قبل لا نودع عام 2009 ونستقبل السنه الجديده 2010 خلونا نشوف توب 10 الزين والشين

[دمعة وفاء]

صباحكم \مساكم فل وورد جوري
كلها اسبوع وبنودع هالسنه ان شاءالله على خير وبركه والله يكتب لنا كل خير في السنه الجديده
ويعلها سنة مليئه بالايمان والصلاح والبر والحب والمحبه والسعاده والامان
بس قبل لا نودعها خلونا نذكرها بعيوبها وحسناتها علشان نتفاداهن السنه اليايه ان شاءالله
طبعا في اشياء بوبيولار يعني منتشره ومعروفه انها توب واشياء معروفه انها انتشرت بس غير مقبوله
هني راح نعرض وجهات النظر المختلفه ونبغي اكبر عدد من الاراء لانه رايي انا يختلف عن راي ووجهة نظر بنت 16 سنه علشان جي كل وحده تكتب نظرتها
TOP1
من الاشياء اللي انتشرت لدرجه فظيعه هي
الالوان النيون

سواء في SHOES

او في اللبس(ما حبيت احط صور بنات ^^)

و حتي في النيلز

عيوب (من عيوبه اذا الوحده ما عرفت كيف تطقم الالوان المناسبه والقهر اذا شفتيها من راسها لين ريولها فوشي لووولز سو فنكي )
ايجابيات (يعطيج لوك بنووتي ويصغر العمر ويدخل البهجه هههههههههههه )
نصايح للسنه الجديده ( بليز بليز بليز لا تلبسون لون واحد من الراس لين الريول اكبر غلط )

TOP2
Blackberry
كان انتشار البلاكبيري لا يوصف الصغير والكبير عنده وحتى اللي ما عنده المهم سمع عنه

عيوب( في نظري عيوبه اذا طاح في ايدي خاطئه فقط بس في عيب ثاني وهو مب من عيوب البلاكبيري لا من عيوب اتصالات للاسف اللي تمص جيبج لو كنتي فاتوره وعندج البلاك بيري
ومن عيوبه الاشاعات بعد )
ايجابيات (اممممم ما شي احساس بالملل ههههههههه اكبر تجمعات للناس واحلى قروبات )
نصايح للسنة الجديده (بليز بليز بليز لا ترسلون الاشاعات ولا الصور الاباحيه واكبر قهر اللي ترمس ربيعتها وتسوي برودكاست للكل !!!!!!!!! ليش هذا بينج وبينها )

TOP3
HANDMADE
كل شي مصنوع يدوي كان انتشاره واستعماله هالسنه كبير سواء شنط او اساور او ملابس او اي شي صناعه يدويه خص لو كانن مواطنات ^^

عيوب( فقط السعر اللي البعض يبالغ فيه )
الايجابيات (تشجيع الايدي المواطنه +نحصل على سوالف يديده غير متوفره في السوق)
نصايح للسنة الجديده (بليز بليز بليز نحب اشغالكم وفي خاطرنا نشتري بس رخصوا شوي حتى لو شغلكم مطلوب بس وصلوا للانتشار باسعار رخيصه )
TOP4
اساور الخيوط بكل انواعها

عيوب( لا يوجد ^^)
ايجابيات ( يعطي لوك حلو لليد خص اذا لابسه لون واحد فالاساور يضيفون لج الوان +اسعارهم ارخص من بقية الاساور )
نصايح للسنه الجديده (بليز بليز بليز اللي تلبس نوع ما تخلطه بانواع ثانيه يعني لا تخلطين الجلد مع الحديد مع الخيط ^^)
TOP5
LEGGINGS
اكيد شفتوا اشكثر الاسترشات انتشرن لدرجه يلبسونها في الاسواق><

عيوب(ما يناسب المتااااااااااااااااااااااااااااااااااااااان ومب للسوووووق )
الايجابيات (راحه للبيت وفصل الصيف ويعطي جمال للريول )
نصايح للسنه الجديده (بليز بليز بليز ما نبغي نشوف لقينقز تحت العبي في الاسواق لو مب علشان ذوقنا اقل شي علشان الدين والحشمه )

TOP6
مشط البف
واااه منه ههههههههههه

العيوب (كم بعد وبحصى لوووول )
الايجابيات (يحلي شكل الشعر ومناسب للوكات الناعمه في البيت والسهرات والعزايم وسعره رخيص بدل ما نسير الصالون )
نصايح للسنة الجديده(بليز بليز بليز حطوا بف واحد مب 10 هههههههههههه اللي حاطه في القصه واللي حاطه في نص الراس واللي ورى ؟؟ عشرين بف في الراس ارحمن هالراس )
TOP7
الشنط بسير طويل><
بالنسبه لي صدمه لما شفت هالموضه يعني في نظري من ابشع ما انتشر
كملت ساعه ادور شنط حد لابسنهن في النت ما حصلت !! مااعرف من وين يبتوا هالموضه خص
انه في الخارج انا اشوف الام اللي تسير الشوبينغ هي اللي تاخذ شنطه بسير طويل على اساس انه كول ومريح يعني مب للموضه والسهره

عيوب( الشنطه الطويله ما تناسب اي حد خص اللي تكون قصيره ولابسه عبايه وسيعه وشنطه بسير طويل!! لوولز وين تبين ؟)
الايجابيات ( في نظري لا شي)
النصايح للسنه الجديده (بليز بليز بليز وقفوا هالمووووووووووووووووووضه )

TOP8
MAXIدريس

رجع وبكل قوه وبصراحه اريح واحلى شي خص لو كان ملون للبيت
العيوب(لا شي)
االايجابيات(مريح وايد+رخيص+يغطي عيوب الجسم )
نصايح للسنه الجديده (نتمنى انه نشوف ديزاينات اكثر واحلى )
TOP9
نظارة بان راي!!
بصراحه لا تعليق

العيوب ( رجاليه رجاليه رجاليه رجاليه )
الايجابيات ( يحلي الشكل خخخخخ )
نصايح للسنه الجديده ( نتمنى نشوف نظارات بنفس الاسلوب بس نسائيه اكثر لانه هاي رجاليه بحت بصراحه حتى لو حلوه في اللبس)
TOP10
سبورت شوز
اكثر شي بين بنات الجامعات والمدارس

اوكي ما نلوم بنات المدارس ووالجامعات لانه يبون الراحه بس مااتخيل في السوق ولا سهره ونشوف بنوته اشحلاتها لابسه سبورت !!
العيوب(مشووه لمنظر البنت )
الايجابيات (رااااحه تااااااااااااااامه )
نصايح للسنه الجديده ( بليز ما نبغي نشوف بنوته قمر متكشخه ولابسه تحت جوتي سبورت !! اوكي البسي سطاحي ابرك من السبورت ولا تلقين منقبه ولابسه سبورت !! ترى موول مب شي !!)

اخيرا الاختلاف في الراي لا يفسد للود قضيه ولولا اختلاف الاذواق لبارت السلع
ذوقي غير واذواقكم غير والحينه نبغي كل وحده تحط وجهة نظرها بالاشياء اللي هي حبتهن هالسنه والاشياء اللي كرهتهن
^_^​

 

[fatoom 3loom]

هلا ومية هلا بدموعة عدتي والعود أحمد
موضوع حلو وكيوت
1- أوافق 100%
وفعلاً دايماً اختصاصيين الأزياء يقولون لازم
ما نلبس لون واحد من فوق لتحت وأنا من النوع
اللي ما أحب الألوان الفاقعة
2-طبعاً أناعندي BB
فشهادتي مجروحة خخخخخ
بس أنا دايماً أقول وقلت لربيعتي
لأنها من معارضين البلاك بيري
العيب مب في التكنولوجيا العيب في استخدام الناس الخاطئ
أحياناً لها
3-100% أوافق
وفعلاً الواحد وده يشجع الصناعات الوطنية
بس بعض الأشخاص يبالغون بالأسعار
4-حلوه بس أنا ما جربتها
5-150% أوافق :bleh:
فعلاً مأساااااااااااااااااة
تشوفين بنات لابسين عباة ورافعينها
عشان يبين اللقينز والسكيني
غلط غلط غلط يا ناس
6-بليز يليز قوليلي وين أحصله :tears::tears:
أحب هالحركات
ولا تخافين ما ببالغ أصلاً راسي ما يتحمل خخخخ
7- ما أحب الشنطه بسير طويل تبهدل الوحده
8- أنا من النوع اللي وااايد أحب البنطلونات
والبرمودا والبيجامات مب وايد ويا الماكسي
9-في كم بنت شفت عليهم نظارات راي بان
شكلها مثل الرجاليه بس أنعم شوي
والصراحة شكلها كيوت
بس فعلاً هي يغلب عليها الطابع الرجالي
والناس متعوده تشوفها عالشباب
10-أنا أحب الأحذية (عزكم الله) المريجه وايد
بس لأني مب طويله وعشان أعدل مشيتي قمت ألبس كعب
بس مب طويل وااايد
وطبعاً أوافقج الجوتي السبورت مب لكل زمان ومكان

تحياتي لج

​

 

[دمعة وفاء]

هلا وغلا غناتي بعد اخذ اجازه شوي طويله ومريحه خخخخخخ اعود وبقوة ان شاء الله مشكووووره على التفاعل الحلووو

 

[ورده مملوحه]

هلا حبيبتي
حمدالله على السلامه
مثل ما قلتي والله الوحده تلوع كبده من الموضه الي صارت مالغه ملاغه
المشكله تدرين فيه حريم ما يعرفون بالتنسيق ابد يعني مالهم علاقه بتاتاً
ويمشون على الموضه وبس كرهون بكل شي حلو وخص الشنطه الطويله عيت تدخل ميزاجي ابد والجينز لما يلبسونه بالسوق حرام يشلون ذنب كل رجل لفتوا انتباهه
الاساور ما دخلو مزاجي احب الاكسسوار الحديد اكثر احلى واشيك وانا اكره العبايه الي تكون مطرزه وتلبس للسوق
والسبور البسه بالسوق وللبر بس
واكثر شي احبه البسه الكعب العالي شخصيه اكثر وهيبه وبس
اتمنى اكون ما نسيت شي تحيتي​

 

[اتعبني غلاهـ]

واوووووووووووووووو كلها صح × صح بذات شنطه ام سير طويل مدري وش يحسون فيه اللي يشترونها
اما لالوان وناسه والشوز سبورت وناسه بس له اوقات مثلا للجامعه او المدارس او في الجيم
البلاك بيري عندي وعند اغلب صديقاتي استخدمه بشي مفيد وصح مادري مكبرين السالفه انا عن نفسي ماشفت منه شي
لاساور حلوه
لاشغال اليدويه انتشرت بقوه بس الاسعار نار وصراحه شفت بكذا معرض اشياء توحفه وابداعات غطينا على اليابان فيها بس غالللللللللللللللللللليه حيل
مشط البف بصراحه احيانا يشوه وكنت بشريه بس قالتلي وحده انه سالت شيخ وقال مايجوز يعتبر من الوصل والحشو والله اعلم وقريت بعد عنه بكم منتدى
اللقينز والسكيني بصراحه فتنه اذا الوحده لبسته تحت العبايه وتستعرض فيه ممكن تلبسه بالبيت عند زوجها طلعات بنات وجمعاتهم ولا هو يعطي تقسيم للجسم حلو

يعطيك العافيه

 

[دمعة وفاء]

يسلمووو على التفاعل الحلو نتريا اراء الباجيات

 

[دمعة وفاء]

وين البقية

 

[الـ غ ـاويهـ]

لي عؤدة ^^

بس اسوي بعض التشيكات ع القسم ^^"

 

[الـ غ ـاويهـ]

عدت من جديد ^^"


1- بالنسبة للنيون فعلا انتشاره كان واضح جدا

ما شاء الله بنات الجامعة مب مقصرين .. خخخخ

بس الصراحة في اشياء حلوة تكون بالوان النيون


2 - البلاك بيري الله يسلمج حبته لكن ما حبت موضته.. يعني اي مكان اسيره

و إلا اشوف ها البلاك بيري في ايد البنات ( اقصد ف الجامعة) و برع الجامعة بعد

و انا ما عندي بلاك بيري ، احب يكون عندي و ف نفس الوقت ما ابي لأن الكل عنده

و بصراحة احب الشيء اللي يكون نادر الوجود ^^"


3 - حلو الواحد يسوي الشغل بنفسه و يبيعه و بجي تزداد الصناعة الوطنية لكن مب يغلون ف الاسعار

( ف يوم الاتحاد كنا بوث و كل بنية حاجزة لها بوث .. ففي مجموعة بنات يبيعون عبي و قمصان،

اشياءهم حلوة لكن الأسعار over تخيلي القميص الواحد 900 ما يسوى يكون جي لو 100 بقول

لكن مب بهاي الطريقة يعني ارخص واحد كان 450 .. و هاي القمصان ممكن تنباع ف اماكن ثانية

لكن باسعار اقل حتى ممكن تكون اقل 100 ) .. ( ولا بنات ثانيات بيعون هاي الاساور اللي منتشرة فكل مكان

بـ 10 هم يبيعونه بـ 30 ، استغلال بالقو )

4- الأساور ما فيهم شي و حلوين .. مع اني ما البس واايد اساور ، و قليل ما البسهم
اهم شيء عندي الساعة

5- السكيني حلو ، و احب البسه بكل الالوان مع انه ما عندي غير اللون الاسود و الاخضر الغامق
و الرصاصي و الجينز ^^" .. و مثل ما قلتي في بنات ما يليق عليهم و يلبسونه !!

6 - ما استخدم هاي السوالف ، ولا حتى فالاعراس .. احب اسوي البف بنفسي
ما فيه اي عيوب ها المشط ، بالعكس مرتب واايد للي ما يقدر يسوي البف بنفسه
لكن اهم الشيء البنات ما يستخدمونه فالجامعة و الاسواق
لأنه واايد مبالغين مثل ما قلتي من يدام و ورا ( الشعر يقولهم ارحموني منه ^^" )


7- ما اعرف شو اقول عنه ، اللي قلتيه يكفي و يوفي

8 - Maxi dress رائع جدا و مناسب للجسم

9- احب هاي النظارة واايد خاصة لما اشوفها ع الشباب *_^ خخخخ
و اتمنى تكون عندي حتى لو كانت رجالية .. اللي عندي نفس هاي تقريبا لكن بعدسات وردية
من ماركة D&G

10 - احب الشوز واايد .. و البسه ف البر اكثر شيء و لا مرة لابستنه ف الجامعة
و ايدج فكل اللي قلتيه عنه

_______________

تسلمين عزيزتي على هذا الطرح الراائع جدا جدا

و كلامج سليم 100 %

يعطيج العافية

لاى هنتيـ