قريبتي تبي تخرب بيتي ساعدوني

[ام يوــف]

:tears:السلام عليكم ورحمة الله وبركاته

كيفكم يابلقيسات


بدخل بلموضوع مباشره انا وصلني مسج من رقم جوال مكتوب فيه كلام استحتي انا اقوله وكلام حب واخر المسج مكتوب اسم ولد
طبعا حاولت اجيب صاحب الرقم من فتره وانا احاول لحد ماكتشفت وبالصدفه ان هالرقم لوحده من قريباتي هاذي تكرهني من زمان بس ماتوقعت توصل فيها كذا مع ان والله بحياتي ماسويت لها شئ
ولا كان لي احتكاك فيها غير بالمناسبات

انا ماعرف وش اسوي اخاف يوم ترسل وزوجي يقرا المسج وتصير بينا مشاكل واخاف
اقوله ولا اطنش واقولها اني عرفت انها هي
مادري شيرو على مره ملخبطه بنجن لدرجه فكرت انيي اكسر الشريحه
مو اول مره ترسل
انتظر حلولكم اللله يسعدكم

 

[مانقو]

انا من رائيي انك ترسلين له انك عرفتيه
وذكريه بالله ---وعقاب الله
وهذي تغار منك ووواضح اعرف وحده كذا تغار منه اتهمته بعرضه وترسل لزوجه رسايل تسب فيه زوجته فيه الشياء تسويها لو اقولها لكم ماتصدقونها
من زمان وهي كذا منكده على البنت حياته
انا من نصحيتي انك تخلي واحد من اخوانك يكلمها ويتوعدها
الاشكال هذي ماينفع فيها الى رجال مو حريم
لاانه تغار منك -----والغيره الله يكفينا شرها

 

[أم ذياب89]

الله يهديها ليش هالحركات ماتخاف ربها هذي

الغاليه غيري رقمج وفكي عمرج اذا شفتيها ردت ع حركاتها واجيها


اذا مافاد وياها خبري ريلج عن حركاتها هذي


قولي انها تكرهج تبا تاذيج وبس


الله يهديها يارب

 

[ام يوــف]

تسلمون على الرد
ان شاء الله بقوله لان اخاف يطيح بوحده من رسائلها ولا بكسر الشريحه وبخليه يغير الرقم

 

[قطـــــريه]

كلمي الوالده واخوانج عشان يكونون على علم بس .. واحذفي المسج ولا تردين أبد عالرقم لا اتصال ولا مسجات ولا ادعيه بالهدايه ولا وعيد وتهديد .. عطي الرقم حق اخوج وخليهم يتصرفون ..

 

[نورالوجود]

الله يعينك انا من رايى انك تصارحين زوجك بلموضوع وخليه يتصرف
علشان يوقفها عند حدها

 

[حنان الحب]

ليش خايفه دام انج واااثقه خبري زوجج قبل لا يستوي شي ويقووولج ليش ما خبرتيني من اول

 

[دلــ زوجي ــوعة]

أنا من رايي تخبري زوجك وتخليه على علم بكل تصرف تتصرفينه

 

[لازم اسجل]

لا لا يابنت انا من رايي انها تعلم زوجها وتقول هذي فلانه بنت فلان

اولا / ان زوجها راح يثق فيها ويدري ان فلانه تبي تخرب سمعتها وتخرب بيتها

ثانيا / البنت ذي ناويه على شر من تصرفاتها يمكن تسوي لها طريقه ثانيه وتضرك وزوجك راح يصدق لكن انتي تذكرينه بأنها فلانه وارسلت مسج وزوجك يعرف بالسالفه ويدري انها من تصرفات هالمعوقه ذي

ثالثا / والاهم ان زوجك يعرف الصغيره والكبيره افضل من تعلمين اخوك ولا غيره اذا عرف زوجك بيزعل ليش تعلمين اخوك وانا زوجك وابو عيالك مااعرف الا اخر الناس

رابعا / بعد ماتسوين هالتصرفات تغيرين جوالك اصرف لك ويكون رقمك مخصص لناس تعرفينهم وتحرصين عليهم

وانتبهي لنفسك وذي نيتها تخرب بيتك وتخرب سمعتك لكن انتي باقرب وقت شوفي لك حل لاتسكتين على هالوضع ان سكتي وضعك بيصير ضدك

وعسى ربي يوفقك ويستر عليك من بنات الحرام وخرابات البيوت

 

[لازم اسجل]

علمي زوجك لاتخلينه ينصدم ويسمع السالفه من ناس ثانين وتروح ثقته فيك

وياليت تعلمينه يكون احسن لان نيتها شينه ذي

واذا احد شاف الجوال حقها ولا هي تخلي جوالها في اي مكان وتقول انه جوال ولد ويكلمك انتي

انا اتمنى انك تعلمين زوجك قبل هي تسبقك وتتصرف باي تصرف ويصير ضحك

اسبقيها قبل تسبقك وتخرب حياتك وبيتك

 

[Angel5]

قولي لزوجك السالفه لاتخبين لانك ما اخطيتي..
البلا الكتمان ويكتشف من نفسه ولا بيثق فيك..
لكن خبريه.. وهي ربيها وواجهيها علشان تتوب..
تحيتي

 

[أحلى مدام]

اللهم اجعل كيدها في نحرها

 

[وجهات النظر]

الطبيعي انك تعلمين زوجك
هذا موضوع بسيط جدا ، ولا في داعي انك تخشين او تخبين على زوجك مثل هالأمور ،،،،
بعض الحريم الله يهديهم ، يجعلون حواجز بينهم وبين ازواجهم ، لدرجة انهم ما يعرفون كيف يتصرفون في بعض الحالات ، حتى لو كانت بسيطة

الله يسهل لك امرك ، ويشرح لك صدرك ، ويكفيك شر الأشرار

 

[الامل القريب@]

يالغاليه ماتوقعت البرود هذا من اي وحده من النسا اسالي مجرب انا كانت تجيني ازعاجات من احد يعرفني بس منو مادري والله اول شي وضحت لزوجي عشان حبيبتي مايخرب بيتي ويشك فيني والحمدلله زوجي وقفه عند حده وانتهت انتي قولي لزوجك وتكتكو وخططو ايش بتسوو لها

 

[sareta]

لازم زوجك يعرف الموضوع مو لعبه خبريه من شو خايفه
الله يوفقك

 

[حنين احمد]

هدديها و دخلي احد اخوانك في الموضوع
مثل هذه الامور محتاجة حسم و قوة عشان ما تتمادى
الله ينصرنا و ينصرك و يكفيكي شرها انشاء الله

 

[بحر العفة]

لا تخافي ولا شي
دامك ماسويتي شي ربنا معك
انسي الخوف وارميه
فكري اش تسوي
انت عرفتي ان هالرقم لقريبتك
حاولي تعرفي اذا احد يعرف انه رقمها اولا ؟

مثلا :
حاولي تاخذي جوالها الاساسي بظرف طارئ لها ، بحيث تضطر انها تستخدم الرقم اللي ترسلك منه
المهم انه ينعرف ان هالرقم لها وبعدين هدديها بالرسايل اللي ترسلها لك

اذا هي تجيبه في جمعة وبين عايلة دقي عليها بحيث الكل يسمع الصوت اذا طلعت بين الناس طبيعي حتنحاس وافضحيها بنفس الموقف

المهم فكري وامكري وتحيني الفرص ويارب يساعدك

 

[ليليــــــــــا]

حسبي الله ونعم الوكيل فيها الله يجعل كيدها في نحرها ويكفيك شرها
حبيبتي لازم تخبرين زوجك افضل اخاف تحس ان الرسايل مانفعت تقوم تسوي بلوة ثانية
وخير سند لك زوجك ابو عيالك لا تخلين بينك وبينه حاجز اذا مانفعك الحين متى بينفعك
وخليه اهوا يتصرف معاها ويوقفها عند حدها عشان تحرم وتخاف وتعرف وراك رجال

الله يتمم لك هذي القصة على خير

 

[caramelaa]

حبيبتي
قولي حق زوجج ورفعي قضيه عليها بالمخفر عشان تتأدب بغض النظر سواء كان بنت او ولد اللي يدزلج مسجات هالاشكال اذا عطيتهم فرصه ممكن يهدمون حياتج ولا تبينين انج عرفتي منو قولي في ناس دازة مسج وانا اشك انه مرة مو ريال وعيب اللي يصير ورفعي عليها قضيه او هديديها وقولي حق اهلها يوقفونها عند حدها معني افضل تشتكين عليها عشان مايحوشج كلام القيل والقال وينقط البلا عليج ويتكلمون بسمعتج

 

[ام يوــف]

جزاكم الله الف خير بجد والله قويتوني ومن شوي قت لزوجي صحيح عصب وخصوصا ان البنت هاذي تقرب له اكثر ماتقرب لي وخذ الرقم وقال خلي الموضوع على

الله يجزاكم الف خير وربي تطمنت وارتحت من اليوم مو قادره انام الحين احس براحه الله يسعدكم ويريحكم مثل ماريحتوني