قررت اكمل دراستي ولكن

[ل م ا ر]

السلام عليكم ورحمة الله وبركاته,,,, كيفكم بلقيسات انا اختكم لمار متزوجة من سنتين ولدي طفل قررت اكمل دراستي ولكن بدات اخاف من المستقبل اخاف اقصر على زوجي وطفلي اخاف ادا انشغلت في دراستي زوجي يبعد عني وتصير فجوة بيناتنا كل من حولي يقولون لي المراة ادا تزوجت مالها الى بيتها احسنهم يهبطون من عزيمتي ,,والشي الاخر قررت ان اقدم على خادمة لكن انا لاارتاح للخادمات والمشكله ان زوجي فترة الصباح يكون في البيت ..... بليز ساعدوني انا اريد منكم التشجيع

 

[ام يزززن]

عادى حبيبتى كملى دراستك اذا تعرفين ان نفسك شاطرة
كملى مادام زوجك فى البيت عند ولدك خذى شغاله تكرونيه
تشتغل والولد عند ابوة اذا انتى شاطرة تعرفين توافقين بين البيت والمدرسه
حبيبتى الله يوفقك ويسر امرك حبيبتى ادرسي الامور صح

 

[quen]

اهلا انا عن نفسي متزوجه وادرس صحيح تعب شويه ووقت الاختبارات خصوصا تنضغطين
بس بقولك شي من وجه نضري انتي عندك واحد الحمد لله مو اكثر
ثانيا من كثر مااقرا بالمواضيع ومن قناعه نفسي ان الحرمه اذا لها مجال تدرس او تتوظف ليه تمنع نفسها
خصوصا ان اغلب اللي يتزوجون خلاص تشيل بالها انسى صديقاتي دراستي وتتنازل عن كل شي مقابل
انها تضحي للبيت والزوج بس اذا فعلا زوجك مايعارض احسن ادرسي لان بعض الرجال يحب الحرمه الطموحه عندها هوياتها خليه يصير يدور عنك مو تحصرين حالك على شي
بس مو لدرجه تهملين الزوج والبيت بيعود سلبي بدال ماهو ايجابي انتي شوفي بس قدرتك انك توفين بين الشيين وسالفه الشغاله وخلاص

 

[RedRose]

كملي دراستك وجيبي خدامة تشتغل في البيت لكن لا تخلي اولادك مع الخدامة وديهم حضانة افضل او عند جدتهم اذا معاكم في نفس المدينة مع خدامتهم

الدراسة والشهادة هي ضمان المستقبل بعد الله سبحانه

وصدقيني كل شي تسهلينه يصير سهل .. كل اللي تحتاجيه تنظيم وقتك وبس ,, خصصي وقت للمذاكرة ونومي اولادك بدري عشان ترتاحين بالليل يعني 8 وهم نايمين

وما عليك من اللي يقولون المرأة مالها الا زوجها وبيتها هذول ناس سلبيين بالعكس اصلا الرجال يحب المرأة المتعلمة واللي تقدر تشيل اولادها وبيتها لو لا قدر الله صار له شي

وبالتوفيق

والله يوفقك ​

 

[ل م ا ر]

شكرا حبايبي رفعتوا من معنوياتي وفقكم الله

 

[عششوقة]

كملي دراستك ياقلبي بس حاولي توفقين بين الاثنين وربي يوفقك يالغلا