في قلب كل محنة منحة..قصة..حنان وخالد..

ليتني اشوف خالد كان ذبحته:18:
 
بالليل جا خالد
دخل وسلم ولا كأن فيه شي
ماقمت استقبلته ولاسلمت عليه..
حسيت اني مو طايقته..!!
راح غرفة النوم وناداني انام معه اعتذرت منه
وقال لي:معذورة ادري ان كل الحريم مايرضون ان ازواجهم يتزوجون عليهم بس اوعدك اني باكون عادل ومسالة وقت وتنسين الزعل
ناظرت فيه باستهزاء ورحت عنه..
قمت الليل ادعي وابكي
بعد الحمد والثناء على الله عزوجل
والصلاة على الرسول " اللهم إني أمتك ابنة عبدك ابنة أمتك ناصيتي بيدك ، ماضِ في حكمك ، عدل في قضاؤك ، أسألك بكل اسم هو لك سميت به نفسك أو أنزلته في كتابك ، أو علمته أحداً من خلقك أو استأثرت به في علم الغيب عندك أن تجعل القرآن ربيع قلبي ، ونور صدري وجلاء حزني وذهاب همي "
يارب أمتك الضعيفة تستغيث بك..
ليس لها دونك ملجأ
ياأرحم الراحمين
فرج همومي واشرح صدري
واشفني واغنني عن الدواء والطبيب ياطبيب الاطباء
يارب عليا كبير
وعليك يسير
لااقدر نفع نفسي,,,
وتقدر ان تفعل ماتشااااء سبحانك))
بعد ماخلصت الصلاة حسييييت برااااحة رااااحة عجيبة
واندمت انني تركت القيام
وقررت ارجع له...
ومااتركه ابدا,,,,,
,,,,,,,,,,,,,,,,,,
ثاني يوم العصر ...
تكشخ خالد وتعطر وقف قدام المراية يدندن
........
كنت احس بنار في جوفي قههههر مع ضعف مع اشياء كثيرة وسويت نفسي مو منتبهه له
وارتب الغرفة
ناظرني خالد:تبين شي انا خارج
بدون مااطل فيه:سلامتك
وطلع وطلعت معه دمووووعي
جلست اصيييح واقول:الحمدلله الحمدلله الحمدلله
...............................
في السيارة خالد راجع من اهل العروس ومعه غدير وخالته فوزية ونورة
خالد:هاوش رايكم
فوزية:قمر ماشالله ..
نورة:وباين ان اهلها طيبين وعاقلين
خالد:وانتي عمة غدير وش رايك
((غدير ماكانت تبي تروح بس خالد الح عليها وطلبها لان خالد يثق بذوقها ولازم تروح تشوفها...ووصاها اهم شي الجسم يكووون رشييييق))
غدير:البنت ماعليها ملامحها ناعمة وجسمها حلووو
نورة:الصراحة حنان احلى بكثيييير
خالد فرح كثيييييير اهم شي جسمها حلووو...
,,,,,,,,,,,
خالد سال كثير عن هالناس
وكان يبي وحدة طيبة وعاقلة ماتاذي حنان لانه يعرف انها طيبة ...
,,,,,,,,,,,,,,,,
مرت الايام مالها طعم باي شي
وعلاقتي مع خالد كانت رسمية وجدا...
يحاول احيان يفتح معي اي موضوع بس كنت اقفله بسرعة...
وصرت اشغل وقتي بالاستغفار
والدعاء
.........
مرت شهرين...
عرفت فيها من عمة غدير اللي اعتذرت لي كثييييير وقبلت عذرها لاني اعرف خالد لابغاها تروح تروح ولاهي ماودها
ان الملكة بعد اسبوع وماراح تطول شهر ويتزوجون
قالت لي ان البنت عاقلة وسيرتها طيبة
جامعية وملامحها عادية
وان اكثر شي خلاها توافق على خالد هو مدح الناس له...
وسيرته الطيبه
كان ودي اسال عمتي عن جسمها ابي اقطع شكي باليقين بس ماقدرت....
,,,,,,,,,,,,,
اتصلت علي عمتي ام خالد واستباحت مني تروح للملكة لانها كانت تحبني كثير الحمدلله..ومارضت تروح تخطب له تحسبه برفضها يتراجع..
وخبرتني ان حنين مي رايحة الملكة..
وقلت لها ترووووح ومستحيييل ازعل منها لانها مالها دخل بهالشي نهائي ....
,,,,,,,,,,,,,,
يوم الملكة رحت لاهلي
ماابي اشوفه وهورايح
....
اشتريت راحتي ورحت لهم...
وبييت اهلي
سلوى:مالت عليه هالغبي اللي مايعرف يقدر النعمة
حنان:حراااام عليك ياسلوى لاتغتابينه
سلوى:استغفر الله رااافع ضغطي
عبير:ماعليك منه حنونة والله عمة غدير تقول انك احلى منها بكثيييييييييييييييير
كانو يسولفون خواتي حتى ليان اللي بااولى متوسط تتوعد خالد ههههههههههه
ناداني ابوي بالليل ووصاني اني اصبر واتصرف بعقل..
وواساني الله يخليه لي..
................
انتظرت خالد يتصل علي بعد الملكة ياخذني بس الفجر اذن
وهو مااتصل...
 
التعديل الأخير:
يـــــــــــــــــــا الله كملي حبيبتي بالإنتظار​
 
ليه ياخالد بس عشان جسم حرام عليك نسيت كل شي زين بحنان
 
كملي تكفين القالون عورني مقهوره من خالد وحده تفاعلت بجد
 
ماجاني نووووم
وجلست اقول بنفسي
ايييه اللحين مشغول يفكر بالعروس
واتذكرت ملكتي وكلام خالد
واتخيلته يقولها نفس الكلام وجلست اصييييييييييح
بعد صلاة الظهر اتصل خالد
خالد:السلام عليكم
حنان:وعليكم السىلام
خالد:هاالشيخة مو كانك اخذتي راحتك
حنان:انااستنيتك تتصل بس مااتصلت
خالد:علينا..حنو((ياااااااااااااااه من زمااان ماسمعتها منه...))العادة لوتبين تجين القاك قدامي بالبيت
((صح كنت اخلي خليل دااايم يجيبني بالبيت اجي قبل خالد غبااااء شتقولون
حنان:,,,,,,,,,
خالد:ماعلينا المهم اجهزي ...واعملي حسابك ترانا بنتغدى بمطعم
.........
تسكتني ياخالد
بزر عندكـ
آآآآه بس
قمت وتجهزت
حطيت مكياج ناعم..
.........
استانست بالخرجة ولاحظت ان خالد كل شوي يناظر بجواله
وحز بخاطري لكن حاولت ماابين له..
..............
مر الشهر كان خالد يسهر كل يوم مع عروسته
بالجوال غير الزيارات والعطور الجديدة
باختصار
كنت اشوفه يرووح من يدي واناااتفرج...
.............
الليلة زواج ....
زواج
حبيبي
زواج حب الطفولة والمراهقة ودنيتي خالد
اليوم بتنزف له وحده غيري
غير ي انا حنان بنت خاله
حبيبته
,,,,,,,,,,,,,,,,,,,,,,
يابختك فيه !
سمعت الليله [ عرسك ]
سمعت آنك تزوجتيه .
آبد ماجيت آنا آضايق
لآني آكبر من اللي يضايق شخص
حبه حيييييييييل !
آنا منهو ؟
آنا وحده تمنت من خذاك يصير
نصيبي ووحدي ..بس خساره الوقت ماوافق !
الله يخليك بس ابي اوصيك تحطين بالك عليه ...
وآبي منه اذا ربي عطاه منك البنت !
آبي يوفي لي بوعده
يسميها ( ريم)
آبيها تذكره فــيني : /
لآنه قال لي
ابي بنتي مثلكـ
وآبيها تشبهك بالوجه !
ومثل طيبك آبيها تـــــــكون !
ومثل طهرك لآنك غير !
( يالللللللللله ) قوليلي
متى يوصل آبـ آشوفه ...ببشته هو نفس اللي لبسه علشاني ولا غير...
وآبارك له وبنثر دمعتي قباله !
وبهديله شبابي وحلم مات وانبتر بعده
صح.... شرايك بشكلي
بمسكرتي مع كحلي
بروجي وشعري ووجهي !
آمانه آتركي عيوني
وتحتها من السواد كثييييييييييير
تبي تعرفين آسبابه سهرت العمر كله
له
تضايقتي من آسلوبي ؟
يخليك ربي اتركيني آبكي وآبارك له وآنتظره
اتركيه ...
وآنا آترك لك فلوسي دنيتي وكل شي...
يابختك الليلة فيه

 
اهـ وش هالقصه تعووور القلب

لاوماشاءالله حنان عندها طيبه قلب تسمى غباء شوي يعني عند اهلها وتدافع عنه بعد
ماتبيهم يسبونه انا الي اعرفه ان الوحده اذا صارت مجرووحه خلااااص تنسى انها تحبه

والجمال مب كل شيء ياما شينه وعاديه يحبها الرجال اكثر من الجميله
 
ياليتها سمعت كلام امها وخذت فيصل حسبي الله ونعم الوكيل
منقهره يالله وش نفعها فيه لو اني منها مب صاااابره عليه ابدااا
مدري شلون متحمله ودي اطقها عشان تحس
 
الله يجزاك خير اختي خادمة الاسلام على كتابة القصة لاني ما احب اقرأ الا القصص الواقعية وذلك لاخذ العبروالعظات منها

ولان علاقاتي بالناس قليلة جدا وما ادري الناس كيف عايشين لكن من خلال هذي القصص الواقعية الواحد يستفيد ويعرف الدنيا اشفيها وكيف يتصرف في المواقف ويعرف ان الدنيا ما تصفى لأحد ومثل ما يقولون من شاف مصيبة غيره هانت عليه مصيبته ... الحمد لله على كل حال ... بانتظارك أخيتي وفقك الله لكل خير .
 
قهرررررني هالخالد
الله يقطع شره
ويعين حنان مشاء الله عالصبر معاها

متابعه
 
طبعا كنت مجهزة أغراضي عشان اروح لاهلي لان خالد كلمني بدري انه بيسافر اسبوعين بعد مااستاذن مني ووافقت له لانا ماسافرنا بداية زواجنا بحكم دخول العيد ودراسته وخالد يحب يعدل...
ووعدني بسفرة لماليزيا اسبوعين
نفس المكان اللي بيروح له مع عروسته...
,,,,,,,,,,,,,,,,,,,,,,,,
قلت لخالد يوديني بس مارضي وقالي خلي خليل يوديك لاني مشغووول
وآآه من اللي شاغله
اتصلت على خليل ودعيت الله يجي بدري مابي اشوفه وهو يتكشخ
كفايه ثوبه الجديد معلق
وبشته مبخر قدامي
...
رحت لاهلي ولقيت خواتي يبكووون مشاركة وجدانية ياعمري عليهم
بينت نفسي قوية قدامهم
وانو ماعلي
ومو اول وحدة زوجها يتزوج عليها...
......................
اتصل علي خالد ثالث يوم من عرسه وسال عن حالي واذا ناقني شي واستاذن مني وقفل بعدماسمعت صوتها تناديه
وكان حييييييييييييل ناااااعم
اذكر يومتها مت من الصيااااح
الحمدلله......
اتعبت بهالاسبوعييين كثيييير
مالي نفس بالاكل
هذا غير الكسل والخمموووول
وكنت احيانااتقيء الله يكرمكم
لين اصر الوالد اروح المستشفى واكشف.........
وهناااااااااااااااااكـ

كان أحلى خبر سمعته بحياااااتي

مبرررررووووك انتي حاااااامل
,,,,,,,,,,,,,,,,,,,,,,
ابتسم ولا تحزن فإن لك ربا..!
ما أخذ منك الاليعطيك وما أشقاك إلا ليسعدك، وما أبكاك إلا ليضحكك، وما حرمك إلا ليتفضل عليك، وما ابتلاك إلا لأنه أحبك..!
((سبحان الله وبحمده سبحان الله العظيم))
 
البارت الاخير نزلته ثلاث مرااااات تهي تهي ...
بس لخاطركم كتبته ونزلته واتحديت هالكمبيوتر الله يقطع شيطانه..

واللحين استاذنكم باذاكرلي كلمتين
دعوووواتكم
لاني من جنبها..

مع السلامة:3:
 
حبيبتي حنان الله يفرج همك وييسر أمرك ويخلف عليك خليفة مباركة

والله قصتك تقطع القلب ...

ماأدري ليش أحس بغصات وعبرات لما أقراء حروفها ...

من الواضح إن القصة

كتبها قلب تقي نقي .... طعنته سهام لاترحم ...

كتب كل حرف بمشاعر حقيقة ... تروي مرارة الأيام التي عاشتها

آآآآآآآه ... ياليت كل إمراة تحب نفسها ... أكثر من أي شيء في الوجود

ياليتنا ننظر للحياة بنفس المنظار الذي ينظر به الرجل للحياة ...

في داخلي كلمااااات كثيرة ... يعجز لساني عن طرحها ...

لكن لاأملك إلا أن أدعوا لها بظهر الغيب ...

اللهم ياودود ياودود .. ياذا العرش المجيد .. يافعال لما تريد ...

فرج همها وأسعد قلبها ويسر أمرها وبارك لها فيما رزقتها ...



الله يسعدك ياخادمة الإسلام ويرزقك كل ماتتمني يارب ...

ننتظرك بشغف​
 
اه والف اه عورني قلبي عليك نستناك لا تتاخرين علينا ربي يوفقك القصه حلوه والاسلوب والطرح احلا
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل