اخواتي الغاليات قصتي بإختصار اني متزوجه من خمس سنوات ولدي بنت وولدين مهتمه ببيتي وبأولادي وبنفسي وبزوجي عمري ماقصرت معه في شئ هو رامي المسؤوليه كلها على راسي من اهتمام بالبيت والاطفال وتربيتهم عمره ماشفته شايل واحد من اطفاله حتى شكل غرفتهم مايعرفه لان عمره مادخلها دايم ينتقدهم بالرغم بانهم ماشاء الله يفتحون النفس ينتقد اشكالهم تصرفاتهم كل شي فيهم اذا كان بالبيت يضربهم وقت الوجبات يقول طلعيهم برا ويسكر عليهم حتى صرت ابعدهم عنه , عمره ماقال لي كلمه حلوه كنت اصبر واتصبر علشان اطفالي وبس واستمريت بمعاملته احسن معامله واعرف انه يحرمني من وقته ومن كلامه الحلو ويعطيه لغيري من الي يتعرف عليهم عن طريق الدردشه بس صبرت وقلت له رب يحاسبه , تحملت اهله ولاعمري زعلت احد فيهم عشانه بالرغم انهم سبب اغلب مشاكلنا , ودايم كنت استشير شيخ ويصبرني ويقول لو تعيشين مع نصف رجل او حتى ربع رجل خير لك من ان تعيشي من دون رجل انا ولله الحمد معلمه وجميله ومثقفه ولكن هذي الصفات كل الناس يشوفونها الا زوجي تحملت اهانته لي الى ان بدا يهين في اهلي ويقول ان اولادنا هم غلطة عمري وليتني ماجبتهم صرت اخاف عليهم منه والكلمه الي فجرت كل البراكين بداخلي هي انه لايجبني ولايحب اي شي فيني خلاص بعدها كلمت اخوي وهم كلهم حاقدين عليه لانهم شايفين اهماله لي حتى وقت ولادتي يرميني بالمستشفى ويروح ودايم يهددني بالزواج مره ثانيه وبانه راح يخليني على ذمته بس عشان يذلني ويهيني انا عارفه ان ربي حلل اربع زوجات بس فيه بعض الرجال يستاهل لانه يقدر يحب ويعدل بس فيه بعضهم مايستاهل حتى وحده
الحين ابي الفكه منه وافكر جديا بالطلاق لاني ولله الحمد مستغنيه عنه ولا احتاجه في شئ ابي رايكم ومشورتكم لاني تعبت من التفكير
الحين ابي الفكه منه وافكر جديا بالطلاق لاني ولله الحمد مستغنيه عنه ولا احتاجه في شئ ابي رايكم ومشورتكم لاني تعبت من التفكير
