قررت قرار والله يوفقني فبه

[أم مهرة1]

السلام عليكم انا قررت أكلم الوالد يتفاهم مع ريلي لاني خلاص ضاقت الدنيا فيني مد علي ايده وضربني بعد بعصا وسكتت بس خلاص الحياة صارت جحيم حد مالي راسة علي والا شو ما أ؟دري بس خلاص اناتعبانة

 

[حيرني آمرگ]

حبيبتي صلي ركعتين واطلبي من الله الهدايه له واستخيري وبعدها قولي للوالد
احياناً الرجال ماينعدل الا اذا شكيتيه لبوك ولا لابوه اذا كان حقاني
والله يوفقگ ويلهمك الصواب ويسخرلك زوجك يارب :c016:

 

[rmsh]

الله الموفق وتلاقي حل وينصلح حاله
والمفروض ما سكت

 

[انثى تعشق رجل]

انت ببيت اهلك والا ببيتك؟؟

اذا كنت في بيتك
نصيحة يااختي ابوك يجي عندكم ويتكلم معه
مو يكلمه تليفون ويعصب زوجك وممكن لا قدر الله يوسوس له الشيطان ويضربك
واذا انت ببيت اهلك توكلي على الله وخليه يكلمه
لان اقل حقوق الانسان مو بس الزوجة احترام انسانيته
وزوجك حطم هالشي ومااحترمه
لكن بكل الاحوال ماتخلي والدك يوصل لمرحلة غضب واستثارة من كلامك ووصفك
بحيث لو صار فيها تفاهم وتصالح وعوده
لا يبقى الاثر السيء في نفس ابوك وزوجك تجاه بعضهم

 

[رازيا]

مع انثى تعشق رجلا نفس الكلام

 

[*بصمةأبدااع==]

الله ييسر أمرك أوافق أخواتي في الرأي بتدخل أبوك والله يكون بعونك

 

[ام ساني]

الله يهدى سركم ويصلح بينكم يارب

 

[ناصرة المظلوم]

الرجال يعتبرون ضرب المراءة مرجلة وهي مرذلة
جعل الكسر فال يديه بلغي أبوك وبدوون تردد وبلغيني وش يصير الله يرفع من قدرك

 

[جرحك اتعبني]

الله يهديه بعصا ليشششششش
لاتسكتين بعدين والله بيتمادى اوياخذهاعاده

 

[اهات واشجان]

وشلون سكتي الله يهديكي بس لاتتساهلين بيتعود على الضرب اليوم بعصا بكره بشنو

 

[عزوة أخوانها]

الله يآخذ أي رجال يضرب زوجته على أسباب تافهه
أنتي شو مسويه له عشان يضربتس
بأي حق والله بعض الرجال يقهرون الله لايبلانا
تروح هيبته كيف بنعيش مع واحد متوحش وين السكينه والأطمنان
أنتي يابعد تسبدي اكثري من الاستغفار
وادعي ان ربي يسخر لتس زوجتس
ولاعاد تشايطينه اذا عصب امسكي نفستس وخليه لين يهدا
اخاف هو عصبي وانتي عصبيه بعيد تتأكسدون وتنفجرون
واذا اضطريتي خلي أبوتس يكلمه بالحسني
عشان يستحي على وجهه هذا اذا عنده وجه أصلن
ألله يفرج همتس ويسعدتس ويجعل هذي آخر أحزانتس​

 

[amoOorh]

الله يصبرج بس قبل لا تكلمين ابوج هدي شوي كم يوم بعدين شوفي ايش يصير وتكلمي مع ريج

 

[عطريه]

لازم يتأدب اذا سكتي كل مره يعصب راح يضرب نصيحه وقفيه عند حده بالنقطه

 

[المــهــا]

ربي يفرجها علي وعليك وعلى المسلمين ياحي ياقيوم


سبحان الله وبحمده سبحان الله العظيم ​