قد تكون مشكلتي مضحكه ولكنهاا اتعبتني

[لوليتا]

مساء الخير كنت اعاني من سفر زوجي المستمر والحمدلله قدرت بفضل الله ان اثنيه عن ذلك

ولكن الان المشكله هي ((الابل)) اشترا زوجي قطيعا منها ولكنه يقضي اغلب وقته عندها اهملنا انا واولاده وبناته

انه يصرف على المنزل ولكن اخذ بالتقصير علينا
وبدا يهملني كزوجه

كيف استطيع ان اجعله يوفق بينا لا اخفي عليكم اني مرتاحه انه وجد مايشغله ولكن على حسابي انا واولاده حيث ان اولاده لديهم الكثير من الحاجيات ولا يوجد من يقضيها لهم


لا تبخلوا علي بنصائحكم

اسفه قد تعتبر مشكلتي تافهه بالنسبة لكم ولكن الاهمال اثر في نفسيتي كثيرا

 

[ح ـزن]

الحل سهل
اقتليهم
لا امزح
شوفي شنو بيلاقي مع الابل ومابيلاقيه عندج
اكيد الاحتياج
لاتقولي له نحن ونحن وجيب وهات
حسسيه انج تحتاجين وجوده هو
مب لاجل يقضي اموركم

 

[شكرا بلقيس]

حبيبتي مافيها شئ اذا راح عند الابل اهم شئ تعرفين وين يروح
وروحي انتي معاه بعد وسوي مالذ وطاب وشاؤكيه في اهتماماته وعند ابله

بس ممكن اعرف حبيبتي وشلون قدرتي تخلينه ينسى السفر لان هذي مشكلة اعاني منها وياليت تفيديني

 

[AUDI]

هلا لوليتا , ليش مضحكه !!! اهمال الزوج وانشغاله عن بيته وزوجه واولاده اكبر مشكله والكثير من الزوجات تعاني من هذه المشكله ....

 

[السحر الحلال]

وروحي انتي معاه بعد وسوي مالذ وطاب وشاؤكيه في اهتماماته وعند ابله
[/QUOT
اهمال الزوج وانشغاله عن بيته وزوجه واولاده اكبر مشكله سواء بالاصدقاء او العمل او السفر .....الخ والكثير من الزوجات تعاني من هذه المشكله ....
الحل
شوفي شنو هواياته غير رعي الابل
حاولي انتي تستقطعين وقت في اليوم لكم تجلسون مع بعض ايام الروتين اليومي
اما اخر الاسبوع حاولي تطلعون معاه
ومثل ماقالت شكرا بلقيس
اعملي قهوة وشاي وكل مايحب وروحي معاه ليش عشان تحسسيه انج مهتمة باهتماماته
يقول تعالى (افلا ينظرون الى الابل كيف خلقت)
وعلمي عيالك الاولاد خاصة يروحون مع ابوهم يستفيدون ترى الجمل من سلوب العرب
والرسول صلى الله عليه وسلم قال علموا ابنائكم السباحة والرماية وركوب الخيل

الشيخ ابن باز كان يتمنى يشوف الجمل وهو اعمى لعظمة خلقته

ترى افضل انواع الحليب حليب الجمل وابوالها شفاء >> زينة للشعر يطوله خخخخخ والاحسن تربية زوجك يغني مضمون احسن من هالعمالة ماتدرين وش ياكلونه
ويمكن نصير زباين عندكم ولا ماتبيعون هههه اتغشمر بس الايام خاطري بحليب الجمل


بحكي لك قصة قالها جاسم المطوع
امراة كان زوجها يحب الحمام وكل يوم على هالحال مايقعد معهم ولا يلبي طلباتهم شكت لامها قالت لها دام هذه هواياته شاركيه فاشترت الزوجة كتاب تقرا فيه كل مايخص الحمام من والى
وصارت تقرا وكل يوم في جلستها مع زوجها تقول له الحمام كذا وكذا
وبالتدريج صار يقعد معهم اكثر من اول


سوي مثلها ويمكن نستفيد من مواضيعك هني تكلمين عن الجمال < سوي دعاية


ترى الرجال بدون اهتمامات بطال ( الابل ولا الحريم)الحمد لله على كل حال
الفراغ مو زين (نفسك ان لم تشغلها بالحق شغلتك بالباطل)
كل امراة متزوجة الا ولابد لها من ضرة
بس يبقى دور المراة كيف تجذب زوجها نحوه
ولا تمنعه من ممارسة هواياته

لوليتا
اااااااااااااااااااااااااسفة عالاطالة

بس جبيت اعطيك مافي خاطري

 

[ღ تْوٍفٌيِ ღ]

لوليتا يالغلا ..
بدايةً الله يسخر لك زوجك يارب ..
في البدايه ..قبل لاتكلمي زوجك وتحسسيه انو مهمل ومقصر في البيت والآولاد ..
آبدائي بنفسك وآولادك ..رتبي احتياجاتكم ..وحددي يوم تخرجو وتشتروا كل اللي ناقصكم ..وآعطيه خبر قبلها بكم يوم ..
وبعدها روحو تعشو برا كتغيير ..وقد ماتقدري ..سمعيه من الكلام الحلوو يومهاا ..والله ماقصرت ياابو فلان
ربي يعووضك ..مرا انبسطت واحنا خارجين سووا ..حسسيه ان اللي سواه شي كبيرر ..ولو كان عادي ..
لان بجد آغلب الرجال ..مايجوو الا بالمدح والكلام الحلوو ..حتى لو زاد عن حده ..

وبعدها مثل ماقالو الآخوات ..آعملي القهوه وحلا وروحو معاه ..منها تغييري جو ومنها تكوني مع زوجك وتشاركيه اهتماماته ..

وآهم نقطه الدعااء ..وقيام الليل ..
والله انها تيسر اموورك ..وتنحل مشاكلك وهمومك اللي تشووفيها زي الجبال تنزاح بسهوووله ..بإّذن الله ..

 

[جنات النعيم]

عزيزتي /*

شكري رب العالمين على هذه النعمه وما تحويليها لنقمه إلي أنا أقصدهالإبل نعمة من رب العالمين وإقتناءها كنز كبير فعليكي غاليتي أن تذهبي أنتي والأبناء إلى السيوح






اللهم صلي على سيدنا محمد وعلى آله وصحبه وسلم .