في بدآية حياتي مع زوجي الجنوبي وفعلاُ أخاف الفشل , بالله إنصحوني ,!

[ميمو الدندونة]

«

السلام عليكم ورحمة الله وبركاته

بنات أسالكم بالله الي في عندها أي رأي لا تبخل علي فيه ,


بأختصار انا في بداية حياتي الزوجيه , وأظن والله أعلم عندي عقده نفسية من تجارب كل الاشخاص حولي بدون استثناء ..
اولها أهلي في البيت وخالاتي وصديقاتي الي تزوجوا قبلي ..


ومن قبل انخطب وانا أقرأ في نفسيات الرجل والمرأه وللاسف الى اليوم أجهل هذا الرجل تماماُ ..
وتو اشتكي لاعز صديقاتي ردت علي باستهبال تقول ( ما بيجننك يا ميمو الا هالكتب الي تقرينها )

قصتي بأختصاااااااار ..

عمري 21 سنة , جريئه جدا وواثقه من نفسي جميله واحاول اهتم بنفسي دائما عندي اعتقاد انه طبيعي أنحب :harhar1: لاني أعامل الناس بمثل ما احب يعاملوني وبعد حساسه وانفعاليه على قولة زوجي العزيز ..
كنت مخطوبه سنة كامله وفصخت قبل زوجي الحالي ..
وحاليا مر على ملكتي ( شهر ) وعليها ..
شمالية غربيه

زوجي << لاني مملكه , لسه زواجي ان شاء الله بعد 5 شهور ..
ولد عمي انسان راعي وناسه , رجُل بمعنى الكلمه جنتل حيل , احسه مفهي بعض الاحيان :icon26: .. حساااااااس ..
عمره 26 سنة .. جنوبي غربي


فترة خطوبتي قبل الملكه ( سنة ونص )

كانت علاقتنا جداااااااُ حلوه ..
بحكم انه ولد عمي والعائلتين دائما مع بعض فكان فيه تواصل بيننا .. طلب من ماما يكون بيننا مسجات وماما وافقت ..
وكانت خلال هالسنه ونص بيننا مسجات كل فتره بسيطه واتصال على جوال ماما في العيد او المناسبات الي تخصنا ..
وطبعا كعادة الرجل الجنوبي ( هدااااااايااااااااااا ) وفعلا كنت احس بأهتمامه وحبه من الهدايا .. ماكانت تمر مناسبه ينساني فيها ( وظيفتي وعيد ميلادي والعيد ومره تعبت ومرضت وهكذا )

كنا قريبين من بعض فتوقعت انه بالملكه راح نقرب اكثر ونكسر الحواجز وهكذا وتوقعت انه هالشي بيصير بسرعه بما انه لنا علاقه طويله في بعض من قبل ..

وطبعاً تحطمت لانه الوضع كان على ماهو عليه ..

فترة الملكه ( من شهر )
من يوم الملكة الين اليوم ولا مره قعدنا نسولف فيها اكثر من ربع ساعه ولا مره حسسني اني خلاص فعلا صرت زوجته وانه صارلي حق في اوقات يومه ..
كان جدا عادي ,,
( يداوم > يكلمني يصبح علي في الصباح > يرجع العصر > يتغدى > ينام للمغرب > يصحى يروح النادي > يرجع يتعشى و يتفرج t.v > ممكن يقابل الشباب يلعبون سوني > قبل ينام يدق يقولي تصبحين على خير )

وهذا نظامنا طووووووول الفتره الي راحت ,,
وانا عبيطه كنت مااخذه الامور بجديه .. وكنت ما ادق ولا ارسل لاني بجد ما احب انشب لأحد ,,

وبنفس الوقت كنت مقهوووووووووووووووووووره و اغلي في داخل نفسي انه ليه ما يقعد يسولف معي ويخصص لي ساعه من يومه .. وليه انا بس متحمسه اسولف معه واعرفه واعرف شخصيته واقرب منه وهو عادي عنده .. المصيبه انه انجن الين قدم الملكه عن موعدها 3 شهور وكان دايم ايام الخطوبه يقولي ابي نملك بسرعه عشان نقرب لبعض اكثر !!!!!!!!!


حاليا أكثر من مره لمحت له اني ابغى اكون قريبه منه ..
ومرررررره وحده بس تجرأت وطولت في المكالمه وقلت له الي بالي ..
قلت له ووضحت له ..

( انه انا ما ابي منك شي الا اننا نقرب من بعض ونفهم بعض قلت له انا مابيها غراميات وحب وهيام وقيس وليلى حتى انا لسه ماعندي استعداد لهالشي انا كل الي طلبته اني اقرب منك وتقرب مني عشان نفهم بعض احنا محتااااااااجين نفهم بعض بالله كيف تتوقع يصير هالشي وانته تكلمني كذا ترى ملكتنا ماهي سنتين ولا 3 سنين هي كلها على بعضها 5 شهور والي لاحظته انه عندك استعداد تكمل هالخمسه شهور وانت كذا .. )
طبعا هو أغلب المكالمه الي كان يتكلم وقال كلاااااام كثير لكن من ضمنه :

(انه انا كذا طبعي وصعب ادخل مع احد بسرعه انا شخصيتي صعبة اتأقلم في وضع بسرعه واي وضع جديد علي اكون فيه في البدايه في مرحلة استقبال وانه انا مو راعي كلام وإنتي بتعرفيني مع العشره لاني بجد انسان عشري .. ومالك الا الي يرضيك )

اخر المكالمه قآلي :

(يقولي صدقيني يا ميمو الأنثى مثل الشمعه .. هي الي تعطي وهي الي تنور وانا الي علي اني اداريها واحافظ عليها لاتطفى لكن بالاول والاخير هي الي تعرف كيف تتعامل وتحن وتعطف وانتي عارفه اني باليوم الي اخترتك فيه خلاص معناته انتي بقلبي ولا تفكرين بتفكير غير كذا والعشر والايام بتخليك تفهميني )

عجزززززززت أفهمه يا بنات .. :sad_1:
اكثر من مره ارسل له مسجات ( وحشتني ) , ( اشتقت لصوتك اليوم ) , ( ضروري أكلمك اليوم ) ( حاول تفضي نفسك عشان بيبييتك مشتاقتللك )
وهو لا حياة لمن تنادي صصصصصصصففففففففففططططططططط ..

اخر مره كان طالع البحرين ورغم اني بموت من القهر الا اني كلمته والضكه شاقه وجهي وانه خلاص يا قلبو استانس وانبسط وفلها واذا رجعت كلمني
وفعلا ما قصر استانس وفلها وانبسط وهو يكلمني يسألني يقول ( ياربي هالوقت وش ممكن الواحد يلاقي بالتلفزيون يطالعه )
رديت لا شعوريا قلت له : ( خلك من التلفزيون واذا وصلت البيت كلمني وحشني صوتك )
قالي : ( هيييييييييه اثقلي اشفيك )
قلت له ( مو انا ثقلانه صار لي شهر ماجاب الثقل معاك فايده )

عادي بكل وساعة صدر رغم انه قهرني بكلمته ..

ومن بعدها من يومين الي اليوم ما دقيت ولا ارسلت رغم انه متعود اصحيه للدوام كل يوم وبطلت ما صرت اصحيه .. ومتعود الصباح ارسل له مسج صباح الخير وبطللللللت ما صرت ارسل ..

لانه بجدد عمره ما ارسل واذا دق يقولي كلمتين ويقفل

الى متى انا أهتم والى متى احسسه بأهتمامي
خلاص وربي احس نفسي بدأت اتنازل عن حقي في يومه واستسلم انه متى ما فضي جاني على فرغته .. مهمشني في حياته وانا في كل مره استقبله بإبتسامه وكلام حلوو ورضا ..

شخصيتي القويه انعدمت قدامه .. لدرجة بعض الاحيان احسه يبغى يعودني من البداية على هالموال عشان ما اعترض بعدين .. :sad_1:

طيب وبعديييييييين ..!

بنات قولوا لي وش اسوي والله محتاره ما أعرف كيف اتعامل معاه بجد اخاف ادمر حياتي معاه .. :tears:
كنت أدق وأسأل وأهتم واسولف له واضحك واخاف لاني هاليومين خلاص جفيته مابي ادق .. اكون بكذا اكسر اي شي حلو كان بيننا أو أعوده اكون بعيده عن حياته ..

بنفس الوقت مابي استمر على حالي الي كنت عليه وينهضم حقي معاه المفروض هوه يتنازل شوي ويفكها
لكن هوه ما دق ولا ارسل طول اليومين الي راحت مابي انشب له ابي اعطيه مجال يفكر بينه وبين نفسه ويحاول هوه يقوم بأي خطوه ..

مع العلم اني من قبل ما كنت ادق الا الفتره الاخيره , اتصل اذا لقيت مكالمه لم يرد عليها منه او وقت الصباح لما اصحيه

ومسجاتي ماتتجاوز مسج ولا مسجين في اليوم ..

بنات كل وحده تحتسب الاجر في ردها لي , وأسأل الله ان يسخر لي قلب زوجي ويسخر لكم ازواجكم اللهم امين ..

»


​

 

[رقيقه العود]

الله يسخره لك يارب ويجعل حياااااااتك سعيده يارب
حلو الي سويتيه وانك تركتي المكالمات والمسجات هذا احلى شي علميه الثقل كيف وعلميه انك ثقيــــله وخليه هو الي يدور رضاك ويركض وراك وينتظرك طنشيــــــــــه مره وهو الي قالها بلسانه انو ما يدخل بالشي بسهوله
الحين اتركيه هالفتره وادعي له دااااااااايم ان الله يحببه فيه ويجعلك قره عينه يارب
وعامليه مثل ما يعاملك وإذا قالك له ما ترسلين ولا تتصلين قولي مممممممممم
والله مدري وش تقولين ان شاء الله البنات يفيدونك واهم شي لاتقولين مشغوووله اخاف يردها لك ويقهرك
الي ابي اوصله لك انك تعلمينه ان اسلوبه يقهر مو بالكلام

 

[dream.live]

الله يهديه ويسخره لك

 

[عيون عزيز]

ريحي راسج حبيبتي ...أنا لو منج لا أزعل ولا هم يحزنون ....جوالي بسكره وبأشتغل على نفسي....صوالين وحمامات مغربي وسنفرة وأسوقه وتمشيات وأفل روحي فل...وهو الله يحفظه...احرق دمي ليش؟؟؟؟؟
لا تقولين بالملكة بنفهم بعض...مب شرط......مافي اكثر مني أنا وريلي هذرة حزة الملكة وسوالف ليييييييييين الفجر ومع هاي ما فهمته ولا فهمت اطباعه الا بعد سنتين بالضبط...العشرة هي اللي تبين لج شخصية اللي معاج وافكاره واطباعه مب مكالمات تالي الليل.....ولا تعورين راسج ولا شي,,,,,,,
اذا انتي من البدايه جي حارقة دمج وعلى اعصابج وهو مطنش عيل بعد الزواج شبيستوي؟؟؟؟ شكله حرب داحس والغبرا بتقوم ما بينكم خخخخخخخ....
روقي يا عسل وحطي اعصابج بثلاجة ويمكن صج ريلج من النوع اللي ياخذ وقت لين يتعود ..أو هو اللي يحب يلاحقج مب انتي....
شوفي نفسج واهتمي باحتياجاتج بتحصلينه يلاحق وراج ......وعلى قولته اثقل ياجميل,,ترا الثقل صنعه .....

 

[بقلاوة]

ياقلبي اناعن نفسي ماحب العلاقه تكون قويه قبل الدخله لانو في الغالب يصير الزوج يمل ويتمشكل مع الزوجه واهم بعيدين عن بعض الشي الثاني مايكون لزوجه الهيبه مثل اهيبتها واهي مومتعود وماخذ عليها اتمني اكون وفقت في ايصال الفكره لك

 

[um_noora]

الله يهديه ويسخره لكي

 

[ام ندى]

هو الجنوبي الله يهديه يحب يأخذ مشاعر واهتمام وبعد ما يتأكد انه ملك تحسيه يبعد احسن حل معه الطناش

وانه يحس بأنشغالك عنه بدون زعل لا خليها عادي واذا لامك مثلا قولي مشغوله وراي اشياء كثير دائما شدي

وأرخي وربنا يهنيكي ويسعد ايامك

 

[janoo]

الله يسهل امورك

اب لعيونك
ابي رايكم بموضوعي هذا

...
..
..
..
..
http://www.niswh.com/vb/t171026.html

 

[ميمو الدندونة]

«


رقيقة العود


اللهم آمين يارب , وبجد ريحتي قلبي لاني خفت ان تصرفي والطناش غلط
بجد جزاك الله الف خير ولا خلا ولا عدم

:
:
دريم لايف

اللهم آمين ولكي المثل وجزاك الله الف خير

:
:

عيون عزيز

الله يسعددددددددددك وان شاء الله يارب احاول اطبق كلامك ..
وعلى حرقة الدم يختي وش اسوي وربي دمي حاااااار مثل ماما .. ومن قلب شكلها بتقلب داحس والغبراء اصلا زين للحين ما تطلقت ^_^
وخير ان شاء الله .. الظاهر الطناش الحل الأسلم
يسلم لي قلبك حبيبتي ..

:
:

بقلاوه

الفكره مو تضيع هيبتي او لا .. مهما كان هذا زوجي اللحين واتمنى نكون قريبين من بعض من بداية حياتنا .. مو معناتها نموووووون وكل واحد يفقد هيبته واحترامه عند الثاني لا ابدا ..
عموما يعطيك الف عافيه وتسلمين يا قمر ع المرور ..

:
:

ام نورااا

اللهم امين يااااارب وجزاك الله الجنه

:
:

ام ندى

الله لا يحرمني من امثالك .. تسلمين يا عومري لاني بجد كنت محتاره احيانا اقول الجنوبي حساس ويحتاج انه يحس بالاهتمام وما ينفع اتركه واتجاهله
بس خلااااص اعتقد اني اعطيت بمافيه الكفايه ..
جزاك الله الجنه ع النصيحه ولا خلا ولا عدم ..

:
:

جنو

تسلمين يالغاليه والله يعطيك الف مليون عافيه ع الرفع
جزاك الله الف خير ..


»

 

[ميمو الدندونة]

عفواَ لكن محتاجه ارفع الموضوع حبيباتي


سبحان الله وبحمده , سبحان الله العظيم

 

[هالةالقمر]

شوفي يا جميل
نصيحتى ليكى انك تدخلى ملفات الجنوبي وتقريها وتعملى فيها دكتوراه
ليه لانك شماليه وهو جنوبي ثلج هادي ما يحب النرفزه ولا العصبيه
فادرسي الشخصيه زين زين
علشان تعرفي تتعاملى معاه الان وفي المستقبل وربنا يعطيكى الصبرررررررررررررر وطوله البااااااال

 

[janoo]

اب لعيونك يالغالية
واشكرلك مساعدتك

 

[آلة ذوق حساس]

أنا كنت مثلج هههههههه اول فترة كان يتصل وايد وبعدها تم يبتعد شوي وزعلت علية وتغيرت علية قالي اسف ورجع لي مثل ما ابي وبعدها فترة صار اهمل فيني وزعلت علية وما تميت ارد علية
وتميت ارسلة بالمسجات وع فكرة هو من النوع ما يحب المسجات وقلت هاليوم سجلة معك هو يوم فرقنا
اتصل يبكي والله قالي والله اسف واخر مرة وبكون معج دوم
وحلف لي كل ما يطلع من البيت بيرسل لي ووعدني يتغير بكل شي
وقلت له اخرة مرة جية تسوي ولا بزعل علية طول عمري
يالله ايام ذكرتيني فيهاااااااااا

 

[Dan Dan]

حبيبتي اقري بملف الجنوبي بتستفيدين
وبمى اني شماليه وزوجي جنوبي ولي زمن طويل وخبره بزواج انصحك لا تعاتبين كثير ولا تلومين الجنوبي يحب الحنان يحب العنايه ويحب البنت الثقيله القويه
حاولي تهدين شوي حنى الشماليات ناااار شابه الله يعين

 

[Incredible me]

اختي انتي متوترة لآن زواجك قرب ..

معذورة ^^

بس صدقيني اغلب الرجال كذا ..

ما ينفع معهم الا الثقل .. وحتى هو قالها بنفسه كذا مرة ..


خلاص انتي مثل ماقالت عيون عزيز :icon30::icon30:

اشغلي عمرك واهتمي بنفسك وقفلي جوالك ..

وبتشوفين شلون بيركض وراك ..


وحاول تتثقفين وتعرفين اكثر عن صفاتك وصفاته وتشتغلين على نفسك من هالناحية ..


وموفقة :cupidarrow:

 

[بقلاوة]

غاليتي لم اكن اقصد بقلة الهيبه قلة الاحترام انما قصدت معنا اخر فعذرا ان لم استطع ايصال المعلومه اليك

 

[حلم ورا حلم]

يا حبيبتي فترة الملكة هي فترة مجاملة بين الزوجين:in_love::in_love:..
مستحيل يتعامل فيها الزوجين بشكل طبيعي
بشكل يخليك تقدرين تفهمينه...
اسألينا نحن المجربات ما راح تفهمينه الا بعد سنين من العشرة.
فلا تحمسين عمرك يا الغالية و اهتمي بنفسك و طنشييييييييه مثل ما قالوا الاخوات.
انا كنت اتمنى أن زوجي اهتم فيني فترة الملكة بس ما صار.......
بس أنا كنت ثقيلة:detective2:
و الحمدلله عوضني بعد الزواج و حبني و حبيته...مع العلم زوجي انا جنوبي.

 

[عايشه يومي]

..الله يهديه ويسخره لك..
ولاااااااااا تتصلين فيه خل يحس ع دمه شووووووي ويهتم فيك........
وبالتوفيق انشا الله..

 

[ميمو الدندونة]

«

هاله يا قمري

تسلمين حبيبتي على نصيحتك وهذا انا مكثفه تواجدي في الملف الجنوبي وقاعده احاااول اقرأ وأستوعب كل شي يخص الرجل الجنوبي ..
لكن للاسف انا شماليه دمي حااااااااااااااااااااار لدرجة بدأت اشك اني شرقيه
يعطيك العافيه ع المرور ولا خلا ولا عدم ..

:
:
جنـوو

يسلمو حبيبتي ولا خلا ولاعدم

:
:

الة ذوق حساس

يسعدلي قلبك والله يوفقك يارب انتي وزوجك ويهدي لي زوجي يارب ..
تسلمين على وجودك ..

:
:

دن دن

ايه انتبهت لهالنصيحه كثيييييييير عادوها ليا وحسيت انها فعلاُ مهمه انه بجد ما يحب العتباب ولا اللوم
اصلا انا كنت الاحظ عليه اذا قلت له .. ارجع البيت ابغى اكلمك في موضوع يعرف اني بلوم ويسحب عليا لليوم الثاني

والله يبرد على قلبي وقلبك ويبرد اعصابنا يااااااااارب ..
تسلمين ع الطله ..

:
:

انكرادبل u

تسلمين يا عومري والله ادري اعصابي اصلا متوتره من كل شي ..
بحاول اشغل نفسي وارجع اقوي شخصيتي لاني بجد الفتره الاخيره صايره ضعيفه حبتين .. وانتبه لحالي ..
ومن ناحية الثقافه في الرجل الجنوبي فيعلم الله اني مره شاده حيلي ^_^
تسلمين يا قلبو ع التواجد

:
:

بقلاوه

هلابك يا عومري مره ثانيه .. لا حبيبتي والله عاااادي ولوووووووو ..
فديت قلبك وحياك باي معلومه باي وقت ..

لاخلا ولا عدم يا عسل ..

:
:

حلم ورا حلم

للاسف .. الي موترني اني خلاص حاطه في بالي انه احلى ايام هي ايام الملكه
فإذا بايام الملكه الي كل بنت تعيشها بسعاده انا ما عشتها براحة بال
وش بيصير فيني بعدين .......!!!!!!!!

الله يعوضني يارب ويسعدك ويوفقك ويسخرلنا ازواجنا يارب

تسلمين ع التواجد ..


:
:

عايشه يومك

تسلمين حبيبي مررررررره ثانكس على تواجدك ودعوتك الحلوه ..

»

 

[شجن2008]

الجنوبي يبغاكي بارده مره ونفسك طويل00000لاتكثري اللوم والعتاب000تعالي له بالدلع والكلام العسل000وفي التلفون خلي صوتك ناعم ومبحوح وانت تكلميه عشان يتعلق بيكي وبمكالماتك0000كانك دوبك صاحيه من النوم000تقبلي مروري0000شجن000