمل التأجيل لين الصبح يكون أفضل!
جدة:مايخالف ياوليدي نأجله لين الصبح..الدنيا
مابتطير!
..........وساعتها قلبي قام يرفرف والحياء صار ذابحني(أدري مابتصدقون!!هههه)وقمت أتخيل من وين بيجي عريس الغفلة ياترى؟!!!!!
وراح أبوي ينام وجدتي كذلك وهالمرة مدري شلون تنازلت ورضت تنام تحت!! في مجلس الضيوف!يظهر إنها تابت من طلعة الدرج!!
وقامت أمي بتلحق أبوي وقالت ضي:
يمة تكفين اسهري معانا شوي!!
أمي:مادام شوي بأجاملكم وأجلس معكم...
ريفان:كيف أخوالي وأقاربنا وكيف المناسبات اللي حضرتوها؟!!علمينا..
وجلست أمي تسرد لنا مشاهداتها وكل ماحصل في هذه السفرية...ونحن نستمع بشغف إلا أن قالت:
هالحين دوركم انتوا؟! وش اللي صار معكم بغيابي؟!!
زياد:إسألي الساحرة الصغيرة شوشو هي أول وحدة في سلسلة ضحايا هالمنزل!!!
أمي:ياساتر يارب! ليه؟ عسى جدتكم قعدت تمارس طقوسها المفضلة عليكم؟!!
أنا:إيه أبشرك! لا وماتدرين شاللي استجد!!
أمي:خير اللهم اجعله خير!
أنا:أبوي عسى الله يحفظه..كم بقى له ويتقاعد؟!
أمي:شهرين..
صحت أنا وخواتي بصوت واحد:إيش؟!!!!
صار زياد يتلفت حوله ويقول:ياالله تسكنهم مساكنهم!! وش السالفة؟!!!
أنا:مسكينة يمة! ماتدرين وش ينطبخ من وراك!!
أمي:خرعتوني وشفيه؟!!
أنا:بتغمضين عين وتفتحينها وتلاقين نفسك بوسط الغنم والبعارين بديرتنا!!
أمي:وبأمر مين ان شاء الله؟!!
أنا:بقرار ملكي صادر من الوزارة الشعيبية!!
أمي:والله محد مسكين إلا انتي يابنتي روحي نامي أصرف لك من حكايات مضارب البادية!!!
رند:يمة.. شعيبية صادقة..جدتي قالت انها بتكلم أبوي ينقلنا بعد مايتقاعد!
أنا: أنا علمتك يايمة..ومالي شغل مادام السالفة بعد شهرين دبري لي عريس من تحت الأرض!!
عيال خوانك وخواتك ملا البيوت كلمي حد يحن علي ويفلسع بي المريخ!!!
أمي:الله يقطعك ياهالبنت!!الذهب يتغير وانتي لسانك لسة محافظ على جودته!!متى بتبلعينه وتفكينا منه؟!!
ويالله لو سمحتي سريرك يناديك..قومي نامي!
وانتوا تصبحون على خير..ومن أصبح أفلح خل نشوف بكرة واش بيجينا!!!
التكملة بعـــــــــــــــــدين!




​
 
وانتي من اهل الخير ياحلوووووة
تصدقي شوقيتيني منتظره جدتك بتكلم ابوك بموضوع عريس الغفله عتريس ولا بخصوص نقلتكم للبادية؟؟
لا تطولين علينا يجوجو
 
umm yusuf قال:
وانتي من اهل الخير ياحلوووووة
تصدقي شوقيتيني منتظره جدتك بتكلم ابوك بموضوع عريس الغفله عتريس ولا بخصوص نقلتكم للبادية؟؟
لا تطولين علينا يجوجو
أنقر للتوسيع...
صح!
في الجزء القادم!
 
اتوقع انها بدبسك بعريس مصفوق ومتخلف وكبير بالسن بعد وتجبرها على الزواج

واتخيلت كمان شكلهم وهم بالديرة ومتقرفين من كل شي وجدتهم تخليهم يلبسوا مثل لبسهم وتمشط شعرها قرنين وتحط حنا في شعرها وقبضة بيدها

جيانة اعترفي انتي من الجنوب لهجتك واسلوبك يدل على كذا شكلك بتطلعي من جماعتنا ياحبني لك والله

اما من سوالف جدتي الله يحفظها كثيره كثيره

كل مره بحط لكم موقف من مواقفها

عاد هي من عوايدها اذا جت بتدعي علينا دايم هذي دعوتها الله يلعنك لعنة الجهود والكفار

وانتي ماركتك اخس ماركة ماركة ابو ديك هههههههههههههههههههههه وش ذي الماركة مادري عنها ماسمعتها الا مع جدتي

ومن امثلتها تحط للسمس منخل وتقول للحرامي ادخل ياقلبي عليها لما تقول للشمس سمس

ههههههههههههههههههههههههههه لي رجعة معاكم

 
جيانه.........ولعلك
غبت عنك وعودت الا وتا العلوم
هيا ان كان تمت الهرجه اعزمينا للصده تراني اموت في اللعب والمياس اعجبك
 
.......نكمل ياقماري!!!
المهم انخمدت أنا محدثتكم شعيبية والحق ينقال من وين يجيني النوم وأنا الفضول ذابحني بالطول والعرض منهو ياترى عتريس الغفلة!!يووه أقصد عريس الغفلة اللي يبي يخطبني أو جدتي تبي تقطني عليه!!!!!!!
وبس طلع الصبح إلا قمت أركض باتجاه الدرج ولقيت أبوي وأمي توهم صاحيين ونازلين من الدرج وأبوي يقول لأمي:بدرية.. الوالدة عندها موضوع مهم وودها تكلمني فيه..جهزي الفطور لنا وطولي شوي لأنها والله أعلم تبي تكلمني لوحدي!!
أمي:إن شاء الله....
وراح أبوي متجه إلى المجلس وطرق الباب وقالت جدتي:من الطارق؟!(ههههه أمزح!!)
قالت:إدخل ياخلف!!
أبوي:السلام عليكم..ماشاء الله عليك وشلون دريتي إني خلف؟!
جدة:ومنهو ياحظي في هالبيت بيصحى الساعة ثمان الصبح؟الله يحفظ بنات أخوانك وحريمهم السنع والزين كله عندهم!!
أبوي:أبشرك بدرية صحت وقاعدة تزهب الفطور!
وطبعا أنا ماخذة راحتي وأسمع كلامهم لأني واقفة ورا باب المقلط اللي يفصل بين المقلط والمجلس اللي هم قاعدين فيه..
أبوي:عساك ارتحتي يمة بنومك؟
جدة(كعادتها..النكران لايفارقها!!!):لا والله ماارتحت بيتكم يضيق الصدر!!
أبوي:هههه....الله يسامحك...بس ياترى وش هالموضوع اللي بغيتيني فيه...أمس؟؟؟
جدة(ومعها منديل وقاعدة تفته 20 قطعة وتسولف بتردد):ماعلمتني ياخلف..كم بقى لك سنة وتتقعد؟!!
أبوي:أووووووهووووه!! ردينا على طيري ياللي!!!! يايمة لك 10 سنين تسأليني نفس السؤال وبأرد عليك بنفس الجواب..نقل للديرة ماني بـــــــــ ناقل!!!!!
جدة:وشفيها ديرة هلك وأجدادك؟؟ أحسن من هالديرة القشرة كل واحد معتكف بروحه ومايدري عن الثاني!!!وبعدين كيف ترضاها على نفسك تخليني ساكنة بالديرة لحالي لاونيس ولاجليس!!
أبوي:الله وأكبر يايمة هالحين أخواني السبع... اثنين منهم ساكنين معك بنفس البيت والخمسة الثانيين بيوتهم كلهم بجنبك وتقولين لاونيس ولاجليس؟؟؟؟؟؟؟؟
جدة:بس إنت غير!! إنت ولدي الكبير ولازم تكون معي!!
أبوي:يايمة السموحة منك..ولكن هالموضوع مفروغ منه!!أنا ماأقدر أنقل بس إذا فعلا تحبيني وتبيني معك اسكني انتي عندنا!! ولك علي لأزين لك غرفة بروحك محد يدخلها إلا انتي!!
جدة:والله إنت رجَّال وشورك براسك!!بس مادام رفضت طلبي الأول فهقوتي إنك مابترفض الثاني!!
أبوي: اسلمي!!!
عاد جدتي قامت تناظر بالمنديل وفتته أكثر من أول وأنا قلبي بدأ يخابط ذات اليمين وذات الشمال!!
جدة:اسمع ياخلف...عندي عريس!!
أبوي:منهو له؟؟؟
جدة:لــــــــــــــ بنيتك شعيبية!
أبوي: ومن قال إني أبي أزوجها؟!!
جدة: العريس ماينرد..وبنتك مصفوقة ودها تعرس اليوم قبل بكرة!!
أبوي:وانتي وش دراك؟؟
جدة: أدري وبس!!
أبوي:ومنهو هالعريس؟!!
(ساعتها الأدرينالين ارتفع عندي يابنات ودي أعرف قبل أبوي منهو العريس!!!!)
جدة:مشبــــب ولد أخوك!!!!!!!!!!!!!:thumbdown::thumbdown::thumbdown:
أبوي وباستنكار شديد قال:وشهو؟؟ مشبب ولد أخوي صنت؟؟؟؟؟؟
جدة:إيه...ونعم الرجَّال..شنبه يوقف عليه الصقر
أبوي:والبقر!!!
جدة:أشوف كأنه موب عاجبك؟؟؟؟؟
أبوي:يمة ومنهو بالدنيا ممكن يعجبه مشبب؟!!
مشبب راعي التفحيط بالدتاسن؟؟؟
جدة:ويبيع حَمَام بسوق السبت!!
أبوي باستهزاء:ونعم الوظيفة!! واش بعد؟ اطربيني وغردي!!
جدة:لا وأبشرك توظف من قريب..يسوق شاحنات من ديرتنا لكل ديرة بديار آل سعود!!!
أبوي:وليه العربجة ذي..مايكفيه الدتاسن اللي كل يوم يفحط بها..رِجع على الشاحنات؟!!!!
جدة:ينقل فيها بضايع!!
أبوي:أي بضايع؟ بعارين... ولا علف؟!!
جدة:وش عليك إنت؟أهم شي انه رجال وبيده صنعة!!
أبوي:والله اللي أذكره يايمة إنك ماتواطنينه بعيشة!! واشفيك قلبتي الموجة وصرتي تحبينه وتبين تخطبين له؟؟
جدة قامت تتضحك بدلع وتقول:مو الله يسلمك من يوم ماشرالي بأول معاش استلمه هدية وهو كبر بعيني!!!
أبوي: وش شرالك ياحظي؟؟ بناجر؟؟
جدة:لا!!
أبوي: قلادة؟؟؟؟
جدة: لا..جاب لي زنبيل خصف!!فتحته لقيت داخله زيت حبشوش!!وسروال خط البلدة والله لو تشوفه ياخلف بني ومخطط بأحمر وأصفر..من حلاته صرت أكشخ به في أعراس الجماعة!!!
أبوي: وش أقول؟؟
نعم الرجل ونعم الهدية!!!
........
..............أكمل بوقت لاحق!!!لأني حاليا مصدومة!!هههههههه






 
هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه

ههههههههههههههههههههههههههههههههههههههههههههههههههههههههههههههههههههههههههههههه
ضحكت وضحكت وضحكت
مبروك عليك مشبشب ابو سروال بني مخطط اصفر واحمر نعم العريس هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
 
umm yusuf قال:
هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه

ههههههههههههههههههههههههههههههههههههههههههههههههههههههههههههههههههههههههههههههه
ضحكت وضحكت وضحكت
مبروك عليك مشبشب ابو سروال بني مخطط اصفر واحمر نعم العريس هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
أنقر للتوسيع...
عقبال كل الصبايا...
لاولدتي على خير بأوصيه يجيب لك سروال من سراويل خط البلدة تحميك من برد النفاس وبنفس الوقت كشخة!!!!!
 
الله يكون بعونتس ياقلبي كسرتي خاطري اخرتها يفحط
لا ولا الوظيفه يسوق شاحنات ... والله والكوبه
مبروك عليتس مشبب بصراحه اسمه بس يكفي تجيك صدمه منه
 
ههههههههههههههههههههههههههااي مثل ماتوقعت

وربي كاني جالسة معهم وعايشه تفاصيلهم

حبيت قصة شعيبيه وجدتها أحسن من قصه أسمهان وعبد الرحمن
 
جيت أكمل لكم ياحلوات.......
طبعا بعد الحوار إياه اللي دار بين جدتي وأبوي..لقيت أبوي يقول:شوفي يايمة يعز علي أزعلك مني..بس الحق ينقال ..ماأقدر أوافقك لا على طلبك الأول ولاالثاني!! لكن خير الأمور أوسطها..أنا أقول لو تجين انتي تسكنين معنا وترتاحين من حياة الديرة اللي كلها شغل وشقا!!
جدتي:وشهو؟؟؟؟أنا أعيش عندكم؟؟
أبوي: إيه عادي وشفيها؟؟؟
جدتي: تبيني أعيش مع زوجتك بدرية تحت سقف واحد؟
امعصي!!!!
أبوي: لاحول ولاقوة إلا بالله..وشفيها بدرية عاد..طول عمرها بنت أصول وتخاف ربها...وحافظة كتاب الله..وفوق هذا كله ماتحبينها؟!! علميني بإيش قد ضرتك؟
جدتي:هو من ناحية ضرتني بشي...فهي ماعمرها ضرتني!! بس أنا سبحان الله ماحبيتها كثر ماحبيت(رعثاءو شهباء وهدبه ومزينة وثويبة وجذوة وحصيفة)حريم أخوانك!!!
أبوي: طبعاً! لازم تحبينهم لأنهم كلهم بنات خوانك وخواتك! أما بدرية المسكينة أنا اللي اخترتها بنفسي ولاهي من قرابتنا..
جدتي: لا مو عشان القرابة وماالقرابة! أنا أحس إنها مختلفة عن حريم خوانك!
أبوي: طبيعي! هي الوحيدة المثقفة والمتعلمة والموظفة والصغيرة ومتربية بالمدن مع إنها زوجة أخوهم الكبير!!!
جدتي: وإش استفدنا من تعليمها؟ هذي هي رابطتك عنا وساحرتك!!
أبوي:هي صدق ساحرتني بس مو مثل ماتتصورين!!
ساحرتني بطيبها وأخلاقها ومعدنها الطيب..
إلا أمي دقت الباب وقطعت حديثهم وسلمت وحطت الفطور وجلست معهم......ورجعت جدتي فتحت موضوع النقل والعريس مرة ثانية وشبت الحرب مابينهم وخفت يكتشفون إني قاعدة أتصنت لذا سحبت نفسي ورحت الصالة وأنا أتحسر على سهري البارح وأنا أفكر بعريس الهم اللي اختارته لي جدتي!!!والله حرام فيه السهر!!
فجأة رن التليفون ورديت بسرعة وأثناء مارديت آثاري خواتي كانوا قد صحوا من النوم وقاعدين يفطرون على الأرض في الجهة الثانية من الصالة بس أنا ماكنت منتبهة!!! وأخذت راحتي بالهرج على السماعة!!!!
أنا:آلو!
أماني:آلو! شوشو شلونك؟؟
أنا:هلا أماني! وش مصحيك هالحزة؟؟(عاد أماني هذي بنت خالي عبيطة لأبعد درجة بس تنحب على هبالها!!!)
أماني: إلا قولي وش مسهرني لهالحزة؟؟
أنا: لايكون انتي بعد جاك عريس؟؟
أماني: الله يبشرك بالخير..ايش نويتوا تخطبوني لزياد؟؟
أنا: فال الله ولا فالك...انتي مشبب ويخب عليك بعد!!!
أماني: ومنهو مشبب هذا؟؟
أنا: ولد عمي صنت!
أماني: ياحليله اسمه مشبب؟؟؟ اسمه فني!! وش سالفته؟
أنا: تصدقين اللي مايخاف ربه وش سوى فيني؟؟
أماني: أعوذ بالله! اش سوى فيك؟؟
أنا: قليل مروة ومايستحي!!
أماني: روعتيني شعيبية..لايكون غلط عليك خبرك الذئاب البشرية صاروا يصيدون البنات من الماسنجر والبلوتوثات!!!
أنا: أقسم لو إنك قدامي كان عطيتك بالمخمس على وجهك!!أي مسن وأي خرابيط؟؟ هذا راعي تفحيط !
أماني: ياي!! يفحط بالدبابات؟؟
أنا: لا يختي بالدتسن!! وأزيدك من الشعر بيت يبيع حمام؟؟؟
أماني: واي وناسة..تفحيط وحمام..شكله يعشق الطبيعة!!
أنا: عاد هذي مايبي لها يعشق الطبيعة بقوة يكفي انه مقضي حياته وسط البقر والبعارين والتيوس!!
أماني: ومابتوافقين عليه؟؟
أنا: وهذي يبي لها سؤال يالفطينة؟؟؟؟؟
أماني: طيب ليش يالنذلة ماجيتي مع أمك وأبوك وحضرتي مناسبات العائلة؟؟
أنا: ودي..بس أبوي مالقى حجز..حتى تذاكره هو وأمي كانت انتظار مو أوكيه!!
أماني: حسافة..تمنيناك أنا والبنات تكونين معانا..كلهم مجتمعين وبايتين عندنا من أمس!!
أنا: تكفين لاأوصيك..لاتقولين لهم بسوالفي معك!
أماني: وشلون ماأقول وأنا فاتحة اسبيكر وقاعدين كلهم يسمعونك؟؟؟
إلا أسمع لكم صوت جماعي من بنات اخوالي وخالاتي على التلفون يقول:هــــــــــــــــــــــــاي شعيبية!!
ومن الخرعة قفلت الخط بوجيههم!!
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل