قررت اتهور واخربهااا ... قولولي اللي بسويه صح ولا لا ؟!!!

[الانسكاب]

السلام عليكم ورحمة الله وبركاته

اليوم كملت اسبوع عند اهلي .. طبعا جيت لاهلي من غير لا زعل ولا شي
بس اني حبيت اصوم عندهم ..
والحلوو زوجي له يومين ماسمعت صوته بس يسولف معاي بالمسن كل فجر ومانطول ..

المهم ان لي يومين اقوله تعالي خذني وماخليت اسلوب ماجربته معه بس هو جنوبي غربي بااااااااااااااااااااااااارد وجاب لي الضغط من بروده ..
كان عندي امل يجي اليوم يفطر عندنا بس ربي ماكتب ..
رحت وارسلت له رساله قلت فيها ترى امي بكره عندها عزيمه وانا ماخذت معاي ملابس كشخه ولا اخذت حتى ساعتي اليوم لازم تجي ..

وتو جت في بالي فكره ..
برسل له من جوال امي على اساس اني امي بس خايفه يصير شي ...
بقوله ترى بنتي نفسيتها تعبانه وادري انها مشتاقه لك واخاف ياثر هالشي على الحمل لانها ماتاكل زين وطول وقتها نوووم >> ياحياااتي كسرت خاطري

وش رايكم ؟؟؟​

 

[انا رائعه]

حبل الكذب قصير لا تدخلين امك بالموضوع
بس حلوه فكرة الملابس خليك عليها احسن و بعد قولي حبوبي حقت الحمل خلصت جيب لي من الصيدليه ...اذا قال خلي اهلك
قولي افااااااااا من الحين تبي ترمي مسؤوليتك ولدك على الناس هههههههههههههههه

 

[رازيا]

انا من راي اثقلي وطنشي واعذريه صدقيني اكيد مشغول
ترى الرجال يطفش من الزوجة اللي تلزق فيه اعطيه مساحة حرية
صدقيني بكرة ترجعين بيتك وتقولين مليت ياليتني انبسطت عند اهلي
وما دام انك تكلمينه يوميا خلاص
ممكن بكرة بس تكلمينه قولي له اشتقت لبيتي

 

[رازيا]

على فكرة انتبهت انك وايد كثير متعلقه بزوجك مو حابة اصدمك لكن انصحك نصيحة من وحدة خبرة في الحياة الزوجية زوجك لا تتعلقين فيه كثير ما تدرين بكرة شو راح يصير ان شاء الله كل خير اكيد
ولكن نصيحة لله علقي قلبك بالله وخليكي مع الله احسن
البشر قلوبهم متقلبه علشان هيك الرسول عليه السلام قال يا مقلب القلوب ثبت قلوبنا ى طاعتك
حبيه لزوجك لكن بعقل وكوني وسطية في كل حياتك
أحبب حبيبك هونا ما عسى أن يكون بغيضك يوما ما، <وأبغض بغيضك هونا ما عسى أن يكون حبيبك يوما ما.

 

[الانسكاب]

آآآآآآآآآآآآآآآه خلاص ماعاد اقدررررر
امي كل شوي تسالني زوجك وينه .. غريبه تاركك اسبوع
واخوي الصغير حوم كبدي يقول خلاص روحي لبيتك ههههههههههههههههههههههههههههه
وبصراحه ماني مرتاحه في بيت اهلي ابي بييييييييييييييتي وزوجي بااااااااااااااااارد
وقسسسسسسسسسسسم فيني الصيحه حتى فطوري اليوم مافطرت زين الحمدلله
خلاص كل شي وله حدود اسبوع كافي عند اهلي ...​

 

[رازيا]

عزيزتي انت ليش تاركة زوجك اسبوع
الله يهديك الزوجة العاقلة ما تترك بيتها الا اذا كان زوجها مسافر او عنده شغل اظطراري
وبعدين انتبهي الزوج ما ينترك بروحه ابدا لانه الشيطان ما راح يتركه بروحه
انصحك مرة ثانية اذا حابة تزوري اهلك زوريهم وبنفس اليوم ارجعي لا تنامي برة
بيتك ابدا الا اذا كنت مظطرة

 

[الانسكاب]

يا قلبي يا رازيا
اللي عرفته عن الجنوبي الغربي لازم يكون احد وراه عشان يحرص والتطنيش مايجيب نتيجه
قريت عن الجنوبي لي افتر راااااسي ..​

 

[الانسكاب]

مو القصد اقعد عند اهلي اسبوع
قلت بزور اهلي يومين واصوم عندهم
المهم زوجي عنده شغل ونوم يعني نظامه ملخبط بالله وش تبيني اسوووي اطقها كعابي للبيت
علما ان بيت اهلي بمنطقه غير منطقة بيتي ..​

 

[بنوتة بلادي]

اتصلي قولي له تعال خذني. لا تطولينها و هي قصيره..

 

[الانسكاب]

بنوته بلادي قلتله متى تجي قال ان شاء الله قررريب
هذا كان يوم الاحد ولحد اليوم ماشفت شي ..​

 

[بنوتة بلادي]

الجنوبي معرووووف انه اتكالي بالقو و نساي درجه اووولى... علشان جذي ما ينعطى ويه او ينعطى خيارات... انتي جهزي نفسج و اتصلي عليه قولي جاهزه و تعال مرني...

و مره ثانيه يا حلوه ما تسيرين تفطرين عند اهلج... تزوجتي... خلاص.... فطورج عند ريلج.... الرياييل ما ينتركون رواحهم

 

[الانسكاب]

اووووف اتصلت عليه وماااااااااايرد شكله ناااايم
وقسم افكر اقول لاخوي يوديني بكره لبيتي .. بس اخوي توه عمره 19 يعني لازم نروح مع ولد عمي اللي اكبر منه بسنتين بس خايفه من ابوي
هههههههههههههههههههههههه تهورت ..​

 

[نقااء الثلج]

ان طال الزمن او قصر بيجي ياااخذج

 

[انين الزهور]

مثل ماقت الاخت رازيا سويه
والله ييسر امورك ويوفقك يارب ويهدي زوجك
وان شاء الله البنات بفيدوونك حبيبتي ^^
​

 

[نحمدة ونشكره]

انتي السبب والله يعني عايفه الرجال برمضان والله بدك تصومي ببيت اهلك ليش في حسنات اكثر في بيت اهلك بالصيام انتو تضلون لازقين باهلكم لو ازواجكم يطنشوكم تجون تكتبون هنا
تعرفين بي هو جنوبي يعني يحب اللصقه وبنفس الوقت بارد وكل شغلاته مؤجله الى اشعار اخر يعني ليش تورطي نفسك صومي ببيتك ولو حبيتي تفطري افطري ببيت اهلك انتي وهو

 

[بنوتة بلادي]

عجبتني نحمده و نشكره... يسلم فمج... قلتي اللي في بالي...

اختي اصبري و اتصلي عليه مره ثانيه بعدين... او خلي اخوج يوديج... ما فيها شي... و شو يعني 19 سنه... مب صغير... انا اخوي يوم كان في عمره يسوق خطوط... لا تحاتينه..

و بعدين ليش ابوج يزعل... انتي و ريلج مب متشاجرين او متزاعلين... علشان يزعل اذا اخوج وداج.. ريلج مشغول و انتي عندج ارتباطات في بيتج... و يا دار مادخلك شر...

 

[الانسكاب]

يا ناااااااس وش فيكم اقولكم انا في مكان يبعد 200كيلو عن اهلي
يعني ما يمدي افطر وارجع فهمتوا علي ..
واهلي يبوني عندهم مووو حااااسين فيني خصوصا ان ابوي متعلق فيني
ورررربي ضايعه ..
تو كلمت اخوي يقول لولد عمي يوديني لبيتي بالليل
وش رايكم ؟!​

 

[بنوتة بلادي]

واااايد حلو ان اخوج بيوديج بيتج... و على موضوع اهلج و شوقهم... معاهم حق بس لو كل عايله تعلقت في بناتها كانت و لا وحجه تزوجت و هذس سنة الحياه... ادري ابوج متعلق فيج بس اذا هالشي بيؤدي لخراب بيتج بشكل غير مباشر... من الافضل انج تفكين هالتعلق شوي شوي... ابوج ملزومه فيه صح... بس هل بيفرح يوم بيشوفج معاه على طول بدون زوج؟؟؟ اكيد لا...

عليج بالت اصل اليومي معاهم و الافطارمعاهم اذا ريلج اجازه و بتاتون عند اهلج... غير هذا فيفضل لا...

هذي نصيحه و تقدرين تاخذين فيها او لا

 

[نقااء الثلج]

يااااختي شو ابوي متعلق فيني انتي حرمه متزوجه الحين ولما ابوج ما يقدر على بعدج ليش زوجك؟

 

[بنوتة بلادي]

وبعدين ملاحظه... قلتي اخوي ما يسوق لحاله 200 كيلو و بغيتي ريلج يجيب لج ملابس و ساعه علشان العزيمه... انا لو منه اطنش طلبج... بقول لنفسي يعني تبيني اصك 200 كيلو علشان كشخه... و الله مب صاكها...

فكري فيها