" السلام عليكم ورحمة الله وبركاته "
دكتوره ناعمه مشكلتي ساسردها لكي توجدي لي حل قبل مايطيح الفأس فالرأس
أنا شابه عمري22سنه تزوجت قبل عام ورزقني الله بطفل قبل أشهر,زوجي من أقاربي يعيش في دوله غيرالدوله التي أعيش فيها و ظروف عملي تمنعني السفر معاه خلال هذي الفتره أحبه كثيرا وهو بعد يحبني والمشكله انه وحيد وهذا لأحساس يجعله يفكر بالزواج عليه لكي يجيب عيال يقول أنتي مابتقدري تجيبي لي العدد لأريده من العيال لوحدج, منذ خطبتنا ونحن نناقش هالموضوع ودايما نختلف ويصير بيننا زعل بسيط وينتهي باعتذار مني أو منه ونسكر الموضوع ويعيده لي بعد فتره ونرجع لنفس السالفه.
المهم قبل فتره جته مسج وفتحتها و يوم خبرته بالمسج زعل وقال مره ثانيه لاتقيرين مسجاتي بعدأيام فتشت تلفونه لقيت فيه نفس المسج تجيه كل يوم ومره مسجات فاضيه شفت الرقم وطلع من بلده وفتحت السجل لقيت مكالماته له الرقم فاليوم أكثر من ثلاث ألي أربع مرات وفي أوقات متأخره من الليل,خذيت الرقم ودجيت عليه ردت بنت كانت نايمه قلت لها غلطة بالرقم وسكرت من غبائي واجهته وخبرته وزعل وانكروقال أنه ربيعه .اليوم الثاني تجينه مسجات من نفس الرقم ويتجاهلها وبعده بأيام جته مسج فيه رقمها الجديد وصار يمسح السجل كل يوم
قبل أيام قالي إنه تزوج وإنه قد خلص أموره وحدد موعد زواجه فشهر 8الجاي بس بعد ماشاف إني تعبت قال أنا كنت أختبر مشاعرج هل فعلا تحبيني أو لا وحلف إنه مقلب وماشي من هالسالف بالرغم إنه خبرني باسم العايله لعرس عندهم وشغل البنت وأهلها ,
دكتورة أنا في حيره من أمري كيف أتصرف معاه,أخاف تكون السالفة صدق,لأنه تعامله معي تغير وأحيانا أحسه يدلعني ويقول لي كلام حلو لأنه ضميره يعاقبه,
دكتورة أنا أحبه وما أقدر أتخيل أنه يتزوج ويحب وحده غيري,وأحساس أني بأكون وحيده فغرفتي وهو مرتاح معاها يقتلني وأفكر أنه أتطلق أذا تزوج عليه لأني أنسانه غيوره بطبعي وبأتعب نفسي فالتفكير فيه هو وزوجته..
