قرروا لي قيصريه ونفسيتي تعبااانه ...

[وحيده في دنياي]

رحت المستشفى عشان اني في العاشر ونوموني
عشان الطفل معترض
وقرروا قيصيريه السبت
وخايفه مرره وبس اختلف مع زوجي
هو مايقدر نفسيتي وابكي دايييم

ادعوا اولد طبيعي
ونفسيتي تكون احسن الله يخليكم
والله تعبانه

 

[خطاك يغير غلاك]

ياحياتي الله يفرج عنك
طيب روحي لاهلك ريحي عندهم كم يوم
وكثري سجود وحبي مثل البيبي
وربي يكون فعونك

 

[وحيده في دنياي]

قلت لزوجي ابغى اروح لاهلي ومارضي
انا راح اتنوم الجمعه عشان الفحوص
والسبت العمليه
واختلفت معه لاني خليت ولدي عند اهلي
لانه مايمشي واتعب اشيله هو عمره سنه واربع شهور
ويبغاله عنايه
وانا مااقدر
لاني طلعت على مسؤليتي من المستشفى
والدكتور عصب
لان دقات الجنين مو كويسه
ودايم علي الاوكسجين والمغذي
وزوجي مو مقدر يبغاني اجيبه من بيت اهلي
وطلعت عشان نفسيتي في المستشفى صارت زفت
وهو خلاها ازفت

 

[انثى راقية]

الله يوسع صدرك بالعافية ويقومك والبيبي بالسلامة ويسخر لك زوجك
نفس الحاله والله
قررو لي عملية
مااقول الا الله يفرجها علي وعليك

 

[فاقدة أختها]

الله يفرجها عليك حبيبتي
ويسهل عليك ولادتك
ويقومك بالسلامه
ويقر عينك بروية طفلك
امييييين يااااارب

 

[خطاك يغير غلاك]

وحيدة بدنياي حبيبتي كان ماطلعتي بعدين انتي الي بتندمين وولدك خليه مع ابوه بما انه يبغاه خليه هو يشيله وانتي ارجعي خليهم يتابعون حالتك

 

[لاريسيا]

ان شاء الله تولدين طبيعي يااارب

بس اذا قرروا قيصرية فأكيد افضل للبيبي علشان مايتعور اذا وضعه غير طبيعي
فلاتخافين ياقلبى ولاشئ
القيصرية مو مثل اول الحين الطب تغير وكل شئ غير
اهم شئ سلامتك وسلامت البيبي
وادعى واستغفرى
وضعى يدك على بطنك واقرى المعوذات واية الكرسى والفاتحة 7مرات
وان شاء الله مايطلع النور الا والبيبي على صدرك يااااااااارب
​

 

[وحيده في دنياي]

الله يجزاكم خير
ويرزقكم باللي تتمنونه يااارب
ماقصرتوا يالغالين
راح توحشوني صحيح ماشفتكم
لكن يكفي اني احس بكم لما اقرى مواضيعكم
وردودكم

 

[عذبة الروح 2]

اقرأي قران
ترى الجنين يسمع لأنه في مرحله متقدمه ...
من السمع ..
فحطي يدك على بطنك وقرأي ..وحركي بطريقه دائريه
وشربي ماء زمزم وأنويها ان ربي يسرها وتولدين طبيعي ..

 

[ملكة بعيونه]

حبيبتي لاتخافين والله الي كاتبه لك ربي بيصير
اقولك قصة اختي قررو لها عمليه وكانت
حامله بتؤم وكان واحد وضعه طبيعي والثاني
بالعكس راسه فوق وبعدين فجاة جاء الطلق
بسرعه على بال ماوصلت المستشفى الا هو
ينزل الاول والحمدلله ساعدها دكتور ونزل الثاني
طبيعي فالله الحمد والمنه وهذى المكتوب وانتي ارضي
بالمكتوب والحمدلله انه وضع له مخرج ثاني مو زي اول
كثير يموتون الاطفال بهذي الاسباب وانتي اذا رفضتي
لو جاء الطفل شي راح تتعبين طول عمرك وتقولين ليتني
وافقت على العمليه وانتي اكثري من الاستغفار والدعاء
بااخر الليل وبعد احبي زي الطفل فذلك يعدل وضع الطفل باذن الله وخوذي اشاعه
وشوفي عن وضعه بعد كم يوم حبي وبشرينى عنك وتقومين بالسلامه

 

[ياقوتيه]

ان شاءالله تعدي على خير يارب ويسهل ربي ولادتك ,, الله يكتبلك اللي فيه خير ياااارب ويهون عليك وييسر كل امورك يارب وما تربين الا وانتي مبسوطه وتتعافين فاقرب وقت يارب

ربي يهون عليج يارب

 

[أخت السحـاب]

عاادي حبيبتي كل الرجال كذا الله يهديهم بس هو خاايف عليج بس مب عارف يعبر
وان شاء الله ياغاااليه تولدين طبيعي ويرزقج الذرية الصاالحه
واذا قدر الله وولدتي بعمليه لا تخااافين امرها سهل باذن الله انا جربتهاا واخذت تخدير موضعي والحمدالله تيسرت اموري والقيصري ياغاليه ماصار يخووف مثل قبل صارو الحريم اللحين يطلبونه لاتخافين بتتيسر باذن الله

 

[أمة البارئ]

الله فرج لك وييسر أمرك
أختي ..ارجعي للمستشفى ليش تطلعين..؟
ماتدرين ايش وضع البيبي ........حبيبتي الآن شيلي أغراضك وعلى المستشفى.

 

[ِضيــآءْ]

غريبه طلعتي من المستشفى
سلامتك وسلامة البيبي اهم .. تكوني تحت رعاية الأطباء

ربي يقومك بالسلامه يارب ويسخرلك زوجك
وماعليك شر يالغاليه
​

 

[شذى العبير2]

يارب يا وحيده الله يقومك بالسلامه وترى ما في شي صعب على رب العباد

ما تدرين يمكن بين لحظه والثانيه ينزل راسه بمشيئة الله ما في صعب على الله

وانصحك طنشي زوجك ولا تقعدين تتمشكلين معاه وتتعبين نغسيتك ترى النفسيه لها دور مر كبير بوقت الولاده يعني لازم تكونين مرتاحه

وبعدين تخيلي انا والده لي شهر وربي وربي ما كنت اتوقع اني اولد قيصري طبعا مع العلم بانه كل شي بيد رب العالمين لكن كل اموري كانت تمام تخيلي واخذت اربع تحاميل طلق صناعي لانه الميه كانت نازله علي بداية التاسع ووالله اني حمد ت ربي اني ولدت قيصري تخيلي اخذت بنج نصفي ولمن طلعت البيبي قدامي كان حبيبي الحبل السري ملفوف على رقبته هذيك اللحظه حمدت ربي الف مره وفعلا الخيره فيما اختاره الله

ما تدرين يمكن القيصري يكون فيه خيره لك ومثل ما قالوا لك البنات الطب تطور والحريم الله يهديم كثير سايرين يطلبونها


الله يفرج كربتك ويسهل ولادتك ويارب تدخلين قريب تبشرينا بولاده ميسره من عند الله


واسفه على الاطاله

 

[هذا رأيي]

السلام عليكم

وليش كل هالهم والخوف من العمليه؟؟؟.!!!


وليش شايله الدنيا فوق راسك؟؟


العمليه القيصريه مو زي ما إنت متخيله تراها بفضل الله تعالى ثم تطور الطب صارت سهله مررره ولله الحمد..


أنا مسويتها في كل عيالي وأحمدالله وأشكر فضله ماشيه تمام..


الألم يكون فقط بعد العمليه بيوم وماراح يقصرون عليك بالمسكنات ..

كل ماحسيت بألم إطلبي مسكن وينتهي الموضوع ..

وكلها ثلاث أيام أو أربعه والألم يخف وماتحتاجين المسكن ..

وبعد أسبوع تطلعين إذا كانت صحتك أنت والبيبي تمام ...


ولاراح تحسين بألم مثل اللي يحسون فيه المخيطات من تحت مساكين..


أنت الألم عندك في البطن ودامك متهمه بنفسك من ناحية الجلوس والمشي ومن طفلك الأول لا يضرب بطنك..


ومهتمه من ناحية تنظيف الجرح زي مايقولون ويعلمونك في المستشفى

وتاكلين مضاد وتحافظين على الخياطه من أي إلتهاب خلاص ماعليك خوف إن شاء الله


وسعي صدرك ومايكون إلا الخير...وفرصه تفتكين من الطلق وطلعة الراس بالطبيعي هههه..تنامين وتصحين وتلقين ولدك بجنبك..


أكيد فيه ألم ولا كيف بيكون أجر..بس طبعا مو لدرجة الزعل والنكد اللي معيشه نفسك فيه..


نصيحه يالغلا إرجعي للمستشفى حتى يتابعون لك البيبي مو تصبرين

تسع شهور بتعبها وثقلها وآخر شي تخربينها بالإهمال وتصيرين زي

ماتقول جدتي رضاحة العبس.!!!


ولازمي الدعاء والإستغفار وبإذن الله تبشرينا بسلامتك وسلامة النونو..

لاتنسيني من دعاك..ولن أنساك..لأني حاسه فيك..

الله يفرج لك..وأي سؤال حاضره..

 

[أم حميدة]

بما إنك في الأحساء فإذا كان هذ ا كلام مستشفى خاص فلا تصدقي حتى تروحي إلى مستشفى الحكومي ويفحصوك ويقرروا ، لأن الخاص أغلبيتهم مافيهم أمانة ولا ضمير يلفقوا على الشخص أشياء كلهم عشان الفلوس لأ،نالعملية القيصيرية تكلفتها اكبر من الطبيعي .
واذهبي إلى الحكومي وتأكدي ،، بسرعة

أما لو كان هذا تقرير مستشفى حكومي فخلاص ،، ماعليك إلأا الدعاء ولا تعلمين قد يغير الله وضعه آخر لحظة ،،، ليش ما سووا لك قلب للطفل في 36 أسبوع وتعديل وضع .

راقبي حركة الجنين بعد أن تستلقي على يسارك وعدي كم حركة في الساعة أن لا يقل عن حركتين في الساعة فإن قل عن حركتين في الساعة لازم تطيري على المستشفى لاأنه علامة خطر .
ارحعي حاليا للمستشفى إن كان هذا كلامهم أن نبضهم ضعيف فهذا علامة خطر على الجنين .


أما لطفلك الصغير الي ما يمشي ، أعطيه فيتامين د3 ( أربع نقط يوميا ) ، مع دهنه بزيت الزيتون ( جسمه )

ويارب تولدين بالسلامة بدون أضرار

 

[سـهام الجفا]

الله يفرجها عليك وتولدين يالسلامه

 

[أم حميدة]

وبالنسبة لكلام زوجك فإن وافق اعلمي الموافقة هذا جاءت من فوق وليس منه وإن رفض فهذا أيضا جاء من فوق لأن الله قدر كل شيء قبل خلق السموات والأرض
فعلينا الرضا والتسليم لأمر الله ( وعسى أن تكرهوا شيئا ويجعل الله فيه خيرا كثيرا )
ألا نقول : اللهم لا مانع لما أعطيت ولا معطي لما منعت ؟؟؟؟؟؟!!!!!!!!!!!!

فكل شي ما تحصلي عليه إلا ماهو مكتوب أما الي غير مكتوب عيك لو تفرفرين عشان تحصلين عليه فلت تحصلي عليه
( رفعت الأقلام وجف الصحف )

 

[أم الهام]

الله يسهل امرك حبيبتي
ان شاء الله تقومي بالسلامة وبالنسبة للعملية لاتخافين منها اول عملية تكون سهلة
مو زي الابعدها
وما تشوفين شر انتي والبيبي