قبل طردني ورجعت واليوم أنا أبروح من نفسي

[دفء سنيني]

كلامك سليم

خذي حقك ولكن بهدوء

يعني من أهلك لاتفضفضي إلا لصاحب المشورة الحكيمة واللي راح يتصرف صح

يعني مو ضروري كل الأهل يدروا فقط اللي راح يساعدك

بس فرصه رائعه استغليها

وراتبك لو يطول نجوم السماء لاتخلينه يطوله

 

[اخر شقاوه]

أنا عشانه تزوج علي ودي أوقفه عند حده مشكلتي الساسية زواجه مو الفلوس
بس أبيها مرة وحدة اشتكي من أفعاله عشان يحس إنه تزوج علي وطيرني

يعني يالمها انتي متوقعه وعااادي عندك ان توصل للطلاق والمشكله كلها ان تزوج عليج​

اذا انتي فعلا مستغنيه عنه ومستعده تتحملي الطلاق والمشاكل اللي تجي من وراء الطلاق​

استمري باللي تسوينه​

بس اذا تحبينه وماراح تتخيلي حياتك اذا مطلقه وبيت اهلك او عند اخوانك لاتكبري الأمور​

لاتعطيه الفلوس بس سوي اللي كتبته لك بأول رد على الموضوع​

مو دايما ياقلبي تنفع القوه وانتبهي ان عنده زوجه ثانيه​

اذا مريحته زوجته الثانيه يمكن يستغني عنك بسهوله لان​

يشوفك ان راعيه مشاكل وهو يبي الراحه​

يمكن لا قدر الله يطلقك ويندم بعدها بس شنو ينفع الندم​

اقولك مو دايما تسلم الجره يمكن هالمره تكون الأخيره بينكم​

لاتنفجري ولاشي اول شي صلي الأستخاره واستغفري​

وبعدها اجلسي معاه بهدؤ وناقشيه بموضوع الفلوس والعدل​

اذا هو استمر بأسلوبه معاج اتجهي الله سبحانه ​

وادعي ان الله يسخر لج زوجك واستغفري واذا فيه احد حكيم بالعايله​

ممكن تدخلينه بالموضوع بس يكون زوجك يحترمه وكلمته لها قيمه عنده​

مع ملاحظه بعض الأزواج مايحب احد يدخل بمشاكله مع زوجته​

انا ماأيد الطلاق إلا لظروف قاهره​

وانتي قلتي كل المشكله ان تزوج ياقلبي انسي زواجه عيشي حياتك​

شي وصار لاتوقعين ان اذا ظغطي عليه راح يطلق الثانيه​

انا اعرف واحد من اهلنا تزوج على زوجته واستمرت مشاكل الأولى​

وكلها بسبب زواجه صبر سنه ونص وبعدها طلق الأولى وعندها 6 عيال​

شوفي شلون رخصت بنفسها لو ساكته وعايشه حياتها احسن صج الحين​

ردها بعد ماتدخلو الرجال عشان العيال وقال عشان العيال ولا هي طابت نفسي منها​

يعني مشاكلها مع زوجها طلعت للعالم يعني اكيد استانست الثانيه​

انتبهي ياقلبي وفكري كثير واستخيري الله​

الله يهديكم لبعض​

 

[جلجامش]

فلوسج لج
لاتصرفين فلس عالبيت
دام عنده فلوس يتزوج غيرج
قدر يصرف ويعطي مهر ويسكن
بيقدر يصرف عليج
تصرفج صح ميه فالمية
وانا لومنج اروح لاهلي اتصل باخوي واقوله تعال خذني
وزوجته الثانيه ماتخيل تعطيه فلس بس هو يحاول يخليج تغارين
عشان يجننج حسبي الله ونعم الوكيل
التهي عنه تماما ..سوي لنفسج شي
ولاتخلين النار تحرقج خلها تحرقه هو يوم يشوف انج طلعتيه من حياتج وانتي على ذمته
المساكين فالسالفه هذي كلها هم الاطفال وهذول محتاجين حب وعواطف عشان مايتأثرون بلي صار
اذا نفسج عافته ردي بيت هلج وهو شكله يحط لرجعتج الف حساب
وادعي ربج الله يسهلها عليج ويصلح زوج
مادري هالرجال شفيهم

 

[AUDI]

الله يعينك ..
خليك قويه وامسكي فلوسك !!!!! حلوه ذي عطيني علشان اصير طيب واعطيك حقوقك !!!! لا وبعد متزوج عليك !!!! هذه هي الوقا حه..

 

[حنين احمد]

اللهم اجعل لنا و لكي من كل هم فرجا و من كل ضيق مخرجا و من كل بلاء عافية و من كل عسر يسرا

 

[المها2010]

تسلمون ياقلبي على هالردود الحلوة
هي حاجة وحدة يوم بغى يقطع المشاكل طردني وهذي مأثرة في نفسي ودي أقول له أنت طردتني والحين أبروح لأني مرة ما رحت هجرني والمرة الثانية رحت ورجعت لو جلست أحسن لحد ما يندم والله هو تهديد بس
هو عارف إني أبي بيتي وعيالي عشان كذا يضغط علي قال هذي مستحيل تزهق مني