بادئ الموضوع تاريخ البدء
  • المشاهدات 5,259
  • الردود 20

أحس أبتغير

New member
إنضم
20 يونيو 2008
المشاركات
25
مستوى التفاعل
0
النقاط
0
ياعمري يابلقيسيات بيتي غير مرتبة إطلاقا أبدا نهائيا ، وأشد مكان حوسة غرفتي ، بصراحة زوجي فوضوي وغير نظيف أبدا ، الحمدلله أنا نظيفة وأحب النظافة بس غير مرتبة :أدراجي دولابي دولاب أطفالي أصلا مافيه ملابس كلها فوق المنشر ومطبخي داخل الأدراج غير مرتب الملاعق والسكاكين والقدور والأكواب وكل شيئ وش أقول وش أترك .
الصالة حوسة ناكل ونشرب وهي حوسة علشان كذا إذا راح يجيني أحد أحب أدري قبل بعشرة أيام يالله يالله.
مستودعي وما مستودعي متاهة في مغارة ، وثلاجتي تشتكي هي الأخرى وإذا جبنا أغراض للثلاجة أحيانا أقول لأبو الشباب يرتبها.
للعلم مع كل هاالوصف مستحيل تتوصلون لتصور الوضع
.
.
مليت بس ما أحب الشغل طقت كبدي خاصة إن زوجي كثير تخريبه وحوسته عدا الأطفال وبعدين الشغل كثييييييييير
.
.
يانس دلوني هل فيه حل
 

الجذابه

New member
إنضم
7 ديسمبر 2007
المشاركات
565
مستوى التفاعل
0
النقاط
0
يوووووووووووه وش ذا ؟؟ طيب زوجك ساكت؟؟

كم عندك اطفال؟؟

طيب ماعنكم الشغالات اللي يجون بالساعات؟؟ ممكن تجيبينهم ويرتبون لك البيت صح وبعدها حافظي عليه انتي..

اصلا حتى زوجك اذا شاف البيت مرتب مرررررره بيحاول يساعدك..

ياااااربي ياحريم انتم ماتستحون من ريجيلكم ..!!!!!!!!

يعني انا مااقول اني مررررررررررره ذابحني الترتيب بس والله مااخليها تنحاس لهالدرجه كل يوم امسك شي موب كلها مره وحده..

ولازم

لازم

لازم كل يوم تشتغلين ..


واذا مااشتغلت بيتراكم عليك الشغل وتكرهين نفسك.. انا قد مريت بهالتجربه بما اني عند امي مااشيل شي مدلعه وآخرتها جات على راسي بيت ومطبخ وحمامات وغرف ومجالس واذا مارتبت شي مااحد يشيله افففففف..

لكن خلاص تبت وعرفت وصرت كل يوم اشتغل وصاير الشغل بسيييييييط والحمدلله..

يعني المطبخ وغرفة النوم والكنيس يوميا..

والتمسيح وتغسيل الحمامات كل يومين او ثلاث ايام بحكم ان مدينتنا ياااسلااااام الغبار فيها بالهبل..

وغسيل الملابس كل اسبوع والحمدلله .. و.....و....

انتي رتبيها عشان تسهل عليك..

انتي شكلك تلهين نفسك عن الشغل مررررررررره..

طيب اسمعي الان الان وانتي تقرأين هالكلام قومي واتركي كل شي ورتبي غرفتك على الاقل ..

وبعدين كل يوم فضي نفسك لشغله وتلاقين نفسك مخلصه..

انتبهي على نفسك ولاتخلين زوجك يمسك عليك شي يعني بالله شايفته مبسوط؟؟ وحتى لو مايبين اكيد انه يتمنى البيت مرتب ونظيف ومريح..

حاولي يابنت الحلال .. وش اللي اكره الشغل عاد احنا نحبه يعني ..؟؟!!!

بس كلنا نتمنى الراحه سواء لنا او لازواجنا..

وقولي الاذكار بعد الصلاه والله انها تشجعك وتعطيك قوه وقولي دائما ربي اعوذ بك من الكسل و...و...

والله يوفقك وييسر امورك..
 

أحس أبتغير

New member
إنضم
20 يونيو 2008
المشاركات
25
مستوى التفاعل
0
النقاط
0
الله يوفقك الله يسعدك الله ييسر أمورك ياأخت Mrs.Lonely
طيب زوجك ساكت؟؟
ساكت ونادرا مايقول تعليق أو كلمة

كم عندك اطفال؟؟
اثنين
طيب ماعنكم الشغالات اللي يجون بالساعات؟؟
إلا وأجيبهم نادر مثل للأمور العظام مثل ترتيب مطبخ ومستودع

ياااااربي ياحريم انتم ماتستحون من ريجيلكم ..!!!!!!!!
للعلم أول أنا ماكنت كذا بالعكس كنت مثل الساعة نظام وترتيب بس يوم شفته يتعبني أكثر ولايهتم يأي شيء أسويه ويحوس ويوسخ بالمرة ويرمي أغراضه وأغراض البيت ويحوس التحف وصار مع كذا الشغل يذبحني وكل هذا ولا اهتم فيني صرت ما أهتم



لازم كل يوم تشتغلين ..
أشتغل اللازم اللي بدونه مايمكن يمر اليوم





وغسيل الملابس كل اسبوع

الله يخلي لنا الغسالة الأتوماتيك..


انتي شكلك تلهين نفسك عن الشغل مررررررررره
لا والله بس كسل ..

قومي واتركي كل شي ورتبي غرفتك على الاقل
غرفتي ههههههه تبي لها يوم كامل وبشرط تصير نفسيتي منفتحه والحين أنا تعبانة..



ولاتخلين زوجك يمسك عليك شي
تصدقين من فترة بسيطة بس فكرت فيها


بس كلنا نتمنى الراحه سواء لنا او لازواجنا
إيه هذا لو هو يستاهل كل شيء فيه يحوم الكبد ولايشجع على العمل ، أنتي لو تشوفين طريقة أكله وإلا شربه لازم يملي المكان ويكب ويتجمع النكمل والقعر والله بدون مبالغة وأنا أثناء أو بعد الوجبة شغلتي أنظف وراه وأمسح والله إن الأطفال أهون منه يسمعون الكلام
عاد ماهي غريبة أهله كلهم كذا حريمهم وأطفالهم..




شكرياتي ياحبيبتي​
 
إنضم
1 مايو 2008
المشاركات
546
مستوى التفاعل
0
النقاط
0
لايالغاليه مايصير كذا لازم تشدين حيلك شوي
اذا خلصتي غسيل صحون على طول نشفيها وحطيها بالدروج..والملابس بعد اول ماتنشف اكويها وحطيها بالدولاب...
والبيت اكنسيه ونظفيه الصبح اذا كانو عيالك وابوهم نايمين..
ولازم تعودين عيالك على النظافه والترتيب يعني كل واحد يشيل ملابسه ويرتبها بالدولاب..ويشيل صحنه بعد الغدا ويغسله حتى لو غسيلهم مو نظيف بعدين يتعلمون..
ترا الرجال ماله امان يااختي بكره من اقل مشكله يقعد يفضح فيك عند الناس ويقول مو نظيفه ولاتعرف السنع
انتبهي يااختي
 

الجذابه

New member
إنضم
7 ديسمبر 2007
المشاركات
565
مستوى التفاعل
0
النقاط
0
إيه هذا لو هو يستاهل كل شيء فيه يحوم الكبد ولايشجع على العمل ، أنتي لو تشوفين طريقة أكله وإلا شربه لازم يملي المكان ويكب ويتجمع النكمل والقعر والله بدون مبالغة وأنا أثناء أو بعد الوجبة شغلتي أنظف وراه وأمسح والله إن الأطفال أهون منه يسمعون الكلام
عاد ماهي غريبة أهله كلهم كذا حريمهم وأطفالهم..
اولا : مشكوره على ردك وعلى كلامك الحلو..

لاني لاحظت في اكثر من موضوع ارد ولاحتى يفكرون يقولون شكرا .. حتى لو ماعجبهم الكلام على الاقل اني فكرت بمشاكلهم..يالله اهم شي الاجر..

هذا دليل على طيبة قلبك يالغاليه..

طيب انا ابي اسألك انتي الحين بالكلام هذا اللي فوق تقصدين زوجك؟؟؟؟!!!

شكلك متضااااااايقه منه مرررررررره..

ياحبيبتي خليك جاده معه شوي يعني اذا رتبتي وتعبتي قولي بوجهه وخليك جاده لاتخرب المكان وكل شي رده مكانه.. وان شاء الله بيسمع كلامك..

وبعدين ماعليك منه يوسخ ولا لأ ..انتي عليك بنفسك كيف ترضين تقعدين بهالبيت وهو بهالشكل..

الله يهديك ويريح قلبك ويحببك بزوجك ويسعدك معاه ..
 

أحس أبتغير

New member
إنضم
20 يونيو 2008
المشاركات
25
مستوى التفاعل
0
النقاط
0
طيب انا ابي اسألك انتي الحين بالكلام هذا اللي فوق تقصدين زوجك؟؟؟؟!!!

إيوه حبيبتي



ياحبيبتي خليك جاده معه شوي يعني اذا رتبتي وتعبتي قولي بوجهه وخليك جاده لاتخرب المكان وكل شي رده مكانه.. وان شاء الله بيسمع كلامك..

ياحليلك ...... جربت وصار هذا أسلوبي معه نزعت الاحترام وصرت كأني أأدبه وأربيه لكن يصير العكس لأنه متعود وزيادة عناد ، يعني لو تصدقين أقول لك النوى للتمر والفاكهة يرميها بأي مكان القراطيس ماعنده شيء اسمه زبالة أظافره إذا قصها بالأشهر مرة واحدة يطيرها بالهواء ، قشور الفاكهة يرمي بها أولاده على باله يلعب معهم "هذي تربية بالله".
والخافي أعظم
وبالنسبة للكلام والتنبيه تعدل يمكن واحد بالمية يارب الفرج
 

أحس أبتغير

New member
إنضم
20 يونيو 2008
المشاركات
25
مستوى التفاعل
0
النقاط
0
جيبي شغالة وارتاحي
مشكورة أختي على الرد
يابعدي أنتي عندي موانع متعددة منها :
1-أحس إني مبكرة عليها
2-زوجي رافض بتاتا
3- بيتي صغير مرة مرة
4- مشاكلهن مع الرجال خاصة لاصار الرجال ماهنا ذاك الزود

والا الحقيقة اتمناها كل صبح ومساء
 

ظلال غريبة

New member
إنضم
20 مارس 2008
المشاركات
391
مستوى التفاعل
0
النقاط
0
الإقامة
وطني حبيبي
الله يعينج حبيبتي ويسر أمورج .....تشجعي وابدأي من الحين وإن شاء الله كلنا بنتواصل معاج ونشجعج .....وإذا عندج شي تحبين تسألين كيف ترتبينه وتعدليه إسإلي وإحنا كلنا بنعطيج إقتراحات .......وبالتوفيق يا حبوبة
 
إنضم
15 أبريل 2008
المشاركات
70
مستوى التفاعل
0
النقاط
0
الإقامة
الدنيا
قبل ما تنامين قولي سبحان الله 33 مره والحمدلله 33 مره والله اكبر 33 مرة ولا اله الا الله وحده لا شريك له
هذه الرسول قالها لابنته فاطمة عندما طلبت خادم فقال لها(ما معناه) اعلمك كلمات افضل لك من خادم
وموفقه ان شاء الله
 

إحساس راقي

New member
إنضم
9 مايو 2008
المشاركات
156
مستوى التفاعل
0
النقاط
0
هلا اختى
اول حاجه سويها حاولى ان زوجك يترتب شوي .كيف تيجي انتى هاوشي عيالك وهو يسمع
قولى انا اتعب ودايم انظف وانتم تحسون وانا ماعندى احد يساعدنى والخدامه صعبه على بابا يعنى اياك اعنى واسمعى ياجاره:blushing:

يمكن يفيدك هالحل بان زوجك يبدأ يترتب شوي
ثم تبدين انتى بالترتيب
والله يسعدك
 

أحس أبتغير

New member
إنضم
20 يونيو 2008
المشاركات
25
مستوى التفاعل
0
النقاط
0
.....وإذا عندج شي تحبين تسألين كيف ترتبينه وتعدليه إسإلي وإحنا كلنا بنعطيج إقتراحات .......
الله يوفقك ماقصرتي تصدقين أشد شيء علي الكوي ما أحب أكوي أبدا

قبل ما تنامين قولي سبحان الله 33 مره والحمدلله 33 مره والله اكبر 33 مرة ولا اله الا الله وحده لا شريك له
هذه الرسول قالها لابنته فاطمة عندما طلبت خادم فقال لها(ما معناه) اعلمك كلمات افضل لك من خادم
وموفقه ان شاء الله
جزاك الله خييييييييييييير ومن اليوم بإذن الله بطبقها بس عساني أتذكرها عند النوم

اول حاجه سويها حاولى ان زوجك يترتب شوي .كيف تيجي انتى هاوشي عيالك وهو يسمع
قولى انا اتعب ودايم انظف وانتم تحسون وانا ماعندى احد يساعدنى والخدامه صعبه على بابا يعنى اياك اعنى واسمعى ياجاره
تصدقين يخف فترة بسيطة ويرجع

الله يعنيج حبييتي
ماقصرتوا ياعمري كلكم الله يسعدكم سعادة أبدية
 

سونيتا

New member
إنضم
20 يونيو 2007
المشاركات
750
مستوى التفاعل
0
النقاط
0
الله يكون في عونك ....حالتك مستعصيه....

أنا وبكل امانه أستغرب من الحريم اللي ينتظرون من رجالهم ينظفون معهم معقوله يا اختي وخصوصا ومن خلال كلامك ان بيتك صغير مره أنتي اللي رتبي ونظفي وقولي لزوجك لاترمي الشغلات هذي لاني انا اللي انظف واتعب وكوني مرتبه واعملي شغلك اول بأول ومعلش اختي كلامي يمكن يضايقك لكن شكلك مهمله وفيك كسل مو شوي ....كيف تقدري تجلسي بمكان مونظيف جد شي غررررررررررررررررريب !!!!!!!! ...

سامحيني على كلامي لكن أبدأي من اليوم كون منظمه ومرتبه وشغلك لاتأجليه أبد وأبدأي بغرفه نومك رتبيهاااا وبخريهاااا وعطريهاا واقفليهاااا لاتخليها مفتوحه ....والمطبخ اول باول نظفي الاطباق ....والكوي اعمليلك يومين بالاسبوع ...

ترى الرجال اكثرهم مهمل لكن مع التعويد صدقيني ماراح يتحمل يجلس بمكان مونظيف ...جربي ومنتي خسرانه والله يوفقك عزيزتي ...
 

ريموني

New member
إنضم
31 مارس 2008
المشاركات
440
مستوى التفاعل
0
النقاط
0
غاليتي ,,

سؤال صغير :

هل انت مداومة على الفروض الخمسة ؟؟

اذا كانت اجابتك نعم ,, فساسالك كيف تصلين بمكان مثل هذا ؟؟

ثانيا : اذا قمت بتعزيل المنزل على مدى يوم او يومان كاملان بالكثير ستنتهين من كل العمل .........

قلت بان منزلك صغير اذا تخلصي من كل الزيادات المسببة للفوضى ......... لا تدعي في الغرفة سوى الاثاث

الضرووووري لا اكثر

واذا انهيت العمل و راى زوجك نظافة المكان سيشعربعض المسؤولية .......... واي وسخ سيظهر فورا ..

عزيزتي

النظافة من الايمان والمكان القذر لا تتشرف الملائكة في دخوله .......

اشحني همتك وضعي تلك الكلمات في ذهنك .......


موفقة
 
إنضم
10 مايو 2008
المشاركات
93
مستوى التفاعل
0
النقاط
0
الله يعينك ويعينني كأنك تتكلمين عني
بس وأخيرا راح اجب خادمة
وبعد عناء دام طويلا
تبون الصراحة
العتب موا علينا على اهلنا الي ماعلمونا شي عن هالمسؤليات
يعني فجأة وبين يوم وليلة نصير مسؤلين عن بيت كامل طبخ وكنس وغسل
يعني انا كنت ماشيل الورقة من الارض
كان عنت عند اهلي مدلعة وبدال الخادمة خادمتين
وزوجي ماجابلي خادمة وبدت نفس معانات اختنا صاحبة الموضوع
للاسباب نفسها الي اذكرتها
بس الاحين مع رجوعي للدراسة الجامعية اطر يوافق على الخادمة
الله يعننا اجمعين ويسر امورنا قولوا امين
 

صمووود***

New member
إنضم
18 أغسطس 2007
المشاركات
248
مستوى التفاعل
0
النقاط
0
ياعمري نفس ماءساتي بس لايفوتك منتدى سيدات الامارات شوفي الحلول
 

أحس أبتغير

New member
إنضم
20 يونيو 2008
المشاركات
25
مستوى التفاعل
0
النقاط
0
ياهلا والله تصدقون عاد والله الله يبارك فيكم وكلامكم
تغيرت شوي
وصدقوني ما أزعل من كلام أحد والوحدة ماتكتب شيء بهالمنتدى إلا تبي النصح والصدق وش ينفع إذا زعلت ولا استفادت
المهم
أشكر كل من ساهمت في نصحي من قلبها
الحقيقة بديت أل شيء بغرفتي يــــــــــــــــــــــــــــــاسلام على النظام ياربي أثري متكدرة طول الفترة
وبعدين بديت على شوي شوي وأكثر البيت ترتب من دون ما أرهق نفسي كله من تشجيعكم الله يجزاكم خير تصدقون أحس وأنا اشتغل إنكم عندي تعينوني

 

المواضيع المتشابهة

المواضيع المتشابهة


كلمة المدير

جميع المواضيع والمشاركات المكتوبة تعبّر عن وجهة نظر صاحبها ,, ولا تعبّر بأي شكل من الاشكال عن وجهة نظر إدارة المنتدى .

عن منتديات نسوة

نسوة أكبر تجمع نسائي في العالم العربي لكل ما يخص عالم حواء والحمل والولادة والزواج والثقافة الجنسية والسعادة الزوجية وطرق الجماع وقصص وحكايات رومانسية وتسريحات وكياج لكي أن

تابعنا على المواقع الاجتماعية


إتصل بنا

 

أعلى