فك ثاني شفرة من شفرات الرجال :

ز

زهوووور الريف

New member
إنضم
2011/05/04
المشاركات
638
هلا وغلا بكل البلقيسيات العزيزات ..تذكرون أول شفرة فكيناها من شفرات الرجل وخاصة الشمالي ؟أحس اليوم اني فكيت الشفرة الثانية .. وهذي اكتشفتها من كلام ولدي اليوم :اليوم الخميس ، وتعرفون في هالزمن صار اللقاء بأفراد الأسرة فيه صعوبة بسبب اختلاف أوقات رجوعهم من المدارس والجامعات والأعمال .. فالزوجة والأم تحرص على نهاية الأسبوع وتفرح عشان تشوف زوجها وأولادها بدون ما يكون وراهم شي ..بالنسبة للزوج انصدمنا فيه وانصدمنا لما قلنا بسسسسسسس ..... ومافادت الحلول لا سلمية ولا كيدية عشان يقعد بالبيت من أجل سواد عيون حرمة .. وإذا قعد اليوم ما يقدر يقعد يومين إلا إذا هو اشتهى ..اليوم ولدي اللي يدرس بالثنوي جاني الضحى وهو يدري اني طابخة لهم الاكلات اللي يحبونها .. يجيني فجأة ويقول لي : يمه بطلع اتغدى ويا ربعي ؟؟؟؟؟؟؟؟؟؟ قلت له والغدا اللي طابخته عشانكم ؟ ضحك وقال : اي والله حسافة بس اعزلي لي منه صحن .. قلت : حنا ننتظر الاجازة عشان نشوفكم وانتوا تنتظرون الاجازة عشان تروحون لربعكم ؟ ضحك وقال : بس انا يمه قاعد عندكم كل يوم ؟ قلت متى ياوليدي : اذا جيت البيت ما اشوف الا ظهرك طول الوقت قاعد على الكمبيوتر .. ضحك وقال : يكفي اني معاكم ... سبحان الله تذكرت كلام أبوه ، نفس الرد .. قاعد طول الوقت مقابل النت ويقول : انا عندكم طول اليوم !!!!!!!!!!!!!!!!!!!!!!!!!!!فقلت لنفسي : مالك يازهووور الا الاستسلام ....الرجال ما يستانس ولا ينبسط الا مع الرجال ... وصدقت اللي قلت : عاملي زوجك زي الضيف ، إذا جاء حطيه فوق راسك ، وإذا راح استودعيه الله وخليه على راحته ....وبطلي غباء واتركيهم وشوفي لك شي ينفعك بدنيتك وآخرتك أحسن وأبرك ..وانتوا يا بنات وش رايكم .**
 
أي معاه حق لكل شخص له اوقته الخاص اللى يحب ينفرد فيه مع نفسه
هذه شئ لازم كل زوجة تقدسه ببيتها مع زوجها اولا وعيالها ثانيا
وتحترمها ,, خصوصا ارجال يحبون ينطوون على نفوسهم اذا كانت نفستهم مآش ومو بس النفسيه اشياء ثانيه .. واشين شئ لمن نتلصق فيهم بهالوقت . بنفر منك ع طووووول .. فأعطيهم راحتهم راح يرجعون لك مشتاقين زوجك وعيآلك ..
 
صدقتي زوجي طوووول القت على النت واذا عاتبته يقول طيب هذا انا معاكم
 
والله يختي ماعرفنا لهم الله المستعان بس صدقتي مفروض نستغل طلعتهم بشي

ينفعنا بالاخرة لان الدنيا فانية والله لايشغلنا الا بطاعتة بس خليهم براحتهم لاتسالينة

متى يجي ولاشي بس القهر اذا سافر برى وسحب عليك بحجة انه مشغول مع انه

رايح يتسوق مع خوياة لاشغل ولاشي وترسلين لو عشرين الف رسالة علشان يتنازل

ويقولك متى يجي ومن يجي ووينك يالفراش تعبان صاحب السمو ؟؟؟؟؟استغفر الله

واتوب اليه اعذروني بس مقهورة من زوجي وفشيت غلي هنا :35:
 
الله يجزاكم خير بنات ريحتوني بردودكمالله يهدانا ويهدي لنا ويوفقنا لما يحب ويرضى
عمة غلاوي قال:
والله يختي ماعرفنا لهم الله المستعان بس صدقتي مفروض نستغل طلعتهم بشي ........:35:
أنقر للتوسيع...
أبشرك زوجي نفس الحالة لكن الحمد لله قدرت انتبه لنفسي وخاصة مع منتدى بلقيس الله يجزاهم خير بديت اتحرك أخيرا وأنجز لنفسي بعض الاشياء الخاصة فيني بدونه ... يارب بارك لنا في انفسنا واعمالنا ..
 
نفسي اعرف ليش الرجل يربط نفسه بشي هو مو قده
إذا ما تبي تقدر هالزوجه وتضحك وتتكلم معاااااااااااها ليش تأخذها من بيت أبوها
 
والله زوجي مايقعد طوال ايام الاسبوع كل عصر يتيسر ومانشوفه الا الليل حتى الاجازات ولاقلته مشوار تمشيه قال ما ني فاضي


الصبر والطناش وهدي طبيعتهم
 
<STRONG><FONT size=4><IMG class=inlineimg title=4 border=0 alt="" src="images/smiliesimg/4.gif" smilieid="410"></FONT></STRONG>
 
بسم الله عليك بس والله ياختي اني اطفش يعني طول الاسبوع انا واياه دوام وفي نهاية الاسبوع الاربعاء ينام الى الخميس الصبح وبعدها يروح لاهله يتغدى عندهم وفي الليل يروح مع اصحابه

والجمعه كمان يصلي ويروح لاهله يتغدى هناك ويقولي امشي معاي بس انا ما ارضى مو كل اسبوع اروح اتغدى
بس والله نفسي نتمشى نخرج خلاااااااااااااااااااص كفايه طفش
 
نفس مشكلت نونه واذا طلبنا مشوار قال ماني فاضي لا فضيت ابشري ومتى يفضى الله اعلم
 
الحمد لله على كل حال ..........مادا هذي حالة أغلب الرجال سواء الازواج او الابناء ........ مالنا الا ان نتقبل الأمر ونفهمه ..... يعني هي طبيعة الرجل كذا ..... والله سبحانه له حكمة يمكن عشان نخفف من تعلقنا فيهم لان الحرمة اذا حبت زوجها تنسى كل شي غيره ( وانا مريت بهالحالة ) وبعض الحريم توصل للاستهانة بالذنوب وتنسى ربها عشان ترضي زوجها ... فالحمد لله على كل حال ..
 
وجا الوقت اللي لازم نفهم هذا الشي ونفهمّ بناتنا ونجعل تعلقهم بالله سبحانه قبل كل شي ... وسبحان الله الوحدة اذا تعلقت بالله هي بدون ماتحس تصير قايمة بواجب زوجها وبيتها وعيالها ووالديها من اجل رضى الله تعالى عنها ، وهذا والله هو طريق الفلاح والنجاح في الدنيا والآخرة ... الله يجعلنا واياكم ممن رضي الله عنهم يارب .
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل