قصة شارع ولد ابو شارع والخنفساء السحريه

احصائياتى
الردود
4
المشاهدات
980

النورس الأبيض

مراقبة سابقاً
معلومات النورس الأبيض
إنضم
6 نوفمبر 2006
المشاركات
1,422
مستوى التفاعل
2
النقاط
0
قصة شارع ولد ابو شارع والخنفساء السحريه
سالفتنا اليوم...سالفة صدقيه بالحيل..

وعرضوا علي دزني لاند يصورونه فلم لكن انا عييت وآثرت المنتدى..


سالفتنا اليوم.عن واحد من الجيران..اسمه (شارع)...



بقولكم ..والذمه على الراوي


ابو شارع يوم سما ولده بذا الأسم استغربوا منه كل الجماعه والجيران ...وانا بعد بالبداية استغربت هالأسم..
لكن انقشعت غمامه الإستغراب والإستفهام مني يوم عرفت ان اسم مرته يطلع (قشعه)
فطلع اول ولد اسمه شارع..والثاني خلوه جلنط ..واللي بعده تسعات (999) واذا جت بنت يخلونها (مخالفه) فعياله صايرين حوادث ..الله لا يبلانا

فمثل ما تشوفون عاش الولد شارع في بيئة كلها حوادث ومصادمات
وزياده على سوء الذوق اللي ورثه من ابوه
فهو لديه وجه الله لا يوريكم >>اظنه وارثه من امه: santa_1:

فتح عيونه اول مره بالمستشفى وهو مدنق راسه يحتري ابوه يذن بإذنه..لكن الفاجعة الكبرى انه لقى ابوه يتهاوش مع امه على الحلاو اللي جاهم هديه بولادته
الأم تقول انا اللي حامله فيه وتعبانه من ولادته يعني الحلاو والجاتوه لي >>لاطشه كلمة جاتوه من الممرضه
والأبو يقول ايه هين روحي نامي بالصاله لحالتس ونشوف تحملين والا لاء..والا انا لو اني خامد عند عنز كان جابت لي...
>>شكل ابو شارع ما سمع بالخيانه الزوجيه

وفي وسط كل هالمناوشات والتراشق الكلامي بين ابوه وامه..كان الدكتور يواسيه ويحاول يقنعه ان هذا القدر والمكتوب ولازم يصبر..وهو جالس يصيح وينشق خشمه بمريول الممرضه
ولو يقدر يتكلم كان قالهم تكفون تبنوني 



ترعرع اخونا شارع ..في مجتمع لا يرحم ابد..

وظل يستقبل من الذبات والتطنز والشماته ما الله به عليم..
في البيت في المدرسه ..حتى بالباص
فأصبح مذموماً مدحورا..>>صار ابو لهب ما صار شارع


وفي حصة الجغرافيا يسدحه المدرس على الطاوله عشان يشرح على جبهته درس التضاريس
وفي حصة العلوم يغطسونه بسطل ويخلونه ينسم الهوى بخشمه إذا ما استوعبوا الطلاب كيفية تنفس الزواحف البرمائيه
والمشكلة هو اللي يروح يشري لعيال صفه الفسحة {كني اشوفه يفتح باغة الزعتر ويسرق قبل لا يدخل الصف}

اما المدرسين والإداره فإستحدثوا له صف خاص سموه صف خامس (شين) >> من زود الشين اللي فيه..
بشرط انه يجلس بآخر الصف ويلقي مقفاه لجهة السبوره اما وجهه فيصير على الجدار

دخل شارع مرحلة المراهقه ...:cool:
زيادة على قبحه ..كبرت مناخره وشهب وجهه وشعره وصار يطلع له نفر واجد بخشمه وجبهته
>>>>> حبوب الشباب
كان كل النفر يطلع ثم يجلس يحكهم لين ينشفون ويختفون
الا نفره نشبت لأمه بجبهته حاول فيها يمين يسار ما راحت وصار كل ما يحكه تنفقع وتطلع من باكره أكبر
وصارت كنها مطبه بجبهته
فصاروا يعايرونه عيال حارته شارع ابو مطبه


لكن ولو..
بعد فتره اصبح له هيبته ومكانته بين عيال الحاره..
صح ان جسمه مو قوي مره
بس صار يستغل الشين اللي فيه .. كل ما زعله احد منهم..او بدوا يستخفون دمهم عليه..
قلب حجاج عيونه..وبأصابعه يمعط فتحات خشمه.يمين ويسار عاد تخيلوا وش الوجه اللي بيطلع لكم بعد ذي الحركه........ ويجلس يلاحقه والمسكين اللي زعله يشيب شعره وينهبل ويجيه الصرع الله لا يبلانا
صاروا عيال الحاره كلهم ما ينامون ويتروعون بالليل والسبه هو

لكن بعد فتره..حس اخونا شارع
إنه محتاج لشيء من العطف والحنان
لشيء من
من
من الرقه :cupidarrow: ]

من الألفه..:c018:

من..

من المحبــــــــــــ:in_love: ـــــــــــه.


للأسف كان هالشي صعب عليه مره لضروف ما وده يكشفها
>>اشوا انها مكشوفه في وجهه خلقه

لكنه قرر يدخل تجربة حب سريعه يمكن ينجح فيها..

دخل المطبخ على شغالتهم وسكر الباب وقام يقردن فيها..وهو ماسك سكين المطبخ الصفرا
) لو طعن به علبة مناديل إنعفطت :/
فطلعت شغالتهم الفنسى تلعب كرتيه ولعنت خامس خامسه..وربطته بسيقانه وعلقته بمروحه المطبخ
وراحت نادت ابوه واخوانه كلهم وهو متدودل من مروحة المطبخ..نزلوه وطاحوا فيه ضرب وتوطوا بطنه لين قال آمين
وابوه يقوله يا خايس يا واطي ..يمكن اكون معك في الفكره..بس ما لقيت إلا الخايسه ذي؟؟؟؟؟؟؟؟ {قالها وهو يتلفت يخاف مرته قشعه تسمع}
وكان اكثر واحد متحمس وهو يجلده اخوه (999) :a049: {اظن عنده سابق معرفه مع الشغاله ويبي يضيع السالفه}

وجا خال العيال مسير هو وأهله وشافهم متحاشمين على الورع شارع وعلى طول فصخ عقاله وقلط مع العالم ضرب بظهر شارع وهو يسأل ابوه (وشهو:mad: مسوي؟) ..رد عليه ابو شارع..المخنز كان يراود شغالتنا عن نفسها..والجيران سمعوا الضرب وقلطوا كلهم ببيت ابو شارع ..هو يقهويهم وهم يدبجون بشارع..ويجلسون يسولفون وكلن ينشد الثاني عن اخباره وهو ماسك عقاله ويمسط بشارع المسيكين..

الميهم..مالكم بالطويله..الولد تسطر..وبعد ما تسطر..
تسسسسططططططررررررر..إلخ

طلع اخونا شارع للسطح يفكر هل ينتحر قبل الزقاره والا بعد الزقاره؟؟
والا موضوع الإنتحار الله لا يعوق بشر منتحر منتحر..

فقال يا ولد خل نمخمخ لنا على زقيره قبل هالموته ماهيب شينه والله
وجلس ينفخ ويشفط بالمرت

__________________

الميهم وجلس الرجال يدندن بينه وبين نفسه...
عااادك إلا صغير...بدري عليك الهوى
ذا جرح ماله دوى..يهز قلب الكبير..وش عاد قلبك؟؟!!
بحر المحبه غزير..قليل من قد نجااا
منه تعدى رسى..
خااااطر بحبه كثير..
أضعاف حبك؟؟!!

كان يغني ويدندن وعيونه تتابع خنفسا على جدار السطح تمشي خطوتين ثم يطيرها الهوى وتتعلق بطرف الجدار عاد شارع نط فيه عرق المنذله وجلس ينفخ بأفموه ..ولا طاحت..وطقها بإصبعه مثل الكيرم ولا طاحت طلع سيقانه وطلع فوق الجدار وهو يشوت فيها ولا تطيح..لين رفعت الخنفسا عيونه تناظر فيه كنها تقول (يالييييييييل على ذا الورعان) :showoff:

ثم قالت له ..الحين انت متعب روحك على وشو؟ تراي خنفسا يعني حتى لو طحت اقدر اطير منيب من ربع الصراصير إن طحت على ظهري ما تعدلت هي هي هي الله لا يبلانا بس ( خنفسا وشمّاته}
تروّع شارع..!!! وقالها: الحين انتي تحكين مثلنا؟
قالت ..ايه انا اصلا كنت ساحره بس صارت لي مشاكل مع امير جني وقلبني خنفسا
والصراحه هانت علي مصيبتي يوم شفتك الحين...بالله من هاللي متشمكل معه وخلا وجهك تسذا ؟؟ ( ما تدري إن هذا وجهه الصجي .}.


إنجرح شارع من كلمتها (عسى ما تعورت الكلمه؟....وعطاها آآآآآآآآآآآآآآه طويله طالعه من صدره..وقام يشكيلها ويعلمها وش جرا له بحياته ووش صار له من إنولد إلين تسطر بالمطبخ..وهي حطت رجل على رجل وتتسمع لسالفته..ثم قالت..وش رايك باللي يفتح قدامك باب السعد والهناء والفرح..؟
شارع: انتي صادقه؟؟
الخنفسا: لا انا حصه هاهاها ( محاولة تلطيف جو من الخنفسا}
شارع: ثقللللللللللللللل دميييييييييييييييييي.... :santa_1:


الخنفسا تحاول تتدارك الموقف: قصدي ما عليك ازهله وانا اختك بس (ما كنها تسبه؟ }:shutup:
..انا الحين بأسوي لك الباب هذا..
وقامت طلعت من مخباه قلم رصاص ابو محايه اللي لونه ازرق مهوب الإتحادي ذاك..لا فيه فرق..المهم وجلست تخطط بالهوا وترسم وتطير ويطلع من جنحانه نجوم صغيره مثل أفلام كرتون لين اكتمل باب السعد قدامه ..وفتحته وقالت يالله رح بسرعه قبل لا يهب علينا الهوى ويطير..
وشارع قام يناقز من الفرحه..: ..
ويقمز شارع على الباب قدامه...بس كانت قمزه خطيره ..رواسيه..كنه طاب بمسبح..




و..



.وطررررررررربوووووووووووووووووووق ..بوق..بوق
) صوت جبهته يوم تواست بلاط الحوش....>> لا يفوتكم الصدى بس



والخنفسا تطل من فوق وتقول ..هيء هيء هيء ..معليش يمكن تتعور الحين..بس كمل مشوار سعدك هو السعد كذا يبدا من طيحه..وحامت حوله ثم طارت وابعدت..وهو متكسر ومنتهي بس استجمع قواه وعطاها تحيه اخيره بأصبعه الوسط قبل لا تطير..( امحق تحيه ... }

طلع ابوه واخوانه من صوت الطيحه ويوم شافوا شارع بهالحاله قالهم ابوهم يالله يا عيالي مشينا بسرعه نوديه المستشفى لا تجيه الحصبه >> وانا اقول شارع منين وارث هالذهانه
وركبوا كلهم السيارة وهم بنص الطريق ويجي اخوهم الصغير فرامل قال يبه ما كننا ناسين شي
قال ابوه ..والله يا وليدي من مسكنا الخط وعيني اليسرى ترفل..أكيد أكيـــــد إني ناسين شي بس مدري وشو!!..
وجلس كل واحد يتفقد مخباه لا يكون ناسي محفظة والا مفتاح..عقبها صرخ ابوهم قاااااااال افاااااااا نسينا شارع بالحوش ما جبناوه معنا..
) مسكين هالشارع دايم مجحود حتى وهو مصاب


ويقلبها ابو شارع راليات وسباق فورملا ون لين اخذ ولده شارع ووداه للمستشفى
ويوم تم الكشف عليه قالوا ابد يالطيب ولدك ما فييه شي ابد ولكن يبدوا ان ضروسه امتصت كل قوة الإرتطام ولكن حنا بنحوله الآن لقسم الأسنان عند دكتورة سهام تكشف عليه
واول ما سمع شارع اسم سهام وهو اللي يون ويقول للدكتور ايه صدقت كل الأوجاع في ضروسي خاصتاً هالضرس ..وقام يأشر عليه
قال الدكتور يا ولدي انا فاهمك بعدين هذا خشمك مو ضرسك..لكن انت نام ولا تشيل هم
دفوه بالسرير لم الدكتوره سهام ..

كانت الدكتورة سهام تقرى كتاب بالوقت اللي دخلوا بشارع ساحبنه بالعربيه عليها..
وكانت متحجبه بس حاطه بوجهه الضماده مدري الكمامه..
المهم..وتبدا تكشف بأسنانه.... ولقت بأفمه حوسه وأغراض هذا غير ريحة فمه )وينتس يا ام صنون

آخر شي قفلت مع سهام ودخلت يدينه كلهم وجلست تطلع..هذا قشر برتقال..هذا مصاص سن توب..!! هذا عود اسنان..وعود اسنان ثاني..)شكله يوزيهم لا جت عزايم..
دخلت يده شوي داخل افمه..ورجل سهام واطيه على خد شارع..عشان التوازن..
وهو مييييت خقه وقلبه يطقطق اول مره يحس بالحنان الأنثوي..
وكل ما فركت بخشتة اكثر كل ما تولع قلبه اكثر حتى قال قصيده بهالمناسبه


ضاعت علومي يالعرب..وش ابدي؟؟؟
يوم الدكتورة سهام وطت على خدي..!!:tears:

وزززززززززززززززز
>>علاقة ملابس تطير طالعه من افمه..

سهام يا سهم في قلبي..
أدماه..ولا إبتقى باقي..
اعطيني ميتين وأعبي...
دم..من محطة اشواقي..
( ما تحسون إن اللي كتب ذا البيتين وكيل رقيب في القاعده الجويه؟

وزززززززززززززززززززززززززز
>>بريق فواح يطير من مخلفات كشتة السنه اللي فاتت..

التفتت سهام لشارع ...وقالت..
:وش جاب كل الأغراض هذي بين ضروسك؟؟
: ابوي يقول مانبي نسوي مخزن عشان الخساير نحط حوستنا بثمك :/
: طيب اسنانك ليش مغبره؟؟؟
: عمرتس شفتي مخزن نظيف؟؟ :$


: ياااااااخي لا تجنني...اول مره اشوف واحد طالع بلسانه ضرس هالكبر وقامت تأشر بأبهامها
: يومني صغير كنت ادعك لساني بالفرشه وهو حسب إنه لثه وطلّع لي ضرس :$

راحت الدكتورة سهام تفتش بكل الكتب عن حاله مثل هالحاله..وتدور وتحوس..
ما خلت كتاب إلا وفصفصته ولا لقت حاله شبيهه بحاله شارع!!
وطلعت فوق المكتبه قالت يمكن فيه كتب فوق متوزيه تفيدني بهالخصوص..
ما درت إلا وتتزحلق وجت بتطيح ...
.
وبهذه الأثناء كان شارع يسوي حفريات بخشمه .:e088: .ومستانس ورايق مره إلا وتطلع له الخنفسا ما غيرها تناديه..شارع شارع..قم يالخبل الدكتوره بتطيح الحين قم...وشارع يسوي نفسه ما يسمع ..
الخنفسا: شارع هذه فرصتك القطها وهي طايحه وشلها بحنان عشان تطيح في حبك ياله..وجلست تنغزه بالشوكه اللي معه..
قام فز شارع كنه ضاربه شوط كهرب..وقمز ذيك القمزه..
والدكتوره سهام إلى الحين متعلقه بالهوا بتطيح ...بتطيح...بتطيــــــــــــــح..

وشارع يحاول يقمز بس طرف ثوبه متعلق بالسرير الله يلعنه..
وجالس يجر ثوبه عشان يلحق على سهام قبل لا تطيح ..
قام فصخ ثوبه وبقى بالسروال والفنيله ( لزوم الإغراء.......}
والخنفسا فوق راسه تحوم..: شارع يا متخلف بسرعه شيل البنت وانقذها..
بس هو مسّكت معه إنه يروح آخر الغرفه ويجيها طاير ثم ..يلقطها..بزعمه مسوي اكشن
وكل هالزحمه صايره..وسهام إلى الحين متعلقه بالهوى..
ثم رجععع شارع آخر شي..وعض على فنيلته وأخذ وضعية الإستعداد..
ويررررررررركض وكملت سهام طيحتها..
..
..



..

...


بس ان شارع من قوة الركض احولت عيونه وبدال ما يلقط سهام لقط الكتاب :/
وسهام تطيح بالأرض
والخنفسا ماسكه راسه...وتلعن بشارع وبدلاخته..(الله لا يلومها حتى انا منقهر منه المعتوه.. }



بس الغريب..:strongsad:
سهام قامت وهي منبهره وتطالع بشارع..(طبعا جالسه تحك *** من اثر الطيحه}
وقالت له : شارع انت اخذت الكتاب وتركتني؟؟
شارع: قسم بالله ما اقصد انا ...بس...أحم..أ..
سهام: مو معقوله ابدا ..الحمد لله اخيرا لقيت فتى أحلامي اللي يقدر العلم والمعرفه ويحترمه اكثر من أي شي آخر...تعااااااااال حبيي شارع امممممممووووووواااااااااح..وتمطخه ذيك المطخه اللي من بعدها قلب مزيون سبحان الله..ووجه تورد وزانت خلوقه وبشرته تفتح لونه حتى طلعت له غمازات ما ناقصه الا يقول وش كثر اعاني.. سبحان الخالق
وعقبها تزوجوا وعاشو في سبات ونبات
وخلفو البنين والبنات..

عاد الله حق ما ادري هم تزوجو والا مخلين الدعوى فري بس اخبر دايم بآخر القصص يخلون الأبطال يتزوجون..
وتوته توته..خلصت الحتوته..[/]
:smoke1:

منقوووووووووول بتصرف
 
معلومات درة الأكوان
إنضم
15 ديسمبر 2006
المشاركات
2,387
مستوى التفاعل
1
النقاط
0
الإقامة
قطر
رد: قصة شارع ولد ابة شارع والخنفساء السحريه

هههههههههههههههههههههههههههههههه
حلوة وطوييييييييييلة
 
معلومات طيب الروائح
إنضم
27 سبتمبر 2006
المشاركات
212
مستوى التفاعل
0
النقاط
0
رد: قصة شارع ولد ابة شارع والخنفساء السحريه

مرحبا مليون صديقتي النورس ، عاد مت من الضحك على قصتك ، والي يمر عليه فى المكتب
ويشوفني ميته ضحك يقول شو هذي الهبله وليش تضحك كذيه.............
 

النورس الأبيض

مراقبة سابقاً
معلومات النورس الأبيض
إنضم
6 نوفمبر 2006
المشاركات
1,422
مستوى التفاعل
2
النقاط
0
تسلمون يالغوالي على المرور ...........بنات .القصص هاذي يبغالها واحد مافراسه شىء

طفشان وفاضي علشان يمخمخ عليها اذا لم تتوفر فيكي المواصفات فلن تستمتعي بها
 
معلومات همـ الجراح ـس
إنضم
7 نوفمبر 2006
المشاركات
1,772
مستوى التفاعل
0
النقاط
0
العمر
38
الإقامة
بحــ الجراح ــر
وجا خال العيال مسير هو وأهله وشافهم متحاشمين على الورع شارع وعلى طول فصخ عقاله وقلط مع العالم ضرب بظهر شارع وهو يسأل ابوه (وشهو:mad: مسوي؟) ..رد عليه ابو شارع..المخنز كان يراود شغالتنا عن نفسها


ههههههههه حشره مع الناس عيد..يحليله شارع والله:shiny:
 

من نحن ؟؟

موقع نسوة : هي شبكه عربيه تهتم بكل ما يخص المرآه وحياتها اليوميه يعمل منذ سنوات لمساعدة والمساهمه في انجاح كافة الامور الحياتيه للمرآه العربيه