شفتوا قصص الجفاء وسوء المعامله اللي بهذا القسم انا عمري ما استغربت ان عيال الناس اللي هم ازواجكم يسوون كذا لان انا اللي يسووي بي كذا اللي نقول عنهم ام واب اسوء واغرب قصص العنف الأسري في بيتنا ولكنها ليس من طرف واحد بل من الطرفين حرب ضروس علينا وعلى نفسياتنا لا تهدأ أبد من يوم كنت صغيرة اهمال وتجاهل لمتطلباتنا وحقوقنا ومخلين حياتنا على البركه البس اي شي كل اي شي تعلم اي شي الترفيه هذا شيء عيب لا اتذكر اننا سافرنا يوما او ذهبنا لمطعم او منتزه بحياتي كلها في الابتدائيه سقطت كثيرا رغم اني ذكيه جدا الان انا الاولى على الجامعه بأكملها قسمنا ١٠٠٠ بنت وانا الاولى عليهم وانا الوحيده اللي تقديري ممتاز يعني الثانيه تقديرها جيد جدا تخيلوا وانا كنت اسقط بالابتدائي والمتوسط وكنت مضحكة البنات وانتقام الابلات بسبب اهمال امي كانوا البنات يستهترون بنا تدرون ليش لان ما احد يدري عنا كلام طويل وحزن مرير وقصص لا تدخل بعقل بشر انو ام تسويها لم تهتم بنا حتى في المرض اختي مراهقه واصيبت بالسرطان ورغم ذلك كانت تتعامل معها بقسوه ولم تتعامل معها بحب وتتشمت وتدعوا بزيادة المرض هكذا تراكمت القصص وتراكم الحقد حتى وصلت حدا قررت فيه ان اقاطعهم وان اعلمهم ان الله حق والناس الذين فضلوهم علينا دعهم هم من يبرون بهم وقراري هذا جاء بعد تفكير بالانتحار لكنه صعب لاجل الله لا لاجل الحياه ثم قررت الهروب ولكن الى اين ؟؟ قررت ان اجلب لهم العار ولكن افكر باعمامي واخوالي وما ذنبهم ؟؟ فتوصلت اخيرا لمقاطعتهم حتى الموت واخليهم يحتاجون للناس الذين فضلوهم علينا ولاكني قلقه من اجل الله لا من اجلهم والله لو اني مو مسلمه كان ماترددت ثانيه في قراري هذا ولكن كوني مسلمه هو السبب في استشارتي لكم ماذا افعل ولا احد يقولي تاسفي منهم عامليهم بالحسنى قبلي راسهم لان هالاسلوب ما ينفع معهم واللي يسوي كذا معهم يعاملونه وكانه بابو غريب ويستغلونه ايما استغلال
ودي اصبر ولاكن النار تغلي بداخلي والحقد عليهم ما اقدر اتخلص منه ما اقدر حتى امثل حسن المعامله معهم وارتاح لما اتجاهلهم لانها تخف المشاكل لما اتجاهلهم ولا اكلمهم علما بانهم مانعيني من اختي اللي قريبه لي اما باقي خواتي بمناطق ثانيه يعني لو قابلتها تصير مشكله ما يبغون نتقابل تخيلوا انهم مفرقيننا عن بعض واحنا اخوان وكان شوفتي لاحد اخوتي جريمه نتقابل بالسر !!!
بتقولون وش السبب انا اعلمكم امي وابي لديهم مرض هذا ما اكتشفت لا حكمه ولا تصرف سليم ولا قرار سليم يعني من لما كنا رضع وهذي معاملتهم لم تتغير امي للاسف كل مايهمها رضا الناس والخروج والتنزه فقظ لوحدها طبعا يعني لا يهمها شي ولا تصدق بشي اسمه نفسيات تخيلوا بانها تضرب اخوتي وهم بالكليه ضرب مبرح شديد في اعينهم هكذا تتعب نفسيا ثم تبدا بالضرب بالتكسير بالصراخ بتقولون ارعيها ارحميها كنا كذا ولا كن ماينفع معها حتى صرت اتندم اني بيوم من الايام رحمتها تخيلوا انها ترفض خطابي دون علمي وتقول لكل الناس ان فلان خطبني وانا ماادري يعني اعلم من الناس وبقيت للان من دون زواج تستهر بالناس تستحقرهم وبعض الناس اللي كشخه وعندهم فلوس تقدسهم لو يسبون عيالها كلهم تبقى معاهم تخيلوا يسبون اختي قدامها ومسكته يوم اختي ردت قومت الدنيا علييها وقاطعتها ٦ اشهر لو اختي ترد على ناس غير عادي ماتقول شي بس لو ردت على الناس المقدسين الكشخه يجن جنونها
قصص كثيره لا يسعني سردها ولا احب ذكرها انا فقط اريد ان اقول لكم اشيروا علي هل استمر بالمقاطعه وكيف اصبر وقلبي مشتعل نار مع اني شاريه ربي وممكن اتحمل اي شي في سبيله بس ابي احد يقولي حل وانا بستخير بشان قراري مقاطعتهم حتى الكبر حتى لو احتاجوني بتركهم هذا قراري بقي ان استخير واستشير والله حليم رحيم عالم بنيتي ووضعي وهو قال لو كنت فض غليظ القلب لنفضوا من حولك وهو نبي فكيف باقي البشر وانا بنفض منهم لهذا السبب
انا مع الاخت تشكرات
حبيبتي مصيبتك عظيمه
لاكن تذكري ان اجرها عند رب العباد اعظم ياغاليه
بر اباك وان ظلماك
الله يهديهم ويمتعك ببرهم
لاتقاطعيهم
صليهم وتحمليهم قدر المستطاع
اري الله منك خيرا
وسوف يعوضك الله
امك وابوك مهما كانت قسوتهم لهم حق عليك وقرن الله عبادته برضاهم00 كل هذه التراكمات التي في نفسك اشعلها الشيطان ليحزنك وهذا هو الهدف الرئيسي للشيطان يدخل في قلبك الحزن
ثم يرسم لك طريق وتمشينه خطوه بخطوه وفي النهايه يعطيك قرار وتنفذينه 00
هل تعتقدين ان قرارك انتصار للنفس ؟؟
لا بل معصيه عظيمه لله عزوجل00
وانتي الان شخصتي حالة والديك انم مريضين تعاملي معهم على هذا الاساس
ان الله ابتلاك بهما 000 اصبري وتلطفي معهما واخفضي لهما جناح الذل وكوني لينه هينه
لست وحدك من يعاني هذا بل يوجد من تعاني اكثر لكن اين المفر00؟؟
المفر لله وحده واصلاح علاقتنا بربنا ان كان هناك معاصي وذنوب نستصلح انفسنا وننقيها من شوائب الذنوب00 ثم الدعاااااء لهما قلبامك وابوك وقلوب العباد بين اصبع من اصابع الرحمن يقلبها كيف يشاء اسألي الله ان يقلب قلبيهما رحمة وموده لك ولااخوتك
واذا بحثتي في طفولة امك وابيك ستجدين سبب قسوتهما عليك وعلى اخوتك00
الله امرنا ان نصاحبهما في الدنيا معروف وان كانا كافرين فما بالك اذا كانوا يعانون من الجفاف والقسوه؟؟ اصبري يابنتي واسألي الله ان يرزقك بالزوج الصالح بهذا الصبر ولابد ان يكون صبرك في ذات الله حتى تنالين رضى الرحمن00
وحاولي تبتعدين عن مايغضبهم ويثيرهم 00 وبودي ان تستشيرين اهل الاختصاص من عالم وشيخ ثقه ومستشار اسري واخصائي نفسي اجمعي ارائهم وان شاء الله ستجدين حل حتى ولو كان حل جزئي للمشكله فهذا يعتبر انجاز00 لانني اخشى ان تكون مقاطعتك لهما من العقوق المحرم والذي يعجل الله عقوبته في الدنيا وخزي في الاخره 00 لاتقدمين على قرار بدون ان تستشرين اهل الاختصاص
أنا مارح أقول لك خليك مثل الأنبياء لأن هذا شيء مستحيل. ولا رح أقول لك حبيهم وسامحيهم، لأن هذه أشياء قلبية لا دخل لنا بها. الإنسان (الأب، الأم، الزوج، الابنة) هم من يترك بصمته في القلب، فإن كان بصمته جميلة حنونة، امتلأ ذلك القلب بالحب رغما عنه. وإن كانت البصمة عبارة عن صفعة، امتلأ ذلك القلب بالكره رغما عنه.
لكن لا تقاطعيهم. لا تقاطعيهم عشان ربك، عشان نفسك، عشان اخوانك، وعشان أكيد أكيد في يوم من الأيام عملوا فيك معروف ولو كان صغير: أمك لا بد أرضعتك، لعبتك وإنت صغيرة، غيرت لك حفايضك، وأبوك وداك المدرسة أو دفع للسواق يوديك، أشترى لك مريول ودفاتر وأقلام.
الحل: أولا: القصص هذه عجيبة جدا، الأم بنتها يجيها سرطان وتدعو عليها يزيد المرض؟ هل إنت متأكدة؟ خوفي إن تكوني من كثرة الغضب أسقطت عليهم عيوب أكثر مما هم عليه. سامحيني لكن لازم أطلب منك إنك تكوني منصفة معاهم.
إذا كان فعلا الوضع على ما تقولي، ووالديك أوصلوك لذا الحال: أنا أفضل إنك بلاش تقاطعيهم وتحرقي كل الجسور اللي بينكم، بل عامليهم رسمي جدا. اللي أمك تبيه أعمليه، لكن لا تعولي على كلمة شكر أو إحسان منها. أعمليه ونيتك رضا الله وإنه يجعلك بارة بوالديك، وبالتالي لما أمك تسبك بعدها، ما تزعلي لأن هدفك مش كلمة الشكر منها، بل من الله تعالى. وقوي نفسك. بالإيمان بالله وقضائه وقدره، بتقوية نفسك وعلمك إنك إنت الصح وهم الخطأ، بدراستك ومن ثم وظيفتك.
استقلي عنهم نفسيا ومن ثم ماديا، واوقفي على رجولك بدون مساعدتهم. هذا أحسن شيء تعلميه لنفسك.
بناء الحياة القوية المستقلة أحسن من هدم حياة، سواء حياتك أو والديك. ولا تقاطعي أخوانك، بل خليهم يوقفوا على رجولهم هم كمان. والله ييسر لك كل خير آمين
هزيتيني بقوه ادمعتي عيني والله بكيت من قلب لانك جيتي على الجرح
انا امي مطلقه من عمري سنين والى يومك ماشفتها عمري الان شارف على الثلاثين ابوي انسان عظيم وكلمة عظيم قليله في حقه امي تركت لي سمعه سيئه حتى وهي بعيده ماسلمت منها كرهتها حقدت عليها خصوصا بعد خطبتي لشخص سوى المستحيل علشان يتزوجني لكن كل اهله عارضو بدون اي سبب فقط لان فلانه امي اللي ناسيه اسمها ولااعرفها والله لو اشوفها في اي مكان ماعرفتها عايشه عند ابوي وفي كنفه مالي في اي شي بنت محترمه جدا اخلاقي ولله الحمد عاليه جدا زوجي الان واثناء الخطبه صار فيها نفس اللي صار مع الخاطب السابق ولكن هذا حط على هذه عجينه وهذه طينه وقفل جواله الين تم الزواج
الحاصل الان
بعد زواجي بسنه حاولت امي تكلمني وكلمتها ولاني كنت حاقده طلبت منها ماتكلمني ولاتتدخل في حياتي تقعد الين اجيها وقلت لها بالحرف انتي مالك عندي الا حق الله فقط وقفلت منها
بعد ماجبت بنتي تغير الحال عندي اشفقت على امي وحنيت لها وصار عندي تانيب ضمير ماتتخيلينه قررت اكلمها واجيها لكن للاسف امي الان فص ملح وذاب امي اختفت احس انه هالشي عقاب من الله كانت موجوده في اي لحظه اقدر اكلمها اقدر اشوفها بس حقدي عليها ماخلاني احن او يجي على بالي اني اشوفها او اكلمها والان بعد ماصرت ام وحنيت اموت واشوفها مالقيتها فص ملح وذاب وعذابي ماتتخيلينه
الخلاصه
مهما صار ومهما حدث يبقون اب وام حسابهم على الله فقط مو حنا نحاسبهم ادعي ربك دايما يفرج همك وهذا انتي ماشاء الله الاولى اكيد مستقبلك حلو وانتبهي فقط لدراستك ومستقبلك وانسي اي شي ثاني وتاليتها بتفرج صدقيني عاجلا ام اجلا خلي ايمانك بالله قوي وتفائلي خير وحاولي مره وثنين وثلاث تغيرين لو شي بسيط من الوضع اللي انتو فيه ماقدرتي خلاص اهم شي نفسك وانسي الحقد وانا اختك او حتى المقاطعه لانك والله والله والله بتندمين وبتتحسرين تبين تادبينهم يعني ترى مايحق لك وانا اختك اصبري فالصبر مفتاح الفرج وتاليتها تفرج ودوام الحال من المحال تاليتك تتزوجين وتستقلين ولاتستعجلين على رزقك
الله يحفظك ويعينك على برهم حتى وهم قساة قلوب ويكتب لك الاجر
استهدي بالله والعني الشيطان وادحريه وتذكري انه لك رب اسمه كريم وان هذولي اب وام وجب طاعتهم وبرهم مهما كانو خليك عاقله وفكري صح هذا وانتي جامعيه وماشاء الله من الاوائل يعني تملكين عقل وتفكير فذ ماشاء الله علشان كذا انا متاكده انك تقدرين تفكرين صح وتقدرين تلقين حل بس الان انتي في لحظة غضب وابليس حاضرك صدقيني يو كان دو ات والله يوفقك
يالله. كثير تأثرت بقصتك يالودي الحلوه........................... الله يفرج همك وهم صاحبة المشكله ............. واقولكم ترا الحال من بعضه.. يعني مافي حد مرتاح والحمدلله.
قدّر الله لي ان اكون حفيده لشخصين يكرهوننـــــي كره لم اره مثله ف حياتي..... والمشكله اعيش معاهم وما لي مكان غير اللي هم فيه الا الزواج او موتي او موتهم بعيد الشر عنهم ...
تدرين ما كل ما يعرف يقااااااال وربي ودي اكتب لج ش يسوون فيني.. بالتفصيل ....... بس مايسمح لي وضعي اكتب تفاصيل خاصه نفس هذي بمنتدى وناس كثير يقرونها...!!
وربي تمر فيني ليالي سوووووووود وألم في حياتي ماعشت مثله ولا ارح اعيش مثله لو اتزوج واحد يضربني ليل ونهار.... شي لايصدق ولكن احمد ربي واشكره على اي حااااال وعلى اي وضع..... لاني حاطه ب راسي شي واحد : قل لن يصيبنا الا ماكتبه الله لنا.... واي شي اعيشه فهو اختيار ربي لي وربي ارحم علي من امي اللي حابتني.... لما استشعر هالشي ارتاااااااح..... واعرف ان ربي معاي وبس.. شي ثاني جداني حياتهم كانت كسيفـــــــه ايتاااااام واشتغلوا عند عمامهم خدم ويرعون الغنم والابل بدل مايجيبون احد يرعاهم لهم... ف خذو عيال اخوانهم اللي ماتوا وخلوهم يرعوووون غنمهم وابلهم غير المعامله القاسيه اللي عاشوها و الفقر وقلة الاكل مع ان عمامهم ماعليهم قاصر بس ابتلوا ب ناس ظلااااام ومايخافون ربي..... ف عشان السبب الاول اللي هو انه اختيار ربي لي اعيش عندهم والسبب الثاني ظروف حياتهم فهذا كفيل لهم عندي في اني منا اشيل بخاطري عليهم وكفيل اني ما اشغل نفسي فيهم..... وانشغل بدوامي وخواني..... ( امي لها حياتها الخاصه فيها وابووووي وجوده وعدمه ب حياتي واحد..... ) احمدي ربي على كل حاااال سواء خير او شر لانها اقدار ربي واختياراته لنا.... وربي ارحم علينا من امهاتنا ف يارب لك الحمد و لك الشكر... على كل حال .. وحمد العبد ل ربه ف الضرررراااااااء كبيـــــــــر عند الله وثماره اكبر..... كلام مجربته بنفسي......!!
والرسوووول وصى الصحابه اللي بعضهم والديه كفاااار بحسن صحبتهم ف كيف بالمسلمين....!! حاسه فيج وربي حاسه فيج وقسم بالله لوتعرفين تفاصيل حياتي بتحمدين ربج على اللي عندج....
غيرج مصايبهم لا يصدقها عقل...!!
لن انساك من دعوة بظهر الغيب... ربي معاااج تحياتي...
ابكلمك اشوي عن حيااتي عشت ببيئه يغلب عليها كلمة لا
غيرك ازين منك شوفي افلانه وشوفي علانه تجي من النااس متغيره علينا
اشياء واشياء واعظمها نكرااااان مااسويه اشتغل بالبيت بالليل والنهار
متحمله مسؤليت بيت واخواان من كنت بالمتوسط امي طبعها تكرف اكبر وحده عندها
تحملني اخطا اخواني ومشاكلهم كان قبلي اختي الاكبر مني عانة نفسي وبعد زوجي
تحملت ماالله به عليم ماكملت الجامعه بسبب النسبه اطلبت مني ادخل قسم علمي لكي تتفاخر امام الناس
ولا همها مستقبلي شغل بيت فوقها دراسه ضغط بشكل كبير وبالنهايه تخرجت بنسبه ماتسمح لي ادخل وتبخرت كل احلمي
وبالاخير قالت انتي كسلانه وانتي مو راعية ادراسه ووووو الخ
المهم عانية اشد والله فكرة بالانتحار من مارايت بس الحمدلله باخر لحظه تراجعت
رجعت لربي ادعيه واتوسل اليه اقوم بالليل واصلي وادعي واستغفر الئ الفجر
واساله ان يرزقني زوج صالح يعووضني وربك لو تاخر بالاجابه الا انه مجيب
الحمدلله بعد تقريباً سنتين ونص تقدم لخطبتي زوجي وتم كل شي الحمدلله عرفت
انه مجيب الدعوااات واحمده واشكره انه اخرجني من بيت اهلي
الله يتمم علي بس مشكلتي ماعندي ثقه بالنفس ابداً وشي محزن لما زوجك يكشف هالشي احسيت اني ضعيفه
امامه خواافه دايم اسكت عند اهل زوجي لاني اخاف اغلط
تعبت نفسياً والى الاًن احاول اعزاز من ثقتي
ولا اخفيك لزلت اعاني من معامله امي ومصيبتها نكرااان كل شي اسويه يعني لو اذبح نفسي عشانهم ما يبين بعيوونه
وكثرة هالفتره مشااكله مع اخوااتي
بس اعلم انه بالدعاء سيتغير كل شي مثل ماالله رزقني الزوج بيغير امي القااسيه الئ الحنووونه فاملي بربي كبيرر
فعليكي حبيبتي بالدعاااااااااااء والاستغفاااااار لعل الله يخدث بعد ذالك امرا .....
اتاسف ع الاطاله بس لعل من ذكر شي من جوانب حياتي يخفف عنك ماانتي عليه وفقك البااري الئ مايحبه ويرضى**
حبيبتي الله يكون بعونج اذا تقولين ان البعد عنهم احسنلج وتخافين من الله
نصيحتي لج ان بس يكون سلام بينكم واللي يبونه منج تسوينه لهم جذي بتكونين بعدتي عن الشر وارضيتي الله
وحبيبتي الصبر على الاذى جهاد واجره عند الله كبيييييييييييير انتي تعاملي بهالطريقه واحتسبي الاجر من اللي ما تنام عينه والله ما حرمج من شي الا واهو خاش لج شي احسن منه سبحانه رحمن رحيم كريم
والله يابنات اني كتبت لكم القصص اللي تدخل العقل عشان تصدقوني ولا في قصص لو اكتبها ما احد يصدق انها تجي من ام واب
اختي *الباديه* ليس كلامي عن ما فعل امي وابي في مرض اختي مبالغه او اتهام هذا اللي حصل لتعلمي لماذا اعجز ان اكمل الحياه معهم من الحقد الذي ملأ قلبي عليهم فهم إلى الان يتشمتون بمرضها ويدعون علينا بمثلها يارب يجيكم السرطان من اقدامكم لارجلكم ... لا حول ولا قوه الا بالله
وكيف ستكون حياتنا واخواني كلهم مثل ماسميهم الناس صحيحين ليسوا رجال وكل امورنا ومشاكل خواتي المتزوجات يحلها اخي من ابي وهو متربي عند امه والا لو هو متربي عندنا اصبح مثل اخواني
عموما اتمنى ان تحصل اعجوبه ويكتب لي الله الزوج الصالح اللي يريحني منهم مع انهم متوعديني بالوقوف بوجه حياتي وهم الا الان يرفضوا الخطاب لاني شكوتهم على امام المسجد من بعدها رفضوا امر الزواج كعقاب وتوعدوا بكذا والله على كل شي قدير ولو اراد شيئا واجتمعت العالم لتمنعه لن تمنعه
في ناس بحياتنا ما نقدر نبعدهم عنا لانهم اهما جز منها الاهل و الابناء اهم الناس و اذا كان وجودهم مجرد اذيه نقدر نخلي العلاقه بحدود نواصلهم بس ما نخلي مجال حق المشاكل لا تقطعينهم و امني نفسج حق المستقبل و الله يفرجها عليج
