فهموني زوجي اش قاعد يسوي فيني؟؟؟؟؟؟؟؟؟؟؟؟؟؟؟

احصائياتى
الردود
26
المشاهدات
10K
معلومات ترانيم الألم
إنضم
9 فبراير 2007
المشاركات
490
مستوى التفاعل
0
النقاط
0
فهموني زوجي اش قاعد يسوي فيني؟؟؟؟؟؟؟؟؟؟؟؟؟؟؟
بسم الله الرحمن الرحيم......................
السلام عليكم ورحمة الله وبركاته................اخواتي الحبيبات العضوات منكم والمشرفات.......انا عضوه جديده وحاسه انه بداخلي اشياء كثير ودي اقولها بس مو عارفه كيف ارتبها.........انا مرتاحه في حياتي جدا بس في شي احسه غلط وين ما ادري...........متزوجه من ثمان سنوات عندي بنت و ولد الله يحفظهم ..........ربة بيت........تزوجت بطريقه تقليديه عن طريق الاهل ..........الحب بيني وبين زوجي باااااااااااااااااااااااااااارد من البدايه مع انه الاثنين منا رومانسيين.........بس بسبب اختلاف التفكير والطباع والتفاوت في المستوى الثقافي...........الحب بينا صار عادي ............يعني نحب بعض بس مش بجنون حتى وقت الخطوبه ماكان فيه ذاك العشق والانجذاب الزايد.........والواقع انه زوجي منجذب لي اكثر من انجذابي له..............زوجي مثااااااااااااااااااااااااااااااالي في الحياة الزوجيه تتمناه اي وحده.....................مخليني على راحتي في كل شي طلباتي مجابه بس طبعا في حدود امكانياته............طلعاتي مع ربيعاتي ومع اهلي ..............الشغل في البيت على راحتي.........متى ماقدرت رتبت ونظفت وطبخت ومتى ماقلت ماقدر بكيفي.............يخدمني بعيونه اذا مرضت.......يدلعني ويسمعني كلاام حلو .........ماينسى المناسبات الحلوه ويهديني يالي يقدر عليه..........كريم علي وعلى اولاده............يساعدني بشغل البيت واحيانا يهتم بااولاده ويقول روحي نامي وارتاحي...بس مع ذلك ماقدرت احبه ذاك الحب الكبيير.............احبه كنوع من الاعتياد وافقده لين غاب بس والله لين سافر اكون مرتاحه اكثر.............لاتقولون اتبطر على النعمه انا اشكر ربي ليل نهار خصوصا لما اقرا بلاوي الازواج..........بس انا كنت اتمنى شخصيه غير ........واحد له هيبه عندي............واحد يعبر عن رايه بغض النظر عجبني او لا.................واحد تكون عنده قناعاته الخاصه .........المهم زوجي العزيز مايغار علي ابد وهاذي مو مشكله لانه الغيره مو مقياس للحب ........اللي صار انه تقريبا قبل سنه واحد من اقارب زوجي من الدرجه الاولى(مااقدر احدد صلة القرابه)كان يجهز بحث التخرج ماله................وطلب المساعده مني بما انه احنا نفس التخصص وكان التواصل بينا مجرد دقايق بالتليفون........يافلانه ابي المعلومات الفلانيه وبس..........وطبعا هاي الشي بعلم زوجي والاوراق اخلصهم واعطيهم زوجي يعطيهم لقريبه واحيانا نلتقي في بيت العايله وانا اعطيهم اياه.........المهم اني لمحت الغيره في عيون زوجي من قريبه.ومع انه من حقه انه يمنعني اني اتواصل مع قريبه باي شكل من الاشكال الا انه ماقالي ولا شي بس كان يتضايق ويسكت..........مادري يمكن لانه قريبه شاب مش متزوج وبصراحه يمكن كان واضح لزوجي انه صار بينا نوع من الاستلطاف.........طبعا انا خزيت الشيطان وصار تفاهمي مع قريب زوجي بس اذا شفته في بيت العايله وقدام كل الناس...........وانتهى الشغل اللي بينا وصار بينا بس السلام وعليكم السلام.............المهم قبل فتره زوجي صار عنده شغل في مدينه ثانيه تبعد عنا خمس ساعات وقريبه اللي كلمتكم عنه يشتغل في نفس المدينه...........انا انصدمت من اشياء قالها زوجي ومو عارفه ايش يقصد فيها.........مثلا انا كنت متردده اني اروح مع زوجي لانه بيكون مشغول طول النهار وبيرجه تعبان فمابيكون فيه خرجات ولا فسح ولا طلعه.......يعني كله في الفندق.........تفاجأت بالعرض اللي عرضاه علي زوجي..........قالي خلاص اذا ماتبين تجين معاي من اول الاسبوع تعالي بعد كم يوم........انا اسبقكم وانت تجين ويا فلان(يقصد قريبه)انا انصدمت مشوار خمس ساعات مع رجال غريب عني؟؟؟؟؟؟؟؟موبلهدرجه..........قلت يمكن شاك ويختبرني مع انه شكه ماله اي مبرر.........وقلت لا بجي معااااااااااااااك ورحت معه................واللي توقعته صااااااااااااار دايماجالسين بالفندق زهقانين.........وعطاني زوجي الكفخه الثانيه قال خلاص انا بدق على فلان يمشيكم..............ياربي اش فيه زوجي.............قلت لا مابي اطلع الا معاك...........بعد كم يوم طلعنا انا وزوجي وقريبه..............تخيلوااش سوى فيني زوجي؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟خلاني مع قريبه بالمجمع وراح يخلص شغله في شركه قريبه؟؟؟؟؟؟؟انا دار راسي............صج معانا اليهال بس حسيتها عدم غيره ..........عدم نخوه..........مادري اش اسميها........................وقريبه كان حده متخصبق.................صرنا نمشي واليهال بينا وبعد ساعه تقريبا جى زوجي وهو فرحان يقول اليوم استغلينا الوقت عدل انا خلصت شغلي وانتوا تمشيتوا واستانستوا................وفي نفس اليوم في الليل قالي احتمال شغلي يطول اذا تبين ترجعين مع فلان اخذي اليهال وارجعي!!!!!!!!!!!!!!!!!!!!!!!!!!!انا قلت لا مايصير الناس شتقول سفر خمس ساعات مع قريب زوجها.................سكت وكانه ماهمه...................ايش تفسيركم لتصرفات زوجي؟؟؟؟؟؟؟؟؟؟؟؟؟؟؟؟؟؟؟
 
معلومات دهـــــن_الـــــورد
إنضم
27 فبراير 2007
المشاركات
26
مستوى التفاعل
0
النقاط
0
الإقامة
دبي
:sad_1: ما اعرف ..بس اختي حاولي قد ما تقدرين ما تكونين انت وياه بروحكم...ما تعرفين زوجج في شو يفكر...واذا قالج روحي وياه قوليله حرام...وما يجــــوز...وفهميه انه هالشي الله ما يرضى فيه... هو اكيد يغار بس اتوقع يبى يشوفج شو بتسوين...واذا رجع سوى نفس الحركه...ازعلي ولا تطلعين من البيت..لين ما يفهم انه انتي مب راضيــــه عن هالشي....
 

حزمة جرجير

New member
معلومات حزمة جرجير
إنضم
5 مارس 2007
المشاركات
9
مستوى التفاعل
0
النقاط
0
العمر
46
لاحبيبتي الله يوفقك
الخلوه برجل اجنبي حرام..
زوجك حاس باللي تقولينه لنا
وعارف ان حبك له مو كبير..
حب اعتياد.
اتوقع ان اللي قاعد يصير
اختبار لشكوك عنده..
انا ماعندي تفسير غيرها
اختي حافظي على بيتك وعيالك
والله زوجك كنز هالزمن..
شوفي حالنا والخيانات من حولنا
تحمدين ربك وتشكرينه..
وكل انسان له ايجابيات وفيه سلبيات
يعني تتوقعين زوجك يشوفك كامله!!!
لا بس يدري ان فيك مميزات تغطي
سلبياتك.
اختي الحياة تنازلات..
احلامك هذي اللي تفكرين فيها لو تحققت
بالواقع راح تنصدمين كيف صارت غير
مارسمتيها..
تعلمي حب زوجك بشغف وحسسيه بالعشق..
والعلم بالتعلم :)
 

هدأة الغسق

New member
معلومات هدأة الغسق
إنضم
1 ديسمبر 2006
المشاركات
540
مستوى التفاعل
0
النقاط
0
الإقامة
بعيدة عن مكة
يا أختي قولي لزوجك ما أقدر أروح مع أجنبي .

وكان المفروض يوم السوق تقولي له ترى احرجتني لما تركتني مع فلان .. كيف اقعد في السوق اتمشى معاه !!

التمشية فيها تسلية مو تحرج ..

وإذا هو عنده عادي إنت حطي حدودك .

طنشي حركاته سواء غيرة والا اختبار لازم تبيني رفضك .
 

hanoooo

New member
معلومات hanoooo
إنضم
24 فبراير 2007
المشاركات
24
مستوى التفاعل
0
النقاط
0
اختي الحبيبه زوجك كثيريحسدك عليه ماشاء الله والمفروض تحبيه بجنون موبس حب اعتيادي والي يسويه اتوقع تاكيد لشكوكه ولكن انت لا توافقي لانه حرام
 

النورس الأبيض

مراقبة سابقاً
معلومات النورس الأبيض
إنضم
6 نوفمبر 2006
المشاركات
1,422
مستوى التفاعل
2
النقاط
0
اعتقد انه يختبرك وحاس انك ماتحبيه كثيررر...... بس لازم تحطي انتي حدود ولا تستني زوجك يحس ان هذا مايجوز يمكن هذا قصده وهذا الي يبغاه ....... وافرضي احترامك من الناحيه هاذي
 

هدهد

New member
معلومات هدهد
إنضم
4 فبراير 2007
المشاركات
1,478
مستوى التفاعل
1
النقاط
0
الإقامة
تحت رحمه ربي ورحمه ربي وسعت كل شيء
اتقي شر الحليم اذا غضب ... اختي كونه طيب معك -ما شاء الله - الله لا يغير عليك مش معناه انه ما عنده غيره...اعتقد انه يجس نبضك فاحذري ...لا تخسريه ...ووكل رجال وله طريقته...
 
معلومات ترانيم الألم
إنضم
9 فبراير 2007
المشاركات
490
مستوى التفاعل
0
النقاط
0
اختي دهن الورد.................
مشكوره على الرد وانا فعلا ماخذه حذري من الاول بس بعد اللي صار في السفر انا صرت حذره اكثر...
حزمة جرجير....................
شكرا على النصيحه..........وانا زوجي بعد ثمان سنوات زواج متقبلته بكل شي فيه وحامده ربي عليه بس ليش يختبرني ؟؟؟انا اصلا ماصدر مني شي مريب؟؟؟؟؟
هدأة الغسق..................كلامك عين العقل
انا قلتله بعد ماردينا من السوق انه هو المفروض يكون معانا وانه قريبه ماله داعي يكون موجود وشكله الرد اعجبه وقام يضحك بس بعدها رد وقالي اذا تبون ترجعون معاه عادي!
hanoooo
انا بعد اللي صار مستحيل اوافقه على اشياء زي كذا وزوجي انا احبه وادعي ربي انه يكون قرة عين لي واكون قرة عين له وان الله يغنيني بحلاله عن حرامه.....الله يجزاش خير
النورس الأبيض.....................مشكوره حبيبتي بس ليش؟؟؟
ليش يختبرني؟؟انا والله انسانه محترمه ماغلطت......والحدود موجوده مبيني وبين هالانسان غير السلام
هدهد............................
ان شاء الله يكون تحليلك صحيح ومشكوره
 

challange

New member
معلومات challange
إنضم
8 أكتوبر 2006
المشاركات
222
مستوى التفاعل
0
النقاط
0
الموقع الالكتروني
www.blqees.com
يا حبيبتي

انا شايفه ان زوجك لا يختبرك ولا يحزنون

كي فيه ناس سواء حريم والا رياييل تفكيرهم برئ

يعني ابد ما يخطر ف باله انك ممكن تفكري ف ريال غيره...:blush-anim-cl:

هذي طريقة تفكيره:thumbdown:

الحين دورك تبيني ضيقك وتحددي موقفك من هاي الامور
ودايما حاولي تذكري حاجات مثل" فلان وايد يغار ع زوجته- تخيل ما يخليها تروح ويا اخوه"
" انا وايد فرحت لما حسيت انك غيران علي" ولو ما حسيت شئ

وع فكره هو ممكن يكون يغار وحاس بس ما يسمح لنفسه يقول لك مثل هاي الاشياء لانه
صعبه جدا جدا عليه وبعد هو اصلا ما يحب ابد يزعلك:cupidarrow:

والله يخليه لك ذخر... انا تعرفي مثلك .. احب الريال الشديد واللي كلمته وحده!!
بس زوجي -فديته- ما يحب يزعلني ف اغلب الامور:sad_1:
عارفه ان ف خاطره فيه انتقادات بس يخاف ازعل

حاولت دايما اقول له عادي انتقدني ما بزعل بس اعتقد ما يقدر

يالله الحمد لله فيه ناس وايد تحسدنا.... وحبيه حرام
وبخصوص فرحتك بسفره .. هذا عادي ووايد حريم يتمنون سفر ازواجهن
عشان يعيشن بطبيعتهن دون تكلف او تصنع

والله يوفقش
 

النورس الأبيض

مراقبة سابقاً
معلومات النورس الأبيض
إنضم
6 نوفمبر 2006
المشاركات
1,422
مستوى التفاعل
2
النقاط
0
عزيزتي الرجال بشكل عام يختبرون المراه في عقلهم الواعي وغير الواعي هذه قاعده ثابته .... مايحتاجون سبب اصلاً للأختبار ......لكن اعتقد ان زوجك حس بموضوع الأستلطاف الي حصل بينكم وحاب يتأكد منك ان حتى لو خلي لك الجو مراح تميلين له ..حاب يتأكد من حقيقة شعورك نحو القريب ..وانك ماترضين هاذي الأشياء على نفسك ومن قوة اخلاقك ........ ربما بقي في نفس زوجك شىء من تلك الحادثه وحب الأن التأكد ليرتاح باله ....
والله اعلم عزيزتي لكن هذا ماظهر لي
 
معلومات طيري الأخضر
إنضم
9 أكتوبر 2006
المشاركات
2,318
مستوى التفاعل
0
النقاط
0
الإقامة
***عالمي الخاص***
ديري بالك على زوجك حبيبتي

المواصفات اللي قلتيها عنه كل وحده تتمنى تحصلها بزوجج

وهذه هفوات منه او يكون باله مشغول بشئ ثاني حاب انه يخلصه ومأمن من الريال

لكن انتي من تضع الحدود بينك وبين الغرباء

فلتكن لكي وقفة مع زوجك

موفقة
 

سماصافى

New member
معلومات سماصافى
إنضم
3 يناير 2008
المشاركات
226
مستوى التفاعل
0
النقاط
0
الله يوفقك ويبعد عنكم كل شر اللهم آآآآآآآمين ........
الله اعلم زوجك تركك مع قريبه اولا لانه واثق منه ولأجل يشوف ردة فعلك وايش بتقولين عن قريبه
ومن خلال حديثك عن قريبه هو يقرر اذا انتى معجبه بتصرفات ها الشخص او لاء ........
لانه بصراحه مهما كان الرجل ما يبين غيرته فلازم ولابد إلا وتكون عنده غيره سواء ظاهره او مخفيه
بس هوه حب يجس نبضك تجاه قريبه والله اعلم
بس انتى ارفضى ان تتكرر هذه الفعله مره اخرى لان ها الشىء حرام شرعا
فلا يخلو رجل بإمراءه الا وكان الشيطان ثالثهم حتى لو مكان عام
سواء عن طريق الكلام او النظره او اللمسه او اى شىء
ومو معقوله انكم طول الوقت ساكتين اكيد دارت بينكم مناقشات ........
الله يغفر لك ولزوجك الذى حطك فى ها الموقف
ولكن لا طاعة لمخلوق فى معصية الخالق ......
ادعو لى ولك الله ينور لك الطريق الامثل وربى معك
 
معلومات صرخة انثى~~~
إنضم
23 مايو 2008
المشاركات
29
مستوى التفاعل
0
النقاط
0
اتوقع حبيبتي ان زوجك انسان برئ بس انتبهي واحمدي ربك عالنعمة وهذا الشيطان انتبهي واستعيذي منة اما الحب حناكذا الحريم رومانسيين بزيااااااااااااااادة وبماانة ماينقص عليك صدقيني يحبك الله يوفقك
 

*الحالمة*

New member
معلومات *الحالمة*
إنضم
4 يونيو 2007
المشاركات
247
مستوى التفاعل
0
النقاط
0
ترى زوجك ما كان يختبرك ولا شي
هذا طبعه اساسا
وانت من البداية قلتي انه
مااااااااااااااااااايغار
وترى فيه رجااااااال تحب زوجااتها بس ما تغار
وهو واحد منهم
 
معلومات دموع الحراير
إنضم
25 مارس 2008
المشاركات
408
مستوى التفاعل
0
النقاط
0
الله يوفقج أختي

بس مثل ما قالوا الأخوات يمكن يختبرج، ويختبر غيرتج عليه
ويمكن سذاجه ويتحسبه عادي

بس نحن ما ندري أنتي عشتي معاه عمر 8 سنوات((((وإنشاء الله العمر كله))))
وتعرفين إذا هاذا أختبار لج،،، أو شئ عادي من أتجاهه

واللي حسيته أنه أختبار لج،،،،
وفي مواضيع في المنتدى ودورات لتنمية الحب بين الزوجين(((وأنتوا شكلكم عسل على عسل)))
والله يديم المحبه بينكم ويزيدها عسى تستوى الحياة بينكم ولا أروع....



وترى أختي عشان أشجعج أكثر
أقولج أنا ريلي أبد ما يغار علي ،،، ولو يمشي ريال في السوق من صوبه،،، يلف الصوب الثاني ويخليني بعض الأحيان اصطدم من الريال،،، ويروح جدامي ولا حتى يلتفت،،، ولما أقوله ما يعرف شو يرد علي....
يعني بمعنى الكلمة ريلي ساذج واييييييييييد،،، وأنا الحين عأبواب الطلاق
لأنه مب هالشئ بس أكثر من جذيه ويمكن أكتب قصتي واشوف شو رايكم فيه.....


ويالله يا رب أستر عالجميع
 

من نحن ؟؟

موقع نسوة : هي شبكه عربيه تهتم بكل ما يخص المرآه وحياتها اليوميه يعمل منذ سنوات لمساعدة والمساهمه في انجاح كافة الامور الحياتيه للمرآه العربيه