قراراي ومصيري ...المواجهه

الله يعينك ويوجهك للصواب
غاليتي انت اعرف بزوجك هل المواجهة بتنفع معه وبتخليه يستحي على دمه ويخاف يخسرك
او انه الخيانة ماشية بدمه وبيقولك اضربي راسك بالجدار وبتخسري تعامله الحسن معك
وتنتهي الامور فعليا للطلاق
لو انت مو ضامنة تصرفاته فيك تبدئي تكلمي بعبارات صريحة ومبهمة بنفس الوقت
عن الرجال بشكل عام
واستعملي عبارات هو يستعملها مع اللي يكلمهم
لما يوصفك باي تقصير او ماشابه استعملي عباراته وكانك بريئة وماتقصدي شي معين
واهتمي فيه بشكل يخلي ضميره يأنبه بعد عباراتك امدحيه وقولي مستحيل انت تكون زي كذا او تسوي كذا وذمي في الرجال اللي من هالشاكلة
وفي نفس الوقت وضحي له اهتمامك الشديد بنفسك مو من ناحية الشكل واللبس
لا وضحي له انك تحبي تحمي نفسك وتحفظي قيمتها
ومستعدة تبعدي عنه وتتركي في حال اذاك او جرحك خلي يحس انك قوية ومحافظة على نفسك
وتقدري تعيشي بدونه لو قرر الخيانة
وبالاول والاخير انت ادرى بزوجك واي اسلوب انفع له ​
 
كلكم يابنات ماقصرتك
وارجوكم سامحون للي استفزو من جمله الموضوع كتبتها بغير وعي وياليت المشرفه تعدل الجمله

والله يابنات شايله هم كيف تكون ردت فعله
ولو اني ودي انتصر لشرفي ولكرامتي لانه جرح بكرامتي واتهمني بالسابق اني ممكن اكون راعيه سوالف
وشك فيني ومطلع نفسه العفيف الي البنات ودهم فيه وهو مو معطيهم وجه؟؟؟؟

مسكين رحمته طلع متوهم ويحاول يوهمني ان البنات تلاحقه
وعرفت انه عكس هو يلاحقهم وهم مو معطينه وجه

وهالشئ اللي حاسبه حسابه
اني افشله برضوه بها الفضيحه والا اسكت وماجيب طاري فشيلته؟؟
 
انا من رأي لاتواجهينه بالمره ولاتفكرين بالمواجهة أبدا ابدأي بكيد الحريم والتغافل مره حلو خصوصاً بالحياه الزوجيه الرجل يحب القطه المغمضه ما يحب الي تدور وراءه وأنتي أعرفي كل شيء بشرط أنك ماتتعبي نفسيناً من الأشياء الي تشوفيها يعني دوري عشان تعرفين وش يصير من حولك وعشان تعطين درساً لقلبك ما يحب زيادة عن اللزوم يعني قرري أن زوجك له 30% و 70 % لنفسك وعيالك وبس عيشي حياتك الرجل مايستاهل تعبين نفسك وراءه بس قوامي بكل واجباتك تجاه ولاتقصرين بشيء بس مو على حساب نفسك استمتعي بزوجك عشان تمتعين نفسك فيه مو عشان تريحنه هو اصنعي عالم خاص لك ولأطفالك حوله خطوط حمراء ممنوع دخوله فيها يناظر بعيونه بس بس يعرف التفاصيل لا لا لا استمتعي بأطفالك لو عند أطفال عيشوا جوا اللعب والفرح والهوايات صميمي أفكار يدويه لبيتك اكبر نعمة انك تقدرين تدخلين المنتدى استفيدي من الافكار للمبدعات
فكري بنفسك وش ناقص وش تبين انتي مو وش يبي زوجك لو عرفتي انتي وش تبين ساعتها بتحسين بتغير وزوجك بيلاحظ بس خليك طبيعيه في التغيير ولا تخلين عمرك يضيع انتي مقهوره وتبكين يخوني ويعرف كم وحده بالطقاق خليه الله يحاسبه مو انتي انتي ملكه وقمر وحريصه على بيتك والله معك عيشي عالمك الدنيا ماتسوى ولو بكره جاك الضغط والسكر رماك وراح لغيرك الا ما رحم ربي وبعدين هذا طبع الرجال عيونهم زايغ خليك ذكيه واطعني بالمؤخرة استغليه بالطلبات والأولاد وقلبك اضغطي عليه ادري تموتتتتتتتتتتتتتين فيه وشاغلك ليل ونهار بس اعرفي الرجل يمل من المرأه الي تخنقه بالحب خليه يشتاق لك وبيجي صدقيني ودام العلاقات ماسن وخرابيط خوفيه بالله واحرصي على الصلاه والدعاء قدامة واكثري من الصدقه مع الدعاء أثناءها وادعي له بالهداية وحاولي ثقي بنفسك وقدراتك وقاومي الوضع بدهاء مو بعصبية حاولي تخربين بينهم بدون ما يدري وادعميه باللسان الحلوو وانك تثقين فيه وانه محترم ووو اوالعبي عليه وفي
داخلك قول لي لنفسك لالالا ماراح امنح حبي من لايقدر حبي ولما توصلين لمرحلة التوازن وهي الحب والعشرة بالمعروف ساعتها بتحسين براحه مشكلة الحريم الحب كان الدنيا بس رجال وهم وحب ونسوا اشياء كثيرة مهمة وحلوه غير الرجال الحين انا على سبيل المثال معلنه اني اتجهز للزواج الثاني وصكي ما جاء بس لاني ابي كذا ابي أغير واخرج من جوا النكد وابو العيال كل يوم عند الباب يقدم الولاء بعد وشوا بعد ما وصلت لمرحلة نفسي نفسي وياروح ما بعدك روح سفهته وعايشة حياتي ابي اطلع نفسي مع واحد يستاهل فوفو ولاحظي كل وحده عندها شيء اهون من لاشيء يعني لو ايجابيات زوج غلبت على سلبياته افرحي واستغليها وجاهدي عشان بيتك انا جاهدت وجاهدت وثبتتني الأستخاره على قراري ومو قصتي تناسب اي وحده انا درست حالتي على اساسيات خاصه فيني فكل وحده ترتب وضعها على حالتها والله معها ويثبتها وزوجك محتاج تغيير شكله مو أكثر ترا الرجال أطفال يبون فرح ولعب بس ويبون الزوجه لعبه يلعبون مشاعرها عشان يفرحون بس بس الحرمه لازم تكون واعيه وحكيمه وبالتوفيق ,,,,,,,,,,
 
رااااااااااازيا
معاك حرف بحرف كتبتيه
وفقتي غناتي
يعني احنا شنو لابنبني لك بيتك ولاراح نهدمه
كله بم\يئه الله والمصير والقرار بيد رب العالمين
انتي هل شيء راجع لك
ولاتشوي شيئ علشاننا احنا لانملك شيء
وفقتي غناتي
 


قبل أي خطوه لازم نتأكد من حكاية شمالي شرقي هذي...

لأني أشك إنه شمالي غربي ...!!

وبالنسبه للمواجهه إنسيها حالياً ,,لكن إحتفظي بالأدله إحتياط..


لكن المواجهه بتحرق آخر أوراقك الرابحه,,,وبتخسرين قوتك..


نبيه يعيش بهم وشك وإستغراب من صمتك وتغيرك..

ونبي ينشغل فيك ووش وراك ووش عندك..


والمواجهه والأخ غااارق لشوشته معهن بيجعلك الخسرانه..


وجهي إهتمااامك وتعاملك حالياً مع الله تعالى فهي لعمري الصفقة الرااابحه والدعوة المستجااابه وإتركي زوجك حاليا ..

بكمل لك الرد في وقت قريب إن شاء الله<<مصدعه..لكني ماحبيت أخليك بدون رد

الله ييسر أمرك






​
 
اختي واجهيه اصلن اللي يسويه شي محرم من حقك الرفض في الشي هذا ليه انتي تقبلي باشي هذا والله لو انتي في نفس مكانه لاقدر الله كان صرتي عند اهلك من زمان المواجهة افضل شي لك واذا مو راضي يتعدل واجهي اهلك فيه وادعي الله يبعد بنات الحرام عنه
 
الله يسعدكم خواتي بردودكم

وبانتظار رايك اختي

....
بس كيف تبيني اسكت واتغير وهو صار يتمادى <<<يعني الرجال وصلت بها المواصيل انه مايفكر بالجنس
الا مع حبيبته بالجوال تخيلي شفته يقولها اتخيلك دايم
صح انها تركته وسحبت عليه بعدين بس عقب ماتولع بها ومانساها للان ؟؟

وصديقاته الان الاجنبيات ممكن يتمادى معهم يعني خاربه خاربه

ولازم اواجهه عشان تكون حجتي قويه بالتغير وانه خلاص يفقد هذيك المسالمه للابد
 
حسبي الله ونعم الوكيل وش صار للرجال لاحول ولاقوة الا بالله العلي العظيم
يا اختي اطبخيها على نار هادية ةاستخيري
 
غاليتي ..أنا لما ما شجعتك على المواجهه لأسباب جوهريه وليس ضعف أو لنسمح له بالتمادي..​


إذا كان بينكم مشاكل وفي نفس الوقت الأخ متولع بالعشيقات معناها إحتمال إن كفتهم هي اللي بترجح..
ويفضلهم عليك ..وييعك عشانهم<<هذا الإحتمال الأول​

الإحتمال الثاني إنه يعتذر ويوعدك إنه يتركهم<<ولأننا ماعالجنا أصل المشكله اللي خلته يروح لهم فإحتمال إن كلامه ووعوده لك كذب,​

الإحتمال الثالث:إنه يطيح آخر قناع من الإحترام لوجودك وتزول المراعاة ويبدأ يجاهر بمعاصيه وفجوره,من مبدأ أعلى مابخيلك إركبيه.!!​

أنا حبيبتي أبي أحافظ على نظرته لك..ونظرته لنفسه..​

بس هذا قصدي...​

أنت شكلك جازمه على المواجهه وماتستشيرين أنت تبين ردود تأيدك وبس عشان تكتسبين القوه من غيرك..​

خلاص بكيفك يالغلا..هذي حياتك ودافعي عنها بالطريقه اللي تشوفينها مناسبه..​




لكني أتمنى من كل قلبي إنك تكونين قد المواجهه وتوقفين بوجهه بشجاعه وماتتنازلين عن حقوقك..​

لأنك إذا مشيت بهالطريق وكشفت كل أوراقك قدامه,وفضحت أفعاله السوداء معناها مايمديك تتراجعين..​

ولازم تكملين وتتمسكين بمطالبك بكل قوه وصرامه..وماتتراخين نهاااائيا أو تضعفين وتنسين جنوبيتك حالياً..

عشان مايقول في نفسه: عرفت خيانتي لها ومع ذلك مازالت معي<<يعني ماعندها كرامه وعادي عندها أخون المهم إنها ماتتطلق.!!​


أنا ما أبيك تكررين أخطاء خوات سابقات سووا سواتك..​


أصروا على المواجهه ..قبل لايغيرون في أنفسهم ويعدلون أخطائهم..​

ويخففون جنوبيتهم,ويقوون أنفسهم,ويحلون مشاكلهم اللي واصله للسما مع أزواجهم​




ولما واجهوا فوجئوا بسيل من العيوب والتجريح ينهار عليهم من أزواجهم​



أنت السبب وفيك وفيك...وإذا مو عاجبك طيب عدلي حالك ولا مع السلامه.!!​



وبالأخير رجعت لبيتها ذليله باكيه عشان عيالها أو خوف من الأهل والأخ إستمر على بلاويه.!!<<هذي قصصص واقعيه مرت علي وما أبيك تمرين فيها ​





إذا كنت حاسه إنك:-
1- ماااالكه قلب الشمالي ومتربعه فيه بعد ومتأكده إنه ماراح يفرط فيك,,​

2- ومتأكده إنك مو مقصره في شي..لابنفسك ولاببيتك ولا بأسلوبك ولا ولا...​

3-وإن الوضع بينكم مستتب ومافيه مشاكل تخليه يبيع​


4-وفيك قوه كااافيه تخليك تكملين طريقك وتطالبين بحقوقك دون مايذلك ويقلب الطاوله عليك​


إذا أنت عارفه ومتأكده من هذا كله فأقولك إستخيري بكثثثثثره ثم واجهيه..​




وفي نفس الوقت أكثري من الدعاء وربي مايخيبك..​





أتمنى لك التوفيق والسعاده...​
 
أنت شكلك جازمه على المواجهه وماتستشيرين أنت تبين ردود تأيدك وبس عشان تكتسبين القوه من غيرك..


خلاص بكيفك يالغلا..هذي حياتك ودافعي عنها بالطريقه اللي تشوفينها مناسبه..​


عزيزتي لاتقسين على والله كلامك تعبني وانا موت تعبانه ومن قالك ماباخذ برايكم لو ماهمني كان مااستشرتك بس الاغلب تشوف السكوت ضعف والموجهه تريح وتحط حدود وتبين غلى الوحده عند زوجها؟؟

إذا كنت حاسه إنك:-
1- ماااالكه قلب الشمالي ومتربعه فيه بعد ومتأكده إنه ماراح يفرط فيك,,​
والله ماعاد صرت متاكده بس اللي اعرفه انه تاسره الذكريات ومايفرط بشئ يخصه وانا افكر لو واجهتته اتركه فتره طويله واطلب الانفصال
عشان اضعط عليه وان حصل ورضي مو مهم الاهم كرامتي
2- ومتأكده إنك مو مقصره في شي..لابنفسك ولاببيتك ولا بأسلوبك ولا ولا...​
متاكده بس بالاسلوب ؟؟ قلت لكم انا هاديه وهو يتملل من هدوءى وهذا شي مايتغير بالانسان وردات فعلي فيها برود

3-وإن الوضع بينكم مستتب ومافيه مشاكل تخليه يبيع​
والله كثير تحصل مشاكل الشمالي مايتغاضى عن شئ ولا يتنازل


4-وفيك قوه كااافيه تخليك تكملين طريقك وتطالبين بحقوقك دون مايذلك ويقلب الطاوله عليك


ايه وبالاول بترك له البيت حتى لو بالاشهر وماراح ارجع له الا ويراضيني ويوعدني ويتوب
إذا أنت عارفه ومتأكده من هذا كله فأقولك إستخيري بكثثثثثره ثم واجهيه..​
 
لا والله مو قصدي أقسي عليك اللي فيك كافيك...​

بالعكس أنا خايفه عليك وشكلك فهمت كلامي خطأ...​


أحيانا أكون جازمه على شي معين لأني متأكده إنه ينفع لي لكن محتاجه أسمع ردود مؤيده تشجعني وتخليني أبدا<<وشكلك أنت كذا​

وهذا اللي قصدت..​


أنا لما قلت بكيفك وهذي حياتك..كنت أقصد إنك الوحيده العارفه بظروفك وطبع زوجك وأحوالكم..​


ومهما قلنا ماراح نكون أعلم منك بنفسك..​


اللي علي إني أبصّرك بالنتائج..وأنبهك للمطلوب منك..​


والباقي إستعيني بالله في فعلها..​


لكننا كلنا معااااك لآخر الخط..وأتمنى والله إن اللي بتسوينه يكون في صالحك​

ويرجع لك زوجك نااادم تائب ذليل..

لما تطلعين من البيت أشغلي نفسك بالتعلم والقراءه والإطلاع

قوي شخصيتك ولاتسمحين له بالإهانه مطلقا..

وإفرضي إحترامك عليه فرض..لاترجعين نفس الزوجه الضعيفه المُستَغله

لكن خليك الزوجه الواعيه الذكيه الواثقه من نفسها وجمالها

اللي اتسمح لأي أحدنه يغلط عليها أو يهينها

خليه يتحسر على أيام الدلع اللي ضيعها

ويتمنى زوجته الطيبه ترجع


​


الله يسخر لك ويفرج همك ويرده لك مرد جميل ..​
 
حبيبتي نسيت أنبهك لكلمتك~ أنا من غيركم أضيع~​

من قالك ؟؟​

وين التوكل على الله ياقلبي؟؟​


ثقي إنك ماراح تضيعين بإذن الله...لأن ربي معك ...​


لاتعتمدين على الخلق ..لأننا مجرد ضعفاء مانملك دفع ضر عنك ولاجلب خير​


اللي يملك هذا كله هو الجبار جل جلاله​


بيده مقاليد السموات والأرض....وبين أصبعيه قلوب العباد يقلبها كيف يشاء سبحانه​


قادر إنه يقلب حال زوجك من المعصيه للطاعه..والتوبه والندم​

وقادر إنه يقلب قلب زوجك من حب الخيانه لبغضها ..​


طرقت باب الإستشاره وهذا جيد​

فهل طرقت باب الرحيم الرحمن الذي يرى مكانك ويسمع كلامك ,ويعلم سرك وعلانيتك؟​


صدقيني إن لجأت إليه فلن يردك​

لكن قدمي التوبة لله أولا من كل الذنوب والمعاصي​

ثم الإستغفار...

ثم في وقت السحر وقت النزول الإلهي توضأي وصلي لله ركعات خاشعات..

ثم إدعيه بكل ماتريدين وترغبين​


تحري أوقات الإجابه وإدعي الله من قلب.. ​


وثقي بأن الله رحيم كريم يستحيي أن يرد يد عبده صفرا​


قلوبنا معك..​

الله يفرج همك يااارب​
 



وأذكرك..لما تنوين تواجهينه لاتركزين بكلامك على نفسك..

قبل لاتبدين بقولك؛:
أنا سويت وعطيت وضحيت وتنازلت ووووو..

أو قبل لا تقولين أنت خنتني وخنت حبنا وضيعت اللي بيننا..

وكسرت إحترامي لك وإعتزازي فيك وووو......

قبل كل هالكلام بيني تأثير هالمعاصي العظيمه على إيمانه وقلبه وقربه من ربه..


أوصفي كيف أن الله تعالى غيور على محارمه وأنت إنتهكتها وأغضبت الجبار جلال جلاله

فكيف تنام قرير العين مرتاح الضمير والقوي العظيم الذي يملك نفسك وروحك غاضب منك ..


أتأمن أن يقبض روحك وأنت زاااني محصن؟؟؟؟

أتأمن أن يبتليك الله بمرض يتسلط على جسدك فيمرض قوتك ويهلك شبابك؟؟

فتصبح أقصى أمانيك أن تنام دون ألم ولو لساعه؟؟

أتأمن أن يشل الله أعضائك أو يعمي بصرك الذي أطلقته بالحرام

وسمعك في سماع كلام الزنا وفمك في الحديث مع الزانيات الفاجرات؟؟


أتأمن العقوبه من الرحيم العادل الذي لايظلم أحد ولايرضى بالظلم؟؟

وقد ظلمتني بإنصرافك للفاجرات تتغزل بهن وحرمتني من هذا وأنا أولى به..


أنعم الله عليك بزوجه صالحه عفيفه صانت عرضك وحفظت شرفك وذريه سليمه ومال وصحه ومع ذلك لم تشكر الله على نعمه..!!!


وحرمت زوجك وحلالك وإنصرفت للحرام؟؟؟؟

ماهو جوابك إذا وقفت أمام الجبار وقد غضب منك غضبا شديدا؟؟؟؟؟

ماهو جوابك لي؟؟

لماذا تركت الحلال وذهبت للحرام؟؟؟؟

ماهو عذرك؟؟؟؟


لاشيء.........................


​
 



<<تكمله ..

كل شوي أتذكر وأرجع :)

قولي إذا كنت ناااادم ومستعد للتوبه والرجوع لله قبل مايكون لي..

فالآن ودون تأخيييير تب إلى الله تعالى توبة نصوحاً وإستغفره وعد إليه


وإحمد الله أن أمهلك حتى تبت إليه ولم يقبض روحك وأنت زااااني وعااااصي..

ثم تخلص من ماااضيك القذر بكل مافيه..

وأتلف جميع الجوالات..واجعل لك شريحه جديده ...وأعد تشكيل علاقتنا من جديد

يكون الإحترام أساسها...والثقة جدرانها...والإخلاص بابها..والود طينتها

وعسى ربي يسامحك ويقبل توبتك...
​
 
الله الله عليك يا هذا راي انت رائعة لازم يسموكي حكيمة الحكيمات ما شاء الله عليك الله يحفظك ويخليك لزوجك واولادك واهلك امين والله يحفظك من العين انصحك حصني حالك
 
رازيا

هذا رائي

الله يحفظكم ياحكيمات المنتدى والله لايحرمك الاجر عزيزاتي

والشكر موصول لكل فرد بالمنتدى يدلو بدلوه لمشوره ومساندت كل بنات واعضاء المنتدى
 
لا اعتقد ان هناك افضل واشمل واحكم من رأي المميزه هذا رأيي ومابعد كلامها كلام وفقها الله وجزاها خيرا ..استخيري الله في امر المواجهه اولا ثم نفذي كلامها بحذافيره ان قررت المواجهه ..موفقه
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل