قررت اطلع من البيت واطلب الطلاق لكن في مشكله

[قشطه900]

السلام عليكم
كيفكم بنات
السالفه اني حامل وتعبانه حدي وماودي بالحمل لاني مومستقره مع زوجي
ولان زوجي مايقدر تعبي وانا حامل
المهم كثرت سفرياته
من اسبوع مسافر وهالاسبوع سافرمره ثانيه
والمشكله الان دووام للاطفال وماحد يوديهم الاابوهم المدرسه
وهم صغار المهم هو مهددني يقول لاتغيبيهم وانا برسل لهم سواق يوديهم ويجيبهم
المهم البيت فاضي طبعآ انا في غرفه وصاله في بيت اهله واهله عند اخوهم ومايجلسون بالبيت
وانا لوحدي والله خايفه في الليل ماانام من الخوف وماعندي احد كبير عيالي كلهم صغار اكبرهم في اول ابتدائي وانا حامل وتعبانه
ومخلينا لوحدنا
المهم بنتي تعبت وقالت مو رايحه المدرسه وكلمته وقلت له السواق لايجي البنت تعبانه
رد علي يابنت ؟؟؟؟اوريك لما اجي من السفر وجلسيها احسن لك ومن هالكلام
طبعآ يقصدني انا

وكنت امس اقول له اني تعبت من السهر لاني خايفه ومتوحشه من البيت وخاصه في عماره يبنونها وكلها عمال هنود ودايم اشوفهم الصبح على جدارنا يقول ماعليك منهم
وقال تعودي على هالوضع

هذا امس
اليوم طبعآ قلت له بنتي تعبانه زي ماكتبت وهزأني انا قفل جوالي وجلست اجلس البنت ولبستها
واتصلت قلت له وين السواق قال قلت له لاتجي
البنت تعبانه
وقال ليه تقفلين الجوال قلت له مافي شحن
قال زين اوريك وحسابك اذا جيت وقال لي لاأشوفك في البيت روحي بيت اهلك وخذي اغراااااضك ولا أشوفك اطلعي من بيتي
قلت له ليش وش سويت قال بس أنا ماابيك
طيب قلت له ماني طالعه
وخل السواق يجي يأخذ البنت قال مو جاي
قلت له خلاص انا اوصلها بس اذا رجعت بنتي راح اروح عند اهلي زي ماقلت ماني جالسه بالبيت
خلاص
والان ماادري وش اسوي البنت في المدرسه وهو قال بيجي اليوم
وبيسافر بعد بومين كمان هذي ثالث سفره والسفره مع اهله ومو ماخذني معه
والله يابنات اني كارهته وأسلوبه مو عاجبني
وفوق كذا متعرف على وحده من 4 سنين ويغازلها ليل نهار
عينك عينك
بنات وش اعمل معه انا قررت اترك البيت واطلع لبيت اهلي
وانا عارفه انه ماراح يقول تعالي هو يبي الفكه بس عالاقل ارتاح من حركاته يستانس و
انا يعذبني
انتظر مشورتكم والله انكم اكثر من الاخوات واذا طلبت الطلاق كيف وانا حامل استغفر الله تمنيت ان الحمل يطيح من اول ماعرفت بالحمل


بنات زوجي شمالي غربي

 

[نــور عـيـونـه]

لا حول و لاقوة الا بالله

اتعوذي بالله من الشيطان الرجيم الحمل رزق مو عذاب حتى تفكري تتخلصي منه

استهدي بالله حبيبتي

صلي الإستخاره بطلوعك من البيت والمفروض من الأساس ماتبقين لحالك بالبيت و زوجك مسافر كان رحتي عند اهلك..

بالنسبه لعلاقته من 4سنين هو يدري انك داريه عنه ؟

طيب ليش ساكته له..؟

انتِ قلتيها واضح زوجك يبغى الفكه منك وباايعك مرره وحده..

أنا اقولك اجلسي بالبيت لاتخرجين منه ولمن يسافر المره الجايه لاتظلين بالبيت روحي لأهلك..

تفاهمي مع زوجك بالهداوه اذا مافهم بالطيب دخلي اهلك بالموضوع

​

 

[em gogo]

نصيحة ما تطلعي من البيت خليكي فيه وبردي أعصابك بتقربك لله تعالى وبما انك ما بتعرفي تنامي بالليل ... أقيمي الليل وادعي ربك .... الله يقومك بالسلامة​

 

[غااااااايه]

الله يعينك حبيبتي،اتفاهمي معه،حاوريه؟ قوليله ليش تسوي كذا فيني؟؟؟ شاللي مقصره فيه ؟؟ ولاعشان أنا صاينه العشره؟؟ مافكرت فعيالك وانت تعاملي بهالاسلوب، اللي مابتكون آخرته الا الانفصال؟؟؟؟؟
يمكن قلة الحوار اللي بينكم ولدت هذا البعد النفسي،وهذا الاسلوب الجاف منه/بحكم انه في حالة سفر دائم.

أو حاولي تدخلي انسان قريب منه ، يتفاهم معه

بسألك اختي هل هو يسافر عشان شغل, ولا شو؟؟؟

 

[لحن الفراق]

الله يعينك ويفرج همك
لاتشيلين هم الحمل هذا رزق ويمكن هالطفل بسبته تتغير حياتك
الخيره ماتدرين وين

الله يفرج همك​

 

[تك تك]

الله يفرج همك ,,,,,,,,

 

[الحالمةبالسعادة]

حبيبتي اذا معاملته معاك مابتتغير
احسن طلقيه قبل وهو عندك ولد وبنت قبل ما يصير عندك عدة اولاد واهلك ما يقدروا بعدين يصرفوا عليكم

 

[السندرله]

لاتستسلمي للياس ومثلي عليه انك مسانسه انك وحدك وانك على الاقل تسوين اللي تبين اشغليه وخليه باله ينشغل ويفكر فيك وش قاعده تسوي وش قصدها وش اللي مونسهاجننيه شوي سوي اي شي تحركي ترى بنات ابليس كذا يسون مع الرجال ولا ليش ينجذب لها

 

[قشطه900]

الله يعطيكم العافيه ماقصرتوا بس انا خاطر اطلع لاني انظلمت كثير منه

 

[وحيده في دنياي]

وش له تجلس عن انسان عديم احساس
كل همه المغازل والسفر وبس
وهي ولاافتكر فيها بس يجرح فيها ولاتهمه

حبيبتي انتي من حقك تعيشي مع انسان يقدرك ويحبك
مو انسان بس يهينك
الله يفرج همك ويكتب لك اللي فيه الخير يارب

 

[اوفر]

كل هذا وتقولون لها جلسي وانبسطي بعد
هذا مافيه صفه حلوة
هذا يبي له درس -كيف يعني يبيك تطلعين والعيال طيب والا يبغى اهلك يربونهم له
كم عيالك ....
ممكن تعطينه درس وتطلعين زي ماهو طلبمنك وتخلين عيالك عنده عشان يعرف قدرك
واذا على اهله مستحيل يتحملون العيال ولما يطلبك ترجعين رجعي بشروط
ماادري ليه يتزوجون وهم ما همهم الا اللعب
بس اللي مايخاف ربه كل شي يسويه

 

[قشطه900]

اترك العيال صعبه

 

[سوالب]

انصحك قبل ماتتطلعين انك تتوجهي لرب العالمين وتصلي ركعتين وتستخيري ان كان في خير يقدمه لك وان كان شر يصرفه عنك ..
واكثري من الاستغفار والله يعينك ويصبرك...

 

[تشكرات]

زوجك أخذ عقله السفر وقلّة الخاتمه ....والله لو مايسافر وراكد

بالبيت ..كان تشوفيه رجال سنع ....

حبيبتي انتي الآن حامل ومجهده وتعبانه ....فلا تتعبي نفسيتك

بالتفكير بأمور ثانيه ....عالجي المشكله حبه حبه ...

الآن ....أهتمي بجنينك وبصحتك ...وبعد الولاده بحول الله وقوته ..

ألتفتي لمعالجة مشكلة زوجك ..( أجلسي معه جلسة مصارحه )

طبعآ بعدما تتعرفي على نمطه ....وضعي كل النقاط على كل

الحروف ....وقوليله ( انت أتزوجتني على سنة الله ورسوله ) وسنة

الله ورسوله >>تؤمرك أمر بأن تحسن عشرتي وتحفظ لي معروفي

هيـــــــــا يازوجي الغالي ( نفّذ ما أمرك به الشرع ) ....

وخلاص اسكتي وقفلي عالموضوع .....وأشتغلي على نفسك

وأهتمي بعمرك وبأناقتك ( خصوصآ بعد الولاده ) ....

أدخلي للمنتدى في قسم الجمال والأناقه ..وأشتغلي على عمرك

( خلّي زوجك >>>يشوفك بصوره مختلفه عن الصوره السابقه ..

أتغيري لنفسك ...حتى هو يتغير لصالحك ....وربنا معك ..

 

[أبله مي]

الله يفرج همك ويلهمك الصواب ويهدي زوجك ويتوب عليه

 

[غااااااايه]

حرام،كيف تقولون لها اتركي عيالك،وباين ان عيالها صغار// لاتتركين عيالك ، الله يأجرك على تربيتهم، والصبر مفتاح الفرج ،صدقيني عن تجربه.
طبقي كلام تشكرات( ماشاء الله عليها) ،وخاصة جلسة المصارحة ، والاهتمام بنفسك وتطويرها- ولاتنسي عيالك وال<ر العظيم اللي بتحصليه من ورا صبرك،وتفانيك، لأجلهم( لايأس مع الحياة، ولاحياة مع اليأس) والله معك.