في قلب كل محنة منحة..قصة..حنان وخالد..

[[جلكسي]]

لالالالالالالالاعذب والله حرم تشوقينه كذه

 

[صمت وكلام]

زوار هذا الموضوع الآن : 43 (15 عضو و 28 ضيف)
صمت وكلام, ~رؤى~, niceh, *زيزفون*, [جلكسي], غرورأنثى,,,, ورود النسرين, سمراء بلادي, عطر الوجود..., خادمة الاسلام, مفارق اعز خلانى, زهوووور الريف, بنتي حبي, محبة غزة, atiaf

:35::35::35:​

 

[بنتي حبي]

يسلمو على هالقصه من جد حماس يلا كملي ياحلوه
SIZE="7"][/SIZE]

 

[@ارجوانيه@]

مادري قصتك جابتلي الحزن
حسستني الدنيا ولا شي
نبغى رضى رجالنا وهم ولا على بالهم
بس صدق ماتعيش الا المراه القويه والطيب في هالزمن ينداس عليه00
اتمنى تكملين لاني مره متلهفه على التكمله00
بارك الله فيك وفيما خطته اناملك اختي وجعله الله في ميزان حسناتك00

 

[خادمة الاسلام]

رحت لبست فستان طويل وناعم
وفوقه جكيت صغير..
[url=http://hh7.net/]

[/url]

وكعادتي حطيت مكياج بسيط
واستشورت شعري وبخرت البيت
وكنت جالسة ادعي ربي يثبتني
ويذهب عني الخجل والضيق...
حسيت بشي عجييب يابناااات
حسيت بقوة..
بفرحة بقلبي
من كثرها دمعت عيني
وقلت الحمدلله
.......
بعد صلاة العشا مباشرة كانت ندى بالبيت
ومعاها طقم من بودي شوب وحلاوة فخمة
سلمت عليها ورحبت فيها ودخلتها المجلس
تركنا خالد وراح يجيب عمتي
.........
الصرااااااحة البنت رغم غييرتي منها الا انها تدخل القلب بدون استئذان
كانت عادية بس ناعمة
وجسمها ماشالله خيال
يعني رشاقة وتناسق فظيع لااله الا الله
حسيت بغيرة بس مابينت ابد
كنا ساكتين
ومو لاقين بالاصح شي نتكلم فيه
كنت اشوف بعينها نظرات الاعجاب
وباين انها انصدمت بشكلي
واتوقعتني اقل جمالا
.....
كانت تفرك يدها
وانا جالسة استغفر
ندى:ماشالله ريحة البخور مرررة عجبتني وش اسمه
حسيتها بتختلق موضوع بس اهم شي اتكلم:هذي عودة من العربية للعود
..........
جات عمتي وباستني على راسي
بعدت راسي:لالا الله يهديك ياعمة
ام خالد:والله تستاهلين اكثر الله يكملك بعقلكــ حقك علي يابنيتي والله زعلت من خالد ..بس عمك اصر اني اجي معاه
حنان:الله لايجيب الزعل والله يحيك هاتي عباتك بس وارتاحي...
......
ثاني يوم الصباح اصحيت
وقرات وردي ورقيت نفسي
واحس مقل الغشاوة والغطا ينشاااال عن قلبي
....
دخل خالد الظهر
ومعه كيس
...
سلم علي
وباس جبيني
وقال:تفضلي يالغالية تستاهلين اكثر
فتحت الكيس وطلعت علبة وكان فيها طقم ذهب
حنان:الــــــلـــه تسلم حبيبي الله يخليك ليــ
خالد:ويخليك لي..
((ماسالته عن المناسبة بس كنت متاكدة انه استقبالي لندى
............
مر على زواج خالد خمس شهور
كانت فيها ندى تتصل من فترة لفترة
وترسل لي صواني حلا ومعجنات مع خالد وكنت ارد لها بالمثل
ومستغرببة منها
طلعت بطني
ووضحت وبلاخص ان جسمي عموما نحف وصلت ل69
مع العلم انا طولي 165
......
ماكنت اراجع مع طبيبة
نساااء
بس كنت اهتم اشرب حليب واكل فواكه وخضار اشياء صحية
وماابي وزني يزيد
وبنفس الوقت ماابي اضر جنيني
.....
كنت متشوقة ابي اعرف وش اللي ببطني
ولد ولا بنت
وبكلا الحالتين انا راضية اللي يجي من الله حياه الله
بس فضول لااكثر...
واكيد جاالوقت اللي لازم خالد يدري فيه اني حامل
,,,,,,,,,,,
كتبت رسالة لخالد
وحطيتها بجيبه..
((بسم الله الرحمن الرحيم...
السلام عليكم ورحمة الله وبركاته
حبيبي خالد
عندي لك خبر ومفاجاة حلو انااجزم باذن الله انها راح تفرحك
بس قبل اقولك الخبر ابيك توعدني ماتعاتبني ولا تناقشني عن سبب اختياري لهالوقت
انك تعرفه لان تاخيري بقوله لك كان خارج عن ارادتي اشياء بسيطة بس مثلك يقدرها
انا
انا
انا
ياعمري حامل بالشهر الخامس..
واتمنى يجيني ولد مثلك حنون وشهم
حبيبتك
حنو.....))
,,,,,,,,,,,,,,

قال أحدهم: " لوعلمتمـ كيف يدبر الـرب أموركمـ ..
لذابت قلوبكمـ من محبته "!
((صلوا على الحبيب))
​

 

[غافر الذنوب]

لللللللللليش اخيرا علمته بس والله حبيتهم كثير خلاص انا بكره بزوج زوجي خخخخخخخخ

 

[خادمة الاسلام]

السلام عليكم
بنااااااااااااااااااااااااات
اشويااااااات وانزل البارت
البارت
البارت
الاخــــــــــــــــير
والدروس المستفادة من القصة

 

[ابتسامة طموح]

بانتظآرك ...............

 

[فوفونان]

ماشاء الله عليها حنو ضربت اروع الأمثله
قهرني زوجها مرررررره
زوار هذا الموضوع الآن : 40 (14 عضو و 26 ضيف) فوفونان, خادمة الاسلام, ابتسامة طموح, شمعةامل, niceh, قرة عين يارب, اتعبني الهم, smile >3, ورود النسرين, روامس, اقرأي كتاب السر, eternalStudent, &~ الأصيله ~&, ريانة 2010


اكملي نحن بانتظارك
​

 

[حبي ميدو]

ونااااااااااااسه اخير بتنتهي القصه وووووووه على طيبة قلبك ياحنو ربي يكملني بعقل وصبرك مثلك

 

[شموخ الاحزان]

آآه ماأصعب اللحظات التي مرت بها حنان ولا يعلم قسوتها الا من مر بها
ماأكثر الظلم في هذه الدنيا وبالأخص ممن نحب
قلبتي علي المواجع

 

[مـلاك الصغيرة]

متابعه

 

[خادمة الاسلام]

البــــــــــــــــارت الاخـــــــــــير

كنت منتظرة
اي شي من خالد
ومستعدة اتحمل ردة فعله ولو كانت قوية
.....
مر اليوم وخالد ما اتصل ولا حس ولاخبر
.....
قمت الليل ودعيت الله
يهدي خالد
ويفرحهه
.....
قبل الفجر بشوي
كنت اقرا القران
الا واسمع باب الشقة ينفتح
...
والاقي خالد يطامر ويزاعج
ويبوسني
ومافهمت من كلامه شي
لاني اتفاجات
بس اللي
وااااااااضح لي انه كااااااااااااان
فرحاااااااااااااااان وبالحييييييل
........
ثاني يوم رحت للدكتورة
وكتبت لي فيتاميناااات
وقالت
ان اللي في بطني
بـــــــــــــــنـــــــت
سجدت شكرلله
لان كان نفسي ببنت واسميها ريم مثل ماتفقنا انا وخالد من زماااااااااان
.....
خالد تغيرت معاملته مية وثمانين درجة
ومايبني اشيل لو مخدة
كنت فرحااااانة
لكن تعلمت!!
ابد مااتعلق فيه
لانه موسبب فرحتي
وان فرحتي وتعامل خالد ماهو الا تكرم من الله وحده
حسيت اني تعلقت بربي كثيييير الحمدلله
وصار همي الوحيد
((اشلون ارضيه؟؟سبحانه..
..........
صرت استغفر كثير ومن كثر مااستغفر القى نفسي اتوماتيك مستغفرةهههههههههه
وحسيت اني انسانة غيييير
صرت قوية
شي عجيييب
ينبع من جوا قلبي
,,,,,,,,,,
الحمدلله
,,,,,,,,,,,
وبيوم من الايام
جاتني ندى
واستقبلتها بالترحيب وجلسنا بالمجلس
كنت غيرااانة منها
بس مافيني حقد احس قلبي فوق مرتقي
عاااالي
.....
جلسنا نسولف سواليف عادية
وكنت احس ندى
محترمتني كثير
ندى:الله يحيك ان شالله على زواج اختي نهاية هالشهر
حنان:ماشالله مبرررروك الله يوفقها
ندى:واياك..ترى اختي كثير تشبهك
ضحكت:اكيييد حلوة
ندى بنظرة برائة وابتسامة:اكيييد
((ماادري ليه هاللحظة اتمنيت احضنها حسيتها بنتي مو ضرتي..
ندى:تراها اخذه فيصل ال.....
((خطر ببالي فيصل ولد جيرانا
حنان:لايكون ولد جيرانا
ندى:ايه هو ...اختي عرفت انهم جيرانكم
((حز بخاطري انه حتى وقت ماقرر يتزوج اخذ وحدة تشبه لي حزنت كثير على البنت...
حنان:الله يوفقهم فيصل رجال ماعليه كلام الله يجمع بينهم على خير
ندى:اللهم ءامين
ندى وهي منزلة راسها:مو عارفة وش اقولك ياحنان انا جايتك اليوم
ابغى اكلمك بموضوع ومو عارفة من وين ابدا
حنان:ابدي من اللي يريحك ..قولي وش فيك
ندى:انا ماابي خالد..وطلبت منه الطلاق وتفاهمنا على كل شي.. بس ماحبيت اخرب على اختي فرحتها... وبعد زواجها باطلق
واتمنى تسامحيني..لاني ماعمري حسيت نفسي خبيثة كثر ماحسيت وانا مع خالد
من البداية ماكنت مقتنعة بهالزواج بس اصرار اهلي وتشجيعهم اني اوافق على خالد خلاني اوافق
وبصراحة خالد مو حلمي
ماانكر ان خالد طيب وكريم وشهم بس الصراحة فيه جفا مو طبيعي وانا متعودة ببيت اهلي على الكلام الحلو والدلع وخالد حطمني..ومن جد قلت الله يعين حنان عليه
كيف صابرة عليه مااادري وبيني وبينك احس خالد عمره ماحب روحي
من ايام الملكة وهو يقولي اهتمي بجسمك
وماادري ايش
ويوم شفتك عرفت اني غلط غلطة كبييييرة وخصوصا يوم عرفت انك حامل الله يتمم لك على خير
اتمنى تعتبريني اخت لكي لان لكي في قلبي معزة من الله
والله شاهد على اللي في قلبي
..........
وقتها انلخمت
مو عارفة وش ااقولها
صح ودي انها تروح من حياتنا
بس اخاااااف من الله
اخاااف اكون ممن خببت امراة على زوجها فاكون ملعونة!
....
حنان:اسمعيني ياندى ...
خالد تزوجكي وانتهى الموضوع..واذا مااخذك اخذ غيرك,,لاتتسرعين وتهدمين بيتك
وخالد مافي منه بس للي تعرف تتعامل معاه صح..
ندى وهي مبتسمة:حنااااان انا ماقررت الا بعد مااستخرت الله لاني مو قادرة احبه وصعبة اعيش مع رجال مايملى عيني
بس من جد انا تعلمت منك كثير والحمدلله اني تعرفت على وحده مثلك
وفتحت يدها لي وقالت تسمحي لي
فتحت يدي وحضنتها
وصرنا نصيييييييح
.......
طلق خالد ندى...
ومانسيتها من الدعاء لانها من جد تدخل القلب..
وصار خالد
رجال غير بكل شي
بتعامله بكلامه باهتمامه
باختصار صار زوج مثالي
وحبيب حنون

....
بس
كان مثل الضو الاحمر
بحياتي يشتغل يذكرني
مين سبب سعادتي
ومين سبب شفائي
ومين اللي رزقني بالفرح بعد الحزن
والصحة بعد المرض
مين غير((الله))سبحانه...
وخرجت من محناتي
بافضل منحة
((وهي التعلق بالله وحده والانشغال برضاه عمن سواه))
انا الان ام لريم
وحامل بتوأم
ومدرسة لمواد الدين
بمدرسة تحفيظ للقرآن
وحضرت قبل شهر زفاف ندى من ابن عمها
اللي كان مثل ماتتمنى,,الحمدلله​

.....
بالختااااااام
عن ام سلمه رضي الله عنها قالت : سمعتُ رسول اللَّهِ صَلّى اللهُ عَلَيْهِ وسَلَّم يقول : « مَا مِنْ عبدٍ تُصِيبُهُ مُصِيبَةٌ ، فيقولُ : إِنَّا للَّهِ وَإِنَّا إِليهِ رَاجِعُونَ : اللَّهمَّ أجرني في مُصِيبَتي ، وَاخْلُف لي خَيْراً مِنْهَا، إِلاَّ أَجَرَهُ اللَّهُ تعَالى في مُصِيبتِهِ وَأَخْلَف له خَيْراً مِنْهَا . قالت : فَلَمَّا تُوُفِّيَ أَبُو سَلَمَة ، قلتُ كما أَمَرني رسولُ اللَّهِ صَلّى اللهُ عَلَيْهِ وسَلَّم فَأَخْلَفَ اللَّهُ لي خَيْراً منْهُ رسولَ اللَّهِ صَلّى اللهُ عَلَيْهِ وسَلَّم . رواه مسلم .​

اعذروني احبتي
ان أنزلت ددموعكم..
وآذيت طيبة مشاعركم..
ولكن احببت ان تشاركوني
المي..
لكي تعلموا
لذة السعادة بعد الالم ..
ولذة
((القرب من الله))
وعواقب الصبر الذي لاياتي الا بكل خير
,,,,,,,,,,,
استودعكم الله:icon26:
السلام عليكم ورحمة الله وبركاته​

​

​

​

​

 

[مـلاك الصغيرة]

جزاك الله خير حبيتي قصة رائعه وفعلا في كل محنه منحه
والله يتمم لك ياحنان على خير ويوفقك

 

[خادمة الاسلام]

واياك ملاك الصغيرة..
متابعتك وكلامك كان يسعدني..
بارك الله فيك

 

[غافر الذنوب]

الله يسعدك عن جد تاثرنا

 

[روامس]

روووووعه
تسلم يمناك قصه في منتهى الجمال
انزلت دموعي ولاكنها اعجبتني
الله يوفقك لما يحب ويرضى
تقبلي مروري​

 

[خجلے]

وآآآآو ... مرررهـ رووووعهـ القصهـ

الله يريح حنان نفسيآ وجسديا <<< ويتمم لها على خييير

تسلمين على الطرررح الرآقي <<<<< يلهـ رووووحي على كتبك ياعسسسل
وبالتوووفيق ياااربـ .. بالدنيا والاخرهـ - والله يسهل لك كـــل أمووورك ..
​

​

​

 

[خادمة الاسلام]

غافر الذنوب..
ويسعدك حبيبتي
يفرحني ان هدفي من القصة وصل
جزاك الله خير

 

[خادمة الاسلام]

روامس
مرورك الروووعة
وجزاك الله خير على الدعوة
...